關於 男朋友 唔 掂我 ，我們在網路上蒐集到這些相關的討論、資訊與評價

《讀者投稿》

結婚擺酒金器長篇上 （因字數限制，分了上下篇）

我好需要搵個地方呻下。希望有人可以教下我點做，希望您地吾好介意甘長篇大論。我同我啲好朋友呻，我老公佢地就話我唱佢地，我同我屋企人呻，就話我喺我屋企人面前講到佢地對我吾好甘。我同我老公呻，唔係嫌我煩就無視我，我同我姑仔呻，就話我影響佢地關係。

終於，我由一個係人見到都話開朗活潑，又樂觀既開心果，比人話我宜加成個怨婦，諗啲野悲觀到唔知似乜，搞到我被人話精神有問題 ，要轉介我去睇精神科。

話說我同我老公一齊咗8年就因為意外有bb而結婚，係我未同我老公結婚前，我一直覺得自己好幸福，有個好錫我既男朋友，有個未來99對我好好。點知，由結婚擺酒開始，所有野唔同晒，我既悲哀生活開始了。

由於我系大肚擺酒，所以乜野都好趕，好難得搵到個價錢又吾錯，又可以比我趕得切未見肚時擺嘅地方。一開始，係佢自己話比我屋企人揀要幾多圍，起初話十圍比我地女家，但我媽媽只係要咗7圍，坐位表又話比我地自己定，7圍裡面有6圍係親戚1圍係朋友。點知，我99將我地果7圍分開咗放，有1圍放到最後，我媽媽就覺得反正都系放，點解唔放埋一齊？比人見到甘樣放法，人地點諗我地？

當時我仲撐我99，話甘親戚放前，朋友放後嘛。我媽就話甘不如唔好請。甘我無辦法搞掂我媽媽，唯有同我99傾啦，點知我99聽到後對我破口大罵，發晒瀾渣仲cut 我線。我同我媽又嘈咗，同我99又嘈咗，我灰到喊住走咗出去。當我返到嚟，我哥哥有幫我手傾幫我手講，最後傾掂咗我媽媽，一係直接一行比女家，由佢地定前後次序。我同我99講完，佢都話無問題。

點知...由於我既婚宴場地係3行，我地出場位置系a行同b行既中間，甘正常係咪應該比親戚系a.b行？我99將我地女家放咗系c行，我地出場既時候，啲親戚睇唔到甘濟，佢地啲朋友放哂系中間，都算喇，最過份係乜野？我地敬酒既時候，我99叫晒佢啲親戚一齊行去敬酒，將我屋企人推到好後面。我爸媽都忍，我99居然將我女家放到最後先敬，仲要我地女家既朋友同細一輩既仲早過長輩果圍敬，然後敬女家既時候，佢地除咗我9962果啲之外
其他人走晒，無去敬我女家既人。甘樣您地叫我媽有乜可能唔嬲？

我99仲要喺我地要同女家人影相既時候，佢係甘吹係甘爭住要我地對新人同佢啲朋友影，真系好過份。當晚其他過份野我已經唔想再講。然後我結完婚第二晚，我99問都無問過我，就拆開哂我啲嫁妝，仲要逐樣拎出泥批評。我媽媽係好中意玉既人，好識睇玉既人，佢比咗勁多野我，佢仲專登自己設計咗獨一無二既有金有玉有鑽石既龍鳳鐲俾我，99拎上手又話唔靚又話醜，講到我媽唔識揀野甘，我都算，然後我女家比我既嫁妝，我個個朋友見到都話我好幸福，話我屋企有錢，又好多金又好多鑽石又有對勞力士，佢又系甘拎起對撈係甘彈，又話唔係貴野又話唔靚，自己帶咗上手，又話唔岩我地帶(令我無辦法唔覺得佢係候住)，然後其他野我唔講，就講佢無拉拉對住我啲嫁妝講，話佢地屋企既習俗 係要我係我啲嫁妝到，揀兩件比我兩個姑仔，姐係佢兩個女。

有無搞錯阿？啲野係我女家親戚比我架，有乜可能係入面揀野送比佢兩個女？好啦，我忍，我尊重佢，我自己第日親自去周大福買2件比佢地。買完比佢地後，諗住無哂野啦，點知我99話要幫我keep哂啲嫁妝金器。無病呀？啲野係我屋企人比我既嫁妝，同佢男家比我嘅金器。我梗系唔肯啦，我將件事話咗比我媽知，我媽怕我拎唔走啲野就幫我係銀行整咗個保險箱。我就好聲好氣甘同我99講，啲野放係屋企唔太安全，萬一有賊入屋點算？我媽媽租咗個銀行保險箱比我放啲野入去喇。

點知我99講哂粗口，話放乜鬼野姐，嘥9曬啲錢租個保險箱，嘥L氣。然後我無理佢，照放，佢就收埋男家比我果啲金器，唔比我放。算，我唔想同佢嘈，唔想煩，就算我媽鬧哂，我都無理，唔想再甘多野煩，我就無拎過男家一件金器走。件事就告一段落。直到去我生咗我女，我坐月期間，佢突然無拉拉幫我女沖沖下涼，話：“拿，我同你講，啲金器留喺我到，係因為4代同堂，留住比你個女既“

講到唔知以為放係我到，我會對啲金器做啲乜？咁放係我到就唔係4代同堂？我女結婚，我都會買野比我女㗎啦。好啦，我都算，反正我又唔係候住啲野，放係佢到就放係佢到。

因版面字數限制，下個post繼續。

＃我的極品四大長老

《藍圖》"The Blueprint"

1.5 沒有選擇的人

他第一次遇見她，感覺卻不是第一次，反而像久別重逢。是在一個午餐，同事介紹她作為法務顧問。

「Hi, Arthur。」他伸出手。

「Baylor，nice to meet you。」她的手握住他的時候，她閃過一個異樣的感覺，像 Deja vu。

「我哋見過面？」他率先問。

「如果有，我一定記得。」她答得乾淨俐落，眼神有點迴避。

Baylor大約二十五歲，有一頭栗子色的中短髮，和同樣顏色的雙瞳，皮膚白皙得發光。可能是工作午餐的原因，她穿了套黑色的 Alexander Mcqueen 的裙子，顯得太成熟了一點，但卻突顯了她白瓷般的膊頭和修長的小腿。

「是我喜歡的類型。」Arthur這樣壓抑自己的好感，實際上，他從第一眼就愛上了她，而他知道，對方也有同樣的感覺。

公事已經談過，甜品也上桌了，介紹的同事道歉說有事要先離開，三人午餐變成二人。

聖誕前夕的餐廳，食客不多，播著 Debussy 的 Reflets dans l’eau 鋼琴獨奏，Baylor細碎地吃著桌上的 Creme brûlée，Arhtur則用鼻子享受著他的espresso的芳香。

「我呢個俾埋你？」Arthur大膽建議，然後喝下第一口濃烈的咖啡。

Baylor不掩飾地笑了，然後把吃光的甜品碟推到 Arthur 前面，然後調皮地把食指放在粉紅色的雙唇前：「殊⋯」

「下午有沒有事？」Arthur試探。

「下午有事⋯約咗男朋友。」被Baylor的回應殺個措手不及，Arthur唯有大方地笑一下。

「你意思係，你有男朋友？」

「To be fair，正如你有老婆。」Baylor用眼神示意一下Arthur左手的無名指。

「我哋會再見面？」Arhtur喝下最後一口咖啡。正如Espresso，第一口是苦澀，第二口是香濃，最後一口才能感受到味蕾間的甜味，男女之間也是一樣，急不來，這方面，Arthur充滿信心。

「公事？還是非公事？」Baylor站起來，再次和Arhtur握一下手，轉身就離開了。

地下研究室內，David猶䂊了一下，報告上首次出現兩個方格，第一次出現選項：「a. 視而不見 / b. 出手干涉」他緊張地看著其中一個屏幕，扭大監聽器的音量，轉來女待應的聲音：「先生，好似你嗰位朋友需要協助？」

Arthur朝女待應示意的方向望去，隔著玻璃窗，他看到Baylor修長的背影。在對面街，正和一個三十歲上下的高大男人爭執，Baylor想要轉身離開，卻被拉住，強行拖到車門外，被推進林寶堅尼車廂。Arthur甚麼都沒有做，目送私家車離開。

「視而不見」David在報告上打了剔，有點失望，亦有點擔心，然後轉身把注意力放在B區的屏幕上。

「Are you ok?」Arthur的訊息，Baylor看了只能苦笑一下，或許他並不是童話中英雄救美的白馬王子。

「點啊？好失望？」駕車的是她的「指定男朋友」Owen，即是公司指定作為她男朋友的演員，不過他的身份一點不簡單，他是楊新枝的二公子，名副其實的富二代。而作為「測試」的一部分，他們不單止有男女朋友之名，更有男女朋友之實，總而言之，對於公司的任何指令，Baylor沒有違反的餘地。

「咁作為你唯一嘅『同類』，見到咁都唔幫手，失望都好正常嘅⋯」Owen語帶諷刺，隨即伸手到Baylor的大腿之間：「今日你冇其他任務喇，乖乖地返去做返啲『正常人』應該做嘅嘢啦。」

「唔好掂我﹗」Baylor一下子撥開Owen的手，令他十分驚訝。

「你覺得你有權選擇咩？」Owen的問題，就像把Baylor作下等人看待。

「乜個『測試』，唔係就係睇我哋會點樣選擇咩？即管睇下今次又係咪同『預言』一樣？」Baylor的回應不單沒有說服力，更激怒了Owen。

「我話俾你聽，你係冇選擇權㗎﹗你唔好唔記得，你永遠都低人一等，我隨時可以要你消失﹗」Owen 繼續擺出高高在上的姿態。

「你即刻同我落車﹗」Owen突然把車停在高速公路的路肩上，Baylor唯有自己下車，目送Owen離開。

一個穿著 Alexander McQueen 、高跟鞋的女生，獨個在高速公路路肩，漫無目的地走著。身旁飛馳的車輛轟鳴，而她卻無聲地哭著。令她傷痛的，不是Arthur的不作為，不是Owen的侮辱，而是「永遠低人一等」這個標籤，永遠都無法改變。

-----------------
原創科幻小說《藍圖》，每星期率先於 MeWe 連載，Please follow: mewe.com/p/柳俊江lauyeah
#藍圖 #Blueprint

《消失的村子》
　
一覺醒來，我攤喺張床，張開雙眼未夠數秒鐘，頓時感到強烈頭痛，痛到我即刻起身摸摸個頭，然後發現自己成身冷汗。陽光從窗外射入嚟，伴隨陣陣涼風，配上整間屋的寧靜，彷彿時間好似停頓了。
　
我呆呆望住窗外，一時之間腦海一片空白，身體有點疲態。突然手機響起，我隨即接聽。
　
「阿明，你起身未？我揸車過嚟接你。」女朋友阿儀說。
　
我聽到女朋友嘅聲音，眼淚不自覺地流下，我點解會有一種哀傷感覺？我激動到連講嘢都嗚咽，唔知比咩反應佢。
　
「哦……好呀。」雖然我唔知之後去邊，但都含糊應著。
　
「你把聲咁嘅？」
　
「無，岩岩起身姐。」
　
「就係你呢排成日都好眼瞓咁，所以今日帶你出去吸下新鮮空氣。咁你十五分鐘之後落留下停車場等我。」說罷，阿儀就收線了。
　
我抹掉眼淚，然後起身梳洗出發。喺廁所入面，我從鏡入面見到自己，想像唔到自己點解會咁殘，好似經歷過好多事情，眼袋同黑眼圈非常巨大，整張臉容都好似一副死相，難怪阿儀想帶我出去行下。
　
落到樓下等著，女朋友架車到了。我上車後，望到佢時侯，頭先𠴱種哀傷同不捨嘅感覺再一次湧現，內心傷痛得雙眼通紅，我強忍住淚水，然後一言不發地望住車窗外。女朋友見我狀態一般、於是擔心地問：
　
「琴晚好夜瞓？叫咗你唔好同班朋友睇波睇咁夜，你又唔係十八廿二。」
　
琴晚？我同朋友睇波？當我想諗返琴晚嘅事時侯，顯得有點吃力，頭亦隨之以來感到痛楚。
　
「你無嘢呀嘛？臉色咁難睇？」
　
「無，可能我琴晚飲咗好多酒，斷斷地片。」我是但搵個理由模糊過去算。
　
「今日你盡量咩都唔好諗，放鬆個人，然後好好咁比我陪住你就得，ok？」
　
「總之我今日就做個廢人，食頹廢餐，咩都唔諗！」我笑著說。
　
「咁就乖！」阿儀然後一臉得意地開車。我望住佢，諗起中五父母離開我𠴱一年，喺我最無助嘅時侯，阿儀一直喺我身邊陪伴住我，令我可以一直堅持生活落去，呢份情我一直記喺心入面。
　
沿路一直走，我望住車窗外，窗外景色雖然好似走馬燈咁，但反而令我有種熟悉嘅感覺，感覺好似嚟過咁。同時間，車外濃霧愈嚟愈大，岩岩喺樓下等阿儀時侯都唔覺有咁大濃霧。
　
「出面好大霧，你要小心啲揸。」我隨口向阿儀說了一句。
　
阿儀聽後臉色一沉，緊張地緊握住軚盤。我笑說：「又唔洗咁緊張。」
　
但阿儀依舊臉色沉重，然後說：「其實有件事想同你講下。」
　
我都係第一次見阿儀咁凝重咁講嘢。
　
「話說前排嘉琪識咗個男仔，好似一直發展得唔錯，但你知嘉琪呢份人點會對人認真，通常玩夠咪飛咗對方，於是上次平安夜聚會，佢唔只叫個男仔嚟，仲叫埋新男朋友嚟，諗住將個男仔羞辱一下，等佢知難而退。」
　
「嘉琪咁仆街嘅！？ 個男仔咪好尷尬？」其實我對佢無咩深厚認識，只係知道佢經常換伴侶。
　
「我到呢家仲記得個男仔個樣，係好恐怖，雙眼充滿怨恨，然後佢大聲咁對住我地全部人講咗一句。」
　
「佢講咩？」
　
阿儀轉頭望住我講：「佢話……我要你地在場每個人都要受到惡鬼所折磨，你地嘅靈魂永遠喺地獄之中受到痛苦咁生存。之後佢就走咗。」
　
我眉頭皺一皺，不禁說：「咁其實係嘉琪問題，點解講到好似你地都有份咁。」
　
阿儀口震震回應：「因為我地一早知情……個男仔先咁憎我地呢班姊妹。」
　
我見阿儀狀態真係好驚，明明只係一句較毒辣嘅罵人句子，唔明點解阿儀會咁驚。於是我安慰說：「無嘢嘅，如果講一句就不得好死就靈驗，咁不如叫佢講一句我會發達仲好喇。」
　
「唔知我當時係咪聽錯，當個男仔講呢番說話時侯，我好似聽到有幾把聲由佢口中出現，把聲完全唔似正常人嘅聲線。」
　
「你係咪聽錯呀，定係佢比你激到連聲都變埋。」
　
「咁我唔知道係咪咁，只係我地個個都嚇呆咗……同埋我地由前日開始，就搵唔到嘉琪。而嘉琪最後同我地講咗一句『唔好入村』之後就無回音。」睇嚟呢個先係令到阿儀驚嘅原因。
　
「嘉琪呢啲人成日都失蹤潛水，你又唔洗太在意喇。」
　
「望就咁望……」阿儀專注地望住前方，我亦留意到佢隻手一直震住。
　
我見氣氛有啲沉重，於是就播啲舒服柔和音樂，令大家情緒降下溫。
　
可能我呢排真係太累或者阿儀手車真係幾掂，我聽住歌，望住車外景色，舒服得令我充滿睡意，然後慢慢地瞓著咗。
　
大概唔知瞓咗幾耐。
　
「啪啪啪！啪啪啪！」突然車窗被猛烈拍打，將我從睡夢中驚醒。我望望窗外，只見一個中年阿叔一臉憤怒咁狂拍打我道車窗。
　
我慢慢較低車窗，客氣地問：「咩事？」
　
「咩事！？你睇下你架車先喇，塞住咗成條路呀！快撚啲揸走佢喇！」中年阿叔氣沖沖咁講完就轉身走。
　
我呆一呆，唔係幾嚟得切反應，於是探頭出車外望，頓時嚇咗一嚇，只見身後塞咗成條車龍，由於呢條係單程路，所以如果有咩事塞起嚟，等於成條路都塞。
　
「咇！咇！咇！」令人厭煩的響安不斷響起，完全想像到身後班司機有幾急燥。
　
「喂，做咩唔開車……」我邊說邊望向阿儀，驚見司機座位竟然無人。
　
阿儀去咗邊？
　
「阿儀！？去咗邊呀你？」我轉身向後座後面一望，亦空無一人，於是我開始急燥了，因為響安真係太煩擾。
　
我打開車門落車睇，此時後排嘅響安聲音更大更頻密、一直咇咇聲，中間夾雜唔少司機爆粗罵我嘅聲音，我一直忍耐著，然後走去打開車尾箱，亦無發現阿儀，咁佢究竟去咗邊？
　
「屌你老母，你肯揸走架車未呀？」又有一位司機行埋嚟罵我。
　
「我唔見咗女朋友，你有冇見過？」
　
「女朋友！？你停咗喺到攪咁耐，走嚟同我講唔見女朋友？！」
　
「你真係唔見有人走出嚟？」我急問。
　
「無呀屌你！你再唔撚走我就報警呀！」
　
整個天空都充斥住無數車輛響安嘅聲音，呢堆聲音每一下都打入我腦海入面，令我再一次感到非常頭痛。
　
於是我無奈咁坐上司機位，車匙仍然插緊，而且波檔仲係「D」波，如果唔係條路平坦，架車只會一直慢慢向前行駛，於是我大大力踩腳門，急急腳咁揸車走。
　
我心諗，究竟發生咩事，阿儀究竟走咗去邊？
　
我揸到附近可以泊低嘅地方後，即時停低，然後打比阿儀。
　
「你所打嘅電話暫時未能接通，請你遲啲再打過嚟喇！」我不斷打去，但卻發現阿儀手機一早熄咗。
　
我緊張得喘唔過氣，於是我大大力吞一吞口水，好好咁閉上眼，不斷同自己講冷靜，等自己整個身體慢慢抖下，而腦海一直諗返起岩岩所發生嘅事，今日阿儀的確喺呢架車入面，而且一直都係佢揸車，我亦同佢對話過，姐係佢今日活生生出現喺我眼前，而非幻覺或者發緊夢。
　
突然，我醒起一樣嘢，然後張開雙眼，望望車內的前置攝錄器，答案一定喺呢度，個車Cam一直錄住頭先發生咩事。
　
於是我即刻揸到返屋企，睇下車攝錄器發生咩事。沿路間，我一直感到巨大不安，覺得整件事都衝著我而來，如果阿儀真係有咩事，你叫我之後點生活落去。
　
返到屋企後，立即開電腦播放車內攝錄機，雖然鏡頭只影住車頭前，但卻錄到車內聲音。
　
“嘉琪呢啲人成日都失蹤潛水，你又唔洗太在意喇。“
　
“望就咁望“
　
然後車內開始播放柔和音樂。
　
之後數十分鐘內車入面仍然一片寂靜，我諗我呢個時侯應該瞓著咗。我於是快速再較快嚟睇，聽到阿儀出聲問。
　
“ 瞓咗？“ 阿儀說。
　
“ 唉，其實件事我未講完，最令我覺得唔舒服嘅係，我晚晚都發夢見到個男仔同我倒數……話之後會嚟接我走，而今日就係倒數完嘅一日“
　
“ 我已經好多晚無覺好瞓，如果每一1晚好似你呢家咁瞓得就好 “
　
接著又一片寂靜，車頭一直行駛著，只見霧氣開始多，多到連鏡頭都出現一片白霧，然後車頭突然停下。
　
“ 呀！“ 阿儀發出一下叫聲，但聲音好快被蓋上，好似突然消失咁，連尾音都無埋。
　
過咗一陣，出面嘅車開始響起鈴，之後落嚟嘅事就係我被叫醒嘅畫面。
　
我呆呆咁望住螢幕，然後不斷重覆睇下阿儀消失嗰數秒，從呢條攝錄可以睇到，阿儀係無離開架車底下唔見咗，呢個不合常理，我只能聯想到阿儀同鬼怪事物扯上關係，特別係佢提到嘉琪個男仔，會唔會當中發生咗事而令佢今日被消失呢？
　
《第一回完》
　
想繼續追落去，請訂閱Patreon支持，會一直持續更新。
https://www.patreon.com/posts/45999016

亦會有更多獨家故事比你地睇，多多支持。
https://www.patreon.com/Homing