關於 留低既都係一份心意 ，我們在網路上蒐集到這些相關的討論、資訊與評價

【這是你所想的生活嗎？】

一直好多人都同我講，不如搵份穩穩定定冇咩做嘅工，終於疑似搵到咗，簡簡單單、唔會有太大壓力、冇咩明爭暗鬥、同事關係都和諧，生活都好似過得唔錯咁，但你總係覺得，好似差咁啲咩，都自知未必係自己想要。

或者你習慣咗以前生活係忙到打仗咁，你會有十萬個task等住你，你一直以嚟學會嘅係超越Multi-tasking嘅工作，幾乎係Infinitive-tasking；因為每份工極唔穩定，一個月炒team人正常不過，為鞏固個位，你唔玩明爭暗鬥都迫住要玩... 當你習慣咗呢種生活，突然原來「穩定」都唔係你想像中咁美好，有時，你會好lost唔知做緊乜。

返工唔知做乜、放工唔知做乜、weekend唔知做乜、放假唔知做乜…… 真心，你以前會好期待放假去邊玩、有咩做，依家你都開始迷失，其實放假唔知可以做咩，原來都幾迷失。然後，收工不如紅隧口落車行返屋企，反正你唔知可以做乜；你收入可能係以前幾倍，但除咗儲錢以防下一次失業，原來你都係唔知做乜。到最後，似乎做咗自己最睇唔起果種人，一味得個穩定冇目標可言嘅人。

唔好，我唔想咁。

以前你應該quit咗十世，咁嘅時勢，全香港所有行頭公司都俾你見曬，唔止一次，呢幾年嘅經歷，嚇怕咗你；以前明爭暗鬥唔係你死就係我亡嘅日子，令你明白多一事不如少一事，事不關己唔好r嘢做、同事之間唔好講咁多深刻嘢自己嘅私事，你已經唔會再相信有真正情誼，會唔會有朝一日又反目成仇，又或者講，生活平淡至此，都冇咩好講。

對比以前，你唔算唔開心，終於俾你過到呢種從未試過生活，唔駛擔驚受怕聽日會唔會失業、唔駛慳住食少一餐儲得幾十蚊得幾十蚊，都唔駛為慳幾毫子身水身汗行幾個巴士站為分段收費，你或者要珍惜。只係日子日復一日如是，又變咗冇乜感情起伏可言，都唔知叫開心定唔開心。人大咗，開始唔會有咩朋友，你收工想搵個人食個飯吹下水都已經唔會有，唯一期待，係Netflix有乜新劇上架。

呢排成日發夢，夢見以前喺迪士尼實習嘅日子，夢見同同學收工就去玩、夢見同各國同事圍埋一齊食飯吹水、夢見同朋友一齊煮飯... 果種感覺真實到你以為自己真係喺美國，醒嚟都唔想接受自己生活咁混沌。成日話，果段日子，係我人生中最開心最無憂無慮嘅日子，呢段回憶徹徹底底深植喺我腦海入面。唔知係咪最近生活太平淡，潛意識好想返返以前，夢見呢段記憶，有時起身總會不自覺眼濕濕。

我間中會諗，個人變咗咁係咪因為疫情？以前有咩唔開心，去個旅行能醫百病，依家冇咗；以前唔開心咪去酒吧飲杯嘢，依家十點後你點都要走；以前失業有咩好怕，經過舊年後你知道，失業最可怕唔係冇錢，而係你每一日都唔知可以做咩，精神折磨先最惡夢。

慢慢，你發現自己搞唔清自己想要啲咩，失意漂泊時曾經同自己講穩定落嚟也不錯，但當你穩定到而又高不成低不就，生活平平淡淡，又發現原來冇乜動力。

到最後，你自知道唔關疫情事，而係到今日，一直都仲未搵到適合自己嘅路。既然一切依舊茫然，不如安定住先。平淡有收入，總好過平淡冇收入。

去旅行我好鍾意望到呢種藍天白雲，我好鍾意影低不同形態，估唔到香港難得望到，竟已唔係一種攝影衝動，而係俾到一種自由嘅感覺我，抖一啖氣繼續上路。

諗起電影《幸福路上》嘅主題曲歌詞：
//成為了你理想的人了嗎，那故事後來有什麼留下... 我又是誰，我卻說不清楚//

共勉之。

✨ 網店正式開張！新張期內貨品低至$5！請即睇：https://bit.ly/3qLPkpk

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

【《#魷魚遊戲》短評幾句】

一向幾鍾意睇呢類「生存遊戲」題材，舊年《今際之國的有栖》夠精彩，荷里活都有《密室逃殺》一類作品。至於《魷魚遊戲》被人話抄《要聽神明的話》，我反而諗起《賭博默示錄》，但又的確唔差。

成套劇節奏好明快，喺Netflix神剪下，一日煲完唔係難事，六個遊戲都係好簡單玩意，但原來又有策略，你要破解既靠運都要靠智慧，ticky位都幾得意；如常有人性百出嘅過程，幕後大佬面具人真正身份我飲緊水差啲噴出嚟（完全唔記得有咩演員演出）。遊戲過程都相當緊湊，尤其是拔河遊戲，原來咁有策略，一場玩拔河可以拍到咁緊張，呢個Cliffhanger位應該你幾唔得閒幾忙趕住要出街都好，都點都會篤下一集嚟睇！😂唔單止描述玩家遊戲，對反派都有一定描述，開頭無啦啦出咗遊戲，都係同類題材新嘗試。獨論觀能刺激，套劇堅係冇得輸，至少好過舊年吹得太大嘅《Sweet Home》。

不過，劇情方面就有啲失望，尤其結局壓軸出場嘅「終極終極大佬」，企圖製造驚人但諗返成件事有少少搵戲嚟做；警察搞完成場戲都冇乜作用咁（希望第二季會交代下），佢嘅「奇遇」（唔劇透啦）又太過巧合兼順理成章，又要咁啱果班人又係身有屎。第五個遊戲唔係話睇戲唔好駁故，但相信唔少觀眾都諗到種好明顯方法破解，成班角色都冇諗到，而壓軸一game設定都有少少反高潮。希望第二季唔好又係同類「玩Game」題材相同套路啦！

唔好理劇情漏洞，《魷魚遊戲》堅係追看性極強，但人物設定同故事鋪排，如果你覺得《今際之國的有栖》係爛劇，呢套應該更接受唔到。

《魷魚遊戲》、《今際之國的有栖》觀後感可看留言連結。

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

[閱讀時間警告，長篇的，但認真］

尋晚約咗三個好耐冇見嘅大學同學食飯打麻雀, 難得的輕鬆, 雖然輸咗幾百蚊都開心. 今日星期日瞓晏咗，後來睇Facebook有幾位網友send左一條在自助餐放題集中討論區對牛角Buffet雅蘭分店的投訴俾我, 叫我睇睇乜嘢事. 網上世界天大地大, 有人喜歡有人批評都實屬正常，冇理由去干預或者回應，但係今次由於當事人都有發俾我，而且我見到點左我名要我回應的，加上調查結果確實係有重大蹺蹊，所以希望都講一講。

我爸爸到我公司做飲食超過40年，今天40間分店，每年服務數百萬人次，坦白講，點樣確保數百萬單交易每次都完美，我作為CEO每天都思考呢個問題。特別我本身係工程師出身，所以我比較希望通過建立制度（而唔係老闆每天自己巡舖人治），所以我哋有好多數據的。但係接觸客人又好緊要，40間分店點接觸？好彩有互聯網，所以每一張餐枱上邊都搵到我自己嘅電郵同埋Facebook. 不過所有呢啲都唔會保證每一單交易每一個客人都完全滿意, 因為飲食業其實係live演唱會，所有嘢即時發生冇得NG, 唔係工廠製品可以QC檢查一個星期先至交俾客人. 所以我作為老闆/CEO, 可以保證的是公司制度同文化：絕對唔會欺騙客人用假貨, “貨真價實童叟無欺”. 這是數十年來我們的價值觀、神聖而合情合理的基本商業道德，否則我們也不可能經營超過40年.

公司文化我作為老闆有責任建立同確保, 然後就係制度. 用返今次呢件事嘅例子，牛肉既然唔係工業製品，每一隻牛每一個部份每一件都可以唔同樣，咁點樣可以盡量確保唔會比錯客人呢? 呢啲就牽涉制度建立包括培訓. 每一個菜式我們都有「手順書」，有標準的製作方法、斤両大細。唔同嘅肉類我們會選擇使用唔同嘅器皿，上邊亦都有擺一張註明是什麼品種肉類的小卡，盡量減少犯錯的機會。 我強調，係一個現場live嘅環境，只可以盡量減少犯錯機會，但係確保唔到絕對冇錯的, 所以萬一真係犯錯我們會調查、補救、賠償、改進，然後做得更好。每日都有好多客人直接message我，他們都知道我們真的會認真處理的。 （當然亦有很多很多客人對員工讚賞，鼓勵他們）

講咗咁多我想講咩呢? 即係好似曼聯領隊蘇斯克查可以確保C朗真的是C朗(不是頂包的), 可以盡量做好球員訓練, 但係確保唔到每一場比賽C朗都會入波，都一定贏對方5:0, 確保唔到每一場都全取3分。但係肯定會盡力奪取聯賽冠軍，報答所有球迷。我們都一樣。

咁講返呢一個個案, 首先客人食得唔開心我必須要致歉的. 當然道歉冇用，我上面都講過會認真調查，所以今日好多管理層作出咗好多跟進, 包括調查電腦記錄同埋閉路電視, 相關員工的口供. 似乎客人一共有三個質疑: 1)和牛 2)雪糕 3)埋單。

先睇返事情背景同埋一啲客觀事實：

根據電腦記錄, 客人一男一女於2021年9月18日21:09:06入座，客人為公司會員, 選用Level5放題餐. 期間一共在落單平台點選49次（每次1-4人份量），另外多次去自助區自選食物。期間曾表示軟雪糕溶解（這一點以下會詳細分析），去到23:19:49 (即係兩小時10分鐘之後) 客人舉手要求協助，首次表示牛肉質素欠佳. 客人於23:11:00 以信用卡支付$1756, 及後於00:05:21獲得$878現金, 00:07:06離開餐廳.

喺睇詳情之前我都好想爭取一下大家嘅諒解, 其實我們打開門口做生意, 都明白香港客人經常去日本旅行對食物質素相當有要求，香港人好精明俾幾多錢你你俾返幾多野我, 所以我攞住個宗旨就係Value for money, 特別係放題，真係無限量任食的，只要唔浪費你叫幾多我哋都咁開心歡迎, 出邊無論單點餐廳定係超級市場, 幾多錢一客和牛大家都睇到，我們做的就是量大，從日本進口大量和牛（餐廳嚟講我諗我哋都算香港數一數二的進口量，所有進口單據上市公司好清晰），由於比較大量就可以盡量做到壓低個入貨成本，然後就做到比較相宜的合理價錢做放題。 頭先我都講每年有數百萬客人幫襯我哋，其實香港人真係好合情合理，冇理由話要求食放題每一碟牛肉都好似拍廣告嗰種完美雪花狀態，我哋咁大量採購返嚟，每一隻牛有啲唔同每個部份都有啲唔同同一個部份前後都會唔同真係天然現象，因為牛肉不是工業製品。當然你可以鍾意或者唔鍾意，覺得下次再幫襯或者唔幫襯，呢個都係客人嘅選擇，我哋當然係努力做到最好去爭取每一位客人。 但係將心比心，如果你做老闆，客人食咗兩個鐘頭食咗100碟嘢食之後，然後到買單嘅時候同你講，頭先啲嘢食我唔滿意，我覺得你呃我，所以我唔俾錢，或者隨佢自己心意我鍾意俾一半，你覺得一間公司應該點處理？果一位負責埋單的前線同事，面對咁樣嘅客人佢係面對緊一種怎麼樣的壓力？喺接近凌晨12點嘅時候出現咁嘅狀況佢可以問邊個俾意見佢？ 我今天聽同事調查，最後我那一位充滿壓力的前線同事昨晚選擇退返一半現金，先唔好講點解會咁同埋是否合理，我們下邊一起了解深入啲分析一下，我只係想大家明白我這位員工當時的壓力。

依家詳細睇睇每一個指控，首先講最嚴重的指控 ：牛肉

我上面已經講咗好多次有關牛肉不可能每一碟都一模一樣，我相信大家都明白我就不再重複了。 問題是這個個案客人圖文並茂影出嚟啲牛肉真係好離譜嘅，睇起上嚟好肉酸好恐怖出晒血水的，由於我和你都不在現場只能夠從客人嘅描述以及員工給我的口供，加上電腦記錄同閉路電視去做分析，我留意到以下幾點重點。1）根據客人提供的3張照片，三張相見到牛肉好恐怖都係放在個白色圓碟上邊的。（見圖）如果大家心水清睇一睇wide angle嗰張相 (我Zoom in左用籃圈圈住) 大家睇到白色圓碟上邊嘅牛肉在未融雪之前睇落去都ok的，而且有一個關鍵線索，大家睇一睇上邊是沒有那一張 「A5和牛」嗰張紙牌的。但係後來去到客人刻意拍照比較的時候，大家可以見到圓碟還是那一個，但係肉類已經擺咗好長時間見得好恐怖出晒血水，關鍵關鍵關鍵，是在這些比較的相片中白色碟上邊出現了一張本來不應該在哪裏出現的「A5和牛」紙牌。點解呢一個白色圓碟上邊唔應該有呢一張紙牌呢？因為只要食過牛角Buffet的都知道我們為了客人盡快可以開始燒肉唔好浪費寶貴嘅用餐時間，會按照不同級數送上我們稱為的「頭盤」，頭盤內容係客人所叫嗰個Level可以選擇的不同肉類, 由於第一碟頭盤不需要客人花時間點選，所以快上枱； 有四款不同的肉類，係比客人體驗一下佢叫嗰一個Level可以點選的不同肉類有乜嘢唔同，Level5的頭盤是這樣安排的，而且Level5頭盤必定係用呢一隻專用碟(見圖), 客人之後就可以知道點選乜嘢食最符合自己心意(根據電腦記錄事實上客人後來一共點選左12碟鹿兒島A5）. （題外話，好多客人都真係會142品唔同嘅嘢食包括唔同嘅肉類都試吓，亦有個別客人明知自己唔鍾意其他牛肉所以一入座就同同事講唔要頭盤佢會自己點寧願等多陣花多少少時間等），但係點解一碟頭盤會放喺枱面超過2個小時完全唔食等佢出晒血水，然後嗰張唔應該出現嘅和牛小卡放咗上去然後同一碟新鮮拎出嚟嘅和牛擺在旁邊拍照? 然後就話唔俾錢跟住放上網公審我哋，咁樣嘅比較公唔公平呢？有冇任何意義嘅呢？ 大家自己可以判斷。

軟雪糕溶解:

根據閉路電視，人客是在21:40:32行出去攞雪糕的。即係話時間係入坐之後半小時。即係咁，雖然一般客人都鍾意食完燒肉先食甜品，但係呢位客人食食吓燒肉爭取時間食吓雪糕先都冇話唔得嘅。但係嗰杯係雪糕嚟，同時間你個火爐開到好猛燒緊肉，拎到返張枱之後又唔食擺喺個火爐邊幾分鐘熔晒變到好核突，然後搵我啲同事投訴。同事問頭先攞嘅時候係唔係咁，當時你都話唔系否則都唔會加朱古力豆上去個面。然後我同事仲特登去攞返兩杯俾你，交俾你嘅時候係好靚好正常, 後來客人仲食咗兩杯。 問題系，咁你將燒肉爐旁邊溶晒之後咁恐怖先影相放上網其實有咩意思？ 都係同一句說話，咁樣是否公平？大家可以自己判斷。

埋單：

其實睇咗以上嘅細節，去到呢一步個推理都已經好明顯。你係要食咗130分鐘近百碟之後，埋單嘅時候拎返碟特登保留兩個幾鐘唔食嘅牛肉出嚟投訴話牛肉質素唔好，仲要話我哋呃人，要求唔俾錢。最後搞到12點我個同事壓力之下俾返$878現金俾你。佢當時凌晨時分心理壓力超大沒有誰人可以詢問之下決定咁樣做，慌忙之間如果真係有同你講 「呢啲錢係要我自己出公司未必俾返我」之類可能只係期望你同情佢，當然你不單止冇同情佢攞完錢仲要上網寫。 但係公司絕對係唔會要佢代你找數的 ，所以放心呢筆錢係公司出唔係佢出。

最後補充，諗返起，客人明明在文章中講明自己是第一次幫襯牛角，但係居然又有會員卡，根本都係前言不對後語（我見到都有網民質疑，佢好似解釋係問朋友借卡）。 當然如果客人覺得被人欺騙，採取法律行動報海關或者去消費者委員會，都係客人嘅權利，我們完全尊重的。

無論如何多謝客人提醒，好明顯我們經過今天的調查之後會更加打醒十二分精神，做到比好更好。

20200211 黃偉民易經講堂
失控了！

中共闖了大禍，武漢肺炎失控了。

共產黨這個政權是不怕死人的，大躍進死四千萬人，文革死幾百萬人，唐山大地震一夜死六十萬人，他們的眉頭都不曾皺一下；但今次，從他們的身體語言看到，他們害怕了。

直轄市、一線城市，一個一個的封城，北京、上海、廣州、天津、重慶……

那個什麼至高無上的人大會議，三月還敢開嗎？

全世界如臨大敵，但香港，仍然中門大開，假封關，假檢疫，虛應其事。

香港人搶口罩，搶食糧，搶廁紙，人心惶惶，終於明白到，過去大半年，我們抗爭什麼？

真普選為什麼重要？

不是虛無飄渺的民主自由，一個不是香港人選出來的林鄭政府，如何面對天災人禍？如何保境安民？

林鄭的政府，只是配合北京權貴的政策和方便，鄙視香港人的身家性命。

她鄙厭記者，因點為記者報道真相；她憎恨律師，因為他們忠於人人平等的法律；她厭惡前線醫護，因為他們的真話示警。 她要香港和大陸看齊，懲罰社會公義，對付社會良心。

特首受薪，天職是保護香港，但林鄭為香港做了什麼？ 她去信國際領事館，投訴各國對港封關；不合理、無根據。

她崇拜的習近平和中共政權，連面對事實的勇氣都沒有。 武漢肺炎就是武漢肺災。

是天災還是人禍，也是武漢肺炎。不面對禍源，解決不了今次災難。病毒無眼，不會見高就拜，見低就踩，所以，中國大陸人人自危。

北京不喜歡人叫今次的瘟疫做「武漢肺炎」，因為有不可告人的秘密。

但病就是病，在武漢出現的非典型肺炎就是武漢肺炎，像其他病症一樣：伊波拉病毒、德國麻疹、日本腦炎…… 這本來就是面對真相的態度，但心中有鬼，自然那裡都是鬼影幢幢。

正名，有崇高的政治意義。

《論語》子路篇章第三章：
子路曰： 衛君待子而為政，子將奚先？ 子曰： 必也正名乎！ 子路曰： 有是哉！子之迂也。奚其正？ 子曰： 野哉由也！ 君子於其所不知，蓋闕如也。 名不正則言不順，言不順則事不成，事不成則禮樂不興，禮樂不興則刑罰不中。 刑罰不中則民無所措手足。 故君子名之必可言也，言之必可行也。君子於其言，無所苟而已矣。

孔子周遊列國，在衛國停留的時間最長。 有一天，子路和孔子討論為政的大原則問題。

子路問，假如衛君有意搵老師來主政，第一件事你會做什麼呀！

孔子答他說： 第一件事是要正名。

子路聽了，嚇了一跳！ 吓，唔係卦？有是哉！意思是，正名？有咁重要咩？人家說你迂腐，真是無講錯，正不正名，有無咁重要呀！

孔子說正名，是端正名份。不單是一個名字，指的是確定了思想邏輯，價值取向。

一個政權，追求的是什麼？是霸道政治還是王道政治？

是強凌弱，眾暴寡，有權有勢就大晒；還是老有所終，壯有所用，少有所長，大家可以安居樂業？

孔子意思是為政，先把文化思想，價值追求搞清楚。

子路的反應是，文化思想，價值追求這些東西，抽象空洞，有乜好搞呢？

所以孔子罵他： 你這個傢伙真是粗野無知，唔識就唔識，唔好扮識，蓋闕如也。

他說，為政的重心，名不正則言不順，價值目標不清楚，沒有清晰的信念，理論上便講不通。

講不通的政策，連自己都不信，又怎會成功？

沒有文化信念的政權，無法建立社會的核心價值。

沒有核心價值的社會，無法成立一套大家信服的法律和規矩。

沒有一套公平公正的法律和社會禮法，老百姓就無所適從，好似手腳都唔知放在那裡好。

所以，政治領袖的重點，始終是思想領導，文化領導。 信念定了，價值追求定了，行政上才能行得通，人民才能跟隨。

這樣施政，不是空叫口號，邏輯上要站得住腳。

無所苟而已矣，不能隨便說一些，無法實行，什麼「為人民服務」，「階級鬥爭」，「敵我矛盾」之類的政治口號。

這就是中國政治哲學的大原則。

林鄭政府已經無法施政，因為全個政府的目標，都不是為了香港人的福祉。 她將香港推到《周易》第十二卦天地否卦的處境。

政府和市民各走極端，社會閉塞不通，互不溝通。 否之匪人，不利君子貞。 整個政府，都是匪人——只是外表是人形物體，但都不是人。

他們打擊社會的正義力量，有良知，說真話，為香港好的人，都備受打壓。

目前香港正處於否卦第二爻和第三爻的位置。

否卦六二： 包承，小人吉，大人否，亨。

包承，包容承受。

政府沒有盡到保護市民的責任。承受那種缺乏政府保障的局面，申訴無門，只能逆來順受，自求多福。

天災，人禍，施政目標不在港人，社會氣氛急速惡化，世道人心都變了。

這種時勢，小人得利，因為這些匪人，無底線，無原則，不分是非，為生存，為利益，乜都肯制。

所以，在世道不佳時，只有小人吉，張牙無爪；堅持原則的君子，就過得很辛苦，英雄落難，失業、官非，樣樣來臨。

所以爻辭說：小人吉，大人否。

但最後結論是亨的。

因為在這樣的時局，堅持理念，不肯同流合污，雖然否於一時，但做人，守住了原則尊嚴，在一生的高度來看，便是亨。

在否的時代，全是匪人，失意才是最大的亨通。

這便是古人說的：身雖否，道卻亨。 世道沉淪，小人得利，社會變成兩個對立的集團。

小人們見到大人們不識時務，唔懂轉膊，死牛一面頸，不知變通而失意，當然幸災樂禍；大人們又睇唔起那班無原則，無底線，隨波逐流的小人，所以又嚴厲批評。

兩大陣營，各自指摘，爭訟便起。

所以，否卦六二爻變，變成了天水訟卦，社會下滑，小人群大人群自然壁壘分明，互相批評，社會爭訟不斷。

《小象傳》說： 大人否，亨。不亂群也。

大人否得來也亨，因為不亂群也。

大人們和小人們，涇渭分明，無法合流，所以，即使否，也亨通。這是生命價值的大亨通。

否卦六三： 包羞。 否卦六三爻，是泰否兩卦的谷底，整個社會沉淪到深淵，不止經濟民生的惡劣，最可怕是人性的沉淪，全部都是匪人，社會已成人間煉獄。

人人喪盡廉恥，囤積口罩、物資，高價販賣。官員執法不公，大陸客騙入境，騙醫護，騙醫院。

社會上完全沒有保障弱勢的力量，包羞，無論多壞多可恥的事都被包容。

《文言傳》說： 臣弒其君，子弒其父，非一朝一夕之故，其所由來者漸矣，由辨之不早辨也。

社會倫理的敗壞，並非突然變壞的。是逐漸，慢慢的，大家一步一步的接受。漸漸更糟的，像臣弒君，子弒父，咁誇張，都見怪不怪了。

這是統治集團，立壞榜樣，社會已見怪不怪的包容。

中央領導家族貪污一萬億，各級官員貪污弄權便理所當然；新聞記者、維權律師、真話醫生，被捕入獄至死亡，社會大眾接受，誰叫他們多事講真話，慢慢全國人都講大話。病了，對著醫生，在醫院，說病歷，講地址，都說謊。

其所由來者，漸矣，由辨不早辨也。 在否卦第二爻，社會部份人仍有是非之心，所以仍分為小人集團和大人集團在對壘。 當社會跌落否卦第三爻，君子大人都噤聲了，社會一片黑暗，所以羞恥邪惡，統統都被社會包庇，再沒有正面力量和它抗衡了。

因為否卦六三爻變，為天山遯卦，大家放棄了，能跑的，都走了，移民隱居天涯了。 否卦是閉塞不通，政府和百姓不通，最可怕的不通，是資訊不通。

資訊不透明，六三，這個時候，不知道，否，會過的，去到第六爻，就是「傾否」，將整個否的時代推翻，走入天火同人卦，面向世界大同的光明時代。

六三的包羞時期是谷底，歷史上任何黑暗時代都不會長久，推翻了，便是明天的同人大有兩卦，即「同樣是人，大家都有」的大同世界。

一個階段的結束，同時地，也是另一個階段的開始。

周易六十四卦，以乾坤兩卦開始，以既濟未濟兩卦作結。

第六十三卦水火既濟，第六十四卦火水未濟。

乾為天，指的是宇宙天體的一切規律。 是形而上的自然法則。 坤為地，指按這個自然規律形成的具體人間。

天尊地卑，乾坤定矣。 天地既成，人間的一切，就跟自然規律在運轉。

乾坤屯蒙需訟師，比小畜兮履泰否…… 去到第六十三卦既濟，是解決了。

濟，是渡河；既濟，是已經渡了河。解決了。

兩個卦都用狐狸渡河作譬喻，渡了河，即事情搞定了。

一個階段結束，就是下一個階段的開始。

所以，既濟之後是未濟。 古人心意，是完成一個階段，也展開了另一個新階段。生生不息，永不休止。

既濟，是開始了之後的結束。 未濟，是結束了之後的新開始。

我們結束了求學的階段，亦開始了踏進社會的階段。這時才體會到學校裡面的困難，原來是這麼的溫柔。

我們結束了單身的身份，便開始了共同生活的婚姻。愛情是浪漫的，婚姻卻是柴米油鹽。

戀愛是兩個人的事，婚姻後卻多了一倍親戚朋友。女孩子總是幻想，出嫁後，便有張長期飯票；誰知持家後，才是萬事皆憂。

沒有永遠的終結，因為終結正帶來開始。

終結和開始，其實是一體兩面。

中山先生推翻滿清，結束千年帝制；隨即軍閥割據，群雄並起。

北伐成功，中原一統，但中共又開始立足上海。 日寇侵華，逼使國共合作；內鬥稍歇，但又板蕩中原。

日本投降，國民未享半日和平，內戰又起。

中共建政，結束百年動盪；但更大的人禍，亦正式展開。

沒有了亡國的危機，但開始了飢餓和人性的泯滅。

鄧小平七八年挽狂瀾於既倒，毅然反共，一百八十度轉向資本主義，結束了飢餓貧困；但中國人的醜陋卑劣，即湧現世間。

解決了內地的吃飯問題，卻又招來了全球的排華巨浪。

一事既濟，開展了另一事的未濟。

明末才子李漁說，千古興亡，都只不過重覆台上的一場戲，劇情重覆，不外乎，一個男人和一個女人。

非洲第一高峰的雪山上，冰封了一隻野豹的屍體。

這現象違反常識。 動物的足跡，跟著食物走。

冰峰上，只有寒冰，野豹上來追尋什麼？ 這引起了美國文豪海明威的興趣，來到非洲，寫下了他半自傳式的名著────The snows of Kilimanjaro.

荷李活後來將它拍成電影，香港譯作《雪山盟》，由格力哥利柏和蘇珊希活主演。

香港人，經歷了這半年的流血抗爭，這次武漢肺炎，大概體會到雪峰上那隻野豹的追求，嚮往野豹的足跡。

與其活得長，不如活得好。

一聲鳥鳴，劃破長空。

拍翅下，見三圍六村環抱出屏山一貌。蜿蜒着的屏山文物徑，古木蒼翠，偶爾幾幢青磚土瓦明清建築老房子，石牆上的斑駁，在無聲歲月中落地生根，盤踞在石縫磚隙中，一身老氣，對照出旁邊高聳的新型村屋，卻又顯得特別驕矜。

那是一千年以前的事兒。渺渺時空，茫茫人海，都從中原南下，先在江西再往廣東後遷居於此，得豐盛水土，自稱「客家」，勤儉刻苦，莫失莫忘，且保留了中原古韻。

天真地以為能攀星摘月的七層古塔「聚星樓」，某年風災後只剩下三層，靜默地立在原地。古雅風流倒映在地下出現的一口古井，那一汪清澈冰涼的水中育有搖頭擺尾色彩斑斕的錦鯉，只是架在井面的鐵柵欄狠狠地破壞了錦鯉圖的美感。曾有不少文人進士，寒窗苦讀浪漫軼事的覲廷書室，門前一對蒼勁有力的端莊黑字「德澤流芳、祟山毓秀」，仍舊雋刻在硃砂紅木上，以書香墨魂冷眼河山變改、戰火無情和世事更易，正是千古江山，英雄無覓。


尋常巷陌中，那株開得姹紫嫣紅的簕杜鵑，一樹紫紅放肆任性的開在三層高的村屋前，然而再矚目也不及寫着「屏山盆菜」的大字招牌。

惜舊。一碟一碗皆有情
招牌底下昏黃的舊店裏，一時被兩邊一列長架上堆放着過千的碗碟所震懾，罎罐碗碟、沙煲罌罉，銅皮木製陶瓷，公雞、萬壽無疆、蟠龍翻雲、清花等花紋，有些是民國，甚至清朝時候製的，全是舊食具，也有盆菜、九大簋古盛器。短毛頭圓臉兒的店主鄧聯興(聯哥)，伸手把器笑謂：「全部都係呢條村好多家村屋拆嗰陣時丟嘅，我唔保留就冇㗎啦！」

聯哥是這盆菜店第三代傳人，也是屏山鄧氏的後人。隨時代變遷，圍村生活一點一滴改變了，舊東西正在消失中，他很想保留這裏的一事一物。碗碟叢中，電話猛烈又急促地響起，幾乎是從早到晚響不停，原來不少識途老馬惠顧過他，從此愛上那獨有的圍村客家風味，每年如燕歸來，都會在喜慶時節訂盆菜、九大簋。他拿起電話對客說︰「冇送貨㗎！對唔住！」


一般盆菜店為增生意，多設外送。聯哥寧願賺少些錢，卻堅持傳統，規定只可在鋪吃，或可訂在祠堂內的大地堂吃。「盆菜、九大簋屬於我哋圍村宴席菜，外送拎出去市區食，完全唔夾！要喺我哋條村食，咁先有風味！」他竭力保衛不單是一個失傳飲食，還有它的良美附景──

這天，就有村民大排筵席吃九大簋。「我有盆菜同九大簋，但九大簋佔咗生意嘅七八成。九大簋出面少做，係我至有！」聯哥、兒子Jeff、大廚及四五個女工，早在各有各活兒在忙，有的在巨型鑊前炒呀炒；有的將各款食物舀進銻盆，包上保溫錫紙；有的張羅執拾餐具和食物搬上貨車。眾人浩浩蕩蕩乘着車沿鄉村小路，直抵盛宴氛圍。

顯赫。祠堂寶地見昌盛
「九大簋，傳統喺祠堂食！」
頂着七百多年的歷史，鄧氏宗祠的雕樑畫棟，青磚紅瓦，在風霜刀劍下，仍汨汨細流着官宦世家一時的顯赫，鄧氏後人在此祭祖、慶祝節日喜事、父老子孫聚會等，無法撼動的熱鬧場面，記載着族人的昌盛，如一樹繁花。

繁花散落處，是這個過萬呎的大地堂前，擺好的二十多圍筵席，喜氣不言而喻。「通常我哋村民結婚、BB滿月、舊時新居入伙，同埋點丁燈，先會擺九大簋。傳統一圍枱人係雙數，所以要坐八仙枱。」八仙枱其實是四方枱，坐八個人，後期改為圓枱，人數再沒有規定。

開席了！祠堂門前的一根火苗，燃點藥引，數十萬台的紅衣鞭炮就措手不及在耳邊炸開，硝火及散開的紅衣頓時在空氣中飄飄而下，驚惶的心被期待開餐的興奮掩蓋。「喺祠堂擺酒近村屋，祠堂門前燒炮杖，村兄弟聽到炮杖聲，就知道開餐，走嚟食。」

上菜講次序，先來的是湯，其他出場不分先後，離不開雞鴨豬手冬菇……中間上子薑菠蘿，消滯去膩，最後才是小盆菜。「食到咁上下，主人家會逐枱敬酒，都係最長輩嗰個行先，譬如結婚，就由老爺奶奶率領。」

鄉情。添飯加菜作叮嚀
吃九大簋，味道其外，碗碗藏鄉情，像添菜，「主人家客氣啲，客人嚟到好似唔夠食，覺得唔好，會抽個裝食物嘅桶，譬如冬菇豬肉，睇吓邊啲唔夠，逐圍添加。」如有吃剩的菜，也會送給朋友親戚，充分如俗語說「又食又拎」般慷慨豪情。其他沒有請來的，主人家都會分給同巷，或隔離巷的鄉里，這份鄉土人情在城市裏，真正少見。

舊日請喜酒，取好事成雙，連餸菜也呈雙數，如「四簋」、「八簋」，但客家人認為九大簋的「九」與「久」同音，有長長久久之意頭，才有九缽。其實九大簋還有一款飯，加起來共十款，就是飯菜齊備，十全十美，人生的圓滿就捧在一手間，見證於觥籌交錯中。「以前唔係咁富有嘅，請食盆菜已經好好。係富貴人家，捨得使，先請九大簋，請最好嘅俾人食！」

昔時九大簋食材貴重，主人家一頓飯宴，揮擲千金萬丈豪氣。聯哥自小就見識有錢人排場，筵開百席是閒事，設流水席，大宴群親好友吃足三天三夜不足為奇，相比今天這樣的場面，當年盛況，由衷地帶點悲壯。

一碗。百菜百味筵席盛
「九大簋矜貴在每一樣餸都係獨立，唔似盆菜嘅食物混埋一齊，一菜一碗，比盆菜好食。」
簋，在古代是貴族放食物的器皿。他們客家人吃九大簋就用九個大簋放食物，後來簋經過演變，叫兩杉四缽。「杉，係大碟。缽，即係大湯碗。用碟同碗將餸分開嚟裝，唔好撈埋一齊。」

現時九大簋已全然以碗盛載，還因應時節調校不同菜式來宴客。「天冷天熱唔同，天熱煮清啲嘅好似梅子鴨，天冷煮南乳鴨，就濃啲。」口味的轉換，使人不易生厭。菜式獨立，百菜百味，使味蕾每次都有新衝擊，吃出其中的風味，這才是九大簋精緻之處。

近年在香港，大時大節吃盆菜愈演愈烈，愈趨普遍，但對吃九大簋，大眾多聞所未聞。

「做九大簋好少人識。譬如我同村都曾經有人做過，味道唔得，冇咗啦！美心啲大廚都嚟試食過，跟足啲餸推出，出晒報紙、電視，最後都係冇做。你唔係我哋圍村人，又唔係好似我做咗咁耐，係做唔到嗰種味！」聯哥帶點自豪說。
客家人靠山吃山，靠水吃水。九大簋菜式在不同村或會有差異，主要視乎村內有甚麼食材便用甚麼，如村有魚塘，便有淡水魚。或者宴席主人家的要求，捨得出錢的，便有山珍海錯。聯哥則身為屏山鄧族，傾盡識才，續承庥美。「我由細到大喺條村嘅九大簋大多都係呢九款，陳皮鴨湯、了酸豬手、黃酒雞、南乳鴨、炸門鱔、雞汁燴花菇、魚肉丸、子薑菠蘿、小盆菜，加埋雞鴨飯，總共十款。」

獨特。自家佳餚自家味
做九大簋，逐樣做，炆、炸、煮、燉、燴、滷、醃樣樣齊，比起盆菜，工夫多，利錢低，但聯哥廿多年來，仍恪遵一份客家人特色。其他人依循抄襲，卻做不到同樣的美味。他的九大簋味味是精品，首重用料精。「我哋嘅炆豬肉同了酸豬手，係用每朝劏嘅新鮮豬。」連炸門鱔都是新鮮即日捕，門鱔來價貴，外面會用較平宜的炸芋頭、炸花枝丸代替。「圍頭客家近海，舊時喺大埔東嘅海面有好多門鱔魚，所以我哋嘅九大簋一定有門鱔。」

再者，聯哥是元朗原居民，魚販和豬農必然將新鮮門鱔及本地新鮮豬先預留給他。而且坊間沒有多少人做九大簋，要煮出真正味道，他須用圍村傳統的獨有調味。「炆豬肉嘅麵豉醬，係用黃豆加麵粉自己整；黃酒雞嘅黃酒，用糯米同酒餅自己釀；子薑菠蘿嘅子薑，每年六七月啱時候用醋嚟醃，味道先正宗。」調味可說是做九大簋的靈魂，更重要還有手藝。

「煮九大簋，主角係做小盆菜嘅炆豬肉，豬肉炆得好，啲汁滲到入盆底嘅蘿蔔、豬皮同枝竹，成個盆菜都好味。」

他選腩肉和前胛，斬了件，燒熱巨鑊，下油，加入豬肉、香料、糖，之後加水。大灶火力猛，豬肉容易黐底，所以要揸起大鑊鏟不停攪動。一鑊豬肉，炆上一小時，來來回回翻廿多次。要懂得用力，不須太大力，順着力去剷。豬肉炒到六、七成熟，才下麵豉醬和南乳，既不黐底，醬料香味發揮得最好。他還有秘技，就是炆好的豬肉，不要趕着吃，攤放兩至三小時，更臻入味。

眾望所歸的炆豬肉，樣子紅彤彤，乾淨利落，不見有油水蔓延，鬆軟不油膩，吃時展露山賊氣質一口吃掉，入口的瞬間，豬皮帶點嚼勁，豬油與醬汁完美的邂逅，令嘴角上揚的味道，毋須言語，就有口水直流的魔性！

宗親。人人為我厚恩情
這無法停口的炆豬肉，手法技藝是傳承自聯哥父親，也是他人生的第一個大恩人。他父親以前在村裏務農，懂煮幾味撚手家鄉菜。遇有同村喜事要煮盆菜或九大簋，就會叫他來幫手。

「老竇完全係義務，永無托手踭，每次做完喜事，封番封利是仔，小小心意！唔會賺到錢。大家同村，你幫我、我幫你，人情味好好﹗」聯哥憶述說。聯哥十一歲起，就跟父親到祠堂煮九大簋，他充當小幫手，切菜起爐生火等。「我好鍾意做呢樣嘢，有得玩又有得食！」而父親負責掌勺，他看得多，慢慢學會了煮筵席菜。酒菜圍繞，鄉親為屏，長年累月浸淫在筵席的氣氛中，團聚的熱鬧、鄉里的恭親，種下對老鄉土深微綿邈的感情來。

九五年，其父因年邁而退休。「成條村都冇人做，我唔接手做，九大簋就會失傳！」他惟有繼承父親的衣缽，把手藝延續下去，也保留了當時碩果僅存的盆菜和九大簋。

「老竇係業餘，搵唔到食。我要開鋪，煮九大簋嚟做生意。」起初他的字號寂寂無名，三日打魚，兩日曬網，大拍烏蠅。同村的人知道他的難處，也念起他兩父子經常為村出心出力，都不時帶朋友回村，藉詞宴客，特意叫聯哥煮九大簋，讓他有生意可做。甚至容許他在富濃烈圍村色彩的祠堂擺席。

「最感激係同宗兄弟鄧達智，市區人先至認識我。」九五、九六年時著名時裝設計師鄧達智與傳媒、文化界，在圍村吃過聯哥煮的盆菜宴後，經過報道，盆菜開始廣受大眾認識，聯哥越見名氣，即使沒賣廣告，生意大旺。連明星周潤發、甄子丹、郭富城，政界唐英年、葉澍堃等名人都是常客。

人情，就是人人為我，我為人人，交心而生。「老竇教我，對鄉親要好，因為同村都係兄弟，自家人，有力出力，有心出心。」他對父親的教誨，仍刻記在心。像是每年清明拜山祭祖，他一切都以村事為先，年年為此都推卻不少大宗的九大簋生意，也幫族人煮山頭。只要村裏要他幫手，他從來都是義不容辭。

每朝六七點，天邊方呈魚肚白，沉睡的鄉村，巷弄後小門半掩，漆黑中廚房亮着一團燈光，冒出縷縷煙霧，傳出咔嚓咔嚓聲響。一個肥圓身影，汗涔涔地已提起鑊鏟，鏟挖着鑊中豬肉，繁忙的氣力活早就展開了。聯哥臉上仍含笑說︰「我幾乎日日都咁早，一直做到晚上六七點，十二三個鐘㗎！但一啲都唔辛苦！」
他奮力以煙火、菜甜、肉香，留住屬於圍村風味的九大簋，以食物的味道譜寫宗族和鄉村人情的記憶，透過節日、慶典，寄語一代又一代人的祝福，不忘祖、不忘根，如一根無形的絲線，把人與人拉近了。

撰文：孟惠良
攝影：陳秉謙、魯雋華

屏山傳統盆菜
地址：元朗屏山塘坊村36號(屏山文物徑路口)
電話：2617 8000
營業時間：11am-9pm
詳情： http://bit.ly/2UxOwEC

立即免費下載《飲食男女》App： http://onelink.to/etwapp
《飲食男女》網站： http://etw.hk
新店食評，名家食譜，一App睇晒！
立即免費下載飲食男女App： http://onelink.to/etwapp

即like《飲食男女》Facebook：http://www.facebook.com/eatandtravel

飲食男女網站：http://etw.hk

即刻Follow我哋Instagram，睇更多靚片靚相！
http://goo.gl/KwjNOE (@eat_travel_weekly)

《上帝叫我做既》，耶膠系列第二部曲，繼前一集《我不想變做耶膠》後，以Hip-Hop風格反思信仰。社會上到處也是基督徒的影子，人人打著信仰的旗號，說在捍衛基督教價值，到底是真情或假意？誰是誰非？上帝究竟呼召信徒作什麼？就讓音樂引發思考吧!

導演: 村上春麗
演出: Pat Chu/Florence/ Ben/ 啤梨

Passion Music FB page:
https://www.facebook.com/passionmusichk

Eddie Ho Instagram:
www.instagram.com/eddie_mp1

我不想變做耶膠MV:
https://www.youtube.com/watch?v=oOJhz8hX9Mc

歌詞:
#上帝叫我做既 上帝叫我做既
上帝叫我做既 問下自己做過乜野
上帝叫我做既 上帝叫我做既
上帝叫我做既 究竟其實係啲乜野#

做左基督徒番左教會都十幾年 一句上帝叫我做既尤如七仔咁方便
解釋任何決定任何選擇講之前 呢句六字真言一出全部包搞掂

曾經聽過有人拍拖話係上帝叫佢拍既 又做呢樣果樣求問呢個女仔係咪佢既
點知散左之後佢問上帝點解要佢散既 點解基督徒唔接受有時關係係唔work既

啲野唔Work係有原因 你有無心機究底尋根
乜都唔諗入哂佢數 咁既態度點會進步

大事小事好事壞事 做人負番多d責任 無人倖免高低起伏 做人梗係有d缺憾
隨囉個上帝撐自己 叫Donald Trump 無論得時不得時 做好見證方叫真信心

REPEAT #

上帝個名唔係我地亂quote既擋箭牌 有時我地對佢既了解係一知半解
是旦隨便亂用佢個名係一種出賣 當年出賣耶穌既門徒個名叫猶大

盲目撐政府決策一定係上帝叫我撐既 我地參選乜乜乜乜都係上帝叫我選既
呢個大龍鳳活動咪又係上帝叫我搞既 強拆教堂十字架唔通係上帝叫你拆既

為左神為左主 為左神為左主 究竟有幾真心
得把口講完算 得把口講完算 上帝都俾你激親
對得住對唔住 對得住對唔住 基督徒既身份
講唔聽聽唔諗 諗唔做做完算 做人唔好咁過份

佢係每個人既生命中都有獨特既旨意
問心我地既選擇係咪必然係佢既心意
耶膠喜歡求問心想事成名利就既指示
上帝卻會讓人領略失敗當中真正意義

REPEAT #

上帝既旨意同吩咐大致都幾清晰
一三一四盡心盡力愛神最具價值
我地太過忙於留意自己層樓既價值
同你講聖經既原則 你話阻我搵食

佢話我地係世上要做 鹽同光
我地埋頭苦幹建立自己既 斧頭幫
若果基督徒為左搵錢係 開劏房
呢個信仰身分只係得把口講

Sorry god coz your will and expectation supposed to be clear
It’s sometimes we decide to ignore and to pretend we don’t hear
Yes Our sin and our guilt are damaging our lives it’s like a fever
Show your mercy and forgiveness to transform your own believers

Grant us strength, grant us love,
To glorify your name
Hypocrite, self-centered
O it’s just a shame
Looking for Recognition,
That’s not the right intention
Be humble Be Patient
Don’t fall in those Temptation
上帝叫我做既 X 6