【以後，我哋除咗「All around you」，另一開場洗腦音樂會係...】
「嘟嘟，嘟嘟嘟嘟～🎶」
作為一個影迷，呢單嘢其實唔係純粹恥笑花生咁簡單，堅係大碌，今日鮮浪潮已經有第一滴血。
睇到唔少網民典型花生mode：超，禁咪禁囉，你禁埋Google Netflix我咪翻牆囉！冇話唔得，但問題唔止外語片睇唔到，係直頭香港電影唔會再有人拍呢啲題材。
除非，你搞到要偷運去康城影展然後俾人終生禁拍。
起碼，你唔會再見到《新警察故事》吊曬成堆「真。藍屍」，你唔會再睇到《無間道》劉德華好型咁行出電梯都冇事，你唔會再睇到飛虎隊可以去出征，你隨時唔會再聽到「政府做撚錯嘢就要道歉」呢類對白。唔駛等《十年》，近年香港最興嘅社會實況片，都會危害國家安全，繼而上映前就會出現大量「技術問題」，《狂舞派3》片尾要講近年已大力執法整頓工廈問題、《濁水漂流》、《麥路人》仲大獲，片尾直頭要加冇啲咁嘅事，香港不知幾和平冇貧富懸殊－－你唔知果條線去到邊，又會唔會踩界話你危害國家安全。
就算幾收得都好，你睇《少年的你》同《八佰》有嘅「技術問題」就知道。
趙婷呢啲大漢奸咁講嘢危害國家安全，《永恆族》冇得睇你自覺可以上小＿睇或者等Disney+，但荷里活最驚艷嘅香港景色，從此冇得再喺大銀幕出現，你唔會再睇到變形金剛打爛政總、蝙蝠俠唔會查到香港係洗黑錢地方、哥斯拉冇得大戰金剛、異形海戰都唔會炸爛中銀...
荷里活為咗打入中國市場，一直都有大片搵香港做踏腳石，如今拍唔到，呢度唔止創意，對商業都幾大影響。
你可能覺得諗多咗，但呢班友係癲嘅－－電檢呢班友我由未寫blog已屌到今日，唔出奇。
或者，開心嘅係，你唔會見到赤道真正嘅戰爭冇開始到，城城講完「我要報仇」十幾年個仇都未報，直頭喺套戲用五分鐘完咗佢啦。
作為一個重口味三級片迷，可能好多戲，真係要「用自己方法」睇足本版喇。
雖然麻麻地，《漩渦：恐懼鬥室新遊戲》入面講要殺嘅目標（我唔劇透係咩啦）咁敏感，話就話過咗電檢，但「技術問題」嘅嘢幾時出現冇人知，睇完你班友個個學曬Jigsaw，點止危害國家安全咁簡單？簡直係目無法紀，煽動群眾，令人髮指，睇到要強烈譴責呀！😡
提提你，香港七一上映電影其中有🙃：
《大逃殺》
《國定殺戮日：無限狂屠》
《公義私刑》
《漩渦：恐懼鬥室新遊戲》觀後感可看留言連結。
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
狂舞派3 netflix 在 《#狂舞派3》正式預告，2月18日上映 - YouTube 的推薦與評價
導演& 編劇：#黃修平演員：#顏卓靈、#蔡瀚億、#楊樂文、#劉敬雯(Lydia)、#Heyo、#劉皓嵐、#阿弗類型：劇情級別：IIB片長：129 分鐘電影 ... ... <看更多>