🚫嚴禁劇透
🚫粗口自行過濾
🚫免批評外表人身攻擊
·
[1230隔夜超短劇評][ViuTV][打天下 EP08]
·
[讚] 我睇呢套劇係想睇空手道嘅嘢，亦都期待佢開播前成日sell嘅真功夫真身上陣。我諗劇組都好明白，所以點都好每集都有啲相關嘅嘢，不過有時唔係重點，亦都好短篇幅。今集去泰拳館對打係我期待嘅嘢，拍就唔係好精彩，但起碼睇落去熱鬧啲熱血啲。 AK做認真好睇好多，但一落返台志浩又變返滑稽。
·
[彈]
阿談一鏡過咁打係努力嘅，亦都要花時間同攝影師夾，但咁近嘅一鏡落真係睇唔到佢哋打乜，浪費咗。志浩去擂台為咗表現到佢明白莊惠喺台上嘅感覺，真係去blur咗個畫面就老套咗啲。
·
莊惠同關志浩談情可以激發後者去學空手道，但係正師兄同埋可麗師妹嗰段真係好唔關事，同埋花咗好多篇幅。我明可能想寫馬剛正除咗空手道之外乜都唔識，但佢又偏偏識得幫小玥喎，就淨係唔識追女。呢啲係現實世界當然可以發生，但喺劇裡面咁樣拖拉法真係唔okay。
·
朱康演嘅阿當瞓喺床度同軍醫講嘢嗰段真係睇到好辛苦。一個瞓喺度演，一個坐喺度演，要拍到觀眾睇得順暢有啲難度，應該避免。
·
[演員表] 歐錦棠 飾 馬剛正 / 文頌嫻 飾 莫可麗 / 談善言 飾 莊惠 / 江生 飾 關志浩 / 葉麗娜 飾 淩小玥 / 王頌茵 飾 何善善 / 張建聲 飾 武田國全 / 李潤祺 飾 關仁 / 李剛慧 飾 李天愛 / 楊英偉 飾 莊惠父 / 萬斯敏 飾 莊惠母 / 王思欽 飾 小玥母 / 高翰文 飾 小玥父 / 朱栢康 飾 李一當 / 施瑋延 飾 蠟筆 / 黎梓駿 飾 喇叭 / 黃溢濠 飾 阿細 / 倉田保昭 飾 武田寬 / 藍靖 飾 大東 / 袁綺雯 飾 曉琪
·
#1230隔夜超短劇評 #ViuTV #打天下 #歐錦棠 #文頌嫻 #談善言 #AnsonKong #葉麗娜 #王頌茵 #張建聲 #李潤祺 #李剛慧 #楊英偉 #萬斯敏 #王思欽 #高文翰 #朱栢康 #施瑋延 #黎梓駿 #提子駿 #黃溢濠 #倉田保昭 #藍靖 #袁綺雯
王思欽 在 王思欽Profiles - Facebook 的推薦與評價
View the profiles of people named 王思欽. Join Facebook to connect with 王思欽and others you may know. Facebook gives people the power to share and makes ... ... <看更多>