21/05/2021 還押第三天
1. 最近有唔少朋友都問吳文遠咁瘦，頂唔頂得住牢獄之苦，首先大將軍表示多謝大家關心，為咗釋除大家嘅擔憂，佢話會開始做運動跑下圈，不過呢排好熱曬到耳仔同膊頭有啲痛。健身除咗做掌上壓外，仲定咗個目標，希望出到嚟嘅時候可以做到「單手指上壓」，練到由腹肌去到手指都係鋼條型咁話喎，小編表示非常佩服大將軍嘅決心。
2. 講起天氣熱，最近立法會討論修改議事規則，法律超人謝偉俊話要著商務服飾出席會議，大將軍話天氣實在太熱，淨係著條泳褲都嫌太多衫（大家幫手搵下謝偉俊喺中環鬧市著泳褲張圖出嚟🤪），大將軍話除咗著條泳褲出街，仲有乜嘢消暑好方法都想請教下謝偉俊。
3. 講起做運動，大將軍即刻諗老毛當年都講過「身體就是革命的本錢」，老毛仲有個體育強國夢添，叫大家做各式各樣嘅運動**（原來老毛真係有講過，見註解）。
4. 講咗咁耐老毛，又講起運動，大將軍又講到屈穎妍批評ERROR嘅自肥企劃，話說呢位阿姑批評ERROR又禮崩樂壞又呢樣嗰樣，都廢事引述。大將軍認為ERROR對年青人有非常正面嘅作用，對推動全民做運動有巨大貢獻，冇錯就係講緊個死亡行星，唔好以為大將軍喺度鳩噏，喺東歐戰鬥民族俄羅斯非常流行嘅「兜巴星比賽」已經推廣到全球，同死亡行星有異曲同工之妙。唔好以為呢兩樣嘢好簡單，其實要訓練好肌肉、體能、力量、爆炸力、抗擊打能力，唔係一般人可以話玩就玩得成功㗎。大將軍話應該要將死亡行星立為香港獨有嘅運動，推廣至全球，終有一日就好似兜巴星同電競一樣普及，列為運動最終推廣定為奧運項目。
5. 關於禮崩樂壞，屈穎妍應該問下佢老公林超榮，佢作為低俗喜劇嘅編劇，兩公婆對屌騾仔有咩睇法？
6. 最近又話假新聞要立法規管呢樣嗰樣，大將軍話好多藍絲腦殘就好似屈穎妍咁樣係假新聞嘅受害者，平時睇得太多大公文匯啲假新聞，應該向大公文匯追討賠償，作為腦殘嘅醫療費用。
**1960年他（老毛）亲自在工作人员送审的党中央《关于卫生工作的指示》草稿中加了下面这样一段话：“凡能做到的，都要提倡做体操，打球类，跑跑步，爬山，游水，打太极拳及各种各色的体育活动。”
#撑error等於撑老毛
#撑老毛就要玩死亡行星
#爭取死亡行星立為奧運項目
————————————
文遠交低話大家記住一定要撐 #文遠Patreon 呀！
⭐️支持文遠⭐️請訂閱Patreon⭐️
www.patreon.com/AveryNg
爭取死亡行星立為奧運項目 在 21/05/2021 還押第三天1. 最近有唔少朋友都問吳文遠咁瘦 的推薦與評價
大將軍話應該要將死亡行星立為香港獨有嘅運動，推廣至全球，終有一日就好似兜巴星同電競一樣普及，列為運動最終推廣定為奧運項目。 5. 關於禮崩樂壞，屈穎 ... ... <看更多>