[微風正飄過輕搖長裙~~光陰帶走了癡迷時辰~~相相抱緊~~完全地接近]賣洗衣液都賣到蝕4000萬,咩玩法?新股嘅嘢。梗係上市好美好,兩三次業績就現型。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
TLDR:呢篇保證全無重點,東拉西扯,十分符合我作風。
1. 照計講大陸公司最好。古語有云:America. They want someone to love, but they want someone to hate. They want it easy(*),實情呢,你將佢代入英國(年年射失十二碼都有屌靶,吾友話齋,白人一樣插到九彩),中國,香港,都得。全世界都係TVB文化,呢個忠嘅,呢個奸嘅,而本人就最撚高貴最撚聖潔。
2. 雖然我一般唔玩呢啲,但,為咗拯救下收視,都要隨下俗。刁,杜琪峰都要拍《孤男寡女》啦,佐治古尼都要拍Ocean’s 唔知幾多啦,Beyond都要扮阿拉伯佬啦(而家就畀人話cultural appropriation了),你覺得我叻過黃家駒咩!
3. 話說呢,包裝都係好重要,股票都係。近年嘅有RobinHood打著紅旗反紅旗,根本啲股東全部係華爾街基金,但就扮到反華爾街。遠少少嘅,「上海和黃」(**),復星國際,好嘢,諗到呢個包裝真係好嘢。之後仲有「地產界UBER」WeWork(即係,寫字樓劏房),「美版拼多多」WISH(輸到我趴街,好彩只係買少少),甚至「印度支付寶」Paytm(仲有印度劉德華),「東南亞騰訊」SEA等等。
4. 至於非金融嘅,好成功嘅例子,搵日再講,當然係科大將自己包裝為「三大」(當然係科大發明,唔通係港大?定浸大?)。史上最成功嘅,當然係奧地利,令大家以為莫扎特係奧地利人,而希特拉係德國人。第二成功嘅,就係「愛情傻戀啦啦啦」嘅肥妹李美林,變咗亞洲性感天后Coco Lee。
5. OK,介紹返,今日嘅主角,藍月亮。號稱,「中國P&G」,結果就變咗「中國A&F」,或者「中國P&K」。都話,中國嘅嘢,地大勿搏,繁華娼盛。可惜呃GL(費事hate speech)話「十萬萬同胞一人買一支洗頭水都發」嘅故事,玩咗百幾年(since鴉片戰爭),已經爛晒。
6. 我呢,就真係唔係好明,做乜解賣洗衣液洗手液都可以蝕錢,公司當然有解,但算吧啦。
7. 而我亦都認真唔係好明,做乜賣洗衣液洗手液都咁有季節性,真心想知。19年上半年27億生意2億利潤,下半年43億生意9億利潤。20年上半年24億生意3億利潤,下半年46億生意10億利潤。
8. Anyway,公司上市都未夠一年,股價就當然係哈哈哈。記得嗰時都有小友問,我都叫唔好買,好簡單,太貴。貴可以更貴,但個出錯空間細好多咯,咁你整啲咁嘅數,咪出事。況且,新股嘅嘢,向來都唔多可靠。
9. 正題都講完,繼續廢話時間。公司總部黃埔區(唔係上海黃浦,更唔係紅磡,但,其實紅磡黃埔係named after黃埔船塢,which is in turn named after廣洲黃埔!),細個返廣州都去過。不過最記得唔係黃埔軍校,而係……黃埔炒蛋(有人以為係黃布炒蛋,表錯情了)。記得就十分好味,但唔知係細個啲嘢好食啲丫,定只係見識少,定只係回憶嘅味道。
10. 呀仲有,標題嘅呢首,應該四十歲嘅無人不識,李克勤嘅《藍月亮》。很紅的說,好似當年佢做港姐表演嘉賓都係唱呢首(應該就係搞上咗盧淑儀嗰屆)。其實我原本仲有篇《酒紅色的心》講上市公司偷咗客啲紅酒。兩首歌有乜關係?安全地帶嘛。
11. 又,唔識日文,但我個人覺得《藍月亮》係廣東話版好過日文版的。填詞啲節契幾好。理論上,你填衞斯理《紅月亮》都得的,但就係《藍月亮》順口啲。(正如大家都一定聽我講過,《遙遠的她》就梗係要「血癌已帶走她」先浪漫,變成「肺癌」甚至「乳癌」就冇咁浪漫,當年我教書可以上堂同學生講呢啲,而家實畀投訴死)
12. 填詞嘅,係向雪懷。「向雪懷」當然係筆名,而「向雪懷」對「葉念琛」,正如「辛棄疾」對「霍去病」。講乜?「向雪懷」個初戀女友叫阿雪!話畀屋企人迫佢嫁咗去美國。於是就有呢個名!係咪好痴線呢。葉念琛都係咁上下故事。
13. 最後一講,關於「藍月亮」,唔知向雪懷只係貪意境同啱音,定都有知道「藍月亮」在英文係rare event咁解,黑天鵝嘅friend
14. 但成件事最痴線係,你估我由邊度知道呢樣嘢?係黑社會大佬訪問!(https://bityl.co/7x4c)。呀鬼添所講的!once in a blue moon,真係幾咁有文化!條友讀左個澳洲MBA添呀,側聞平時就睇下Economist 咁。你話讀書幾咁緊要!
(*)”I, Tonya"(冰之驕女),Margot Robbie嘛,好睇。The haters always say ‘Tonya, tell the truth.’ But there’s no such thing as truth, I mean, it’s bullshit! Everyone has their own truth & life just does whatever the fuck it wants.”。 不過套戲其中一個好有趣嘅位係,你去邊度搵個可以跳凌空轉體三周半嘅人出嚟演?奧運金牌運動員喎。女主角固然唔得,替身都搵唔到,史上都係得幾丁友做到,但全部唔肯演。最後,當然係電腦搞掂。
(**)In case有人未聽過,我又回帶講一次。當年復星上市,我都有抽,仲有幾手,但係用條女嘅戶口抽。後來分咗手,就被收歸國有,應該對方諗住當係掟煲費咁。然後有一排我係不停咁睇住個股價的,心諗如果升咗幾百倍就同佢死過。幸好冇呢件事。固然由08低位到而家,復星都升咗10倍,但我唔係低位買嘛,係上市抽,冇乜升好多,咪當……掟煲費咯。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
同時也有8部Youtube影片,追蹤數超過11萬的網紅Poopstirrer,也在其Youtube影片中提到,Indian=idiot Big=偉大 真係辛苦晒大家嘅耳仔?? 希望Balu同Saya下次仲會上嚟同我哋玩啦? balu:https://www.youtube.com/user/TheLittleBalu Saya:https://www.youtube.com/SayaCheung 按連結...
痴肥英文 在 Facebook 的最讚貼文
早晨,忍左成年縮短唔到既老屈故事:
個個都話搞唔清楚呢件事既錢銀瓜葛,唔緊要,我俾機會自己講一次,我唔care人點睇,起碼我已經企出黎「是就說是,不是就說不是」,唔想再俾門西太后嘅精神病量子糾纏我地。
唔小心俾妳tum到我同你做生意,就展開左一年漫長既恐怖欺凌… 唔好再話咩「唔肯簽收」,好簡單,你做生意冇品,我頂唔順要止蝕離場,搵你傾,你唔面對,派你男友代表你同我傾,你男友話你無晒現金,只可以俾貨 (圖1)。OK我體諒你,咪拎貨自己處理咯,拎幾多任你報,乜都就曬你仲點佔你便宜?點解你係都要老屈人?你男友叫我唔好賣低過198,覆佢「Try my best」(圖2),係咪兩位低智到英文「Try my best」都唔識?完全無答應過呀!你地OK,報數,叫我隨時Ready上去拎咁我咪準備咯!(圖3-5)
我安排晒貨倉同物流就輕描淡寫叫我「簽份嘢先」「唔好賣低過某價錢」「轉頭俾我」(圖6) ?吓幾時幫我決定㗎?講好左又反口自己加嘢,唔願意係好正常,要簽咩係叫我拎貨前就要提出,你咩事呀?約係雙方商討後同意先簽,did you ask me bitch? HTFAY?對外講我唔跟程序 (圖7) ?你真係精神病到巔峰!我話我搵你親自傾,就即刻潛逃 (圖8) ,請問我可以點?冇品到咁真係唔怪得你同邊個合作都炒。咕嚕肉
門西太后話自己從來無逃避,我拍片話有人呃錢你唔出聲,我寄律師信去你經理人公司就覆話同我無瓜葛,你前經理人公司搵你,你唔返去,但你又有時間買蘋果,你屋企同你公司係同一個樓下同一個報紙檔,咁都返唔到去?收到法庭傳召都唔出聲,係Steve網上講出事實識先出嚟用我炒作新聞。仲要係咁spin去我妹度,老屈steve等等,唔見你講番你自己點無賴? 明明你玩失蹤,同傳媒講話我天真唔識做生意,「BLOCK晒都可以用其他方法搵到我架MA」都講得出,你認得依句啦,唔該你幾十歲人出嚟做生意唔好咁幼稚啦。
27/11/2020,同記者講話我「唔簽收」「唔簽約」所以無得拎返啲貨,「簽收」同「簽約」係兩回事,唔好再喺度誤導人,仲要同一篇報導話份「合約」仲未草擬。(圖7)
阿門西太后,你6月就BLOCK左我玩失蹤,我點樣可以喺6月簽到你11月27都未草擬嘅合約?你有時光機架?同小肥好熟?但我肯定小肥唔識你!咕嚕肉
你對外講到簽份約好應該,你寫定我寫啊?定精神力量既約啊?
2020年12月就放風同傳媒講話隨時準備好還返D貨俾我。啲貨一早喺你潛緊水嗰陣,2020年8月就過期,我要嚟做乜,你貨就得一批,你自己知,唔追你錢我追你咩?追求你呀?唔該你唔好再侮辱公眾嘅智慧,浪費大家嘅時間。
你兩個老闆知道晒你所作所為之後,就向我同妹妹,STEVE道歉,話你已知自己問題,用左兩星期叫我地體諒你意氣用事,細路女,幼稚,唔識做生意,又話你生意唔得,批貨俾你自己搞到蟹左,還唔到40000,最多還30000。(唔洗問我攞證據,問你老闆)
仲講明元朗間鋪你只係佔一丁點股份,叫你幫手宣傳下,但你就出嚟舢舨充砲艇,講到間舖係你開咁,唔係奚落你,係你永遠唔正視自己既問題而只係靠傷害人去建立自己形象呢件事係噁心既終極。
我尊重兩位老人家,以為你醒左,就接受你還30000,點知你又彈啲九唔搭八嘅條款,要我、我妹,Steve簽「日後任何人對你枝藥水有意見,我地三個就要齊齊向你賠償一切損失」你先至肯還30000俾我,啊啊啊精神病患者啊!!!你做乜唔同你啲FANS仲有記者講返個完整版本?SHY?咕嚕肉
學你老闆話齋,錢同貨都喺你手,實係你唔啱,仲喺度STEVESTEVESTEVESTEVE!你結婚架喇,檢點啲啦,你唔好再用嚟Spin我同你嘅事,面對!唔好再拖其他人落水!你夾住我啲嘢,水我簽白痴條款,反口潛逃仲要收我倉租 (圖9) ?連日半夜三更SEND啲變態重覆人生攻擊嘅MSG n 叫我還錢 (圖9) ?真係報警都告你唔掂,D過期貨你KEEP多幾年啦,滾大佢,回報可觀呀!阿門西太后
你不斷強調我賣低過198就係「賤賣」,會令你其他生意拍檔有所損失。咁你自己賣188,又唔會造成你其他生意拍檔損失?(圖10)
喺你嘅數學世界188係大過198嘅,你唔識英文,睇唔到圖,700 100唔識分,188大過198兩位數加減你都搞唔掂, 好意思出嚟話自己係企業家,真係人唔笑狗都吠。
話steve唔夠膽去法庭見你,你做咩姐法庭冇召佢呀,出黎做show?好似你咁帶埋你個證人老公入court偷聽,你知唔知證人係唔入得去㗎?仲要冇一次根據法庭指示準時寄文件黎 (圖11) ,又交唔齊,比法庭就全份比我就半分,miss左嗰D仲要我自己去法庭影印返,why?仲有啊,本來我大前日要收到既文件,你到呢刻都未比到我啊,幾時寄呀?單單一個簡單court case都睇到你咁95搭八,唔怪得你做生意咁冇品。
一味靠吹,靠屈,話自己人善被人欺?超噁心!話人hack你email話人非洲性騷擾話人做生意無賴,一樣證據,係一樣都攞唔到出黎啊,廢物!仲要借媒體力量網絡欺凌,虐待狂!竟然理直氣壯出黎話自己係真理道路生命,有權送人落地獄?我真心勸喻你需要睇醫生...唔洗諗。
其他你傷害過既人知你好難搞唔敢企出黎,講到呢度同你合作過既人一定有同感,但你遇著我你都唔好彩,因為我係唔會害怕你呢D變態女人。
痴肥英文 在 Facebook 的精選貼文
【 睡到三點 】
近日掀起網絡熱話的ViuTV節目《ERROR自肥企画》,四位主持:「Dee哥」何啟華、「193」郭嘉駿、「肥仔」梁業以及「反省中」的吳保錡各自獲製作團隊賦予「自肥」機會,其中「193」的新歌《睡到三點》MV ( https://bit.ly/2SgcDvv ) 於周二晚(18/5)的第12集裏正式公開,由「格仔導演」劉諾衡(Mike,化名MIKECOLD B.)掌鏡,「小薯茄」的阿冰和「啱Channel」的樊沛珈(阿Gi)擔正女主角,MV截至今日(21/5)下午四時半的點擊率已超過51萬,更成為YouTube本地熱門短片冠軍。
為配合新歌宣傳,「193」今天下午突然在個人Instagram直播「新歌解說會」,從歌曲創作理念、歌名,以至有批評指他靠Auto-Tune執聲幾個範疇,統統都有花時間耐心回應。在英國Bangor University主修心理學的「193」直言,《睡到三點》的歌名本來叫《Déjà vu》,此乃心理學專有名詞,中文解作「既視感」,簡單點說就是似曾相識,「意思係你明明印象中呢件事已經發生過,但其實你係剛剛先遇到,就係一個咁嘅思緒嘅交錯喇。」何解最終會變成今天的出街版本?原來跟市場推廣策略以及現年18歲的美國樂壇新人王Olivia Rodrigo有關。
《睡到三點》由 Madboii 作曲,並身兼編曲和監製,「193」則負責填詞。在Instagram的「新歌解說會」上,「193」解釋原本這首歌叫《Déjà vu》,並將這種「似曾相識」的意思放進歌詞和MV之中。「本身首歌無論係歌詞,定係MV上都有呢個意思,希望大家睇完之後會思考一下,究竟兩位女主角(阿冰與阿Gi)係咪真人呢?定係有一個係真,有一個係假呢?」
不過現在推出的歌名卻變成《睡到三點》,「193」坦言這是按照市場推廣策略而修改的新歌宣傳手法。第一個原因是撞歌名,「其實上一個月呢,有首英文歌叫《Déjà vu》派咗台,都有幾千萬人聽,我費事撞歌名。」
「193」沒有指出那是誰的作品,但那首《Déjà vu》其實是美國樂壇新人Olivia Rodrigo的新作,MV於4月2日在YouTube首播,至今累積瀏覽率已突破7,000萬 (https://bit.ly/2RyL3K0) ,這位被喻為「2021年最閃亮新人王」的Olivia Rodrigo本來是演員,今年一月推出第一首派台歌《Drivers License》 ( https://bit.ly/3oycvUs ),結果橫掃全球,深得年輕人喜愛,連續8個星期成為「Billboard Hot 100」冠軍,更在英國單曲榜達奪連續9周第一,更穩守Spotify全球單曲榜第一位連續54日,MV至今累積點擊高逾兩億,而日前她在「2021英國音樂大獎」(The BRIT Awards 2021)現場演繹《Drivers License》,YouTube的點擊率在一星期內累積超過900萬。 ( https://bit.ly/34a9bFr )
撞名,亦因為太過常見。「193」直言試過在Google搜尋「Déjà vu」這個關鍵字,「應該會Search唔到我首歌,反而會Search咗呢啲心理學嘅Terms,會Search到人哋嘅MV,所以就諗住改一個中文嘅歌名,『Déjà vu』中文係叫『既視感,我覺我好奇怪呀呢個名,然後就同《自肥》Writer阿暉(麥可暉)傾,傾傾下就決定用《睡到三點》,幾有意思。」是的,以派台宣傳而言,叫《睡到三點》能夠用得到的點子確比「Déjà vu」來得多,當然選擇容易增加曝光的字眼吧,而「193」連DJ或音樂節目主持怎樣介紹新歌也想到了:「DJ Tag歌嘅時候可以講,個主唱都有個『三』字,同埋『睡到三點』嘅意思好廣泛,究竟係因為你身邊冇伴侶陪住你,所以你先三點都未起身,(因為)冇人叫醒你呀,定係你尋晚經歷一件好傷心嘅事,所以你需要瞓到三點?呢個係一個思考空間囉。」
如果細讀《睡到三點》的歌詞,譬如「Shawty的心/就像海底針/咪笑我痴筋 baby/사랑해요」、「睡到/三點/想起/Last night/気持ち」,既有廣東話,又有英文、韓文和日文,又如「總會想起天真講過同你結婚/想你為何藍剔不覆我/跟你遇見/令我一生改變Getting Better/到海角天邊/跟你浪漫相見」,乍看有點詞不達意,甚至有人站在道德高地看此曲,認為內容毫無涵養,負責填詞的「193」解釋,歌詞曾經多番修改,不一定要有意思,「我就係想佢盡量向MK方面發展,即係MK妹最鍾意聽嘅嗰啲情歌,老一輩係聽唔明㗎,其實啲歌詞你完全係睇唔明咩意思,因為歌詞唔係好需要有意思,而家嗰啲18、19歲嘅Rapper,佢哋加好多Auto-Tune嗰啲情歌,擺上YouTube已經有幾百萬人聽,我就係希望可以做到呢啲MK情歌。」
而在直播開始後不久,「193」便說《睡到三點》的編曲風格較為新穎,「聽開流行曲嘅人係唔慣聽呢啲歌,邊有流行曲係個Hook(即歌曲賣點,一般會把Chorus用來作為Hook),即係Chorus會擺喺最頭?我就係特登將呢個洗腦嘅Hook擺喺頭中尾,但一般流行曲只會出現兩次。」他還解釋新歌點解要用Auto-Tune。「大家好似仲未慣Auto-Tune,我唔係因為唱唔到所以加Auto-Tune,呢個係一個Trend,令到首歌嘅聲音更加有質感,呢啲係一啲新嘅嘢,希望帶到畀大家。」Auto-Tune為現時流行音樂製作很常用的一種人聲效果(Vocal Effect),其中一個常見用途為將歌手原本的聲線改變成仿如機械人的聲線,「193」指這種技術在中外相當流行,「你聽下Juice Wrld、Post Malone同埋Travis Scott等等Rapper全部都係用Auto-Tune,係好基本嘅嘢嚟,所以想澄清番,我絕對唔係唱唔到。」
【 ERROR ╳ 格仔導演系列報道 】
《無制限OT編集団の行動綱領》MV點擊突破150萬:
https://bit.ly/3oDoNL3
「無限制OT編集団」的社會責任:
https://bit.ly/33XZ5Y9
「Mike導」承認兩年半前已構思「鳳凰不死鳥整蠱大計」:
https://bit.ly/3wixIo5
自肥可恥,但很感動:
https://bit.ly/2QiqUY4
「Mike導」IG暴升:
https://bit.ly/3eE91wd
「Mike導」親解《ERROR自肥企画》主題曲原因:
https://bit.ly/3xYwK22
《美女郊遊遊》第十集以山步行呼應亂世:
https://bit.ly/3wcjq8v
《花姐ERROR遊》的神奇魔法:
https://bit.ly/2QWOgTv
「格仔Mike」執導《我們很帥》MV兩萬蚊搞掂?
https://bit.ly/2QPvjCl
睇完開開心的《美女郊遊遊》:
https://bit.ly/2SNGb41
《美女郊遊遊》之陳欣妍係「保錡2.0」?
https://bit.ly/2RSrBb2
(21052021)
#游大東 #游大東影視筆記 #睡到三點 #error自肥企画 #ERROR 郭嘉駿 Denis Kwok 193 阿冰 - PingpingNg Ah Gi 樊沛珈 #廣東歌 做乜膠睇電視 我睇咗啲乜嘢 港人講電視 港女講劇 格仔mike導絕對應該有應援會
痴肥英文 在 Poopstirrer Youtube 的最讚貼文
Indian=idiot
Big=偉大
真係辛苦晒大家嘅耳仔??
希望Balu同Saya下次仲會上嚟同我哋玩啦?
balu:https://www.youtube.com/user/TheLittleBalu
Saya:https://www.youtube.com/SayaCheung
按連結加入痴撚線公司!!
https://www.youtube.com/channel/UC1u7XM2b3QCHcGOhD6nDypg/join
---------------------- follow攪屎棍啦 ----------------------
https://instagram.com/PoopStirrer/
http://fb.com/p00pstirrer
---------------------- 成員個人Channel ---------------------
EG: https://youtube.com/eg1212
Auman: https://youtube.com/aumanyick
Chloe姐: https://youtube.com/Chloejer
Sarah: https://youtube.com/channel/UCw2pkM0nWWCVyeHlT6s80AA
三粒鐘: https://youtube.com/3hours313
花生: https://youtube.com/hkgfason
---------------------- 成員Instagram ---------------------
EG: https://instagram.com/eg1212_/
Auman: https://instagram.com/aumanyick/
大肥: https://instagram.com/bigfat.tsang/
花生: http://instagram.com/andytsuii/
Nut池: http://instagram.com/heihoimok/
三粒鐘: https://instagram.com/3hours_cc/
Joyce: https://instagram.com/joyjoy.1101/
Chloe姐: https://instagram.com/lwtdiary/
Sarah: https://instagram.com/sarah_leesy/
--------------------------Poopstirrer 關鍵字 ------------------------------
#攪屎棍 唱歌 挑戰 羞恥 桌遊 香港 直播 惡搞 音樂 on9 廣東話
COVER 翻唱 一人一字 日常 窮 真係窮 爛民營 團體 Prank 綜藝
痴肥英文 在 Poopstirrer Youtube 的精選貼文
究竟有冇人估中過大肥唱緊咩…
balu:https://www.youtube.com/user/TheLittleBalu
Saya:https://www.youtube.com/channel/UCXMLmDt4yRA-CKTDy-vLGFQ
按連結加入痴撚線公司!!
https://www.youtube.com/channel/UC1u7XM2b3QCHcGOhD6nDypg/join
---------------------- follow攪屎棍啦 ----------------------
https://instagram.com/PoopStirrer/
http://fb.com/p00pstirrer
---------------------- 成員個人Channel ---------------------
EG: https://youtube.com/eg1212
Auman: https://youtube.com/aumanyick
Chloe姐: https://youtube.com/Chloejer
Sarah: https://youtube.com/channel/UCw2pkM0nWWCVyeHlT6s80AA
三粒鐘: https://youtube.com/3hours313
花生: https://youtube.com/hkgfason
---------------------- 成員Instagram ---------------------
EG: https://instagram.com/eg1212_/
Auman: https://instagram.com/aumanyick/
大肥: https://instagram.com/bigfat.tsang/
花生: http://instagram.com/andytsuii/
Nut池: http://instagram.com/heihoimok/
三粒鐘: https://instagram.com/3hours_cc/
Joyce: https://instagram.com/joyjoy.1101/
Chloe姐: https://instagram.com/lwtdiary/
Sarah: https://instagram.com/sarah_leesy/
--------------------------Poopstirrer 關鍵字 ------------------------------
#攪屎棍 唱歌 挑戰 羞恥 桌遊 香港 直播 惡搞 音樂 on9 廣東話
COVER 翻唱 一人一字 日常 窮 真係窮 爛民營 團體 Prank 綜藝
痴肥英文 在 Thai Tony MinChak Youtube 的最佳貼文
|人在清邁宵禁第一天| |此影片| |有可能| |令大家情緒不安| | 敬請原諒 |
個人已經悶到一個點,開始發瘋,雙重性格,痴痴呆呆,不男不女,自言自語,究竟我拍了什麼片,哈哈哈哈^^
聯絡方式:
Line: tonytonyau
WeChat: TonyTonyAu
Facebook:Thai Tony
E-mail:chakchak0213@gmail.com
|thai Ton|:
w.facebook.com/Tony-1282216018571134youtube▶https://www.youtube.com/user/DeepDeep...
Instagram▶https://www.instagram.com/thaitonyau/
Facebook▶https://ww/?ref=bookmarks
Facebook 專頁
https://www.facebook.com/ThaiMin.com.hk/
拍攝器材:
Canon : M5,M6,
收音咪: RODE