［今日寫呢啲］生日有乜做？當然繼續寫文。一向我都一星期寫六篇，紅日都照寫，聖誕都最出。又到月頭，而家訂最抵，留意仲有語音版同影片版（20/40蚊美金VIP限定）。幾時我都係嗰句，覺得垃圾嘅，咪月尾cut咗佢—衰得過有1700人睇（still counting）？
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
不過因為咁啱半年，香港又冇市，美股又算靜，所以呢篇寫多啲Big Picture啲嘅嘢。
正如早兩日都講過，美股三大指數12-14%回報，港股三大指數就-3至+6%。結論？即係根本今年合埋眼都贏錢。你未必會贏到指數（半年14%你估易？），但如果搞到輸錢嘅，都幾大問題
第一，咁嘅市都輸錢，你不如買勞蘇基金（籌備中），第二，咁嘅市都輸錢，到大跌市你點算？唔好以為有咩「逆周期」，絶大多數人（唔止講投資），如果環境好都發唔到圍嘅，環境差只會死得更慘。
咁但，要講一樣嘢。我個Patreon舊年8月先搞，而環球股市近呢一年係一帆風順（今年3月嗰啲都話股災嘅，你就算罷啦），標普指數由舊年10月已經再冇5%嘅調整。亦即係，好多讀者根本全部都冇經歷過大跌市。
所以我咪要管理返啲讀者期望。今年上半年美股升12-14%，根本歷史上平均全年嘅升幅都冇咁多。固然唔存在話你上半年升多咗，下半年就有隻手拉返落去。但，真係唔該調整下你嘅心態。
你見好多人，個市橫行已經叫救命叫悶，又話你推啲嘢唔郁。咁到日日跌嗰時，保證你懷疑人生。即係舊年3月嗰啲反而有啲賭仔飛入去摶撈底，但如果係2018年嗰啲慢慢折磨，或者港股呢幾年咁上落市，保證磨到你冇意志。
但，古語有云，Only the paranoid survive，你明知道，每次事後你都知道，當人人都當你傻仔，你自己都開始懷疑自己時—就往往係最好嘅時間。所以投資，真係可能要少少精神分裂—或者至少話你知，唔係傳統讀書嗰種一步一步嘅邏輯。
個市日日跌，保證你日日鬧我啲嘢唔掂—因為真係乜都跌。但，正係呢啲時刻你最需要繼續訂，最要有人提你唔使驚。
另外，篇文回顧返恒指同道指上半年，表現最好同最差嘅股票。我會慢慢解，但真係想知嘅？實情都冇乜路捉，你捉到都好大機會只係好彩。
但you know the beauty？我根本唔使捉到最勁嗰幾隻！
遲下我在Facebook Page會講，所以Patreon入面只係快講。但，舊年年尾我接受經濟一週訪問，推介咗2021年11隻股份。做乜呢個訪問重要？因為我從冇在其他地方做過類似嘅嘢，公司都冇（當時已炒啦）。另外，即使係經濟一週，亦只有嗰一次。所以唔存在話呢本問我我就話升，另一份問我我話跌，實會中一面嘅 cherry picking
推介咗乜？而家又點諗？文入會有講。但，話埋你知，堆嘢係跑贏大市嘅。白紙黑字，亦都冇其他地方寫過。最重要係：我在Patreon都係推差不多嘅嘢，好多我都有買。滿意冇？
最後，有人叫我公開自己買咗乜，全無保留三點盡露咁話。咁一路都話會做，就趁呢個月做埋佢。你訂Patreon咪有，雖然之前都逐啲逐啲畀你睇，今次就一次除晒 — 呀不過，講明先，只係美股，港股唔除，留返小小秘密畀自己。另外，只有名單，唔會話你知我買咗幾多。多得滯怕畀人綁架，少得滯又怕畀人笑。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
