是食咗香港卡樂B同日本老牌カラムーチョ香港出嘅味道!食慣咗卡樂B,對カラムーチョ薯片嘅口感真係好唔同,易啲款譚仔嘅糊辣同埋麻辣相當有油益未味🤦🏻♂️🤦🏻♂️明明之前珍珍代出嘅土匪雞翼係非常之好食嘅👉🏻👈🏻
反而流浮山黃金號同大澳蝦醬係有驚喜喎!實係可以做到手信攞返黎東京🥰🥰(丫仁爆真係好鍾意之前個出細蓉個味)
另外小弟返到嚟東京時,係便利店搵到個包裝好特別嘅卡樂B 70週年版原味薯片🤭🤭個袋已經唔係用雷射閃令令質感,而係改用類似紙袋質感,似乎大搞環保😓😓😓
珍珍薯片原味 在 大丈夫。東瀛工作遊記! Facebook 的最佳解答
【18禁薯片】媽~好辣啊🔥🔥🔥🔥🔥怕辣就食原味唔辣啦!
我相信大把代購網都有得賣18禁薯片,食過嘅朋友請坐低(伍衛國走音聲調)丫仁對於辣真係唔太感興趣,去譚仔都食唔到中辣~所以一直都冇諗過話會買到做食評同拍片,失禮人就唔係太好啦😅
咁啱係月頭黃金週返香港嘅時候,阿妹話想喺香港以天價買18禁薯片😩😩😩點忍心佢咁睇唔開貼錢買爛壽呢?於是我就喺呢邊search咗陣,嘩!!唔係親眼見都唔信,真係好___貴,貴到好唔合理😡平時普通一包薯片大約都係88円(約港幣$6左右)但係啲包18禁激辣味薯片竟然係收我$180一包。為博妹一笑局住買來玩下,帶咗呢包空氣返香港做手信。
包裝好誇張好大盒,同一盒高達模型差不多厚。裡面只係得幾包嘢,真係有少少覺得俾人搵笨😩同珍珍SHAKE SHAKE薯片一樣,識食一定食原味先。帶少少鹹味薯片!!我地唔敢一次過倒晒入去SHAKE,怕太浪費咁沾來食。食落去係接受到,真係好像卡樂B咖哩味😋以為無咩事可以撐得過,但發出來嗰下就真係OMG,不停悲鳴慘叫「頂唔順」「我要嘢飲」🌶辣味係嘴唇邊拿住拿住痺同赤熱😱😱😱陣辣味只係去到脷底未去到喉嚨,我立即飲包檸檬茶止止呢個赤痛感覺(有奶就當然最好!)個一刻表情呃唔到人,被妹拍低咗~😡😡😡永久封印,不得上傳😡😡😡
結論係唔可以一個人悄悄自私食,開心同朋友分享拍低狼狽一刻就最窩心!!個口麻痺約3-5分鐘就回復正常!唔食得辣就唔好搵命博,食一兩塊好啦~
#大丈夫 #工作遊記 #咖哩味 #卡樂B #珍珍 #SHAKESHAKE薯片 #高達模型 #激辣薯片 #貼錢買爛壽 #天價 #黃金週 #伍衛國 #譚仔 #代購網 #怕辣就食原味唔辣 #媽好辣啊 #18禁薯片