【講起住酒店,我最懷念係,曾經充實活過嘅證明】
出唔到去嘅時候,香港人都流行玩Staycation,但基於自己冇朋友,你去staycation嘅分別,係一個人喺屋企同一個人喺酒店,舊年去過一次真心覺得幾悶。畢竟你唔係去緊旅行,或者住間渡假酒店,一個人都有好多嘢玩、夜晚你都可以去吓夜市影夜景,香港地你仲有咩好去?當無聊極致時,有一刻諗過不如搵間酒店住下,但諗起只係轉個環境,不如罷了。
偶爾有個機會去返次酒店,又攞返種感覺,發現有一種感覺久違了。
雖然自己讀酒店出身,但始終都係個窮L,再加上都係個冇朋友嘅窮L,去旅行住酒店機會唔多(除非仲平過Hostel或者果附近冇Hostel),亦都唔想咁悶,不如住Hostel識吓人,住得最多最深刻,係當年做旅遊記者果陣。
分享過好多次,果陣我住嘅超級豪華酒店,大概係我他朝一日發咗達都未必會住,試過住到金碧輝煌成間villa大到一圈可以行五分鐘、試過喺山林間有個私人溫泉(雖然浸浸下發覺好多蚊)、試過喺園林入面有間特大房,360度都係「江南煙雨」咁包圍、試過住到泰式皇宮咁入面咩都有,你一日唔出房都唔覺悶,亦試過住到六星級酒店,可以喺間房直接遊去個大泳池,而個泳池講緊有幾層,由滑梯貫穿。
正因為你做旅遊記者要介紹間酒店,一般都會安排到最好最正嘅房型你住、個景色都一定係最好,而對方對你態度都好到無倫,唔止間房佈置到極奢華、幾支酒任你開、不斷有嘢食送入你房,最癲係喺酒店走廊遇到個維修叔叔定掃地嬸嬸,都講得出你叫咩名同你say hi,果種尊貴感覺,真係驚會被縱壞。
當然,做得呢行都知道,酒店背後應該已經開早會,你個樣已經傳閱曬全酒店所有人:拿認住呢條契弟呀!大家都已經喪屌:屌,都唔知乜水嚟,又要認住佢?喂佢個名點讀呀😂
當時做旅遊記者都分享過好多次,表面有呢啲風光嘢當然正,內裡其實好辛苦,一日可能要去廿個景點、最高紀錄一日食八餐,幾靚景色都只能趕鴨仔、幾好食都冇胃口;如果返中國出trip,得你一個男仔就要同在場六七個「老總」隊酒,講緊唔係紅酒白酒,係70度烈酒,夜晚返到酒店幾奢華都冇用,你累到抱頭就睡——唔病的話,病仲分分鐘又痾又嘔,有咩facility都未必歎到。
如是者,酒店俾我感覺並唔係歎嘅地方,而係「home away home」,有個地方俾你短時間內攤抖下——住到有個brand我會好懷念佢酒店大堂種香薰味,又會好鍾意某個brand嘅薰衣草枕頭,更鍾意某個brand可以任食佢自家品牌雪糕(唔駛開名你都應該估到)。喺最累嘅日子入面,你起身果下或會唔知自己喺邊,再加上幾乎日日都要轉地方,就係呢種「家」嘅感覺俾到我一種舒適同平安感,第二日再四圍做採訪。讀酒店果陣,成日重申酒店要俾客人一種「家」嘅感覺,讀果陣以為係太理想嘅吹水,親身感受過就明白。
如是者,我有一種習慣,每入一間酒店都會影佢間房、記錄我唔同地方嘅「家」,平時唔會影嘢食嘅我,喺酒店入面食嘢都會影相。如果住喺城市入面酒店,夜晚我都會熄曬所有燈影街景——當然如果住郊外又有大露台,我會影星空。嚟到香港,打開窗簾,你個視野唔會遠得邊度,係一個你好熟識地方,只不過由唔同嘅角度影出去,但有一刻,都拎得返以前做旅遊記者嘅感覺。
做旅遊記者唔係一件輕鬆事,到最後精神同健康不支,加埋是非鬥爭太勁就冇再做。往後,人生遇過嘅工,幾乎冇一份係正常,你問返我最懷念嘅工,點都係旅遊記者。果陣青春覺得自己有無限可能出去闖闖,辭咗職頭果幾年都冇後悔過。唔做旅遊記者,我單靠自己嘅人脈同呢個page,都一樣有咁嘅待遇,但今時今日你問返我呢個選擇有冇做錯?都會有少少後悔嘅。當興趣變成工作,你可能會累會感到乏味,但最少,都有你嘅興趣喺度,最少,你累得嚟生活係充實,而唔係單純為咗錢而行屍走肉。
前幾日同朋友講起,舊年你仲會期待幾時可以去旅行,今年大家已經冇咗呢個期待,甚至開始接受咗,呢一世都唔會再有機會去到旅行,除非移民。偶爾拎得返呢種久違嘅感覺都唔錯丫,最少係自己曾經充實活過嘅證明。
✨ 網店正式開張!新張期內貨品低至$5!請即睇:https://bit.ly/3qLPkpk
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://payme.hsbc/jackyhei
或使用QR code:https://bit.ly/3a9wOzy
或透過Paypal捐款:paypal.me/jackyhei
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
【IG請follow】www.instagram.com/travelerwithmovie
同時也有2部Youtube影片,追蹤數超過5萬的網紅影像補完計畫 Hong Kong Walker,也在其Youtube影片中提到,今日有一個年輕人既案例 狗公真係咁令女人討厭?? 女人真人喜歡精神伴侶?? 我鍾意左個女仔,呢家我同佢未熟,我同個女仔系用snapchat傾計,你知snapchat系有儲火儲心,雙方系snapchat傾得最多就可以儲到個心,所以只可以同一個人儲心,我未知佢有鍾意既人之前,我晚晚都同佢用snapch...
男仔 鍾意 一個人 在 港式情侶 HKstyleCouple Facebook 的精選貼文
【 #他們的愛情故事- 長久的婚姻肯定是相互的忍耐】
梁朝偉近日因演出《尚氣與十環幫傳奇》成為城中熱話,原來佢一直都堅持唔演父親角色,因為老婆劉嘉玲先願意接拍。呢對圈中數一數二嘅恩愛夫妻,相愛超過30年,真係羨煞旁人!
.
梁朝偉同劉嘉玲因為合演舞台劇結緣,一年後戀情曝光,因為仍哋性格完全唔夾,一個好內向,一個好Outgoing,當時畀人評為最不般配情侶。不過2人懶理批評,熱戀期嗰陣,佢地除咗去東京迪士尼拍拖旅行,梁朝偉仲不時製造浪漫驚喜畀劉嘉玲,遠卦荷蘭探班,仲要送愛人最鍾意嘅百合花,淨係睇相都覺得好Sweet!
.
其後,劉嘉玲被綁架案、裸照流出,令佢陷入谷底。梁朝偉停工陪伴,仲同劉嘉玲講:「呢個圈子咁複雜,我哋走啦,你想去邊我就陪妳去。」呢番說話感動咗劉嘉玲,「世界咩都冇咁又點?我有呢個人畀我靠住,佢高矮唔重要,重要嘅係佢畀我嘅力量。」
.
劉嘉玲父親突然離世成為轉捩點,佢表示:「我想畀自己一個交代,畀自己穿一次婚紗。」梁朝偉一口應承,結束約 19 年愛情長跑,喺不丹舉辦獨一無二嘅婚禮。劉嘉玲話:「我覺得自己幾幸運識到呢個男仔,呢幾年來,我們互相進步、成長,經過好多事,佢都幫助我渡過難關。」.
.
梁朝偉一向低調,從來唔出席仼何應酬派對或宣傳活動,但佢會為劉嘉玲打破自己原則。除了出席劉嘉玲嘅時裝品牌Show之外,每一次劉嘉玲獲提名需出席頒獎禮時,即使不關自己事,佢都一定會陪老婆出席,以行動支持對方。
.
梁朝偉為劉嘉玲付出,劉嘉玲亦都有為梁朝偉默默付出同支持。參加宴會時,內向嘅梁朝偉要靠劉嘉玲化解尷尬;喺屋企劉嘉玲身兼多職,太太、工人、管家乜都做,生活中一切瑣碎事情都由她包辦,因為梁朝偉不擅於生活自理,劉嘉玲變得更加會照顧人:「就是好錫佢,我幫他打點就好喇!」
.
劉嘉玲曾分享自己的婚姻之道在於一個「忍」字,「長久的婚姻肯定係相互忍耐。喺包容佢嘅時候,佢都承受梗我嘅性格,其實我亦好難搞。鍾意一個人就會包容佢嘅一切,包括佢嘅性格、價值觀、人生觀,你都會認同。」
.
梁朝偉當初拒絕出演《尚氣與十環幫傳奇》,因為童年時父親經常離家出走,所以堅時唔接「父親」角色,梁朝偉表示:「其實有人提出過邀請,但我都推咗。因為我唔想記起父親當年點對我。佢嘅離開令我唔知點同人相處。」喺老婆劉嘉玲不斷在旁説服,勸佢先同導演溝通下,先促成咗今次合作機會。估唔到劉嘉玲令梁朝偉放下多年執著,踏出第一步。
.
佢哋二人嘅愛情低調地互補不足、相互忍耐、陪伴對方超過30年,直到宜家真係唔容易~
.
#咁Sweet得唔得架 #好恩愛 #尚氣 #尚氣唔接下氣 #情侶 #愛 #愛情 #語錄 #拍拖 #香港 #女朋友 #hkig #心事
.
睇咗笑完就算?不如追蹤埋我哋啦!
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱,我哋等緊你㗎😙!
男仔 鍾意 一個人 在 BeautyExchange.com.hk Facebook 的最讚貼文
【唔通真係要...嫁雞隨雞?—— ViuTV 戀愛真人 Show《阿女又戀嚟》初次約會去街市拍拖?👩❤️👨 】
❤️鍾意一個人未必係因為佢嘅外形,而係對方嘅內在,你又鍾意呢種初次約會就坦蕩蕩嘅坦率嗎?📺 ViuTV 真人 Show《阿女又戀嚟》💛,呢集節目男主角型男 Catry 睇上去好似好靚仔花弗,估唔到佢第一次約會就帶咗女仔去街市雞檔🐔,俾佢一齊感受下自己嘅成長環境,嚟一個「嫁雞隨雞」嘅約會體驗活動🌟
可能已經好少女仔會落街市買餸,更何況要女仔落手落腳劏雞,簡直就係世紀大考驗😱!不過女主角 Cathy 都表現得唔錯,仲對貼地嘅 Catry 加曬分!唔通呢啲就係愛情嘅力量?!💕
最大問題係,而家要搵到想嫁又值得嘅「雞」都好難,唔識揀對象、又唔識拍拖,去睇節目偷下師啦🥰~ 仲有一眾戀愛高手父母點評阿女約會實況,教你揀個出得廳堂,見得父母嘅好男仔!😆
💖節目播放時間:
ViuTV 99 台、逢星期一至五、晚上十時半至十一時正
男仔 鍾意 一個人 在 影像補完計畫 Hong Kong Walker Youtube 的最佳貼文
今日有一個年輕人既案例
狗公真係咁令女人討厭??
女人真人喜歡精神伴侶??
我鍾意左個女仔,呢家我同佢未熟,我同個女仔系用snapchat傾計,你知snapchat系有儲火儲心,雙方系snapchat傾得最多就可以儲到個心,所以只可以同一個人儲心,我未知佢有鍾意既人之前,我晚晚都同佢用snapchat傾計傾到三更半夜,仲同佢傾到儲到個心,不過當我儲到個心果陣個女仔就話要我比番個心個佢鍾意既男仔,但當我知道佢有鍾意既男仔果陣,我團火竟然仲未熄,有想誓死都要溝到佢,我睇過你啲片,知我禁做系錯,但我一直都留意住佢,佢snapchat啲分半日都未加,我就成日估佢系米同個男仔一齊.個男仔同我同個女仔都系同一間學校,
之前我同過佢放學之後去左M記食雪糕,果日系我唯一一次同佢食野,我同佢一路行路去到m記,途中同佢傾過唔小計,chat果陣同佢都ok傾得埋,同佢傾果陣同食雪糕果陣佢都無齡部手機出黎睇,直到搭地鐵就落車先至齡部電話出黎望一望,果一次我最心up就系佢同個狗公chat,仲同我講話佢書包個公仔系個男仔送比佢,我真系好火爆,但當然我唔會系個女仔面前火爆, 經過個日之後,我就得出佢唔系蛇蝎,好鬼馴,但我都系仲未熟佢,果日系我同佢第一次面對面傾計.
最離奇既系,個男仔比過其他學生話過佢系狗公,個女仔啲friend都同佢講過話個男仔系狗公,但個女仔都鍾意佢,呢樣野我真係好嬲,點解會有人鍾意狗公,點解會有人會唔怕比人呃蝦條,佢禁馴我真係唔想佢禁樣。
可能你會覺得個女仔好似收兵,但我發覺佢完全唔系,因為佢比過佢
snapchat賬戶同密碼比我,所以我可以入佢snapchat睇, 比我知道佢同女仔chat仲多過男仔,你知我地啲中學生多用snapchat instagram,其他都好小用,佢個instagram系唔算多人follow佢,800幾個人,入面都格砸左一啲類似一啲ig shop之類,所以我都幾肯定佢唔系收兵.
我有一個疑慮,就係唔知佢對我有無feel,應唔應該約去出黎拖攬錫
影補溝女計劃:
多謝網友一直支持
也收到很多網友既email
始終溝(真命天女)是一門大學問
如果你一直有溝女上既疑問
想多個人探討
歡迎參加
月費: email 問吧!!
在whatapps 上可以任問有關溝女既問題
one on one
每日都會發放簡易溝女攻略
有興趣 email 我吧
nyksuperman@yahoo.com.hk
blog:
https://learningpickup2018.blogspot.com/
paypal 捐贈
PayPal.Me/nyksuperman
![post-title](https://i.ytimg.com/vi/epsmCmRAzXw/hqdefault.jpg)
男仔 鍾意 一個人 在 港。故 kongguhk Youtube 的精選貼文
27歲的小風蓄一頭短髮,身型亦比大部分男士健碩,加上日常社交以男性打扮示人,有多少人會猜到「她」竟是女兒身?
小風中學時就讀女校,發現自己喜歡女生,又從同學間聽到,原來喜歡女孩子的人就是女同志,於是小風整個中學階段都以「Tom boy (TB)」的身份渡過。
不過,她漸漸發覺自己有別於一般的女同性戀者。
除了「發現自己都鍾意男仔」這個明顯的分別,其他TB會紮胸或遮掩胸部,她卻從一開始就想「點解唔將佢變成男人嘅胸部,可以露出嚟」。她覺得自己與同志的圈子有點格格不入。
在同志這「小圈子」中找不到共鳴,而在進入大學前,小風經一位女性朋友認識到「跨性別」的概念,開始重新定義自己是跨性別人士。但到了後來,她又發覺自己不像主流的跨性別人士般,想動變性手術,便再次為自己的性別感到困惑。
經歷多年的迷茫,在香港大學就讀比較文學系期間,她反覆鑽研跨性別的議題,希望為自己的性別和性傾向找到定義。最終,她認為自己是個「性別酷兒」(Genderqueer),亦稱「性別流動」,即是將自己的性別定義在「男性」和「女性」的二元結構之外,覺得自己「不是男又不是女」,但在某些情況又「可男可女」。
至於其性傾向則是「泛性戀」,即她對於任何性別(包括跨性別)的人,皆有可能產生愛慕之情,或被他/她們的身體吸引:「我鍾意一個人就係鍾意一個人,唔會因為佢係男定女先鍾意佢,或者因為佢係跨性別先鍾意佢。」
現職該系教學助理的小風指出,不少學術研究都顯示大部分人都是雙性戀,只是大眾為自己設下了性別想像的框框。
他又說,很多人對於雙性戀或泛性戀的人都有誤解,會覺得他們很「濫」或「乜嘢都得」,其實不然:「我哋都有喜好。我自己鍾意陽光啲嘅人。男仔我鍾意好大隻嘅,感覺要好強壯,女仔我鍾意佢性格獨立。」
話雖如此,但小風亦曾墮入「男女定型」的迷思。
事源於三年前,小風開始接觸健美運動,觀察到外國女性健美運動員比大部分男士健碩,是她心目中迷人的身型,於是開始加入這項運動的行列,後來更到海外參加形形式式的健美比賽。
但由於身份證上的限制,小風要以女性身份參與比賽,更要穿上性感的比堅尼。平時習慣以男裝打扮示人的她,也花了半年來跨越心理障礙:「因為我一開始覺得呢啲係好女性嘅嘢。我哋啲bikini仲要再少布啲,一嚟就著咁少布,我覺得係個幾大嘅挑戰。
「我漸漸覺得,原來我都內化咗一啲男女二元化嘅框框畀自己。」小風後來反思到,比堅尼只是普通的衣服,只要自己不為它加上女性化的標籤,穿上它來展示身型根本不用尷尬,現在反而覺得它很「順眼」,亦很享受選購比堅尼的過程。
雖然她自己能跨越一個個心理障礙,但在不少人眼中,小風是個「不男不女」的人,有時會有人惡言相向,但她笑言:「最多係話我『唔男唔女』,但我話『唔男唔女就啱喇』,因為我嘅身份狀態就係『唔男唔女』。我覺得唔係一句難聽嘅說話,反而我覺得好中point!」
作為性小眾中的小眾,小風看得很開,然而,她觀察到性小眾在香港受到很多不公平的對待,她希望社會能拋開男女二元化的局限和減少歧視,思考性別多元化的可能性,例如設立「性別承認法」制度,和建設「無性別」的更衣場所,讓性小眾的生活變得較舒適。
今集《港。故》,帶大家走進小風「不男不女」的世界。
-------------
《港。故》:東網每周專題習作,講故事、講香港人的故事,請關注《港。故》fb:https://goo.gl/YJXtcw
![post-title](https://i.ytimg.com/vi/Ohesuno_CzA/hqdefault.jpg)