終於整起7日湯水俾大家喇。米媽訓得喇😊超有心機整理既湯相!幫米媽share出去等多啲人知!🙏🏻🙏🏻💕
一張相睇曬!材料放大睇!唔駛下下要搵post!我要大家都好好飲湯,身體健康!💪🏻
潮濕天黎喇,米媽準備左一連7日既超強怯濕,清熱解毒,潤肺,增強抵抗力既湯水清單俾大家。 大家平時食飯無得揀,但湯一定要飲,要飲就要飲得岩!
呢7日既湯水針對D咩?
✅增強抵抗力,👉🏻對抗病菌,。
✅超強祛濕,一身輕,👉🏻對付身體濕重,身體疲勞身重重。
✅清熱解毒->👉🏻身體困身,皮膚濕疹,痕癢,捱夜唔夠訓口臭痱滋
✅潤肺滋潤身體健脾-> 幾時都要潤肺!特別而家流感,及疫症嚴重之時,更加要補底,潤肺潤肺!
好喇,米媽一星期7天湯水黎喇,大家照單執啦!
1.【提升抗病能力】
💕姬松茸蟲草花雪耳金羅漢果栗子湯💕
材料:
1. 蟲草花
2. 姫松茸
3. 金蘿漢果
4. 百合
5. 雪耳
6.龍眼肉
7. 紅蘿蔔
8. 粟米
9.蜜棗
10.果皮
11.桂林錐
2.【滋陰潤肺湯(增強免疫力,存津液,預防肺炎)】
💕[沙參玉竹麥冬無花果海馬螺頭湯]💕
材料:
1. 沙參
2. 海玉竹
3.麥冬
4. 海馬 (無就唔駛落)
5. 百合
6. 無花果
7. 佛手瓜
8. 紅蘿蔔
9. 瘦肉
10. 果皮
(喜歡可加南北杏)
#感冒多痰者不宜
3.【四季健脾利水祛濕湯】
💕粉葛鯪魚赤小豆扁豆湯💕
材料:
粉葛
鯪魚
赤小豆
扁豆
無花果/蜜棗
薑
油(煎魚)
煲兩小時加鹽調味。
4.【特強祛濕解毒補腰補腎舒筋骨湯】
💕[牛大力土伏苓粉葛素湯]💕
材料:
牛大力
土伏苓
粉葛
鬆筋藤
赤小豆
炒扁豆
竹蔗
粟米
紅蘿蔔
桂林錐(栗子)
煲兩小時加鹽調味
5.【清熱怯濕,化痰止咳潤肺消炎】
💕南北杏青欖石黃皮龍脷葉魚腥草瘦肉湯💕
材料:
南北杏
青欖
石黃皮
龍脷葉
魚腥草(最後30分鐘才下)
瘦肉
6.【增強抵抗力,潤肺滋陰,抗炎】
💕沙參玉竹石斛麥冬淮山冬菇豬展螺頭湯💕
材料:
沙參
玉竹
石斛
麥冬
淮山
冬菇
豬展
螺頭
南北杏
果皮
蜜棗
7.【超強解毒祛濕湯】(皮膚濕疹痕癢非常岩飲!)
💕牛大力鑽地老鼠土伏苓五指毛桃素湯💕
材料:
牛大力
鑽地老鼠
土伏苓
五指毛桃
竹蔗
赤小豆
扁豆
粟米
紅蘿蔔
栗子
以上湯水,可以去藥房執,有D山草藥就去街市既山草藥店執,每次同佢地講你煲幾多人份,佢地就要執俾你。每個湯水大約煲2-2.5小時,喜歡可加鹽調味。
米媽整理呢7款湯水,係大包圍,✅平常保健又有,✅增強抵抗力又有,✅潤肺健脾,✅增強身體體力,✅清熱解毒祛濕,✅皮膚問題,✅濕疹等等,係米媽呢7天湯水入面都包括曬喇。大家輪住煲啦=)
下週繼續7天湯水要嗎🙋🏻♀️
#米媽超強7天湯水
#一張相睇曬大家快啲下載啦
#米媽靚湯
每次用心影相用心分享無錢收架,為既只係想分享開去,food is love 💕, 為愛既人做多一步,用食物去承載愛。亦希望透過米媽少少既分享影響到你嘅。😊💕
大家like左未!留言同share出去啦!齊齊飲湯打底!
詳細版:https://www.facebook.com/430493420343469/posts/2798028673589920/
同時也有58部Youtube影片,追蹤數超過3萬的網紅MEeeep More,也在其Youtube影片中提到,#盈悅坊#四季湯湯包#滋潤湯水 訂購 盈悅四季湯 網站 : https://ulifehk.com/online-shop/products/seasonal-soup/ 更多 盈悅坊 食療服務 : https://ulifehk.com/online-shop/ 湯水喺香港嘅飲食文化之中佔咗一...
煲湯用咩煲 在 Facebook 的最讚貼文
《我做外賣仔的日子》
呼,尋日又做左半日外賣仔,比起第一次做,第二次做明顯有好多唔同既感受,就好似愛情咁,第一次約會總係令人感到新鮮,但新鮮過後,就需要面對現實了,同各位報告下感受,去點:
1)是日都係半日,六個小時,地點係尖沙咀區,南至海旁,北至窩打老道,東至尖東,西至柯士甸站
2)總單數,13單,收入,360蚊
3)當晚約左大學同學食飯,消費400……俾錢個一刻,我好想再打開個apps去補多一鐘,令當日收支平衡
4)極度懷疑系統係有新手優惠,派得特別多單,暗示你聽,好好搵啊,記得做多D!
5)上星期因為被退單,有蝦餃、薄餅、雞翼、肉醬意粉食,原來術語係叫福利餐,而今次我已經成長喇,所有派送成功,無任何福利……
6)是日來回柏麗大道三次,短期內我都唔會再想行呢條路……
7)尖沙咀區比起旺角區舒服好多,我指環境,明顯綠化同公園長椅都有唔少,整體無旺角咁壓抑,而且搵廁所係相對輕鬆好多
8)請叫我渡船街小霸王,呢個範圍,我送左五單,雖然每單既等待時間都有五至十分鐘,但送餐距離極短,短到點呢?就係間餐廳係樓下但客戶都唔想落街咁既距離,每單都有25蚊以上,當時我感覺原來賺錢就係咁簡單
9)距離短,錢好似好易搵,但計返數,原來重點係唔停手地做先係搵到錢,今次只有一次同時拎兩份外賣,比起上次連續3次搵住3個外賣比,感覺到付出幾多,收獲幾多
10)是日最遠派送,係尖沙咀I Square去佐敦永安,仲要係4人餐,果斷搭巴士,車費6.8,點知去到佐敦再次陷入漫長等待,早知慢慢行過去……
11)無單既時候,我企左係譚仔門口,希望譚仔可以賜單比我,點知旁邊有個南亞同事都係度等緊單,你無聽錯,自從成為外賣仔之後,我係街上面見到外賣仔都會心諗,又有同事開工,會給予佢地一個加油既微笑!
12)閒來無事同南亞同事吹開水,佢都係步兵,已經做左兩年,比起我呢個做左兩日既,佢絕對係大師兄,佢一日最少做12個鐘,鋼條既身型,比起我呢個行半日就去按腳既廢柴,我諗佢做完12個鐘都仲可以去兼職按腳多幾個鐘!送外賣用腳,手唔攰可以再用埋佢
13)南亞同事月入差唔多三萬,同幾個同鄉夾租,每月2500,佢夢想係搵到錢開間雜貨店!感覺就好似香港人移民硬係想開埋小食店賣雞蛋仔,文青總係夢想開間Cafe咁
14)問佢公餘有咩做,佢話打排球,剛好小弟年輕都係排球校隊打過學界,但我見佢差唔多一米八,壯碩既身型,強勁既臂彎,我婉拒左佢邀請我閒時打友誼波,我怕比佢打死
15)傾傾下系統派單比佢先,佢同我講,因為佢係老鬼,同地點有多過一個人都會派單比佢先,我當時心諗,頂,你唔早講,佢用一個朋友,你返印度食蕉既表情同我講,下次同到佢班南亞兄弟就記得唔好一齊等
16)佢工作好認真,真係當係職業,而我就係玩味性質,原因好簡單,因為佢係巴基斯坦搵幾千蚊都做到成隻狗咁,依家派外賣比起以前搵多成十倍,感覺好似當年我去澳洲工作假期比當地人問我點解咁鍾意返工,當時我答佢,香港做麥記20蚊一個鐘,澳洲做又係20蚊一個鐘,但係澳紙既分別
17)是日太無聊,所以我係七仔特登買d平時唔飲既冷門或者新飲品,林家謙代言既清。麥茶都唔錯,紅茶花傳既檸檬紅茶幾好飲,但原來成15.3g糖……
18)尖沙咀區送The Austin同Grand Austin最花時間,要落隧道來回,荒島黎,但大型屋苑既保安服務真係做得比較全面,拉門既都好有禮貌,同日送窩8,樓下阿姐真係有少少無禮貌,唔係對我,而係一個順豐哥哥佢拉住貨入黎,佢嘈左幾句,但順豐哥哥無理佢就入左lift
19)今次我比上次做多左樣野,想睇下分別,就係我今次拎到外賣,同送到樓下,我都會Msg客人同佢講我出發喇,我差唔多到喇,送到我都會msg佢地用餐愉快,到底呢個行為會唔會令我多左Tips呢!!??
20)答案係無既,可能我既服務仲未夠好,但我又覺得咁send個msg比客,都係認真對待呢份工作,令客人多左一份安心,自我感覺良好,下次我會再接再厲睇下點先有tips!
21)收到張單係送食材,蕃茄薯仔豬骨,應該係煲湯,平時我自己買只係50蚊左右,但有人用差唔多高一倍既價錢去享受服務
22)外賣呢樣野,真係一種時間同金錢既交換,有人分分鐘幾十萬上落,佢花費幾十蚊去慳返時間搵更多錢,或者休息,一路送我一路覺得係對整體社會發展係好事,因為人可以做更有價值既事
23)感覺到外賣都不斷升級緊,係外賣盒、外賣速度、包裝等等都感到比幾年前好太多,以前你食個麵要分湯?真係叫都未必有!依家分湯好多唔講明都會分比你,感覺外賣自取同埋派送對於一個人食飯都係一種趨勢
24)睇返譚仔上市資料,幾年前堂食外賣比重都係8:2,依家已經差唔多6:4,世界唔同左,仲記得當年沙士打開左網購既潮流,而上年疫情就改變左堂食習慣,有好多野唔迫到埋身真係唔會成長
25)是日趣事,我左手拎住電話,右手拎住外賣,個客開門之後我遞左電話比佢佢呆左;一個上身赤裸既男人拎外賣,我覺得睇到佢身體要加錢囉
26)暫時對我講,送外賣都係有趣既,而我分析過,因為我係兼職,又唔係靠佢養家,收工時我計一計數,360蚊,如果我等佢開飯既,我真係要加多半日做到夠數先可以收工,而唔係收工仲去食餐比今日搵既錢更多既飯,今次已經比起上星期無咁腳痛,唔駛按腳,但起左水泡,
27)興趣同職業,真係兩個層次,將興趣變成職業係一種漫長既過程,唔係人人做到,當你既興趣超過左一定既數量,就會量變引起質變,即時變質,需要一個覺悟!
28)我會唔會繼續做?會啊,下星期六強勢回歸旺角區!每次有人問我都係咁答,依家每個星期有人比錢我做gym,真係唔做就蝕啦!
29)但同時我係送外賣既時候諗,其實全職炒散真係幾適合我,黎緊我會有新動向,試下其他唔同既工作,分享多少少大家平時成日見既職業,當真係做既時候係咩感受,如果你地有咩特別職業想我去破地獄既,歡迎留言!
30)兩次既步兵經驗,我升級喇!步兵將會轉職成騎兵,點樣升級得快d!比個like啦!like數就好似經驗值咁,令我有動力去冒險!!!!
煲湯用咩煲 在 狼少 Facebook 的最讚貼文
【生活瑣碎|狼少製作】月亮煲湯|月光被生劏 生根咁形狀 (原曲:天涯孤客)
搞笑小事背後,又係咩一回事?
大家記得Follow小弟YouTube,記得撳埋個鐘仔喇🛎️🛎️🛎️
=====================
狼少:https://www.youtube.com/channel/UCos7XCN1AobaN0lir-jPFOw
狼少IG:instagram.com/wolf_of_chan/
【月亮煲湯(原曲:天涯孤客)】
望住觀塘月亮煲湯
望住觀塘月亮煲湯
共渡中秋嘅皮囊 送佢番彼岸
盡失光芒無風起浪疑似有碰撞
極之瘋狂而且滄桑月亮四處盪
再無寄望月光可再度亮光
皆因呢樹人事盡喪
光嘅嘢就會滅亡
你見佢似生根變熟時變餅狀
口行行 就呆望月光攞去煲煲湯
無辦法穩妥地埋藏 邊個傻戇
太浪費咁濫用錢囊 空盼望
呀 生根咁大個煲湯 太冤枉
#天涯孤客
#鄭少秋
#中秋節
#觀塘
煲湯用咩煲 在 MEeeep More Youtube 的最讚貼文
#盈悅坊#四季湯湯包#滋潤湯水
訂購 盈悅四季湯 網站 : https://ulifehk.com/online-shop/products/seasonal-soup/
更多 盈悅坊 食療服務 : https://ulifehk.com/online-shop/
湯水喺香港嘅飲食文化之中佔咗一個非常重要嘅位置,但係都市人生活繁忙,要買材料煲湯都唔易,如果有方便又慳時間嘅湯包就好啦!
盈悅坊最近就推出咗四季湯湯包,客人只需要預早上網落訂,湯包就會喺指定日子運送到客人府上。而盈悅坊喺設計湯款嘅時候,亦會使用上唔同材料配搭,去配合返香港嘅四季變化,調配出適合時宜,既養生又好飲嘅滋補湯療。而且佢哋每日都會提供不同湯款,每款湯都有各自嘅功效,認真細心!
喺湯包上,佢哋使用真空包裝,保證衛生!翻熱亦都好簡單,大家可以原包放入滾水加熱,或者倒落碗放入微波爐都可以,成個過程唔駛三個字,熱辣辣嘅湯水已經有得飲喇!
除咗提供月子餐之外,盈悅坊亦都照顧到屋企其他成員嘅需要,喺我面前,呢款 瑤柱螺頭蟲草花竹絲雞湯 就係一個好好嘅例子!聞落去已經非常香,賣相簡直係一流!等我試埋個味先。哇!真係聞到好香。試一試味,個湯好入味!以後唔駛自己煲湯!滿分!
如果大家都對四季湯有興趣嘅話,可以上去盈悅坊嘅網站,就可以睇到有咩湯款可以訂架喇,唔講咁多,我飲埋碗湯先!
![post-title](https://i.ytimg.com/vi/GRomi0P3Uhk/hqdefault.jpg)
煲湯用咩煲 在 飲食男女 Youtube 的最佳解答
【失傳行業】兒時窮人恩物豬油渣麵 堅持自己炸仲有呢間
https://bit.ly/2HjeZVr
豬油渣麵本是上世紀六、七十年代街頭的流行小食,因價錢平民又飽腹,很受貧苦大眾歡迎。但隨着香港經濟起飛,香港成為美食天堂,選擇多樣化,各國美食都有,加上現代人注重健康,覺得豬油渣不健康,這等不起眼的小吃幾近淘汰。
老三油渣麵王
地址:土瓜灣新山道4號長城大廈地下1A鋪
電話:6736 2623
營業時間:12nn-11pm
末代蛇王靠蛇羹吊命 行家被毒蛇咬救唔返:做地盤都無咁危險 (05:06)
https://bit.ly/3l8URmL
成叔十三歲就跟着當蛇王的父親工作,自小就不怕蛇,邊撕着蛇皮,他邊緬懷過去劏蛇的盛況。在九十年代以前,每間蛇店都擺着一個放滿蛇的蛇箱,客人會來店前買走一副副劏好的新鮮蛇肉:「嗰陣時煲個蛇湯係一日人工,啲人都叫負擔得起,而家?五、六百蚊買蛇肉,加埋啲材料,成千蚊一煲湯,唔係個個食得起。」如今,蛇店購入活蛇數量大減,從東南亞購入的蛇肉,都已經是半製成品,用作煮蛇羹。幸而,蛇羹依然有大量的捧場客,成叔估計,冬季時分一天賣上過千碗,勉強補貼了夏天的虧損,「蛇王呢一行根本就應該列做高技術人士,不過而家落後啦,冇人欣賞。」
蛇王業
地址:深水埗南昌街139號地下
電話:2728 8675
營業時間:11:00AM - 10:00PM
地址:旺角廣東道1076號地下
電話:2771 4898 / 2771 4998
營業時間:11am-8pm
是菜是茶?小店賣汕尾家鄉菜茶 老闆:好嘢唔想佢失傳
https://bit.ly/2Tr4VQ7
就如汕尾海陸豐人的菜茶,就列入了香港非物質文化遺產之一。對汕尾人棉姐而言,菜茶就如太陽般,自小就曉得它的存在。她興高采烈地表示,菜茶其實還有別名,就是「開丁茶」,取其好意頭。每逢過年、有客人到訪或是添丁之喜,都會製作菜茶慶祝。所謂菜茶,就是把多種蔬菜切條,正切着椰菜的棉姐開口道:「咩菜就要睇時令,菜要逐樣炒好再撈埋粉絲同大地魚粉一齊。」
粿然好味
地址:太子界限街41C號鋪
電話:2295 0959
營業時間:10:30am-11pm
獨門柴火燒肉皮脆肉香 香港最後一家地爐燒豬 師傅每朝四點半開工:退休的話就成歷史
https://bit.ly/3fBtUH8
榮興儀記的地爐,屹立至今已逾六十年。踏進工場,內頭共有三個爐,每個直徑五呎,深八呎,由磚和瓦片砌成。火爐看似尋常,但其實是座歷史遺跡——鑑於環保條例,政府於1986年已停止發牌,地爐因而漸漸絕迹。加上太空爐盛行,沒有人願意花時間燒柴做豬,店家全都轉行。沒老字號堅持,沒後來者接力,最後只剩一家,全港僅存。今年53歲的李權新,是字號第二代傳人,於火爐前工作了28年。他亦笑言:「行內我應該最後生了。」乾笑聲中,聽出行業如何青黃不接。
榮興儀記
地址:屯門藍地桃源圍1號
季季紅風味酒家
地址:屯門藍地大街1號
電話:2462 7018
網址: http://www.redseasons.com.hk
註:地爐工場已易手至季季紅風味酒家。如欲享用地爐燒豬,可到訪他們旗下酒家。
【失傳行業】香港仔35年魚湯艇仔粉 64歲檔主一腳踢燙傷也堅持:全港所剩無幾 (4:35)
https://bit.ly/3fi7cnm
流叔1980年代初開始做艇仔粉,他不是水上人,但見親戚做得有聲有色,遂頂手一隻艇試試,就這樣,靠一門小生意,養活了一頭家。一艘艇,麻雀雖小,但五臟俱全,他在此煲湯、淥粉、斬燒味,由早上六時開始準備,忙至傍晚五時做完清潔才回家。只他一人,凡事一腳踢,對六旬老人來說,也算辛勞。
流記 香港仔艇仔粉
營業時間:10am-4pm
電話:9140 2628
Facebook:流記 香港仔艇仔粉
註:平日可致電給流叔,約實位置吃艇仔粉
===================================
? 8折全年睇《蘋果》即慳$121!
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube: http://bit.ly/2Md5V2k
Facebook: http://bit.ly/2MJejcp
Instagram: http://bit.ly/2EA3qpR
推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆:好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老 唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台 變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
#豬油渣麵 #蛇王業 #菜茶 #粿然好味 #榮興儀記 #艇仔粉
#飲食男女 #StayHome #WithMe #跟我一樣 #宅在家
飲食男女 打卡大街小巷搵食地圖
https://hk.adai.ly/e/gPF0DIjsB9
《蘋果》每日為你增值 立即訂閱
https://hk.adai.ly/e/kbo0wDsxB9
![post-title](https://i.ytimg.com/vi/B04q4QUs9B0/hqdefault.jpg)
煲湯用咩煲 在 師奶仔廚房 Youtube 的精選貼文
[材料]
冬瓜 約 斤半
赤小豆 約大半飯碗
炒南豆 約三份一飯碗
薏米 約三份一飯碗
熟薏米 約大半飯碗
細蠔豉 約10粒
乾栗子 約10粒
紅蘿蔔 約 一條
豬骨 約 一斤
果皮 一角
蜜棗 兩粒
約1800毫升
粗鹽 適量
#消暑袪濕冬瓜湯
#夏日必飲湯水
#利水消腫
#分享冬瓜籽煲湯功效方法
#無得出街食咩好
#抗疫期間食咩好
#湯水篇
#StayHomeRecipes
#師奶仔廚房
#CNJKITCHEN
#簡單做法
#懷舊美食
#懶人料理
#StayHome
#宅在家
#遏止疫情擴大
#CookWithMe
#WithMe
#跟我一起宅在家下廚
![post-title](https://i.ytimg.com/vi/Z7qYFSeAKcU/hqdefault.jpg)