【#朋友生B送乜好 #獨一無二名字奶咀鍊】
呢條靚靚奶咀鍊，瞳妹妹細細個用到依家！因為D膠粒都可以當牙膠，瞳妹妹出牙時好鐘意起勢咁咬佢，真係好睇又好用～
最近兩位閨蜜都生左BB，呀B未出世我就落order訂造黎俾兩個小baby。店主影嘅相好靚，所以我都費事影直接用佢嘅相啦。
仲有仲有，呢位店主其實有份工，但好黐線咁捱夜接單整鍊整口水肩同車帽⋯ 稍後帽帽都會出鏡～ 我同店主慢慢成為左好啱傾嘅網友⋯ 可能因為大家喺忙碌工作之餘，都同樣為自己興趣(or理想?)燃燒緊生命？ 所以大家如果想落單請錫住佢，唔好俾急單佢，因為佢真係會唔瞓幫大家整架！
想知道邊位店主咁黐線請留言「名字奶咀鍊」，我就會pm資料俾你架喇🤗
