其實……
「食後感」呢個系列由我未開始拍片已經有文字版,
不過係我份人比較長氣,
打親字都太長篇,
所以好似拍片有聲大家易啲睇得晒。
好多網友留言話啲片好好笑,
其實我一路寫「食後感」都係本住用自己現實中會講嘅說話希望將啲味道同質感形容得具體啲等大家有個比較接近現實嘅幻想,
從來無志在搞笑,
其實件事係好認真嘅。
雖然見到啲片竟然可以帶歡樂畀大家我真係又開心又榮幸,
但啲片好笑或者爆粗都唔係專登嘅,
所以如果你見到有啲片無粗口又唔好笑,
其實真係好合理。
我希望嘅嘢係想你睇完大概知道件嘢本身係點,
但口味呢啲嘢好主觀,
我免得過都好少用「好食」或者「難食」呢啲字眼,
好似我覺得榴槤好難食,
但我阿媽又好鍾意食榴槤咁,
所以我成日都話,
真係想知好唔好食都係自己親身試下啦!
……
嗱,都話我好長氣㗎啦!
P.S. 圖中為好好味果汁奶,
係用雪做冰嘅香蕉,
加整嘢用剩嘅士多啤梨同芒果同奶打成,
好好味,我覺得。
#recolte果汁機
#用嗰陣扭實就唔漏汁
Search