《第98個創業故事: What do you like? What do you love?》
從前有個爸爸有三個女。 佢如何解釋畀個女聽何謂喜歡? 何謂愛呢?
https://youtu.be/IlMIQuuuZso
.................................
完整內容:
阿爸話:「我大女好喜歡鮮花，我二女就好愛鮮花。」
三女就問:「爸爸爸爸，大家都係鮮花，點解你話大家姐就喜歡，二家姐就愛嘅？」
「咁你知唔知「喜歡 Like 」同「愛 Love 」有乜嘢分別呀？ 」
「唔知。我淨係知你成日同我哋講 “I love you !" 但家姐就成日話 “I like papa, he is more fun!"」
「唔知？咁爸爸今日周末就同你哋三個一齊到郊野公園行行，到時你就明啦。」
到左周未係郊野公園行左陣，大家姐就站在花前，久久不肯離開，最後，大家姐被花的美麗迷醉，不由得伸出手把花摘下來，揸係隻手道一齊行山。
爸爸同三女說：「呢個就是喜歡。」
接着，二家姐一樣，被路邊好靚嘅花迷住了。雖然已經行到滿頭大汗，二家姐仲把自己水瓶內喝剩的些少水把花澆水，自己就一直站在花前觀賞，仲問爸爸 “太陽咁猛，佢會唔會曬死架？不如我放粒糖落佢泥土俾佢多啲營養呀？”。
爸爸同三女說：「呢個就是愛。」
三女好醒，即刻喜洋洋地回答:「我明白啦，爸爸。喜歡係為了「得到」，而愛往往就要「付出」。這就是最根本的分别。」
爸爸微笑點頭。
「爸爸爸爸，咁.... 你以後要更加愛我哋，我哋就更加喜歡你啦。哈哈哈哈！」
爸爸就妙妙咀地話:「點都好，我都會愛你哋嘅。因為愛係無條件架嗎!..... 最緊要係第時你搵老公嘅時候，都要知道佢係喜歡你，定愛你，唔好聽到 I Love You 就頭腦都暈晒啦。」
呢個故事好明顯係講俾我個女聽，但其實做人做事做生意同樣道理。你做緊盤生意，你係like or love 呢?
舖？我只係能夠講我like舖，因為我想得到，但唔係love 舖。唔係無條件嘅，賺唔到錢嘅舖，我最憎。反而我love 嘅，係為間舖增值嘅進程，即使我賺少啲，幫個租客搵多啲，投資者同最終買家賺多啲。因為間舖，係呢道同社會分享多啲做生意嘅知識同心得，希望對帶出啲正面價值。
無條件?我唔敢講，但肯定要付出更多。我唔想只係抄抄賣賣，低買高賣，我會好似無咗個靈魂咁。
2013至16年間我迷失咗三年，就係因為的搵唔到love. 但16年5月11日我突然間叮一聲搵返啦.... 好多人當我傻仔， 但我成日同我老婆同屋企人講 I’m happy! I love what im doing.
你呢? 你又Like 乜嘢 Love 乜嘢呢？ 攪清楚的話，有時傻都可以傻得好過癮。
爸爸爸爸i love you 在 爸爸爸爸I love you - YouTube 的推薦與評價
爸爸爸爸I love you. 46K views 5 years ago. Shuang Ellie. Shuang Ellie. 621 subscribers. Subscribe. 215. I like this. I dislike this. ... <看更多>