【魔鬼山】
初四，最後一個紅日新年假，聽日媽媽又要返工喇。天公繼續造美🥰，再帶三個小朋友出外行一行、曬一曬。
今次行低級程度嘅魔鬼山，其實已經係第三次上去了😆。我選嘅路線會攰少少，比較多樓梯，多點運動量💪🏻。。。油塘 － 鯉魚門 －魔鬼山 (炮台山) ，沿路截返至華人永遠墳場車路，下走回至油塘。
從油塘站出，向鯉魚門方向走，大約15分鐘到達，見到大大個牌坊，穿過海鮮街🐟，順便買下手信，我自己就大愛「年香園」嘅豬肉乾、合桃，隔離嘅「紹香園」及「瑞香園」都唔錯👍🏻，買咗新鮮出爐雞仔餅。幾間餅店都各有捧場客，每間都買 d 啦😋！
買完嘢食，正式出發，穿過埋馬環村，見到「衞奕信徑」路標，開始踏上連綿樓梯，樓梯雖然頗長，但舖得整齊易行，慢行約半小時，到達車路後，餘下路程變成全斜路。
我哋主要登上山頂嘅魔鬼山碉堡，360度海景一覽無遺，心曠神怡😌。喺呢度坐下、吹吹風、影下相。回程沿斜路落，到車路後右轉往下走，就可以返油塘站喇！
計埋買下手信，睇下海景影相📸，全程 3小時之內可完成。如果大家想輕鬆少少，可以跟我相反方向行，先由高超道，轉上華人永遠墳場車路，向上行接衞奕信徑三。離開時就從樓梯落返鯉魚門。
＊一路上冇乜遮蔭，如果烈日當空會比較辛苦🌞，需注意一下。
#魔鬼山 #炮台山 #行山 #hiking #kidshiking #familyday #戶外好去處 #假日好去處 #郊遊 #戶外活動
瑞香園 在 鯉魚門瑞香園餅家Leiyuemun Shui Heung Yuen Bakery 的推薦與評價
鯉魚門瑞香園餅家Leiyuemun Shui Heung Yuen Bakery， 香港. 516 個讚好. 瑞香園餅家是一間由家庭式經營的傳統糕點餅店，擁有五十多年歷史。售賣20多款由師傅現場親手 ... ... <看更多>