【#屍殺半島】
******注意：含小量劇透******
好多人睇完都話
- 唔好睇
- 唔恐怖
-上集好睇好多
- 唔係喪屍片
- 根本係《狂野時速》
你可能唔認同 但我真係覺得好睇
首先我要講三次
佢唔係續集 佢唔係續集 佢唔係續集
佢係講屍殺列車嘅4年之後
時空係延續 但故事人物所有野都唔同
如果佢又拍返架火車 我都唔想再睇
飛車只係得幾段
我反而覺得成個故事
好似《侏羅紀世界》
點解成功逃出 又要入返地獄
咪就係因為……
大家覺得似《狂野時速》
因為成套戲最深刻 最好睇就係飛車
我覺得飛車撞喪屍個感覺好爽
而兩姊妹都好有型 係全套戲最好睇嘅角色
飛車都好刺激 但亦係個心最輕鬆嘅一刻
兩姊妹一齊玩d喪屍真係好正
如果我再重溫呢套戲 一定係因為個一幕
喪屍戲飛車有咩問題？
有人話飛車都係用CG
唔係《狂野時速》 用CG又有咩問題？
同埋姐姐得14歲 冇車牌
用CG都好正常
喪屍出場嘅位其實唔少
就算係人類基地入面都仍然有喪屍
只不過人類人性面戲份比較重
所以覺得唔係focus喪屍
我自己就覺得ok 起碼劇情比較估唔到
喪屍見到就殺啦 但見到壞人 主角究竟會殺定救呢？
最後 感人位唔講咁多
我多謝編劇冇創造好似上一集咁嘅結局
感覺又同上集唔同(睇得出團隊好努力想做出兩套戲嘅分別)
另外有一個位我覺得寫得好好
就係男主角同呢家人4年前後嘅關係
(*********劇透警號再注意！！！*********)
如果男主角當年救咗呢家人
今日就會死咗
今日救佢嘅人 就係當年佢冇去救嘅人
世界真係好細 命運亦都咁安排
如果當年男主角救咗個女 媽媽都冇咗要生存嘅動力
可能都已經死咗
係咁嘅環境下生存
媽媽同姐姐變得好強悍
而妹妹仍然保持住開心 同善良咁長大
男主角冇救佢哋 反而令佢哋『生活得更好』
最後講嘅係視覺畫面上係好震撼
恐怖屍牆…連體喪屍鬥獸場…活屍跳台飛車
成套戲唔算好恐怖 但仍然刺激同緊張
喪屍恐怖 但人心更恐怖
#반도 #Peninsula
