https://www.patreon.com/posts/54901824
「立場昇哥」陳朗昇聲稱自己去完揼骨後疑似被人跟蹤,並相信有兩媒體將分別以「揼邪骨」及叫雞進行報導,因而選擇於Facebook自爆自己的確有幫襯按摩,但未有光顧任何不道德服務。
即係當案情與早前前國安處處長蔡撚雀情況如此相似,作為秉持公道、客觀嘅評論員,係應該用同一尺度分析件事。但基本上所有黃絲都一面倒為「昇哥」護航,視之為土共政治抹黑手段,即使去到今日仍然未見相關報導。
由於客觀分析一撚定得罪廣大黃屍惹來無謂嘅圍攻,所以都係將內文放響Paywall入面穩陣,有興趣先自行Click入內文睇啦……
//唔少黃屍都會將昇哥揼骨事件同鄭文傑被屈叫雞相提並論,然而兩者本質上卻係有好大分別://
//將家庭、道德同是非對錯綑綁一齊,雖然唔係東方人獨有,但卻特別擅長,尤其係中國人同香港人。而我只希望終有一日,社會對一個人嘅評價,並唔在於佢違反咗乜嘢社會道德教條,當有人疑似叫雞被傳媒捉倒時,我地要爭論嘅唔係「佢有無叫雞」,而係「叫雞有乜問題,點解要拎黎講」。//
無神論 者 的 巴 別 塔 facebook post 在 無神論者的巴別塔 Facebook 的最佳貼文
https://www.patreon.com/posts/google-fb-bu-che-53325512
將之前有關《華爾街日報》報導內容(我真係懷疑有幾多KOL有睇過篇報導、甚至有 The Wall Street Journal A/C睇倒哂全文…)、再加GOOGLE、FB撤出香港嘅兩段分析整合埋一齊。
見多人走都走去拎WSJ份獨家報導大發議論,但可能連篇報導內文都未睇清楚。所以睇哂篇文嘅我響呢度補充幾句:
1. 其實Facebook、Twitter、Google等科企從來都抱持反洩漏私隱立場,所有網民/機構私隱都受歐盟《通用數據保障條例》保護,歷年亦有大量違反該條例機構遭受罰款;
黃世七之前亂咁公開口罩用戶資料本身已犯法,同埋周圍叫人起底亦牽涉恐嚇罪,如果有人對佢採取法律行動,根據上述條例佢一樣要面對法律制裁
2. 而家你響Facebook、Medium等平台唔好話起人底,就算轉貼人地留言都會比FB下架,呢個就係基於私隱政策而進行嘅保護,另外最出名嘅當然就係「被遺忘權」。所以唔好意為起底/侵犯私隱係天賦人權,至少Facebook、Google呢啲科企並唔係咁認為
3.而家Asia Internet Coalition最擔心嘅主要係兩點。一係《反起底法》比起歐盟原先嘅私隱規定更加廣闊同模糊:例如就算係一幅響公開場合影嘅相,只要你響傳閱過程中「懷有惡意」經已可能犯法;另外佢地亦非常擔心,一般網民假若響平台上面轉發相關連結、資料,而平台又未有及時刪除嘅情況下,當地僱員係咪需要負上刑事責任,面臨監禁處分;
二係特衰政府已響過去兩年多番要求FB、Google等企業交出「犯法人事」資料,佢地同時亦擔心《反起底法》立法後,該平台甚至僱員將因拒絕配合調查面臨100萬元罰款及5年監禁──Asia Internet Coalition認為呢個懲罰同佢地需要承擔嘅責任係完全不成比例。
4.目前Google、Facebook、Twitter等機構都未有回應事件,只係搵咗Asia Internet Coalition作為中間人出頭;另外Asia Internet Coalition而家希望同特衰政府開個Video Conference傾下計先,「考慮撤出香港」暫時只係一個施壓式表態,之後會點發展,仲要睇落去先知──就算撤出都可能分好幾個level,例如只係將香港分部完全撤走之類
尤其豬西八格咁奶共,你估佢唔會派自己班大陸員工同中共拆掂數先?
又,乜嘢叫「撤出香港」、「中止服務」?我覺得可以參考一下當日Google撤出中國嘅個案,同埋大陸網軍而家玩Facebook嘅情況
響2010年,Google因為不能接受中共屢屢就審查內容進行干預,因而決定撤出中國。撤出過程中Google啟動以下程序:
1. 取消配合中國政府的所有審查程式;
2. 關閉兩個代表中國的網域:Google.cn / g.cn
3. 將中國所有Google搜尋全部直接連結至Google.com.hk
4. 停止所有專屬中國地區的地圖、電郵域名
5. 關閉Google於中國辦公室,撤走/解僱所有員工
事實上,即使Google關閉所有中國地區服務,中國網民利用上仍然可以連結至其他地區的Google網域繼續使用相同服務;反而因為中共GFW響2010年後至2014年為止,逐步將所有Google相關網址封閉,呢個先係中國人往後再上唔倒Google嘅原因。
當然,你可以話共慘黨一樣可以封網唔比香港人再上Google,但咁樣的話特衰政府聽日就可以封網,根本唔駛理Google撤定唔撤;所以所謂「Google撤出服務」,同「禁止使用Google」,係完全兩回事。
另外Facebook一樣可以參考而家班大陸網軍。而家Facebook並無對中國地區提供任何服務,但中國人響翻牆後,一樣可以隨意註冊Facebook A/C,將自己居住地區同身份設定為中國國內,如常使用Facebook服務搞尻反共人士。
所以Facebook/Google一旦撤出香港,最大可能應該都係關閉香港辦公室、裁撤所有本地員工,停止對香港地區各種客戶及技術支持服務,而無乜可能直頭唔比香港人用Gmail、Facebook、Youtube、Google Map……除非港共同中共睇齊,全面引入GFW禁網,但再講一次,因為禁網唔比用係共慘黨嘅事,咁就同FB、GOOGLE、Twitter撤唔撤出香港無關。
當然仲有人可以拎當日Facebook響澳洲將全部新聞落架呢個案例黎拗:但大前提係FB響澳洲仲有分公司,有業務來往,咁你先有辦法迫使FB遵守法令;但如果響香港係打算全面撤出的話,既然無錢銀交收,當然就睬你有味。又,正如上面所講,朱西八格直頭響大陸有分公司添啦,人地搵過雜種幫佢個仔改名呀,我擔心FB會全力配合《國安法》執法,多過佢會禁止香港人用FB囉。
講到香港以後咩都上唔倒,香港無撚得救快撚啲移民(黃標KOL當然順便邑呃下課金)呢種黃屍最受落嘅講法,我分析對大多數人黎講一定唔撚啱聽,但無計,相比起販賣恐懼、利用無知呃傻尻課金,我寧願講基於客觀參考下更加貼近真相嘅事實
無神論 者 的 巴 別 塔 facebook post 在 無神論者的巴別塔 Facebook 的最佳貼文
https://www.patreon.com/posts/52701627
兩則教育界新聞有感:老師派發《蘋果》被停職反映每間小學都是一個極權/德信校長出事九成同政治無關
想講嘅,當然係色色圓小學嘅「教師買蘋果被篤灰結果全日被停職事件」
拿同大家諗嘅唔同,呢度唔係特意想作出價值判斷(雖然都有),而係想感嘆一下,成件事就係一個社會嘅縮影。
事緣響618買爆蘋果日,色色圓小學有老師目義勇為買十份蘋果番去派比同事,然後有藍屍老師向校長打小報告;校長召見老師指控其違反「辦學團體不談政治,不帶政治入學校的規定」,要求回收報紙,否則會向辦學團體及校董會報告。
之後校長以「動機不良」為理由停職一日,並要求該老師回收報紙及選寫報告,老師拒絕收回報紙,然而本身收到蘋果的其他老師們,皆已自行退回報紙予派發者,事情似乎仍僵持落去,但涉事老師已在Facebook刪除相關貼文,反映本身已有大事化小傾向。
成件事所有角色幾乎都有人怪罪:企響黃絲一方,當然會指責教告密者卑鄙無恥、校長橫蠻無理;而藍絲老師則斥派發蘋果為「搞事者」為「痴漢」,話報警拉佢都好合理。然後仲有一班人則指責私底下交回蘋果予派發者嘅老師係「無種」、「軟弱」,延伸去到抗爭者承受被孤立嘅惡果。
而我會將我嘅感想綜合為以下幾點:
1.其實已唔止一次講過,基於畸型嘅權力分佈,以及封閉式、難以從外部監察嘅工作環境,一間間學校其實就係唔同嘅獨立王國;而由於小學入面嘅學生年紀較輕,更難就學校嘅不公提出質疑,結果小學「王國」往往係比中學更加黑暗、扭曲。
「極品」興德學校、李東海小學跳樓自殺,再去到今日派發蘋果遭停職,都只係冰山一角。
2.正如前面所講,校長響學校入面,就係絕對嘅暴君,唯一能夠對佢作出質疑嘅,就只有校董會同辦學團體。退一萬步而言,就當618當日派發蘋果係一件敏感話題,而家位老師係響同事之間派發,而唔係同學之間派發,對學生有咩影響?
但響色色圓呢個「小學王國」入面,校長就等同於習近平大權獨攬,佢話你有問題,就係有問題。當派蘋果咁小事都比人懲罰,我覺得呢間小學平時嘅迫害一定唔限於政治,仲有好多變態嘢。
3.至於退回報紙比派發者嘅其他老師,我覺得大家可以多啲理解一啲客觀條件:首先正如我之前所講,小學係一個「封閉嘅王國」,響入面你係唔會搵倒任何援手,如果係講緊係響抗爭現場,因為校長監管唔倒你、無人知你身份,保護自己得好的話亦唔會被秋後算帳;
但響學校其實嚴格黎講只係比監倉好少少,你一舉一動都會被校長爪牙監視,任何抗爭最尾都只會換黎更多嘅迫害,直至你辭職/被炒為止。
究竟呢班老師響退回蘋果日報之時嘅心態係點?現有嘅資料其實相當有限:佢地係可能出於關心派發者會被整治,因此交回報紙以希望幫佢大事化小,亦有可能因為派發者係Perm,而收報紙者卻係毫無保障嘅合約教師,所以響計算過後覺得因此無左份工覺得唔抵而退縮;
當然亦有可能係同大多數人猜測一樣,平時就講到自己點支持民主自由,一到危機來臨時就第一個怕死縮沙──但即使係咁,我地亦唔需要特別批評呢班教師,試問響香港絕大多數黃屍咪又係咁撚樣,真正願意冒風險撐抗爭嘅人,200萬+1入面我諗連十份一都無,我地又何必苛責呢班黃色經濟圈嘅縮影?
4. 反而有兩個次要人物我認為卻係更值得一講:一個係當色色圓學校果位董主任瘋狂向派發蘋果嘅老師攻擊之時,竟然會提到教協副會長葉建源「完全唔知呢條傻仔係乜人,就盲目撐佢……希望有人見到我呢個帖會勸下葉建源喇!」
然後你完全係Feel倒,班藍屍教師從來都當葉建源同教協係自己人。事實上教協葉建源響件事發生之後,只軟弱無力咁講咗句「學校唔應該小事化大」,而完全唔會強調單嘢根本係一場赤祼祼嘅政治迫害──講到尾,教協其實就不過係一個教師工會,仲要係一個立場保守連藍屍都當係自己人、無卵蛋毫無Bargaining Power嘅淺藍工會
另外要一提嘅,當然係有「女版黃世七」之稱嘅前教學助理,「香港思覺魯屍也移民」嘅版主啦。響佢身上你就好清楚睇倒呢班移民KOL究竟個心態係點:佢地就係做咗抗爭逃兵,然後為咗逃避比人指責,結果仲要反過來仲要惡人先告狀,將所有唔同意見嘅人視之為鬼(例如世七老屈坐監嘅椰子係共產黨嘅鬼,劉穎匡叫人唔好移民係比共產黨落藥),甚至乎會利用異見者支持抗爭呢個「弱點」,作為搞到人地無咗份工嘅武器。
即係呢個移民思覺老師已講到明「邊個老師有黃色成份我一定會舉報」,務求令所有仲堅持留響學校暗撐抗爭嘅老師趕盡殺絕,想問點解仲有黃屍會癲到走去繼續支持佢、認同佢?除咗人性嘅醜惡同愚昧,我諗唔倒其他理由;而佢同黃世七呢啲垃撚圾,同迫害抗爭者嘅藍屍,本質上真係無咩分別。