又要寫日記啦呢單嘢⋯
話說一直都好恨煮 #熱浪雞髀
原來真係好X煩,油初頭又唔可以太大火,因為怕出面靚仔入面唔熟,回鑊三次先熟⋯ 攪咗好耐,史無前例8:30pm先有得食⋯ 今次係我嘅第一次⋯ 我估亦都係最後一次。用熱浪炸好處:唔使醃一日,亦係唯一好處。有大師教浸蛋再浸麵粉先浸熱浪,我覺得要試唔好落麵粉,浸完蛋直去熱浪。另一敗筆就係應該揀細隻啲的雞錘,無咁辛苦。我家兩隻白老鼠(爸爸、媽媽)讚好味,都安慰少少。
彩蛋位:响我炸緊雞個頭出煙之際,爸爸好大聲同我講 麥當勞麥麥送炸雞籃 $88 ,直接送貨免運費⋯ 當場我炸開咗。(下刪三百字粗口)🤬下次我會叫 麥麥送 就好啦,唔好再攪自己。 最後我要向一班負責炸雞的人員致敬。👍🏻
Search