關於 男朋友 冇安全感 ，我們在網路上蒐集到這些相關的討論、資訊與評價

[方以文問兩句][Hailey Chan 陳俞希][ViuTV][暖男爸爸]

喺《暖男爸爸》裡面，Hailey（陳俞希）所飾演嘅Bianca同埋強尼飾演嘅Lantau，戲份僅次於主角鄭中基同埋張可頤。Bianca一出場嘅時候已經係情場玩家，但原來個角色喺之前係一個未經歷過風浪嘅天真小女孩。

經歷改變之後嘅Bianca更難演

Hailey：「Bianca佢之前係一個好幸福、冇壓力、冇失敗過嘅人，但係突如其來嘅改變令到佢某程度上嚟講有啲唔知點面對，繼而充滿陰影。」Bianca要面對一連串冇諗過嘅改變：爸爸破產、媽媽走去澳洲、男朋友喺佢遇到人生低谷時離佢而去，令到佢性格大轉變，對人對愛情都唔信任。以為Hailey會覺得演分手之前小鳥依人嘅Bianca比情場老手更難，但Hailey認為改變之後嘅Bianca更難演。「佢諗嘢會多咗好多，有時你見佢講嘢寸寸哋咁，其實係顯示出佢拒人於千里之外。」

「我接到Bianca呢個角色之後，覺得我哋嘅價值觀真係好似。雖然我哋嘅家庭背景唔一樣，但我哋都係好冇安全感嘅人。所以我好明白佢，好多時都只係扮到好似好硬淨，但心入都好想搵到一個可以依靠嘅人。」

對白語氣展現與Lantau拉扯關係

Bianca同強尼演嘅Lantau，去到劇嘅中段不停flirt嚟flirt去，到中後期Lantau主動追Bianca，但Bianca都只係想繼續肉體有交流但精神有保留。Hailey有花工夫去處理呢個拉扯狀態。

「要flirt強尼，又要吊觀眾癮，等大家估吓我其實對佢係點，所以語氣要有啲挑逗，但又唔可以做到太出。自己都有重複背對白不停練習，講嘢嘅語速真係要特別去練。」

成套劇對演員嘅挑戰之一，就係一段段長對白。同張可頤咁多對手戲，Hailey喺呢位經驗豐富嘅前輩身上偷到師。「Maggie每一句對白都令你覺得睇落好自然，自己喺現場時睇都未get到嗰種威力，透過電視睇戲味真係出晒嚟。」

挑戰演良家婦女

對於自己最鍾意同埋最大挑戰嘅場口，Hailey話仲未播，等大家留意吓。咁之後係咪會繼續挑戰呢類情場老手角色呢？「Bianca呢個角色係劇組搵我嘅，佢哋一嚟就已經揀咗我同強尼去演呢兩個角色。如果有人肯搵我做良家婦女都唔拘呀，但唔知係咪啲人覺得唔似，所以冇人夠膽搵我做🤣🤣🤣」Come on，人嚟，Hailey要演良家婦女呀！

📺 《暖男爸爸》99台 逢周一至五 2130~2230
[重溫] https://viu.tv/encore/single-papa

#方以文問兩句 #陳俞希 #ViuTV #暖男爸爸 #fem #方以文

頭條POPNEWS專訪

🎈有耐性咗，忽然之間老練咗，睇嘢化咗好多嘢咁。

🎈覺得佢好嗲，有個女性喺你身邊好依靠住你，好需要你保護。又好享受同佢say goodnight錫吓佢面珠墩，佢半夢半醒嘅時候，冇安全感就會捉住你隻手係咁搓，佢聞到你氣味就會瞓得好冧。

🎈想做男朋友型的爸爸，男朋友都可以指導、分享同幫佢，又可以同佢傾心事。

🎈不想做怪獸家長，會讓囡囡自由選擇未來生活方式，就算想加入娛樂圈都冇問題。

🎈咪試囉！我提供咗資源，你過你嘅人生，會點樣就睇你嘅造化，但我會準備定個plan B，就係爸爸會喺後面保護住佢，但唔可以畀小朋友知道我可以唔使做，靠屋企就得啦！我唔想小朋友太溫室長大，我想囡囡硬淨啲。

🎈我哋總有一日先過佢走，將來有咩事同丈夫分擔之外，有個細佬細妹有血緣關係比較好啲。

by admin

-價值觀-

2019年夏天，某日午飯時間，Edmond如常從中環急步走向上環新紀元廣場，提早到達女朋友Queenie公司樓下，遵守他們每日的約定：一起吃午飯。大汗淋漓的他近乎用奔跑的速度抵達，因為他知道遲到1分鐘，叫Queenie等待都是死罪。食完午餐之後，倆小口手拖手散步去到新紀元廣場噴水池位置，Edmond凝重地和Queenie說：「寶貝，我有樣好重要嘅事同妳講，妳可唔可以坐低聽？」

「咩事呀？你係咪諗住帶我去旅行？我哋好耐冇去旅行你係咪想俾個驚喜我，帶我去日本滑雪？」Queenie說。

「唔係，我想同妳講我屋企出咗事，我需要將我哋嘅聯名戶口啲錢暫時攞返出嚟應急，同埋我都要賣咗屋企層樓。我估呢幾年都唔可以同妳去旅行或者去食好西。對唔住，但係我明年都會都會按原定計劃同妳結婚，求下妳俾啲時間我好好整理返屋企嘅事。我愛妳。」

Queenie聽完之後整個人呆了，兩秒之後眼淚奪眶而出。「吓，你唔好嚇我啦，咁我點算？即係今年應承咗我話去西班牙都去唔到？冇錢就冇愛情冇生活㗎喇！我依家返上去做嘢先，今晚再講。」

剩下Edmond坐在噴水池，望着人來人往的途人，思考自己的人生：「點解女朋友好似唔係咁支持我咁嘅？」

放工之後Edmond嘗試打電話給自己的女朋友，一直都「未能接通」，直到夜晚收到一個WhatsApp短訊：「想要愛情生活係要努力搵錢，但係我一直嚮往嘅愛情生活我估你應該短期內都俾唔到我，其實我真係唔想同你喺出邊食茶餐廳，我想食壽司我想食韓燒我想食刺身，我想食好多好多海鮮呀！仲有我哋唔係會去巴黎鐵塔咩？又話會同我去巴塞隆拿睇C朗？就算宜家分手，我都問心無愧，將來可能你會有錢，你去過你自己生活。我已經陪你過咗你最難的時候，其實過往幾個禮拜我都知你好似好等錢洗咁，不過我冇出聲，點知原來你依家真係窮到咁樣，你俾唔到而家我想要嘅生活質素我。對唔住！我覺得你好冇安全感！我哋唔好再見！Take care！」

就係咁樣，Edmond分手了。

2019年秋天，當時正在籌備“Say your Dream”計劃，心目中想搵一個KOL幫手寫一篇文章，就嚟埋尾嘅時候收到一段WhatsApp：「Sorry久保，因為朋輩壓力所以我唔可以幫你寫，而果啲都係好朋友，佢哋話當中其中一個人落咗Order邊個幫你寫文就封殺邊個，聽講都係因為咁樣你報章專欄之前都被抽起，麻煩到你唔好意思！希望你搵到人幫你。」哦，明白了，咁我之前仲糾結點解報章無啦啦抽起我嘅專欄，原來係因為有人俾壓力。

就係咁樣，我嘅Project爭啲埋唔到尾。

2019年冬天，某日下午二點，一間中資公司，深黃HR Yura被召見入老闆房。老闆要求Yura將公司其中60多人的個人資料上交（真係有中資公司的高層係咁樣做）呢位Yura好專業，用堅定的口吻拒絕了這位上司無理的要求。「聽你幾位同事講，其實你有參與之前嘅遊行，你俾人篤灰，其實大把人想坐你個位。同埋你記得呢一行好細，你又一直做開中資公司，好難跳得返出去。六點。六點前，一係你俾你封辭職信我，一係你就比我想要嘅嘢我。你自己決定。」

就係咁樣，深黃色嘅人好有骨氣，佢寧願辭職都唔會出賣自己公司嘅同事，佢心想呢啲資料流出去可能都係選舉嘅時候要用。

三件真人真事。

每個人談戀愛都試過三觀不合，三觀即係價值觀、人生觀、世界觀。其實，三觀一致，並唔係要求你同伴侶嘅興趣嗜好生活方式甚至乎思維方式完全一樣，而係彼此間能夠求同存異，懂得包容、互相理解和欣賞。你鍾意曼聯，我唔鍾意睇波，但我會去嘗試鍾意你鍾意嘅嘢；同理，你感興趣嘅我未必感興趣，但我會努力培養對你所感興趣嘅事情上面嘅興趣。譬如係你好鍾意烹飪，但係我對食真係冇乜要求，但係我都會開始對飲食有返要求同埋買烹飪書、工具俾伴侶可以响屋企煮嘢食。兩個人絕對有唔同想法同觀念，但唔會有分歧，因為大家彼此之間都為對方著想，彼此願意為對方想要嘅或者鐘意嘅嘢而放棄自己真正想要追求嘅事物。

Edmond同Queenie一齊二年，Queenie都冇同佢睇過一場波，仲係以為C朗係巴塞球員，「同甘共苦」「齊上齊落」從來都唔會係Queenie嘅字典入邊。但係諗深一層，其實佢冇錯：女人都想搵一個有安全感嘅男人去照顧自己，佢唔想捱，Queenie想要儘快上岸。佢覺得Edmond令到佢嘅生活水平降低，最起碼冇咗以前個種生活質素，佢喺上環返工，但係永遠都只會同人哋講自己係中環人，每晚返工都要自己男朋友去接佢去SOHO食飯，因為佢覺得銅鑼灣、旺角係比較次一等嘅區域。

愛情如是，工作亦都如是。最近幾個月有幾多人係因為政治立場而失去咗一啲工作上嘅機會或者自己嘅人生？積木要一凹一凸先可以合埋；鎖都要有啱嘅鎖匙先可以開。凡事都唔可以夾硬嚟，你永遠唔可以改變人，亦都唔可以要求人哋為你改變。你被分手、被辭退，其實唔係你或者對方嘅問題，只不過係大家唔夾。你唔可以要求一個貪錢嘅女人同你一齊捱麵包、你唔可以要求一個對你有偏見、小氣嘅人原諒你同埋唔好周圍中傷你；你唔可以要求一間中資公司嘅老闆理解你響應三罷、去遊行；正如你都唔可以要求林鄭改變自己的價值觀，引咎辭職，並公開話自己係深黃。唔啱嘅人，同埋唔啱嘅工作，我哋冇必要用熱臉貼冷屁股，你要愛自己多啲同清楚自己嘅價值及定位，要同負能量講拜拜。你唔應該比人哋去主宰你嘅人生，人嘅一生有限，要好好對自己。我清楚明白每一日見到仆街腦細嘅滋味，所以我對自己人生負責，自己出嚟創業。

有一位前輩同我講過：呢份工作唔啱你唔係因為自己嘅能力問題；呢個女朋友唔啱你，亦都唔係自己嘅性格問題。唔啱就係唔啱，大家都冇錯。我鍾意對人，但前老闆唔係咁鍾意我用太多時間係求職者身上，覺得佢哋只不過係一件「貨」，啱就用唔啱就廢事曬咁多時間；一個重視物質同金錢嘅人往往覺得一個務實嘅、事業剛剛起步嘅人冇安全感，正如有啲人覺得安全感係避免身邊嘅狂蜂浪蝶有啲人會覺得安全感就係錢。永遠都係冇一個答案。

俾多少少勇氣，對自己好啲，勇敢踏出第一步。要感恩而家自己擁有嘅嘢，祝福Edmond、Yura，你哋會搵到更好嘅伴侶及老闆；祝福我們，希望大家有一日會搵到屬於自己嘅一把鎖。