[葬禮進行曲]你四十歲人,去過幾多次葬禮?
TLDR :Always Go To Other People's Funerals — Otherwise, They Won't Come To Yours
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
1. 而家聲名極臭嘅朱利安尼,講過相當老派嘅人情世故嘢:婚禮呢,其實唔得閒真係未必要去,反正錦上添花,少你一個唔少。但葬禮,雪中送炭,務必要去支持遺屬,多你一個好多。況且,人可以唔結婚,結婚亦可以唔行禮,但總會死。死咗嘅,唔係完全無親友嘅,總會做啲嘢。當然明顯唔係佢發明呢套講法,佢只係在書講,我亦只係聽人講佢本書講
2. 況且葬禮,相當Flexible,流水席,幾時就到時間咪過去,見到遺屬講兩句,望下有冇識嘅人,喜歡嘅好快都走得。
3. 後生嘅朋友寫咗篇文(https://lkdin.io/3VOb),佢剛四十,即係後生我幾年。咁我呢幾年都冇去過葬禮(我記錯嘅請你報夢話我知),所以我四十時嘅數字,同而家一樣。朋友話三個或四個,咁我應該多過佢。你可以計下,去到你四十歲為止,去過幾多個葬禮。未夠嘅?「自己pro rata返」。「當然唔好計咩法治已死香港已死嗰啲一日去幾次嘅」
4. 當中,不存在咩「四十歲人應該去過幾多次葬禮」,正如我不打算研究「四十歲人應該打過幾次飛機/有過幾多性伴」之類。但背後,總會反映到啲嘢。雖然又話人老咗去嘅葬禮多咗,但照計四十歲呢,你同年啲朋友,一般都未死。你去嘅都係長輩之類,細細個都可以去。
5. 朋友話去得少,反映佢毒,冇乜朋友,同屋企人關係惡劣。可能都有啲關係。我都冇乜朋友,同屋企人關係都惡劣(但好似冇佢咁惡劣,真係人上有人)。但仲有好多因素影響,例如你有另一半嘅,往往就去多一倍。
6. 我試下數,我去過嘅葬禮,應該八個?有兩個我好似冇印象有去到,但照計我係有去的。然後寫完呢篇文我就會洗自己腦,十年後我就又變得肯定自己有去。人嘅記憶幾咁唔好可告!況且我地年代唔興「懷念爺爺」咁影響,好似暫時我都冇在殯儀館打過卡。(然後我查返手機app,原來係有!三次!都話記億唔可靠。咁其實殯儀館打卡冇乜嘢。冇人叫你在入面打嘛。)
7. 我父母好早生我,老母今年62,老豆64.兩個都唔食煙(老豆N年前食,戒咗好耐),所以根據大數法則,健在嘅機會比較大。咁你估到,八個之中佔咗四個嘅,就係阿爺阿麻,阿公阿婆,全數釘蓋,好合理。
8. 我嘗試排序,雖然未必太準。但,頭兩次應該最震憾,冇經驗嘛,況且細個(雖然都十歲以上),有啲驚的。
9. 第一個死嘅,係我阿公,我讀緊小學,四五年班咁上下?嗰時放學成日同老婆出去瑪嘉烈探病。應該係九龍大酒店?冇玩咩破地獄嗰啲,但都真係都仲係一回事,去足全程,同學校請假的。冇守夜,或者有人有但我冇份。阿公印象都多,細個在石圍角村,拎佢本不文集睇,佢又會帶我飲西茶,西多士冇餡嘅年代,幾咁美好。星期六佢睇賽馬,我就睇中間插播嘅大力水手,或者德國波。不過死嘅人太多,不能個個講好詳細
10. 之後係我阿爺,更加親近。冇錯係我出世時已經著咗草去台灣嗰個,堅稱自己冇收片但又走咗佬嗰個。但我有記憶時,佢已經返咗香港做返老正,當然亦唔見有乜錢(聽聞在台灣敗晒)。阿爺嘅感覺,就係唔係幾好老脾,但又唔係會打我嗰種,都係慈祥嘅。但又不過,我完全不能將佢同差佬扯上關係,雖然我一路都知,但總係覺得好似換咗另一個人。阿爺都算死得早,大約我中二三時死咗。嗰時佢臥病在床,我仲在側邊打機,真係不孝。記得佢死前健康當然更差,脾氣亦差,好多嘢唔食得,最記得成日要食田雞—唔係佢要食,係好似唔食得其他嘢。嗰時就開始知道死亡,可以揀真係長痛不如短痛,但邊度你揀?我唔相信阿公或阿爺咁選擇。當然佢地亦未去到話受好多痛苦,或者吊住好耐咁。阿爺最後死在大陸,唔知返去搵神醫定換腎定乜鬼。就係記得解穢酒食過「黃埔炒蛋」,記得阿麻好似幾風騷。唔知係因為照顧病人好累丫(咁阿爺病重時都真係好臭脾氣),定係拎咗唔少錢。冇錯,阿爺到底有幾錢遺產,去咗邊,都係大家扯貓尾,永遠冇真相,有人話根本冇,有人話去咗我阿麻度,有人話去咗我老豆度(應該都有啲),總之冇一仙去過我度。
11. 講咗咁耐先兩件,加快速度。見到嘛?阿公阿爺死先,佢地老婆反而擺耐好多。咁好合理,一來女人長命過男人,二來佢地娶老婆都揀後生,阿公更加係再娶,所以阿婆未咁快。由我中二定中三(1992?),打後十年,好似都冇再去過葬禮。阿婆幾時去架呢?慚愧,我都真係唔係好記得。細個當然都有啲感情,但後來阿婆已住老人院,咁大家知,慢慢就少深,我就更加少去 —唔好記嗰時我已經高中或者大學,有自己多姿多彩嘅生活,主要係溝下女做下愛咁,點都好玩過去老人院吧?你反對嘅,我同你交換。直到而家,我都唔記得阿婆幾時死,甚至唔記得我有冇去佢葬禮(希望阿婆唔好上嚟留言話:仆街仔!你死我都未死呀!),但合理地假設,應該總有出現下?當埘我同我老母關係未咁惡劣,佢叫我去我應該會去。不過又諗下,實情阿婆唔係佢親老母(都話再娶),至於我老母親母,我冇見過的,好早死咗。
12. 然後,又好似一輪高峰,嗰幾年去較多。我阿麻死咗,好似十年前多啲?留意佢最後就住在我而家住嘅地方,佢瞓廳(唔通我瞓?況且床架高,佢爬唔到)。事實佢臨終前幾年,都係同我一齊生活嘅。我係咪喪盡天良?都未完全係嘅。有時都會慚愧,冇陪佢多啲。佢健康尚好時,都試過我返工拎漏嘢佢拎去中環畀我(!),又或者我要帶女返屋企搞嘢時,醒一百蚊畀佢落去飲茶(唔係點?)。
13. 無論如何,當時已經有Facebook,亦係比較深刻嘅。當時係年尾,阿麻之前健康並唔特別差,即係長命病嗰啲當然有,但佢話唔舒服入醫院時,都仲係自己執嘢自己叫車。佢去醫院時我都探過下佢,都仲係幾健康。但話咁快。有一日我老母打嚟,就同我講,「你阿麻走咗啦」。我想講,我老母當時在屯門醫院返工,阿麻亦都住屯門醫院,我真係以為佢嘅走咗係出咗院,然後佢先話我知。當時我在公司,仲係十分搏命嘅分析員,我甚至諗緊使唔使放工先去,好似有上Facebook出post,甚至諗係咪要坐的士之類。無論如何最後就坐的士,去到叫做見佢最後一面(已香,但仲在床上,明啦)。
14. 往後嘅事,好多人都聽過。見完最後一面,不過係午飯時間咁上下?我返咗屋企瞓(分析員嗰時七點幾就返到公司,我係摸黑出門的)。然後?我去咗旺角。做乜?睇戲。同埃汾太睇戲。睇嗰套戲,叫做《3D娜塔莉的情人》,聲稱係全世界第一套3D韓片,條韓妹好靚,又好波,我都冇深究係咪整,有乜關係?
15. 我走咗去睇《3D娜坦莉的情人》(https://bityl.co/8Hsd),非常之卡繆,非常之《異鄉人》。我甚至應該係因為睇咗《異鄉人》先會咁。成件事我已經唔係好記得。我上一次寫文,係講「咁買咗飛丫嘛,唔通唔睇,點預到佢咁啱嗰日死」。但,我諗返件事唔係好合情理,首先嗰個年代,我好似仲唔多興網上買飛。之但係又不過,如果我唔係一早買咗飛,照計我唔會特登出旺角睇戲?Anyway同埃汾太睇完,就梗係上床啦。都話十分之《異鄉人》(正因如此,如果我冇買飛,點會特登出旺角?唔係叫埃汾太返屯門會簡單啲?留意我午飯已經返咗屯門)。第二日,我照樣七點半返到公司。冇能力的人嘛,唯有早返工。
16. 埃汾太當然都見過阿麻,食過好多次飯,當然都有去葬禮,不過遺憾阿麻冇機會見到我成婚。亦冇機會同我影畢業相。當然遺憾係佢嘅遺憾,我先唔理呢啲嘢。咁而結婚亦冇可能特登就阿麻,況且當時亦唔知佢就死,佢都唔知自己咁快死。但畢業相嘛,理論上可以就老人家嘅,不過事實上港大行畢業禮時我已去咗英國,英國行禮時我又返咗香港,而我又唔會唔係正日自己搵套衫同勞蘇影相咁
17. 第幾個?數完第四個。然後第五個,我老豆老婆(非我老母,但亦唔係「後母」,都冇一齊生活過,正如我老母老公我都唔會叫「後父」,佢出現時我都中七啦大佬),其實時序上早過我阿麻,但舖排上好似應講晒麻爺公婆先。實在件事有點複雜,我亦都唔係好想講。當然唔係死者嘅問題,又唔係我問題,係顧及下其他人感受。話說我老豆老母,在我阿爺死後就好似離咗婚,冇因果關係,但時間大約係咁。我老母再嫁但冇小朋友,我老豆再娶,生多咗件,所以我有個同父異母嘅妹,不過比較少提,亦唔係十分熟。但講時講,我老豆呢個再娶嘅對象,廿年前左右就死咗,自殺的,燒炭,成件事十分震憾。當時係我大學畢業後,去英國之前,我在老豆公司過下日晨(係佢返工嘅公司,唔係佢開間公司咁爽)。佢都有講另一半抑鬱症呀之類,然後事發當日我甚至係同佢一齊在公司的,不過冇同佢一齊返去破門,嗯,成件事都幾震憾,所以我都唔係好想講太多。佢嘅葬禮我有冇去?我估應該有吧?(我同死者關係並不差,反正都唔會成日見到,亦冇啲啲咩「你拆散咗我屋企」嘅憤恨,畢竟真係冇人拎支槍迫我老豆有婚外情的,對不?)
18. 第六個,我外母。同樣地,涉及其他未死嘅人不講太多。當時我已經結咗婚,當然係有去葬禮的。不過講真,結婚冇耐外母就去咗,一直都唔係太多交集,同外父就多啲。外交仲係好健康,日日炒股票,大家有心。
19. 第七八個,算唔算特別少少?第七個係恐龍,冇錯,就係叫恐龍。中學同學嘅大學同學,成班一齊玩,稱不上極之好朋友,但至少會私下傾計兩個人食飯咁。點死的?自殺。我仲記得佢在甚麼教堂定乜做後事,平日嘅夜晚,我仲要一半走咗出去同倫敦鬼定美國鬼conference call講港交所。嗰時嘅工作真係十分困身。真係搞搞下嘢在時鐘酒店 conference call又有,聽聞有人一路conference call一路被吹蕭(唔通幫人吹咩),無從證實,但唔係我。亡友好多金句,被其他朋友拎出嚟講,例如嗰句「呢啲我愛你呀會結婚呀,性行為嘅潤滑劑嚟啫,唔想講嘅咪去樓下買支KY,雖然凍啲但效果唔爭太遠」,好多人以為係佢創作,實情係我話佢,佢發揚光大的。
20. 如果我冇記錯,亡友好似細我兩年,副作用就係我在英國返嚟香港後,仲會借用佢啲大學戶口做各樣嘢,例如上呢個 data base搵工.我最記得,好似嗰時佢畢業我未搵到工,佢都有安撫我,同我講,「唔緊要,一個恐龍倒下,仲有竹萬萬隻恐龍」—講嘅係佢細佬仲讀緊大學。不過後來我冇用到恐龍二號,放心,我搵到工,佢都搵到,佢死時我都差不多離開金英了,好似2012年前後?
21. 多得電話,我都仲保留住同佢最後嘅message(當然唔知佢自殺),就係我推介完元朗嘅煲仔飯,佢覺得好正。就係咁。後來我都仲成日去,都會諗起佢,雖然我同佢冇一齊食過。
22. 最後一個,你可以話「最不重要」,但亦係性質上完全唔同。工作上嘅……前輩?唔係我本書鳴謝嗰幾個,但係嗰堆人。亦都係自殺,相當震驚。佢不算同我極熟絡(雖然我在倫敦出trip佢都打畀我有嘢搵我救火),亦唔算直接幫咗我極多嘢(咁當然都有啲)。但始終係個慈祥嘅長者,亦係業界有啲聲望嘅人。壇嘢都搞得幾大,俗啲講句,生前好友們幫佢風光大葬,算係極度榮哀?未致於好似「大時代」咁,但的確見到一啲猛人,甚至會同我講「佢都有提起你」。
23. 我記得應該係英國脫歐公投嗰年(冇錯,相入面嗰次,睇返日子正係公投之後嗰日),就係我最後一次去葬禮,就係呢位前輩。我嗰日不停心諗,到底葬禮係咩回事?係畀邊個睇(當然係畀生嘅人睇),係為咗表達大家對佢懷念?定係話畀大家知,第時你死咗大家都會咁對你?
24. 總之,都係嗰句,Always Go To Other People's Funerals — Otherwise, They Won't Come To Yours
25. 冇乜特別,都唔算寫得特別好,甚至差過我朋友,「都幾大鑊」,只係留個紀錄。另外,關於葬禮,寫過篇舊文,原來都未夠一年前。舊文就寫得幾好(https://fbook.cc/3Z0d)
26. 不過有個講法,一個人死兩次,最後一次有人提起佢地先係真正死。咁以上呢啲故人,我又幫佢地續一續命咁,個感覺好似泊車餵錶咁。以前仲有個紅色旗,十分有實感。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
同時也有11部Youtube影片,追蹤數超過0的網紅詹姆斯【 CRAZY BOY瘋狂男孩 】,也在其Youtube影片中提到,17 年我哋三個去咗北海道,仲記得果次『仆街』多個滑雪,18 年我哋遊歷整個日本中部,全程只有食食食同埋食,去足 10 日食足 10 日,20 年 21 年冇得飛真正嘅日本,咁我就揸架好有日本風味嘅大發仔去呢個『假嘅日本鳴門山展望台』,整返個 Shabu Shabu 嘆住黑毛和牛,望住『大鳴門橋』吹...
「發記士多泊車」的推薦目錄:
- 關於發記士多泊車 在 Facebook 的最佳貼文
- 關於發記士多泊車 在 EQ MAMA Facebook 的精選貼文
- 關於發記士多泊車 在 葉朗程 Facebook 的最佳解答
- 關於發記士多泊車 在 詹姆斯【 CRAZY BOY瘋狂男孩 】 Youtube 的最讚貼文
- 關於發記士多泊車 在 alex lam Youtube 的精選貼文
- 關於發記士多泊車 在 詹姆斯【 CRAZY BOY瘋狂男孩 】 Youtube 的最讚貼文
- 關於發記士多泊車 在 發記士多 的評價
- 關於發記士多泊車 在 【MINI 揸車 去玩 粉嶺鹿頸】露天餐廳 英式早餐 ... - YouTube 的評價
- 關於發記士多泊車 在 發記士多的推薦與評價,FACEBOOK、YOUTUBE和網紅們 ... 的評價
- 關於發記士多泊車 在 發記士多的推薦與評價,FACEBOOK、YOUTUBE和網紅們 ... 的評價
發記士多泊車 在 EQ MAMA Facebook 的精選貼文
來總括一下今次「🐒🐒🐒🐒🐒盛夏之旅☀️」行程吧❣️ .
.
.
泊車🚘 酒店,住客$190 / night
住宿🏨 Disney Explorers Lodge Resort Hotel
Day 1
。11:00先到酒店check in
。Picnic at 迪欣湖
。15:00 返酒店
。16:00酒店游水
。18:00 晚餐at #芊彩餐廳
。21:00 Play at #海底奇兵小天地
Day 2
。自備早餐
。11:00 Check Out後出發到東涌
。Lunch at東涌
。Shopping at #東薈城
。14:00出發坐 #昂坪360纜車
。18:00回程東薈城
。Shopping
。Dinner at 東涌
.
.
🔸酒店早個半月book ,金卡年票淨房價 $16xx ,訂房時記得訂埋餐廳,因為餐廳比房更難book
🔹建議一早到酒店check in ,因為泳池需要預約,如果預約唔到,可以早15分鐘到池邊排walk in ~
🔸酒店步行到迪欣湖約20分鐘(成人步伐)
🔹酒店Playroom 海底奇兵小天地 每逢正點開放,無需預約,早啲到門口排隊
🔸昂坪360預先網上購票可有更多優惠,我地加左$20 巧克力藝術坊門票同 $18昂坪市集小食劵
🔹泊車資訊🚏
🔺迪士尼酒店泊車收費:住客$190 /night,F&B 消費$500 free 3 Hrs,時租$50 / hr
🔺迪欣湖泊車收費$50/hr
🔺東涌富東廣場 $120/12hrs
.
.
.
今次住酒店選擇唔入樂園玩,安排其他行程~活動非常充實,小朋友都玩得好開心❤️,慳左門票錢,去東涌outlet fing 晒☺️💸
.
.
T Time
香港迪士尼樂園
昂坪360 Ngong Ping 360
Citygate Outlets 東薈城名店倉
#eqmama #travelwitheqfamily #staycationwitheqfamily #親子遊 #HongKongDisneylandResort #DisneyExplorersLodge #迪士尼探索家度假酒店 #hkdisneyland #香港迪士尼樂園 #昂坪360 #staycationathkdisneyland #summerfunathkdisneyland
發記士多泊車 在 葉朗程 Facebook 的最佳解答
世上最 top 的 top sales,不但能夠劏你於無形,還可以在你最憤怒,憤怒到你本來不想再給他生意的時候,依然心甘命抵地給他再劏一次,而當佢劏完你之後,你仲會想跪喺佢面前多謝佢。
如此驚天地泣鬼神的銷售故事,一定要分享一下。
當然,除了那個 top sales 的轉數真是十分之高超之外,故事的客戶角色 (即是被 sell 嗰位),當然都要有番咁上下無賴同豬兜,方可達成交易。
話說,我有個 friend。
強調,唔係我,係我個 friend。
很久之前,在某一個時空裏,我個 friend 開著他那部引以為傲的名貴跑車,駛入一個停車場裏面,既為泊車,也為洗車。
是的,是某些停車場內的外判洗車服務,即是洗十次打蠟十次就唔知收你幾多千幾多萬嗰啲。其實對於很多人來說,這等收費換來這等服務是白癡才會上檔的;洗完一陣咪又係舖塵,同埋洗還洗,唔使一定乾淨到發光先叫洗咗嘅。
但像我個 friend 一樣的異類偏偏認為,買架車返嚟威,梗係要威到發光先叫做威,所以這個錢,他是很樂意付的。
上個星期,我個朋友先至畀咗萬幾蚊去續咗個 package。
然後,就在這個時空裏,弔詭的事情發生了。
他如常把車停在洗車處附近,如常地交低車匙,如常地準備往升降機的方向離開。
「葉生,」洗車公司的主管叫住他,「請等等。」
「係?點樣?」
「唔好意思,」這位平時收慣葉生貼士的主管面有難色,「你個 package…… 冇咗。」
「冇咗?」葉生不解,「唔係上個星期先續咗咩?」
「係...... 但係......」主管隻手開始震,「你個車牌噚日畀人勾咗出嚟,換咗第二個車牌。」
這個洗車的帳戶本來有兩個登記車牌,一個是我朋友的,一個是我朋友前度的。
「畀人勾咗出嚟?」他激動的聲線在停車場內產生刺耳的回音,「畀邊個勾咗出嚟?」
「楊小姐......個朋友......」主管低著頭說。
楊小姐是我朋友的前度,楊小姐的朋友其實不是朋友這麼簡單,是她的現任。
「楊小姐個朋友勾咗我車牌出嚟,再擺咗佢自己個車牌上去?」
「係......」
「楊小姐畀佢咁做?」
「楊小姐冇阻止囉......」
「楊小姐冇阻止,咁你哋唔阻止?莫講話我做咗你哋個客咁耐,你老細仲係我朋友,我而家就打畀你老細投訴你!」
「葉生,我哋梗係知老細係你朋友啦,所以我哋點敢亂嚟,我哋當時即刻打畀老細,問佢應該點做,佢話......照做。」
「佢話照做?得!」他立刻拿起電話,把運行全身的怒火瞬間轉移到這個老闆身上。
電話很快接通,而對方未等我的朋友開口,他已經說:「得,我知你打嚟做乜,你唔使咁嬲,你而家喺邊,我過嚟搵你飲杯咖啡。」
洗車公司老闆很聰明,選了一家高檔咖啡室,因為他知道在一家高檔咖啡室內,我的朋友不敢提高聲線。
老闆絲絲然坐下,望著嬲爆爆的他。
「我見你唔係畀機會你解釋,係同你求證;如果頭先你伙計講嘅嘢係真,我一定寫衰你公司,一定。」
「大哥,平時你都唔會攞枝筆嚟兇人,今日做咩咁冇品,畀 Danielle 知道點算?」
「你仲敢提佢個名?而家你夾埋外人剃我眼眉,仲話我冇品?」
「我剃你眼眉?葉公子,我幫緊你喳。」
「我生得靚仔,唔代表我係......」
「唔代表你係白癡吖嘛,我知,你點會係白癡啫,就係知你唔白癡,講個故事你聽,有冇聽過『有條窮撚帶咗個仔去住大屋』嘅故事?」
從前有條窮撚。
他是一位超級富豪的園丁,每天都看著超級富豪如何享受著住大屋的生活。
隔了一段時間,超級富豪把大屋賣掉了,由於新屋主還有一星期才搬進來,園丁決定帶他的兒子在大屋內住一個星期,希望兒子現在體會到有錢人的生活,將來便會發奮努力做個上等人。
園丁在大屋過了非常愉快的一個星期,以前夢寐以求的都終於能享受了。要搬走的一天,自然是依依不捨,反而他的兒子是急不及待的跑回家。
窮撚問個仔,你唔掛住間大屋咩?
「一啲都唔掛住。」
大屋裏面嗰啲飯碗一跌就爛,我哋屋企嗰啲碗跌極都唔爛;佢哋個泳池咁細,我平時游開個海咁大。瞓喺嗰張大床上面,我望到嘅係吊燈;瞓喺我張吊床上面,我望到嘅係星星。
洗車老闆看著我的朋友,期待著他的反應。
「你想講咩?」我的朋友說。
「擁唔擁有唔係最重要,擁有可以唔開心,擁有唔到都可以好開心,係心態問題。」
「咁我而家擁有唔到,可以點樣?」
「雖然你擁有唔到,但有樣嘢你可以控制,就係你喺佢心目中嘅感覺:你想你喺佢心目中係一個 pok guy,定係 nice guy?」
「Nice guy 又點?」
「想做個 nice guy,好簡單,你而家即刻幫佢個 account,買多 25 次,然後我叫同事 send 個 SMS 去佢電話,同佢講,葉生驚你哋唔夠用,幫你哋加大咗個 package。」
我的朋友沉思良久。
終於說:「買多 25 次會唔會太少?」
係囉,都係嗰句。
緊握著拳頭,你什麼都捉不住;張開了雙手,你擁有的是全世界。
發記士多泊車 在 詹姆斯【 CRAZY BOY瘋狂男孩 】 Youtube 的最讚貼文
17 年我哋三個去咗北海道,仲記得果次『仆街』多個滑雪,18 年我哋遊歷整個日本中部,全程只有食食食同埋食,去足 10 日食足 10 日,20 年 21 年冇得飛真正嘅日本,咁我就揸架好有日本風味嘅大發仔去呢個『假嘅日本鳴門山展望台』,整返個 Shabu Shabu 嘆住黑毛和牛,望住『大鳴門橋』吹住『瀨戶內海同鳴門海峽』一帶吹嚟嘅海風,幻想自己係日本德島縣享受即日來回嘅四國之旅。
- 潮童偽遊日本系列
- 汽水樽裡的咖啡系列
- 其實係自己呃自己系列
- 真的假不了假的真不了
- 點解鳴門海峽冇鳴門漩渦
- 呢度確定係日本德島
- 以上節目內容適合任何年齡人士觀看
- 以下節目內容純屬個人立場
以上故事 如有雷同 實屬巧合
17 年に 3 人で北海道に行き、18 年で日本の中央部を旅し、20 年と 21 年で新しいコロナウイルスのために日本に行くことができなかったので、香港にあるこの偽の「日本」、黒毛和行全体に行きました。 ホットポットは、「ダナルト橋」から吹く「瀬戸内海・ナルト海峡」の潮風を眺めながら、徳島県を想像して、同じ日帰り四国への旅をお楽しみください。
- 上記のプログラムのコンテンツはどの年齢の人でも視聴するのに適しています
- 以下のプログラムのコンテンツは純粋に個人的なものです
上記の話が似ていれば、偶然です。
#日本 #偽遊日本系列 #初遊四國 #德島縣 #鳴門山展望台
![post-title](https://i.ytimg.com/vi/4BHXuIdfFp0/hqdefault.jpg)
發記士多泊車 在 alex lam Youtube 的精選貼文
有網友提議建議去影果欄,今次終於有時間去拍低做記錄
閒日下午去接近4-5點會開始清貨,叫賣聲更加密同多,仲可以講少少價
原本100蚊6隻既可以講到7隻,今期力推提子同香梨,2款都麻麻,所以就無買了
仲有尾水日本蜜瓜,想食就快了,入冬就無瓜食架啦,食存貨架咋
另外可以行曬幾檔先,唔洗急住買,有D係一樣價錢,但係賣相爭好遠架,要望清楚先好買
要學識拒絕,唔好見佢大大力SELL你就忍唔到手買左佢
#油麻地果欄 #水果批發 #市面實況 #香港記錄 #街拍
清晨6:00至中午12:00
到了早上,所有批發交易都暫告一段落。然而,當果欄變成零售市場,便會再度熱鬧起來。果欄兼做零售生意只是這幾年的事,而這裡的水果店都只販售最高品質的水果,例如日本巨峰提子(葡萄)、日本士多啤梨(草莓)及麒麟果等。這裡的店員都很友善,樂意跟您分享他們的水果知識。
中午12:00至下午6:00
這時候,在這一帶逛逛,看看舊香港的建築物吧。在1950年代,油麻地果欄是龍蛇混雜之地,但如今您可以自由遊走於裡面的小路巷弄。這裡就像把時間凝住——石屋鑲有水磨石,而巨大的榕樹就長在房子之間,充滿驚喜。
![post-title](https://i.ytimg.com/vi/bYNjBWLlCPg/hqdefault.jpg)
發記士多泊車 在 詹姆斯【 CRAZY BOY瘋狂男孩 】 Youtube 的最讚貼文
05 - 10 - 2020 值得紀念嘅一日,算係人生嘅新里程碑。
今日係提車日,唔係玩具車,係真車,小弟終於擁有人生第一部車。
K-Car 喺日本本土特有嘅車型,由於日本特殊國情,車型本身嘅特點,令到佢喺日本有廣闊嘅市場。大發 Wake 就喺其中一款極具代表性嘅 K-Car。所以,小弟千辛萬苦托人喺日本帶咗架大發 K-Car 返香港,數下手指全香港呢部大發Wake唔超過十架,所以浮誇嘅我真係啱晒,唔怕同人撞款。
係度真係要多謝 Elton 幫小弟引入咗部靚車番嚟,仲要係 Turbo 版本。
【Daihatsu Wake G Turbo】
製造:2015 年
系統:658cc 三缸 Turbo
波箱:CVT
最大馬力:64 hp
- 以上節目內容適合任何年齡人士觀看
- 以下節目內容純屬個人立場
以上故事 如有雷同 實屬巧合
05 - 10 - 2020 思い出に残る日は、人生の新たなマイルストーンです。
今日は車の言及の日で、おもちゃの車ではなく、本物の車です、ハハ、私はついに私の人生で最初の車を所有します。
私は日本が好きです。もちろん、すべての車は日本から輸入されています。私は日本から香港に軽量自動車を戻すために一生懸命努力し、香港で 10 台を超えない車の数を数えました。
【ダイハツ ウェイク】
年式:2015 年
グレード:G Turbo
エンジン型式:KF
エンジン種別:水冷直列 3 気筒
総排気量:658cc
使用燃料:レギュラー
- 上記のプログラムのコンテンツはどの年齢の人でも視聴するのに適しています
- 以下のプログラムのコンテンツは純粋に個人的なものです
上記の話が似ていれば、偶然です。
#DaihatsuWake #ウェイク #軽自動車 #KCar #ダイハツ
![post-title](https://i.ytimg.com/vi/ayRI9FQNraY/hqdefault.jpg)
發記士多泊車 在 【MINI 揸車 去玩 粉嶺鹿頸】露天餐廳 英式早餐 ... - YouTube 的推薦與評價
![影片讀取中](/images/youtube.png)
「車友」都喜歡㨂呢度3️⃣ 鹿頸「 發記士多 茶座」Fat Kee Store。 ... 屎藤、芋頭糕等#香港自駕遊#揸車秘點#香港好去處#香港遊車河#行山 泊車 位置#郊遊 ... ... <看更多>
發記士多泊車 在 發記士多 的推薦與評價
Page · Restaurant · 鹿頸雞谷樹下村3號, Hong Kong, Hong Kong · +852 2674 1718 · Not yet rated (0 Reviews) · See more about 發記士多. ... <看更多>