之前post完story好多人問我呢度邊到黎，我都覺得幾多野玩，等我介紹畀大家先！呢度係天水圍嘅綠田園，聽個名我以為郊外地方無咩野玩，最多餵下魚，撐下船，但原來入咗場都幾多野玩，仲人山人海，好熱鬧！貝貝仲玩到唔捨得走🥵！係咁扭玩吹氣sir滑梯！
呢度無需入場費，但每樣項目都係另外收費（不過入得黎都預咗畀人劏😂），佢另外仲有燒烤場同埋熟食檔，唔怕餓親！本身我地都想燒烤，但我地驚小朋友坐唔得耐，所以就無燒烤嗱！
我地玩咗以下嘅野⋯
1: 撐船$90 20分鐘，可以另外加$15買魚糧（一定要買！）真係多魚到嚇親，仲有龜都游上黎覓食，好壯觀！
2: 撈金魚$25，啲魚超活躍，同貝貝去開葵涌廣場撈果啲完全無得比！勁難先撈到一氣，貝貝玩咗5分鐘已經放棄😂，啲魚撈完唔畀拎走，完場只會送份小禮物！
3: 坦克車$70兩個圈，有腳踏，自己控制左右，對於零駕駛經驗嘅我有啲淆底，因為眼見好多人揸揸下都要落車推，好彩！我無呢個問題，仲覺得幾好玩，貝貝喺側邊扮救火都好過癮！
4: 餵牛羊，好似係$5一扎草，但我地無買！因為眼見啲牛羊已經飽到唔想食，啲人餵到無心機，仲扔到成地都係草，咁貝貝又好想餵喎，我地隨手喺地下拎起咗一條畀佢餵下，佢都好開心😂
另外仲有好多野玩，可以參考返佢地網頁，有啲幾刺激，我地小朋友都唔敢玩，其實我勁想睇佢玩個滑草場🤭唯有等大啲再後啦！
天水圍綠田園
http://www.yl.hk/green/
建議大家如果唔係要燒野食嘅話，可以3點後先入場，無咁熱同曬啊！
——————————————
FB: 貝貝Alice-小寶貝夢遊日記
IG:bowl_lam
記得讚好我地 Page 之餘，仲要 Set 做搶先看呀～
#貝貝Alice #90後媽媽 #香港媽媽 #手媽媽 #新手爸爸 #育兒日記 #育兒生活 #綠田園 #農莊
田園農莊 在 水田園農莊 的推薦與評價
... <看更多>
相關內容