好耐好耐以前，有個男仔識到個好靚嘅女朋友。
唔係靚仔，又冇錢嘅佢冇諗過自己會成功，初時以為可以食到一兩餐飯，傾下WhatsApp已經好開心，點知自己竟然鼓起勇氣表白，而女神又竟然答應。
個男仔花好多心思去氹呢個新相識嘅女朋友，會畫嘢會整嘢，會成日都想見面，返到屋企都掛住傾電話，冇嘢傾都想聽下對方把聲。
個女朋友問：「成日都見，你會唔會有一日覺得悶㗎？」
男朋友好肯定咁答：「一定唔會！成世同妳一齊都唔會悶！」
之但係，時間慢慢咁過去，個男仔開始唔記得有呢個女朋友係幾咁幸運，會話佢煩，會好小事就鬧交，會寜願自己一個都唔陪佢，會已讀不回，甚至會同其他女仔WhatsApp。
個男仔愈嚟愈懶，無論個女仔想去邊，佢都話好攰，最多都係去食吓嘢，其他時間寜願瞓覺，打機，睇波。
不過，就算已經開始被嫌棄，呢個女朋友仍然好愛佢；就算對方唔再珍惜自己，佢都無條件支持佢。
個男仔話過要上進快啲娶佢，但結果自暴自棄，日日食日日訓，仲怪個女仔唔識體諒佢，已經唔記得晒，曾經有幾珍惜呢個女仔，曾經幾咁為住可以同佢拍拖而開心到瞓唔著。
個女仔曾經心痛到一次又一次提出分手，而佢一次又一次挽回。
終於，個男仔醒覺，再唔捉緊，個女仔就會走，佢未必願意再等，願意再畀多N+1次機會，因為佢已經等咗幾年，好攰好灰心。
個男仔決心再次為女朋友努力，做每件事都好起勁，好想同呢個女仔證明佢已經唔同咗，為咗將來，唔會再懶，會好好照顧佢。
呢個又靚又好嘅，係我女朋友。
而又懶又唔生性嘅，當然係我。
而呢個「起死回生」嘅過程，紀錄咗喺一本書度。
其實，《告別幸福肥》呢本書唔單係關於減肥，而係一個由谷底重新振作，想再次做個好男朋友嘅故事。
呢本書最適合用嚟鼓勵成日冇乜心機、冇乜自信，成日覺得自己唔會成功嘅男朋友。
花小小錢睇個勵志故事，令自己有番動力，仲可以Fit番晒，可能就係呢本書鼓勵到你！
Hard Sell咗少少，絕對值得㗎～
網購買書連結：https://sapeiar.boutir.com/…/%E5%91%8A%E5%…/6329316758257664
或者直接Inbox我～
男朋友唔開心點氹 在 男朋友唔想同女朋友講心事嘅原因- 港澳感情事板 - Dcard 的推薦與評價
戴定頭盔先：係其中一啲原因，唔係全部，唔代表所有人 純粹唸到抒發下，不喜勿插，之前都有post問過點解男朋友會有以上問題，近排親身經歷之後， ... ... <看更多>