關於 琵琶蝦 價錢 ，我們在網路上蒐集到這些相關的討論、資訊與評價

喵奴好愛食buffet，所以成日都會物色酒店自助餐🤤。要喺質素高同價錢抵之間要取得平衡，就不妨考慮吓沙田石門嘅 Courtyard by Marriott Hong Kong Sha Tin 推出嘅 #盛夏海鮮薈自助晚餐。

盛夏海鮮薈自助晚餐@MoMo Café
話明 #海鮮薈，當然有多款海鮮提供啦，包括呢12款海鮮🦀🦞🦐：#波士頓龍蝦、#琵琶蝦、#加菲蟹、#法國羔蟹、#鱈場蟹腳、#帆立貝、#瀨尿蝦、#藍青口、#熟蝦、#蜆、#黃金螺 及 #東風螺，好新鮮好Juicy，包你話正💯！

除咗以上海鮮，(對我嚟講)最重要嘅 #生蠔🦪當然唔少得啦！每位賓客可享有好似手掌咁大隻嘅 #日本室津刺生級生蠔 2隻 ，好大好鮮甜呢😋！(為確保食物安全衛生生蠔不設無限供應，只做位上兩隻)

講完海鮮就講吓 #刺身🍣，有三文魚、希靈魚、醋青魚、八爪魚、鯛魚、魷魚仔等，雖然係常見品種，但質素都有保證㗎👍🏻！

#熟食 方面，設有每日精選烤肉，有 #烤西冷扒、#烤肉眼扒🥩、#鹽焗三文魚 及 #蕉葉紅魚 等，如果驚食海鮮唔夠飽 / 唔食海鮮，呢度嘅熟食都好足㗎！唔會驚餓住肚皮走😘。而且MoMo Café好照顧一家大細嘅需要，特設兒童及本地美食專區，滿足老人大人小朋友嘅口味👦🏻👨🏻👵🏻。

人大咗就開始鍾意飲湯，尤其係 #燉湯🤩。呢晚自助餐準備咗 #蔘鬚紅棗圓肉燉赤肉🥳，好足料，非常滋潤，有蔘味，但唔會苦，因為有紅棗圓肉混合，所以覺得好甘甜。平時喺屋企好難煲呢啲燉湯，所以我忍唔住飲咗兩碗呢！

咚咚咚🛎！鐘聲響起啦，原來每晚7點都有現場烹調環節👨🏻‍🍳，仲會不時轉換及輪流供應，保持新鮮感。7月會提供 #寶雲蘇羊架、#西瓜黑白雜果凉粉、#生菜片豚肉崧 等。

呢一晚靚仔主廚👨🏻‍🍳就為我哋即席表演 #黑松露意大利飯❤️。佢一推架車仔🛒出嚟時已經伴隨超濃嘅芝士味🧀，原來佢將意大利飯放入一個大大芝士甖中，用意大利飯嘅熱力將芝士融化，再混為一齊，每粒飯都有芝士包圍住，正呀喂😍！你以為已經完？少年你太年輕了，佢再拎出一籃子嘅 #新鮮黑松露，一片片刨落盛起嘅芝士意大利飯中，成個表演好grand，食落仲覺得味蕾好豐富，好幸福呢！

最後就係 #甜品🍮時間啦！包括有6款Mövenpick雪糕🍨，仲有全新推出嘅自家製雪條🍡，有仙人掌🌵、釋迦、無花果、蜜瓜🍈4款創新口味，飯後食到咁清甜可口嘅雪糕同雪條，仲有香滑嘅豆腐花同肉鬆pancake等甜品，真係為呢場自助餐畫上完滿嘅句號呢。走個時我都要遮遮掩掩，驚俾人以為我「又」大肚呀🤰🏻😂。

為咗加強衛生防護措施，保障大家健康，酒店自助餐會要求食客每次出去夾食物時一定一定要戴口罩😷，朋友講笑咁話，如果驚唔記得帶口罩出去食物區，將口罩拉落下巴度食嘢咪得囉！（如果唔怕整污糟口罩嘅話🤣）

➖➖➖➖➖➖➖➖➖➖➖➖➖➖➖➖➖➖➖

✳️盛夏海鮮薈萃自助晚餐
🗓日期：2020年7月1日至9月30日逢星期一至日及公眾假期供應
⏰時間: 晚上6時至10時
📍地點: MoMo Café
💰價目:
星期一至四 - 成人每位港幣$488，小童每位港幣$268
星期五至日、公眾假期及其前夕 - 成人每位港幣$580，小童每位港幣$320

📌MoMo Café
📍地址: 香港新界沙田安平街1號香港沙田萬怡酒店2樓 (港鐵石門站C出口)
📞電話訂座：3940 8788 或
💻網上訂座：bit.ly/2XA8KT0

#CourtyardbyMarriottHongKongShatin
#MoMoCafe

泰國覓食篇

芭堤雅第一餐，地道海鮮宴，最正同最抵食係琵琶蝦，$225左右1kg有8隻，一半清蒸一半椒鹽，鮮甜彈牙，呢個價錢香港連1隻都未必食到…😍😍
其他海鮮一樣新鮮生猛，鮮甜美味，性價比實在很高，來到芭堤雅不妨一試！😜

溫馨提示：由於食店沒有冷氣供應，怕熱人仕請自己衡量，但地方其實尚算清爽流通的。😊

#芭堤雅
#泰式地道海鮮
#琵琶蝦
#生蝦刺身
#平靚正海鮮
#沙灘雅座
#古家私房菜

Preecha Seafood Restaurant

地址：200/9 Moo 4, Soi Na Jomtien 28, Na Jomtien Road | Na Jomtien Subdistrict, Sattahip, Thailand

[諗住食碗麵啫，點解變咗做海鮮全餐嘅XD]

我最初真係諗住去阿君度食碗鴨肉麵咋~~~

阿君(譯音，純粹懶親切XD)係呢間街坊麵店老闆娘，因為拿手煮海鮮，時不時整返幾味招呼朋友，有次同大廢試咗道off menu嘅泰式生瀨尿蝦，印象深刻(主要係第一次生食瀨尿蝦~~~)，最近同朋友K再去，發現店子原來加開晚市賣私房海鮮，就係咁我哋由食碗麵變咗食海鮮全餐！

🍲菜式選擇：
日頭賣滷水鴨肉、牛雜呢類泰式粉麵，晚市供應私房海鮮，品種有蝦、蟹、魷魚、琵琶蝦、巨型螄蚶等，貨源由泰南直送，特點係無Menu，阿君會發辦建議幾個煮法再俾客人揀(放心，英文可溝通)。

👨🏻‍🍳食物質素：
一直覺得泰式滷水偏甜，估唔到阿君同我一樣諗法(難得竟然有個泰國人唔嗜甜)，鍾意呢度個滷水汁醇香得來唔會過甜，一碗有齊鴨肉、鴨翼、鴨掌、鴨紅同鴨肝，燘得腍身入味，完全滿足到我把麻甩嘴，Beef Noodle都好好食，搞到我每次都好難抉擇XD

至於海鮮首選一定係蝦，泰式生蝦質感黏糯，比平時食到嘅蝦味重；香辣葱蒜炒蝦大大隻，肉爽甜，分量足，個汁辣中帶少甜，有驚喜；咖喱蟹好鬼辣但好好味，我同朋友K都忍唔住叫咗碟白飯，但材料都係冰鮮貨，始終鮮度唔及游水海鮮。唯一中伏係巨碼螄蚶，燒完出來啲肉仲老過我，都係平時細細隻灼到半熟嘅螄蚶仔好食～

🏠用餐環境：
普通街坊麵店格局，旁邊就喺阿君屋企，但位置比較吊腳，喺Ping River右岸靠近火車站，同遊客區有一定距離。

💰平均消費：
粉麵價錢超實惠，最平10THB/HK$2.5起，正常Size每碗30-40THB/HK$7-10；海鮮大部分柯打例牌都係250THB/HK$61，泰式生蝦150THB/HK$37，一碟有成14、15隻，好抵食！留意粉麵只供應到5pm(但好多時兩點就賣晒)，建議日頭去食碗麵再柯打兩碟海鮮做前菜~~~

======

📌【廢氏推介 ~ 清邁活動+行程】
https://www.facebook.com/chiangmaijourney/shop/?rt=19

⬇️【廢氏推介 ~ 清邁親子玩樂景點】
http://www.chiangmaijourney.com/chiang-mai-family-travel/

📍Krua Baan Kwan
地址：Tok Kham 2 Road, Tambon Tha Sala, Amphoe Mueang, Chiang Mai
營業時間：9am-9pm
FB：https://www.facebook.com/krua.baan.kwan.cm
地圖：https://goo.gl/maps/nCkGd1dt4qT2

======
▼Follow us▼
IG: instagram.com/chiangmaijourney/
FB: fb.com/chiangmaijourney

#清邁 #清邁包車 #清邁美食 #清邁旅遊 #清邁自由行 #廢氏清邁私生活 #chiangmaijourney #chiangmai #cmj268

美味粵菜其中不可或缺的一環就是新鮮的食材，所以六公館一向致力為客人呈獻洋溢創意的傳統粵菜，注入驚喜。為吸引一眾愛嚐鮮的食客，六公館除了定期推出時令限定菜單，更設不顯示在菜單上的隱形菜色。主廚每天搜羅最新鮮的優質食材，提升菜式的靈活性，令就算供應不多的罕見食材都能呈獻給食客。客人只需用餐兩天前預定隱藏菜式，主廚就會在當天為食客炮製驚喜。
六公館是次精心設計隱藏菜單，賓客可自由選擇時令海鮮或新鮮肉類（每道隱藏菜式價錢為約$250-500），並由廚師發辦或根據賓客的喜好定制烹調方法，美味變奏間更令味蕾充滿驚喜。另外，六公館更特設初秋限定菜單共六道精彩美饌，用上鵝肝、富貴蝦、雪雁、遼參等珍貴食材，配以嶄新烹調手法，滿足一眾饕客之味蕾。
如有興趣品嘗隱藏菜單，客人需於兩日前致電六公館以便大廚準備精選珍貴食材。
意大利魚子醬拌鵝肝配西班牙黑毛豬脆 - $268


採用西班牙黑毛豬腩，肉質彈牙不膩，表層經燒烤後酥脆爽口，搭配油香濃烈的煎鵝肝，滋味無窮，底層採用自家焗製鹹蛋酥以打造鍋巴薄脆口感，最後以法國魚子作點綴
柚子青瓜富貴蝦凍 - $308
採用富貴蝦並將其剝殼，肉質豐厚且滑溜鮮甜，配以海鹽調味以突出其鮮味。另把青瓜切成薄片，並以日本柚子汁浸泡三小時，使富貴蝦肉口感清爽之餘帶有淡淡的果香味，令人胃口大開
松茸響螺雪雁燉日本百合 - $368
選用味道較鮮甜的響螺，以及松茸中鮮味最為突出的姬松茸，搭配肉細質嫩的雪雁，味道甘美濃郁，另加入清甜的日本百合以平衡雪雁的野味味道，兩者鮮味互相輝影，同時有健脾益胃之效

乾燒關東遼參拌野米 - $568
採用日本關東遼參五行針，以高湯浸煮兩天使其入味，再以大火乾燒收乾水份，並選用野米拌少許雞油、茨實、密豆子炒香，清香爽口的野米平衡了遼參的油膩感，加上紫色及黃色的荷蘭椰菜花苗作點綴 ，為菜餚添上色彩及鮮味

琵琶蝦舞松浸美國菠菜苗 - $258
有別於傳統龍蝦湯汁，大廚選用琵琶蝦烹調菜餚醬汁，先將其蒸熟並去殼起肉，再冷藏一晚使其肉質口感更厚實，最後加入琵琶蝦殼及蟲草花熬製鮮濃湯品，味道獨特清香。另配以營養價值較高的日本舞松茸及上乘的美國菠菜苗，菜苗吸收琵琶蝦湯精華後香氣四溢，為食客帶來雙重享受

熊本紫薯蜂巢棗拌十勝紅豆凍琥珀 - $238
把熊本紫薯炸成蜂巢狀，酥脆可口，內裡微溫的西式拖肥流心，口感細嫩幼滑，味道輕盈帶絲絲甜香。配以帶濃稠口感的潮州芋蓉糖水及爽滑煙韌的阿根廷桃膠，表層灑上混合百合、蓮子、杞子等材料烹製而成的十勝紅豆茸，層次豐富、味道清甜

#尖沙咀美食 #六公館 #香港美食

美味粵菜其中不可或缺的一環就是新鮮的食材，所以六公館一向致力為客人呈獻洋溢創意的傳統粵菜，注入驚喜。為吸引一眾愛嚐鮮的食客，六公館除了定期推出時令限定菜單，更設不顯示在菜單上的隱形菜色。主廚每天搜羅最新鮮的優質食材，提升菜式的靈活性，令就算供應不多的罕見食材都能呈獻給食客。客人只需用餐兩天前預定隱藏菜式，主廚就會在當天為食客炮製驚喜。
六公館是次精心設計隱藏菜單，賓客可自由選擇時令海鮮或新鮮肉類（每道隱藏菜式價錢為約$250-500），並由廚師發辦或根據賓客的喜好定制烹調方法，美味變奏間更令味蕾充滿驚喜。另外，六公館更特設初秋限定菜單共六道精彩美饌，用上鵝肝、富貴蝦、雪雁、遼參等珍貴食材，配以嶄新烹調手法，滿足一眾饕客之味蕾。
如有興趣品嘗隱藏菜單，客人需於兩日前致電六公館以便大廚準備精選珍貴食材。
意大利魚子醬拌鵝肝配西班牙黑毛豬脆 - $268


採用西班牙黑毛豬腩，肉質彈牙不膩，表層經燒烤後酥脆爽口，搭配油香濃烈的煎鵝肝，滋味無窮，底層採用自家焗製鹹蛋酥以打造鍋巴薄脆口感，最後以法國魚子作點綴
柚子青瓜富貴蝦凍 - $308
採用富貴蝦並將其剝殼，肉質豐厚且滑溜鮮甜，配以海鹽調味以突出其鮮味。另把青瓜切成薄片，並以日本柚子汁浸泡三小時，使富貴蝦肉口感清爽之餘帶有淡淡的果香味，令人胃口大開
松茸響螺雪雁燉日本百合 - $368
選用味道較鮮甜的響螺，以及松茸中鮮味最為突出的姬松茸，搭配肉細質嫩的雪雁，味道甘美濃郁，另加入清甜的日本百合以平衡雪雁的野味味道，兩者鮮味互相輝影，同時有健脾益胃之效

乾燒關東遼參拌野米 - $568
採用日本關東遼參五行針，以高湯浸煮兩天使其入味，再以大火乾燒收乾水份，並選用野米拌少許雞油、茨實、密豆子炒香，清香爽口的野米平衡了遼參的油膩感，加上紫色及黃色的荷蘭椰菜花苗作點綴 ，為菜餚添上色彩及鮮味

琵琶蝦舞松浸美國菠菜苗 - $258
有別於傳統龍蝦湯汁，大廚選用琵琶蝦烹調菜餚醬汁，先將其蒸熟並去殼起肉，再冷藏一晚使其肉質口感更厚實，最後加入琵琶蝦殼及蟲草花熬製鮮濃湯品，味道獨特清香。另配以營養價值較高的日本舞松茸及上乘的美國菠菜苗，菜苗吸收琵琶蝦湯精華後香氣四溢，為食客帶來雙重享受

熊本紫薯蜂巢棗拌十勝紅豆凍琥珀 - $238
把熊本紫薯炸成蜂巢狀，酥脆可口，內裡微溫的西式拖肥流心，口感細嫩幼滑，味道輕盈帶絲絲甜香。配以帶濃稠口感的潮州芋蓉糖水及爽滑煙韌的阿根廷桃膠，表層灑上混合百合、蓮子、杞子等材料烹製而成的十勝紅豆茸，層次豐富、味道清甜

#尖沙咀美食 #六公館 #香港美食