最近細菌病毒都好犀利，之前已經有幾個小B感染咗又發燒又出疹，今次輪到小櫻桃喇🤒
由1號早上開始低燒，斷斷續續係咁發燒退燒肚痾嘔吐，無論餵退燒藥、貼退熱貼、敷冰、沖涼、抹身，情況依然無乜改善，連續兩晚飛去醫院急症，終於第二晚(2號)決定住院，交由醫生護士幫忙檢查！就係咁，我同囡囡訓咗幾晚醫院，經歷地獄般既日子🤡
係醫院每晚都冇覺好訓，因為囡囡病咗唔舒服都特別癡身，亦要keep住量體溫、餵奶、換片，目送姑娘抱走囡囡去抽血種豆😢 心情好複雜好想喊，不停自責自己冇好好照顧囡囡… 見到阿囡嘴唇越來越乾，又十分擔心會脫水要用針筒餵水水😣 但其實次次都係針筒餵退燒藥佢已經好恐懼，我晚晚都感到心力交瘁😔…..還未計護士每個鐘入房一次搞呢樣果樣、或隔離病房既瘋癲母親唱歌嘭門，騷擾到根本訓唔到
醫生診斷為細菌型腸胃炎/沙門氏菌，要打幾日抗生素😢😢 一路捱到5號早上，囡囡發燒情況開始穩定，越燒越低，皮膚亦開始出疹🙂 終於打勝仗！即日已經可以安排出院！不過原來呢啲細菌感染都算普遍，6個月以上小寶寶都好易感染，哎… 作為母親，小朋友生病真係會好擔憂好難過又好辛苦，我已經有俾囡囡接種各種疫苗，但細菌實在太勁，所以日常都要注意清潔消毒！口腔期寶寶乜都擺入口，要好小心先得！
後記，小櫻桃已經出院回家休養，仍然出疹中，好醜怪😆 但我已經放下心頭大石，只要按時食藥就會好番，亦會有抗體！叻叻豬🐷
另外：小B出世一攞到出世紙就要買保險！買保險！買保險！(好重要講3次) 小朋友真係會好易多病痛，下下入院都3萬幾埋單，唔係講笑！我個agent跟得好好，想知多d就PM我。
