評《花椒之味》- 緊捉主題窩心感動 麥曦茵導演最佳之作
花椒之味是麥曦茵到目前為止最佳作品。
故事中三位被違棄嘅同父異母三姊妹，喺成長過程各自需要孤獨面對人生中唔同嘅壓力同課題。分別處居中港台三地，素未謀面嘅如樹、如枝、如果，因為老爸離世而重聚。
三位主角因獨自成長而發展出獨立成熟嘅性格，重聚之後從傲慢到相依，從混沌到尋找共同目標，整體套路成熟有戲味；而且全片風格節奏統一，係一部誠意同質素甚高嘅作品。
電影以「以為自己一個人搞得掂」為主題。戲中三位主角代表住華人社會中各自疏離Box in，溝通斷裂之下成長嘅城市人(尤其女性)喺生活上，面對嘅各種困境同無奈。
咁虛嘅主題好難捉得緊。但係憑麥曦茵今次展現出嘅功力，同埋演員們緊貼主題嘅演出，結果成就咗一部驚喜感動之作。
鬼哥特別鍾意由賴雅妍飾演嘅如枝。佢中性俊美嘅造型男女通吃，加上一副厭世倔強，銅牆鐵壁式拒絕妥協嘅臭臉，跟家姐如樹之後相依相親嘅互動，對比非常窩心，我係有被感動到。金馬最佳配角提名要留意。
至於女一鄭秀文，則表現平平。你當入去睇龍鳳鬥瘦身男女Re-U，加嫁個有錢人Re-U，咁觀感就fit晒。
另必須一提，片中飾演爸爸嘅鍾鎮濤戲份頗多。對一部份觀眾(包括鬼哥)嚟講係甚為「銀眼」，扣咗一大截分數。入場與否大家自行判斷。
鬼哥俾71分。
#鄭秀文 #賴雅妍 #李曉峰 #花椒之味 #麥曦茵
寰亞電影 Media Asia Film
花椒之味 Fagara
賴雅妍 MeganLai @ PTT
賴雅妍 雅口。吾妍
