【 #Staycation Chill足30小時 @香港君悅酒店】
剛過去嘅復活節假期，來咗一趟Staycation 。喺 KKday 訂咗 Grand Hyatt Hong Kong 2日1夜 Package：海景房，包早餐、自助晚餐同外賣Tiffin下午茶，住足30小時，超正，超值🤩！
入住前幾天，收到酒店welcome email，我remark 咗慶祝生日，酒店就安排咗房間小佈置同送咗一枝紅酒🍷及 cupcake size蛋糕！ 與此同時，告知咗酒店有1兒童1bb同行，需要👶🏻嬰兒床、奶樽消毒器同浴盆，酒店全部都有提供。仲好貼心準備埋小朋友嘅牙膏、牙刷、洗頭水、淋浴露同拖鞋。Checkin時，仲有🎁小禮物送俾小朋友添！驚喜！
甫進房，🌊海景有幾正就唔多講！小b見到有浴缸🛁，勁興奮！可以浸浴玩水。而浴室與睡房只係一塊電動布簾之隔 (無玻璃架)！邊浸浴，邊望住窗外景色，so relax！
我哋差唔多四點鐘 check-in，原本小b爸打算放低啲行裝，就帶小b落去 11/F 泳池游水🏊🏻♂️，由於有人數限制，我哋就去咗泳池隔離嗰遊樂場放電！
晚餐我哋就喺 #露天池畔餐廳 (The Grill) 享用燒烤自助晚餐。身處池邊嘅table light dinner對成人黎講的確有情調，但昏暗嘅環境下，照顧BB/小朋友係有啲難度！另外，媽媽我大頭蝦😅，唔記得通知餐廳我地2大1小1bb，所以安排咗一張較細嘅2-3人嘅枱。食物方面，餐廳貴精不貴多！冷盤龍蝦🦞好大隻，爆糕，我一個隊咗3隻，係3隻原隻喔！而🔥燒烤熟食方面，🐮和牛漢堡勁juice！烤扒肉身夠淋！仲有我最愛嘅燒菠蘿🍍添！好滿足！
第二朝早餐，分3個時段，限時90分鐘，建議於checkin嗰時就好book定！
早餐就喺Grand Cafe食🍽，食物款式超多，有中式又有西式，冷燻熱盤樣樣有...花多眼亂，樣樣都想食😜！
之後我哋返上房hea咗陣，就出發上山頂。坐纜車🚠，行下，影下相，仲去咗一直想去嘅 #阿甘蝦餐廳 添！
大概下午4點左右返到酒店，喺 #茶園 拎埋個 Tea Set 上房high tea！個Tea Set 真係無得輸！賣相好精緻😍😍！咁靚😉當然相機食先！而味道層次分明！仲有我喜歡食嘅鬆餅添😍 ！
總括嚟講，二千幾蚊，真係...超超超值！一定會encore❗
當然相機 在 但是台南移民署是真的滿美的- PopDaily 波波黛莉的異想世界 的推薦與評價
當然相機 色調也加持不少啦，但是台南移民署是真的滿美的 · PopTour 波波打卡. Apr 7, 2017. 最近文章真的是夢幻景點無限大放送啊 ～～～景點要多粉 ... ... <看更多>