《運動員精神vs 演員精神》
 💪🏻球不著地,永不放棄💪🏻
講真,放低咗羽毛球兩年🏸能夠勝出兩場,入到八強輸俾冠軍,算係對自己有啲交代。男單項目絕對需要同自己嘅體能同意識溝通。希望可以pick up 番打ball,比賽當晚,公司已經有一個羽毛球,同埋排球嘅群組約打波🥰
特別鳴謝黑妹教練幫我訓練🙏🏻🙏🏻🙏🏻
#明星運動會 #東京奧運 #羽毛球 #運動員 #演員
球不著地永不放棄 在 Zeno Koo 顧定軒 Facebook 的精選貼文
最後一日,力圖最後一個鏡頭嘅拍攝,
當大家宣布:「力圖剎青!」
就係圖中嗰一刻嘅表情,
鬆咗口氣,但隨著就係唔捨得(固定喊),
長達半年嘅拍攝,
疫情反覆嘅影響,
有如力圖打逆境波咁,迎難而上,
亦都體現左我哋呢個劇既精神,
「球不著地,永不放棄。」
而我哋嘅每一滴汗每一滴淚,
都係為咗可以拍出一段有血有肉嘅奮鬥史,
因為人生唔容易,而我哋其實都需要打打氣,
所以希望我哋呢個故事可以幫你哋加返啲油啦~
今晚大結局啦,陪我哋行埋最尾嘅呢一段啦!☺️
#男排女將
#力圖
球不著地永不放棄 在 Onyee Ng 吳安儀 Facebook 的最讚貼文
桌球係一個大家都覺得”好男仔”嘅運動,而女仔去打桌球,成日都會比人睇低一線。我初初選擇去同男仔打比賽,身邊好多人都會話~唔好啦,同男職業手打咪盞輸。但係我知道永遠留喺自己comfort zone係唔會有進步。
不過,講就容易!
我第一次去參加世錦賽外圍賽對住男職業手Peter Lines,我真係好怯場,最終輸1:10。輸咗之後有人話我水平太低,應該去打返女子比賽。我記得當時我真係好唔開心.. 好氣餒.. 自己喺酒店房喊得好勁,有一種想搵窿捐嘅感覺!!! 但係我知道,返轉頭我就只會原地踏步。有邊個會一開始就贏?第一次衰咗就放棄,又點知下次唔會贏?跟住之後,我第二次、第三次去打,都係輸1:10。但係我無放棄到,一路去打,去輸,再返去練。
終於,我前年再參加世錦賽外圍賽,對Alan McManus,比數打到6比6,雖然最後都係輸,但終於見到自己嘅進步!
人生唔係只有「贏」同「輸」,過程先係最重要。
輸一場比賽,但學到更多嘅話,Why not?
睇完ViuTV原創劇《男排女將》預告片,睇到一班年青人為咗排球有幾熱血,為咗夢想有幾堅持。(預告片喺呢度:https://bit.ly/375TksW)
一班因為身高被人看低嘅排球隊隊員,經常被人嘲笑無可能打入甲組,但憑住佢哋不放棄嘅精神,喺教練帶領下,逐漸打出成績,為自己嘅夢想向前。正如當年喺世錦賽外圍賽,如果我選擇放棄,絕對唔會有今日嘅我。
一輸就放棄,你覺得你可以贏到啲乜?
#ViuTV #今晚9點半 #男排女將 #球不著地永不放棄
球不著地永不放棄 在 【學界排球】球不著地永不放棄! 基智挫莫慶堯歷史性封后 的推薦與評價
【學界排球】球不著地永不放棄! 基智挫莫慶堯歷史性封后- 體路Sportsroad. 體路每天為大家採訪屬於香港的體育新聞,並有各方專家定期專欄,更會邀請香港體壇精英親自 ... ... <看更多>