《由一對香腸腳講起》陳心遙
《信報》2018年11月21日《視線所及》專欄
五年前社交媒體出現過一陣「香腸腳」惡搞潮。源頭係一位加拿大嘅飲食博客,喺自己嘅Tumblr拍攝一雙香腸,嚟模擬網民鍾意自拍雙腳,宣布自己正享受假期嘅相;引起巨大迴響。有人話呢啲晒命相一到假日就會大量洗版,「香腸腳」正係一種心理反彈,嘲笑好多人一窩蜂以樣板嘅相片,透過社交媒體虛構自己嘅「理想人生」。
早有專家質疑:社交媒體愈發達,愈多人以精挑細選嘅虛擬人生取代活生生嘅真實體驗。英國有一個16歲嘅男仔因自殘被送往醫院。醫護人員本來諗住施加抗抑鬱嘅治療,但當醫生同佢詳談之後,建議患者另一個方法:要佢喺臨瞓前一個鐘頭「斷網」,唔好上任何社交網站。幾個星期後,再延長「禁網期」至臨瞓前兩小時同起床後兩小時。六個月後個男仔情況明顯好轉,更主動參與學校同社區嘅活動。
陸陸續續有國家注意到心理健康同上網習慣嘅關係,譬如立法禁止畀太細嘅幼童接觸電子產品。美國有兒童福利專家去信畀朱克伯格,要求佢停止專為小朋友而設嘅「Messenger Kids」。信中仲列舉調查報告,有細至10歲嘅女仔因為Instagram而出現自我形象低落嘅問題。英國皇家共同衞生協會喺2017年訪問咗1500個由11至25歲嘅年輕人,報告指出喺五個最常用嘅社交網站入面,Snapchat同Instagram比較令使用者感到匱乏同焦慮;而Facebook就最令網絡欺凌惡化。
其實網絡只係人類社會嘅放大鏡或者縮影,問題唔一定喺個App本身。有一個女仔14歲患上厭食症,長期處於嚴重冇自信嘅狀態。佢發現Instagram上面有「厭食症康復嘅社群」,好多有飲食失調嘅人會分享病情嘅種種高低起伏。佢自此開咗自己嘅Account,每日上載佢每餐嘅食物相,同進食心情,就好似一篇篇飲食日誌咁;利用Hashtags,佢有一大班followers每日鼓勵佢,讚賞佢一點點嘅改善,「令佢覺得唔再係孤單抗病」。
每項新科技都會帶嚟一次思想激辯。幾十年前出現電視機,一樣大把人大聲疾呼,慎防人類墮落。水能載舟覆舟嘅傳統智慧仲未深入民心;一切好與壞,幾時都係睇人類自己。命運唔係淨係操縱喺少數科技精英或者政治巨頭之手,而係你同我身上。
平常人每日看似重複機械嘅生活,其實已經不知不覺做咗百幾次選擇,由你食乜嘢買乜嘢,到你喺杜交媒體上面講乜嘢post咩嘢。一隻蝴蝶拍翼成風,係神話;千億飛鳥奮力展翅,可能會成真。以後你上網講嘢,會唔會三思而後行?
#由一對香腸腳講起 #社交媒體 #信報 #陳心遙
由一對香腸腳講起 在 陳心遙 Facebook 的最讚貼文
《由一對香腸腳講起》陳心遙
《信報》2018年11月21日《視線所及》專欄
五年前社交媒體出現過一陣「香腸腳」惡搞潮。源頭係一位加拿大嘅飲食博客,喺自己嘅Tumblr拍攝一雙香腸,嚟模擬網民鍾意自拍雙腳,宣布自己正享受假期嘅相;引起巨大迴響。有人話呢啲晒命相一到假日就會大量洗版,「香腸腳」正係一種心理反彈,嘲笑好多人一窩蜂以樣板嘅相片,透過社交媒體虛構自己嘅「理想人生」。
早有專家質疑:社交媒體愈發達,愈多人以精挑細選嘅虛擬人生取代活生生嘅真實體驗。英國有一個16歲嘅男仔因自殘被送往醫院。醫護人員本來諗住施加抗抑鬱嘅治療,但當醫生同佢詳談之後,建議患者另一個方法:要佢喺臨瞓前一個鐘頭「斷網」,唔好上任何社交網站。幾個星期後,再延長「禁網期」至臨瞓前兩小時同起床後兩小時。六個月後個男仔情況明顯好轉,更主動參與學校同社區嘅活動。...
See More
由一對香腸腳講起 在 你知道,那是誰的肉嗎? 道證法師講述當我在外科實習的時候 的推薦與評價
假使有人調皮開玩笑,把自己割下來的胃、腸,或者是自己切下來的腎臟,也放到那豬肉攤位上,和豬肚、豬腸,種種豬內臟擺在一起,可能您也認不出來,說不定還會買回去吃 ... ... <看更多>
由一對香腸腳講起 在 2023元宵節燈謎解答猜謎答案3600題|腦筋急轉彎|Dcard 的推薦與評價
珍惜對CLOUD說:我知道帆船在逆風時也可以前進,但我今天真倒霉,帆船進入了一個完全無風的地帶,幸虧後來遇到一股強烈的潮水才得以逃脫。CLOUD說:雖然是 ... ... <看更多>