// m y w o n d e r w o m a n
搬左出黎住，有咩疑難雜症，google未必答到你，反而問下呀媽實有答案。
媽咪洗潔精邊隻好呀？
媽咪乜拖地唔係用漂白水架咩？
媽咪點解我洗極啲衫都狗肉咁色嘅？
媽咪百佳定惠康平啲架？
媽咪五百蚊電費係平定貴？
媽咪上次去水個湯點煲話？
原來，不知不覺間，天下嘅媽咪都幫我地節省左好多煩惱。飛完long haul既污糟衫，倒曬出黎隔一日就洗到乾乾淨淨摺好曬喺衣櫃。打個電話幾點返屋企，一開門就有小菜白飯同靚湯；一起身就問你肚唔肚餓呀想食包定食麵。永遠洗頭水護髮素紙巾連香口膠都唔會無曬，我仲記得有次去到outport 先醒起無曬牙膏，一打開toiletry bag原來媽咪已經幫我放左支新既落去。
搬左出黎住，先發覺要照顧好自己真係好難。收工好攰唔想洗衫？好，不過聽日就無底褲換啦。懶唔去買餸？仆街喇今晚聽朝都要食風。亂鳩咁擺既野，一覺訓醒都係咁撚亂。我終於明白，原來我呀媽喺神不知鬼不覺既情況下，為我做左幾多野。
雖然我呀媽唔係咩高尚職業，又唔係年薪百萬，但喺我眼中，佢就係我既Wonder Woman.
攝於啲衫䁁左幾日都未摺既梳化。
（媽咪，wonder woman姐係神奇女俠呀🌞）
