#好食嘅日系下午茶 #草莓朱古力 #松葉蟹
兩個人想靜靜地傾吓計，有乜好過去食tea，今期食過最驚喜嘅tea係帝京酒店餐廳酒吧Lion Rock新推出嘅Elizabeth Arden下午茶，因為我竟然少有地每一件都食晒落肚！
真心話，每次約去tea有7成係為打卡（我承認很港女😝），為欣賞食物嘅味道就比較少。同Kathryn 好耐好耐冇見面，今次去食Lion Rock x Elizabeth Arden嘅水漾春日下午茶，傾吓計食吓嘢，21件鹹點甜點都慢慢地被我哋吃清光。
有用開Elizabeth Arden 嘅人都知呢個品牌係實力派，唔鍾意賣弄花巧，但用過佢產品就會知好work，尤其佢嘅皇牌膠囊精華，滋潤保濕功效極強。今次下午茶用咗佢哋仲新出品嘅透明質酸豐盈保濕膠囊為靈感；金箔櫻花水信玄餅就係玩晶瑩剔透水潤感覺；而喺茶架最底嘅54%朱古力草莓慕絲蛋糕伴草莓漿球，中心嘅金色球就係模仿膠囊精華，一切開即流出草莓漿，視覺效果都好靚㗎。我拍咗片放喺留言😉
所以想賣相靚唔一定要玩糖霜造型，實而不華嘅甜品設計其實都可以帶出矜貴同驚喜感覺。個tea最正係加入埋而家當造嘅香甜草莓做主角，配合不同朱古力造成各款甜品，唔只好食，味覺上仲好有層次。
鹹點方面，有松葉蟹沙律、火炙三文魚手鞠、黑松露野菌玉子燒、碎吞拿魚腩牛油果最中餅，大家會見到無論鹹點定甜點，都非常日系，鍾意食日本嘢嘅人要試吓。
特調飲品有兩款，分別係Ocean Blue及White Tea Latte。粉藍色嘅Ocean Blue係蘋果汁加鮮奶及藍糖水調成，酸酸甜甜，加入薄荷葉有啲清涼感；而White Tea Latte就係壽眉、鮮奶、薰衣草及玫瑰糖水調成，奶泡綿滑，綴以玫瑰奶泡上，有玫瑰幽香。
最後梗係要講吓禮品啦，聯乘Elizabeth Arden 一定有正嘢送，二人餐送2️⃣份Elizabeth Arden膠囊精華體驗裝(每份價值HK$202)可以一人一份。除咗喺酒店食，今次亦係Lion Rock第一次推出下午茶外賣及外送服務，下午茶會連個四層架一齊送來，喺屋企都可以打卡🥰 喺酒店網上商店訂購仲有8折優惠㖭。
➖➖➖➖➖➖➖➖➖➖➖➖
帝京酒店Lion Rock水漾春日下午茶
地址：九龍太子道西193號帝京酒店3樓
訂座電話：2622 6167
HK$508 兩位用 (包兩杯特飲)
HK$270 一位用 (包一杯特飲)
另加一服務費
供應日期：即日至3月31日
下午2時半至5時
#帝京酒店 #下午茶 #酒店下午茶 #聯乘下午茶
#hkafternoontea Royal Plaza Hotel Jasmine & Mama - Kathryn 小喬 Elizabeth Arden #hkhightea #hkhotel
