有讀者睇咗我今日刊登果篇講生日願望嘅專欄，
話諗起我呢兩日嘅經歷，
只想簡單同我講聲生日快樂⋯⋯
自己睇返篇文都忍唔住苦笑，
真係有夠諷刺，
到咗我呢個年紀，
真正想買嘅應該餘下半世人點努力都未必買得到（講緊樓呀港島樓呀啲師奶買畀個仔娶老婆果啲樓呀頂），
其餘平時經濟能力負擔到嘅，
靚衫又好貴波鞋又好絕版玩具都好，一直冇買，
咪就係因為覺得唔值，買又得唔買又得囉！
所以呢幾年嘅生日都冇咩生日禮物想要，
最後生日願望都不外乎希望一啲用錢買唔到嘅嘢，
譬如開心呀健康呀咁，
咁唔係點啫？
我夠想生日可以得到一本死亡筆記，
將搞到香港污煙瘴氣果啲小丑妖孽寫晒入去，
更想同拋棄我嘅生父見上一面，
或者最錫我嘅外婆翻生，
可以咩？
講真，如果真係有個願望可以畀我實現到，
我諗最後我都係選擇用月光寶盒大嗌一聲瓜達拉HIGH啦，返翻去十幾年前，
香港回歸之前，
重新再活一次，
因為知道晒後嚟香港變成點，
所以我會用盡所有方法賺最多嘅錢，
然後成為呢個城市最有影響力嘅人，
用自己嘅方法，策劃一個挪亞方舟計劃，
拯救最多嘅香港人⋯⋯
不過算吧啦，
連果個寫生日願望嘅專欄響生日後都冇鬼咗，
諗到天花龍鳳有鬼用咩，
呢個城市，越係無私就越係死無全屍，
唯有繼續為新嘅專欄app努力，
希望幫到自己同時可以幫到更多嘅人囉！
唔固執都唔係我啦！山羊金牛加天蠍係咁架啦！
所有pm咗嚟嘅朋友請耐心等待，
返到香港件事成熟我會一次過好好處理架啦！
所有留言祝我生日快樂嘅朋友，
心意全部收到晒，感恩有您地雪中送炭！
希望過咗生日，所有嘢都順順利利啦！
#susanmiller都唔準嘅澤西啦去 #生日咒語瓜達拉X啦 #講咗月光寶盒就會顯靈 #揀世界和平定香港重光好呢 #零時十分倚窗看門外暗燈
