【屍人屋苑】病毒變種、喪屍橫行,一個屋苑困獸鬥的故事……(3)
為咗兩日後可以搭直升機離開呢座大廈,我同阿俊決定預先上去廿五樓暫避。經歷完後樓梯嘅一場追逐戰之後,我哋總算喺千鈞一髮之間趕得切入屋。
然而,就好似我之前擔心過咁,呢間屋裡面果然仲有人住緊……
「你哋……到底係咩人?」少女一臉恐懼咁問。
雖然唔敢話好靚,但喺今時今日呢個環境,已經唔係剩低好多後生而又活生生嘅女人。何況佢俾人感覺楚楚可憐咁,好容易令人產生保護欲。
「我係屋主個仔。」阿俊舉起雙手講:「呢間屋係我老豆好多年前租畀陳生,所以我先會有呢度嘅鎖匙……妳係陳生個女?」
少女點咗下頭,但手依然係握緊刀柄,未敢放低戒心。
「Sorry,我哋本來諗住呢度唔會有人住,所以先打算上嚟避下。」阿俊繼續講:「放心,我哋唔會留喺度好耐,兩日之後就會上天台搭直升機走……」
「直升機?」少女皺起眉頭。
「係我老豆派人嚟接我哋……」
我不禁反咗下白眼,其實阿俊根本無必要咩都講晒出嚟。就算少女外表睇落幾弱幾冇威脅都冇,始終都係陌生人。而根據我以往嘅經驗,俾陌生人知道自己嘅事絕對係弊多於利。
------------------
《屍人屋苑》前三回:
https://www.facebook.com/pg/Echo.of.Heart/photos/?tab=album&album_id=1935947799870360&__tn__=H-R
------------------
「兩日就會走?」少女確認。
「嗯……係嘞,陳生陳太呢?佢哋喺唔喺度?」阿俊禮貌咁問。
我注意到少女聽完之後望咗一眼廚房。正打算回應嘅一瞬間,大門外突然傳嚟一下強烈嘅撞擊聲。隨即聽到喪屍嘅嚎叫同腳步聲──睇嚟班喪屍終於撞冧咗道防火門,入侵咗廿五樓嘅走廊。
……嗚嗚……嗷……
我用最細嘅動作起身,再透過防盜眼望出去,即刻就見到一張蒼白而腐爛嘅臉孔經過門外,及後仲有更多喪屍接二連三咁出現。簡單一數已經接近廿隻以上,呢個量係絕對冇可能突破到。
「咩情況?」阿俊用口形問。
我搖搖頭表示唔樂觀,然後就慢慢行埋去梳化嗰邊坐低。過程係刻意俾少女見到我手上把刀,話俾佢知我根本就唔驚佢。
雖然早就預計過會出現咁嘅情況,但事實比想像真係惡劣太多了。除非諗到方法又或者有其他人引走班喪屍,唔係兩日之後我哋肯定係上唔到天台。
所以,而家根本冇心情考慮少女嘅情況。就算佢同我一直幻想嘅女主角好吻合,而家都係應該要面對現實……
阿俊睇完門外情況之後都跟住過嚟,再同少女講:「門外面有好多喪屍。如果妳堅持要我哋走,可唔可以等到佢哋散咁啲先?而家出去嘅話,肯定係死路一條……」
因為有雨聲做掩護,所以呢個聲量係唔會吸引到外面嘅喪屍。但就算吸引到都冇所謂喇,反正情況都已經夠晒惡劣……
可能係見阿俊夠真誠,又或者純粹貪佢靚仔,少女總算垂低握刀嘅手。
「你哋可以留喺度……但兩日後一定要走……然後……」佢指向廚房嗰邊,「……你哋唔可以入廚房,又或者去其他房間……」
「當然冇問題。」阿俊轉身向少女展示自己嘅背包,「我哋有食物,應該夠捱埋呢兩日,肯定唔會打擾到妳。」
「你哋想要水嘅話就用廁所水喉……如果仲有其他需要,就去最近嘅房拍門叫我。」
說罷,少女本來轉身就想入房,但阿俊卻叫停佢問:「我都未知妳叫咩名?我叫阿俊,佢係老超。」
「琪琪。」
「琪琪……」等到琪琪入房閂埋門之後,阿俊即刻坐喺我旁邊,「睇嚟佢父母唔喺度,唔知係失散定已經死咗?」
難怪佢頭先冇追問落去,因為驚會勾起人傷心回憶。不過都合理嘅,如果琪琪嘅父母仲喺度,點可能剩係得佢一個人面對我哋兩個?
「佢父母係點唔得閒理喇,重點係我哋兩日之後應該點上去。」我回應。
「兩日咁耐,應該有機會散啩?」可能見死過返生又暫時安全,阿俊好快就放鬆咗心情,「喂,老超,而家咁樣唔似你喎,你唔係成日都想趁呢個時勢搵個伴咩?」
記得有一晚就係放鬆過頭飲咗兩枝酒,結果唔小心提到呢件事……估唔到阿俊居然仲記得。
「有女都要有命享先得。」我重新望返去大門嗰邊,感覺雨聲好似已經再遮唔住喪屍嘅叫聲。
但到底係雨落細咗,定係外面喪屍嘅數量越嚟越多?只希望答案會係前者……
留喺度嘅第一日算係相安無事,但走廊嘅喪屍並冇減少嘅跡象。至於琪琪,除咗需要整嘢食嗰陣要入廚房同埋去廁所之外,幾乎係冇離開過自己間房。
「班喪屍……係咪就係你哋引入嚟大廈?」一整日時間,佢只係問過我哋呢條問題。
「係,但我哋真係冇心……」阿俊回應:「我哋當初只係諗住入嚟避下……」
「有冇心都好,你哋都已經害咗好多人……」
琪琪講完就行入廚房。其實我注意到佢每次出入廚房嘅時候神情總係特別古怪。好在我哋嘅食物同水都唔係佢負責,唔係我肯定會覺得佢係諗住落毒……
「落毒?你諗太多喇。」阿俊聽完我嘅疑慮先係一笑,但突然好似諗起啲嘢咁睜大雙眼,「咪住先……」
佢開著自己部電話,然後喺圖片庫裡面搵出一張相,驟眼睇落應該就係呢座屋苑嘅平面圖。
「我哋係A室,然後廚房係同H室連住。老超,我好似諗到計聽晚點走喇。」阿俊起初仲係興奮,但下一秒又收返笑容,「但係……呢個計劃一定要同埋琪琪一齊商量。」
「吓?」我不解,「點解?」
「等我叫佢出嚟。」
阿俊起身行埋去拍門。等琪琪出埋嚟之後,佢即刻開口問:「琪琪,妳會唔會考慮同我哋一齊搭直升機走?」
「吓?」琪琪聽完當然好驚訝。而我都係一樣,呢件事同計劃又有咩關係?
唔通,佢係見我好似對琪琪冇興趣,所以終於露出二世祖本性,想將琪琪追到手?只要帶佢離開呢個人間煉獄,再保證佢去到安全島之後唔需要捱苦,應該大部份女仔都會願意上釣……
「我有個計劃。」阿俊拎出一張佢手畫嘅平面圖,「我注意到呢座大廈A室同H室嘅廚房係相連嘅。即係只要小心啲嘅話,我哋絕對係可以喺廚房開窗爬過去隔離屋……琪琪,妳知唔知H室仲有冇人住?」
「應該……」琪琪又望咗下廚房,「……冇。」
「咁就好。跟住你哋望下H室嘅正門,啱啱好就喺走廊另一邊,而且一出去就係另一邊嘅後樓梯。」
「我明喇。」我聽到呢度終於恍然大悟,「只要聽晚我哋諗辦法將喪屍集中喺呢一邊走廊。再爬過去隔離屋,就唔需要面對呢班喪屍……」
「有個更保險嘅做法,就係乾脆開埋呢間屋嘅大門,再將班喪屍引入屋。總之將走廊嘅喪屍數盡量減到最低……去到可以應付嘅數量。」
「但要點做先可以將喪屍引入屋?」琪琪問。
「我電話仲有少少電。」阿俊拎起自己部電話,「到時只要較定鬧鐘,預先將部電話放喺呢間屋最入嘅房,最後開門……等到鬧鐘一響,就可以引班喪屍入嚟。」
越諗就越覺得呢條橋行得通。當然仲要面對好多問題,譬如點樣安全咁爬過隔離屋,之後仲要解開廚房嘅窗花。而且,隔離屋始終可能仲有人又或者喪屍喺度……
「但係……確定要咁做嘅話,其實今晚就要開始做好準備。」我回應。
「冇錯,所以我先問妳。」阿俊望向琪琪,「琪琪,我知道咁做就等於要放棄呢間屋,所以先建議妳跟埋我哋一齊走。」
「但如果……我唔想走呢?」琪琪反問。
「我哋都會照過去隔離屋,再留低部電話吸引班喪屍。雖然佢哋仲會留喺走廊,但至少我哋都有機會……之後部電話就俾妳用啦,反正都就冇電……」
「即係你哋點都要入廚房?」琪琪追問。
其實我當時已經覺得呢條問題有啲古怪。但因為諗緊點樣完善呢個計劃,所以就冇再深究。
「嗯。」
之後係短暫嘅沉默,過咗大約一分鐘,琪琪終於回應:「可唔可以……畀多少少時間我認真考慮下?」
老實講,佢唔當場拒絕我已經覺得係萬幸。話晒係由兩個識咗都唔夠廿四個鐘嘅人提出嘅計劃,本來就唔知可唔可信,仲要犧牲埋自己嘅安全室。換轉係我嘅話,肯定第一時間就拒絕,根本唔洗考慮。
「明白,但妳最好……今晚畀到答案我。」阿俊誠懇咁講。
但無論佢嘅決定係點都好,呢個計劃都係勢在必行。
結果,琪琪入返房之後,足足四個鐘都冇出過嚟。而阿俊堅持要等琪琪有答案先行動。所以喺準備好晒攀爬用嘅繩同爆窗工具之後,我哋兩個就只可以喺度呆等……
老實講,呢種等時間一分一秒過嘅感覺並唔好受。
「你想去邊?」見我企起身,阿俊即刻問,佢已經第四次確認條布繩穩唔穩陣。
「廁所。」
本身我真係諗住去廁所的。但行到門口嘅時候,我突然心血來潮想試下去說服琪琪。然而,就喺我行到去房門前,準備拍門嘅一刻……
……咦?
「媽……如果我走咗嘅話,妳一個人點算?」雖然聲音好細,但確實聽到琪琪講緊嘢。
媽?原 來陳太一直都喺屋裡面?為咗確認清楚,我慢慢將耳湊到門前……
「但……萬一佢哋係呃緊我……好似王伯咁嘅話……」
王伯?邊個係王伯?點解我完全聽唔到陳太講嘢?係佢真係冇出到聲抑或有其他原因?
「妳話……殺……殺死佢哋?」
突如其來嘅一句說話不禁令我背脊發寒。但都未調整好心情,突然有一隻手冷不防咁拍向我肩膀……
「哇!?」我當場嚇一跳。
「你搞咩……」原來係阿俊,佢過嚟嘅時機可以話係非常差。
我正想拉佢走,但房門偏偏喺呢個時候打開。不過只係開咗少少,剩係夠見到琪琪嘅左半身,睇唔到佢右手嘅情況、亦都睇唔出房入面到底有冇人……
「你頭先……係咪偷聽我講嘢?」琪琪問,語氣就好似冰一樣。
「我冇偷聽!我只係想搵妳商量……」
「你講大話,你肯定係聽到……」
「好呀!妳要迫嘅話我咪直接講囉!」我望向阿俊,「我頭先聽到佢同阿媽講嘢,佢提到一個叫王伯嘅話……仲話要殺死我哋!」
「吓?」阿俊驚訝。
「我冇……」琪琪否認。
「今次到妳冇喇?」我盯住琪琪,手已經放喺腰間準備隨時拔刀,「咁妳開門呀,等我同陳太直接講!有咩不滿就趁而家傾掂佢!我仲未想死住呀!」
琪琪聽完唔單止冇開門,反而將左手放喺門邊,好似驚我會推門咁。
「老超,你細聲少少先,唔係班喪屍……」
「比起喪屍,我更加驚呢個女人!」我加重咗語氣,「妳係咪唔開門!?」
琪琪依然唔肯放手,當然我都唔敢亂推門,因為驚佢右手係拎住刀……推門嘅話就會俾佢有落手嘅先機。
「好,妳唔開門嘅話……」我一個轉身行返出廳,行埋去台隔離一手拎起布繩、另一手拎起爆窗用嘅工具,「阿俊,我唔會留喺度等俾人殺……我要過隔離屋先!」
「喂!你冷靜先……琪琪,頭先到底發生咩事?」
「我……」
我冇再聽落去,氣沖沖咁推開廚房門,可以見到裡面係改裝過多咗一間細雜物房。就喺我開始綁繩準備一陣爬過去嘅時候,竟然聞到旁邊雪櫃傳嚟一陣血腥味。
轉身望過去,唔單止血腥味,雪櫃底仲有乾咗嘅血潰喺度。出於好奇心,我戰戰兢兢咁打開雪櫃門……
一開,即刻見到一個老男人嘅斷頭,佢嘅雙眼已經被挖咗出嚟,頸部有被咬過嘅痕跡,臉仲有幾處刀痕。而斷頭下面就係佢嘅殘肢……
見狀,強烈嘅噁心感瞬間湧上心頭,我下意識退後幾步,正好退到雜物房嘅門前……
……嗚……
曾經有一瞬間,我仲以為自己係聽錯屋外面嘅喪屍聲。直至雜物房門一下撞落我背後,我先意識到自己大錯特錯……
「吼啊啊啊啊啊啊!」
我猛地轉身,眼前係一隻中年女喪屍。佢雙手一下蠻力將我撲落地,張開血口準備咬過嚟……
(待續)
越長越發現多嘢可以寫,不過下集真係會完結了。之後會繼續出短篇故事,各位要繼續支持呀。
睇完記住幫手留個嬲同分享出去!
p.s. 留言有個大廈平面圖,以免大家唔明個結構。
----------------
【地方的無默媽資助計劃】(試行中)
近年作者生存空間越收越窄,大眾結業更加似係雪上加霜。所以推出資助計劃,希望各位可以直接課金支持。計劃並唔係強制性,一蚊可以,想繼續免費睇亦無妨,有心就可。
Payme 連結:
https://payme.hsbc/echoofheart
轉數快 FPS ID:6065460
計畫緣由及詳細內容:
https://bit.ly/39b5Fuw
-----------------
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售!
-----------------
IG:echoofheart
男人開門斷頭 在 藍橘子 Facebook 的精選貼文
前文提要:我遇見一個要找G點的女人,Ada...
(第一集)http://bit.ly/2WOcjSR
(第二集)http://bit.ly/2Ecc0tu
沒想到我那方面的經驗豐富得像百科全書這件事已經傳遍世界了。
突然有美女說要幫她找G點,實在有違我的做事原則,更何況…我來停車場只想下班離開警察局啊…
「等等,我只是第一天上班,這種事還是…」我還沒把話說完,就被Ada打斷了。
「這關乎幾百萬人的人命!」Ada。
「要跟幾百萬人做嗎…」使命感油然而生,我緊握著拳頭。
「別發呆了!快把它找出來!」
Ada說畢,便往其中一道門離開了,我趕緊追上去,但一打開門她就消失了…
女人真是難以捉摸,我只好靠自己尋找離開的方法了。在停車場四處尋找門禁卡,結果在拘留室找到幾個發酒瘋的人還有記者。
他說要把警察局長的黑材料放到爆料公社,這麼囂張的人難怪會被鎖起來啊…
「你要爆料隨便你啊,但可以把掛在你頸上的停車場門禁卡給我嗎?」我說。
「我才不要!」
「大家都是工作,我想下班…」
「留在這裡最安全了!」
「我管你在這裡終老啊!你把門禁卡給我就好!我要下班!」
就在我跟記者爭持不下,突然一聲巨響,記者背後的牆壁爆了一個洞,從洞中一隻巨手伸了出來,喀勒一聲把記者的脖子扭斷,頭蓋骨還凹陷了一半。
「……」看進洞裡,便看到巨手的主人正是暗戀我的光頭痴漢…
天啊!Ada、光頭痴漢都一樣,為什麼大家都只看重我的外表,而沒發現我的內涵嗎?!
記者的頭蓋骨被拍扁了後,痴漢又消失了…
要打開牢房的門取得停車場門禁卡,就要先將電子裝置修理好,
「我只想下班回家啊…」我抱頭痛哭。
只上班了一天,我就很瞭解這警察局的風格了。
就算你想去冰箱拿雪糕吃,也得找特別的鎖匙打開冰箱,放鎖匙的房間又被其他機關鎖著,想破解機關,那個機關還要沒電!!
想要恢復電力,又要去另一個要解謎才能拿到的密碼的地方!
要打開牢房的門拿門禁卡,就需要找兩個電子零件修理裝置。而這兩個像指頭般的電子零件,全警察局竟然只有兩個,一個放在停車場附近,另一個放在警察局鐘樓上。
我幾經辛苦才到達鐘樓,發現電子零件放在大笨鐘的旁邊,本來一伸手就能拿到了。
但我偏偏不要!
我偏要用另一個地方找到的大齒輪來放下鐘樓的樓梯,拿到小齒輪後,再用小齒輪來啟動大笨鐘,用大笨鐘的震盪力將電子零件掉到我的手上!
成功了!我回到停車場,修好那個他媽的裝置,打開牢房拿到那張門禁卡。
當我打開停車場的門時,Ada又再出現了。女人總是在她需要你時出現,用完即棄。
「妳跑到哪了?」我問。
「我去找G!」Ada。
「……」
雖然我沒認真找過女人的G點,但Ada說得好像G點是傳送門一樣…
我們到達這個城市的下水道,嘩靠!這裡也有打字機嗎?!到底浣熊市對打字機有多崇拜?
正當我驚訝連連,一個叫William博士的男人出現了…
Ada一看見他就大叫:「是G!」
「什麼?!這個男人能找到妳的G點?」我。
男人從暗處步出,甚狀痛苦的按住他自己的手臂。當他站到燈光下方,我簡直沒法相信眼前的光景…
「世界上真的有種人嗎…?」我不禁驚嘆,同樣作為男人,我以憐憫的目光注視著他。
那變形扭曲,肌肉糾結的右臂…他…他…他一定是…
處男!
不然他不會有這強壯的手臂!
(待續)
Leon到現在還是一槍都沒開過!
佩服的話花半秒Like & Share!
下集很快就會出來!
*****
《匿名告密》
《漂黑》
《殺:黑白灰世界》
《殺2:眼球爭奪戰》
現正發售!
網購Link:https://welcomeback.boutir.com/
取貨方式:香港、國外郵寄/順豐
**有問題可inbox我,我是很有善的客服,親**
男人開門斷頭 在 剪神JS - 男人明明已经被当众砍头,不料第二天又出现在作案现场 ... 的推薦與評價
緊接男人就被送上斷頭毯. 斬頭, 學長一聲令下. 砸. 不讓男人一朵護花. 小兄弟敏緩盡. 不信依然被當眾人. 就在大家慶祝男人已死時, 她卻有撥開馬匹,從馬的肚子裡裝了出來, ... ... <看更多>
男人開門斷頭 在 夢到這六種夢境,千萬不要找人解,小心好運被別人帶走! 的推薦與評價
![影片讀取中](/images/youtube.png)
大家好我是大佬,每天會給大家分享一些命理知識(相學、佛學、解夢、生辰八字、風水、轉運等)喜歡大佬的話,記得按讃、追蹤、分享! ... <看更多>
男人開門斷頭 在 藍橘子- 我叫晞紫,獨居。 某天,一個男人突然闖進我的家 的推薦與評價
我聽見男人啟動咖啡機的聲音,然後男人又打開冰箱,半晌,他又關起來了。 男人差不多該上班了,正當我想離開衣櫃躲進床底時,放在他床頭的手機突然響起來。 我不知如何是好 ... ... <看更多>