【靴專訪】流浪年輕中場:周家樂
.
最近,阿靴邀請咗今季新加盟流浪嘅年輕球員周家樂傾下偈。當日,阿靴去咗家樂細個時踢波嘅主場:三家村足球場,藉機會了解呢個球場對家樂嘅意義。家樂當中亦講到自己响職業足球路上嘅狀況,以及談論到自己鍾意嘅波Boot同埋原因。
.
靴:細個時,你响三家村足球場踢球長大,球場對你嘅意義係如何?
.
家樂:記得自己約14歲時,個時仲係中學時期,自己會放學後同同學去球場踢波,一星期會踢成兩至三次,個時同朋友去跟隊,踢到球場熄燈為止。呢個球場令自己搵到唔少樂趣,亦令自己鍾意咗足球。另外,而家有啲時候,覺得自己練波練得唔夠好,都會去呢個球場踢波,拎返個自信。
.
靴:响三家村足球場裏面,最深刻嘅一幕係?
.
家樂:最深刻嘅係好多人一齊跟隊踢波,有識有唔識嘅,非常之熱鬧。
.
靴:19/20年度上面,你响菁英盃分組賽上,代表理文响八場賽事上陣,覺得自己嘅表現如何?
.
家樂:覺得有好亦有唔好,好嘅係對傑志嘅時候,自己交出咗一個助攻,最終球隊亦可以打和,諗返轉頭,呢場比賽係自己最開心嘅,因為會感覺自己幫助球隊出咗一分力。唔好嘅地方上面,就係呢八場比賽睇到自己嘅不足,特別响力量與體能,畢竟職業賽事會有唔少外援,一有對抗就會知道自己唔足夠。
.
靴:青年聯賽你主要踢嘅係中場中,職業賽事上位置有無唔同?當中點樣適應?
.
家樂:自己响理文踢波嘅時候,位置可以話係多變,於八場菁英盃賽事上,左閘,攻中,防中,翼都踢過。我會覺得呢個係一個學習,始終教練叫到自己踢邊個位置,自己都會學習點樣踢得好,同時可以提升自己嘅意識。適應上自己就覺得唔算太辛苦,最重要係清楚位置上嘅角色,加上自己都會睇世界各地嘅聯賽,當中會觀察唔同位置上面嘅走位同配合,自己响比賽上面都會學以致用。
.
靴:將會响職業聯賽踏入第三季,你覺得自己最需要改善嘅地方係?
.
家樂:最重要係,頻率需要再加快,特別响跑動同均速上面,體能亦都需要再加強。
.
靴:今季你正式加盟流浪,你自己又有甚麼期望?
.
家樂:希望自己可以有更加多嘅上場時間,希望唔係踢淨係菁英盃,响聯賽上面都期望有更多上陣嘅機會。
.
靴:流浪足球隊裏面,你最欣賞嘅球員係?
.
家樂:一定係林嘉緯,佢係近十年來最佳中場之一,之前佢踢傑志嘅時候,自己都會入球場睇佢踢波,而家可以同佢同隊踢波真係難以置信。
.
靴:你最欣賞林嘉緯嘅地方係?
.
家樂:自己非常欣賞佢响比賽時嘅意識,思維,觀察力,以及護波能力。响自己心目中,佢係一個非常具智慧嘅球員,亦係一個好好嘅學習對象,自己遇到唔明嘅地方,都會成日請教佢。
.
靴:你最鍾意邊對波Boot?
.
家樂:自己都試過唔少牌子嘅波Boot,自己會較為鍾意三間嘅Copa,因為Copa質料係袋鼠皮,感覺非常舒適,亦可以帶嚟唔錯嘅球感,不過我會比較鍾意有鞋帶嘅版本,因為感覺會更加貼合自己嘅腳形。除此之外,自己都鍾意一剔嘅Tiempo,因為同樣都係用上袋鼠皮嘅質料。
.
--------------------------------------------------
【屎波裝備多Instagram】Follow: instagram.com/hkfootballreview
【波Boot實測】Adidas Top Sala Lux: https://youtu.be/R7Win_I5PQw
【波Boot實測】白飯魚: https://youtu.be/-dbvs0_YgiY
【波Boot比較】五對驚喜釘Boot: https://youtu.be/vzDRe25kkrM
同時也有1部Youtube影片,追蹤數超過6,310的網紅Fai Li,也在其Youtube影片中提到,理文主教練陳曉明: - 回顧上一季理文成績同表現 - 今年搵球員嘅方向係乜?如何改善上季的不足 - 今季有什麼部署及目標? 新加盟球員李康廉: - 加盟理文的主要原因 - 同曉明SIR 故劍重逢有什麼感覺? - 自己評價同天水圍飛馬年代有什麼分別? - 今季有什麼主要目標? 《 李康廉佐迪加盟 ...
理文 外援 在 Man僧 Facebook 的精選貼文
⚽️#新球季開波啦咪等啦埋位啦🏆
香港超級聯賽 Hong Kong Premier League
香港飛馬足球隊 Hong Kong Pegasus FC
我撐本地波
【#球季前瞻 之香港飛馬篇】 — 2019-20中銀人壽香港超級聯賽
香港飛馬足球隊 Hong Kong Pegasus FC喺上季港超聯最終排第六位,表現中規中矩,球隊今季就積極增兵補充板凳深度。
除咗固有班底如陳肇麒、張志勇、佐佐木周之外,新加盟嘅本地球員包括:雷文迪、李藹軒、嚴啟華、陳曉鋒、郭子堦、陳柏衡等等,另外仲簽入上季有出色表現嘅外援馬高斯同埋澳職翼鋒查理士添。球隊今季由前香港飛馬領隊文彼得首度掌管帥印,相信會有一番新氣象。另外,球隊今季主場將改為香港大球場。
香港飛馬第一場嘅賽事將會作客理文,新人事新作風,一齊入場睇下佢哋可唔可以打響頭炮啦!
- 理文 對 香港飛馬 -
日期:9月1日
開賽時間:下午2時30分
地點:深水埗運動場
#香港超級聯賽 #HKPL #香港飛馬 #HongKongPegasus
理文 外援 在 Man僧 Facebook 的最佳解答
⚽️#新球季開波啦咪等啦埋位啦🏆
香港超級聯賽 Hong Kong Premier League
理文 Lee Man
我撐本地波
【#球季前瞻 之理文篇】 — 2019-20中銀人壽香港超級聯賽
理文 Lee Man 喺上季港超聯雖然以11分排第九,但就勇奪菁英盃冠軍,係球會史上首項錦標!
球隊今季續由陳曉明領軍,球員名單就增添唔少具經驗球員,包括有列斯奧、李康廉、佐迪、李瀚灝,以及上季喺夢想FC表現唔錯嘅亞哥斯達。另外仲有小將余煒廉和鄭兆均留效,加上守門員袁皓俊喺菁英盃決賽嘅神勇表現,前線又有外援尼迪利,今季可以話係「有前有後」。雖然都有部份重心球員離巢,但來季表現絕對值得大家密切留意!
理文今季主場移師到深水埗運動場,第一週將會喺主場迎戰香港飛馬,究竟佢哋會唔會喺首場敲響勝鼓呢?萬勿錯過入場機會!
- 理文 對 香港飛馬 -
日期:9月1日
開賽時間:下午2時30分
地點:深水埗運動場
#香港超級聯賽 #HKPL #理文 #LeeMan
理文 外援 在 Fai Li Youtube 的最讚貼文
理文主教練陳曉明:
- 回顧上一季理文成績同表現
- 今年搵球員嘅方向係乜?如何改善上季的不足
- 今季有什麼部署及目標?
新加盟球員李康廉:
- 加盟理文的主要原因
- 同曉明SIR 故劍重逢有什麼感覺?
- 自己評價同天水圍飛馬年代有什麼分別?
- 今季有什麼主要目標?
《 李康廉佐迪加盟 理文調整陣容迎新球季 》
上季菁英杯冠軍理文,喺將軍澳足球訓練中心正式開操。教練團仍然以主教練陳曉明和助教曾昭達拍檔,加入守門員教練鄭皓文,繼續以培訓年輕球員為宗旨。
新球季有隊長干沙利斯,史提芬彭利拿,方柏倫等主力離隊,補入從東方左翼李康廉及謝朗軒,傑志孖寶佐迪和列斯奧,還有從和富大埔來投守門員李瀚灝,實力有增無減,外援方面有尼迪利及沙普夫留隊,另外從夢想FC簽入阿根廷中場亞哥斯達,另外有兩位巴西新面孔,包括中堅迪奧高,以及下週一歸隊的翼鋒基華利頓。
新一季理文班費與上季相若,差不多2000萬左右。至於主場方面則有待稍後時間足總落實,才能揀場,不過由於東方已經選取將軍澳運動場作主場,下季理文轉主場勢在必行,不過會方仍會以將軍澳訓練中心及區內訓練場為基地。過去在將軍澳區內進行的社區推廣活動,新球季仍然會繼續。
球隊將於8月中到泰國集訓,約戰泰超球隊,準備新球季來臨。