［港女。義教📜。深宵感性一下］
呢個義教其實已經係6年前嘅事，話說港女喺澳洲LockDdown無嘢做睇返當日嘅相片突然覺得好感觸所以就深宵發文感性一下。❤️ #大文豪
其實呢次係香港教會搞嘅其中一個義工活動，就係去中國一啲偏僻村落到做義教。其實上網搵到嘅邊旅行邊做義工嘅都有好多選擇，有啲可能係去起屋🏠、修復城堡🏰、種植🌱、保育等等，當然唔同嘅地方付出嘅金錢同埋時間都會唔同。港女同朋友最後衡量左自己當時嘅狀況而選擇參加呢次嘅義教。
義教，即係去做一啲課堂嘅教學，有啲團員負責教英文、數學、科學、藝術等等，最後我同朋友就被安排教授低年級嘅科學🧪，亦因為係低年班嘅科學，我哋最後都係以動腦筋🗣嘅集體遊戲為主。
出發前我哋同都有向朋友同事募捐一啲唔用嘅文具到時帶去比嗰到嘅同學仔～✏️✂️📏另外亦都同自己嘅組員安排教授嘅課程內容，亦都去幫忙整理物資。
#一切看似順利 #但事情永遠好多阻滯
未出發夢前幾日，收到消息話當地發生地震，我哋都驚影響我哋出發或者需要改期/取消。不過最後都係如期出發。🚗
話說我哋出發無耐又發生插曲，我哋一團人係坐大旅遊巴出發，其中一次油站入完油再次出發嘅時候，就係我哋前面唔到一分鐘之前發生咗嚴重大車禍，大約有七八架車撞埋晒一齊，其中有幾架車係嚴重變形，當時仲見到啲傷者夾咗喺變形車到無反應⋯⋯場面嚇人。當時全車都沉默無聲。嗰一下我只係諗，如果我哋早一分鐘到達，如果我哋唔係去入油，如果⋯⋯如果⋯⋯ 💭
最後安全到達，義教嘅情況就由圖片去看圖說字啦！喺呢4日入面成功將我哋想傳遞嘅嘢交到去呢班小朋友身上，包括物資、知識、開心、同埋愛❤️！
你以為你只係付出嗰個咩？唔止㗎，其實我哋自己都默默接受咗好多、得著好多，包括開心、滿足、成功、感恩、同埋分享愛❤️！(其實打英文冇咁露骨😂 #ShareHappiness #SharingLove）
最後懷住一顆感恩的心完成
「滋潤人的，必得滋潤」
回家後，把媽媽煮嘅飯一口氣食曬
連湯渣都食曬 ♥️
#兩個港女去義教 #義教 #義工
#最想就係去幫手起屋
#自己可以體驗又可以幫到其他人
#好啦去相
#留意返啲相都有啲歷史非高清
留意返啲相都有啲歷史非高清 在 #留意返啲相都有啲歷史非高清 - अन्वेषण गर्नुहोस् | Facebook 的推薦與評價
呢個義教其實已經係6年前嘅事，話說港女喺澳洲LockDdown無嘢做睇返當日嘅相片突然覺得好感觸所以就深宵發文感性一下。 ❤️ #大文豪. 其實呢次係香港教會搞嘅其中一個 ... ... <看更多>