💇🏻♂️Bom experiência de corte de cabelo.
呢幾日雖然很傷感，但難過日子還需過，明日就係小寶貝畢業禮，佢好期待一家人開開心心睇佢graduation drama, 佢真係好俾心機練習。我都希望佢有個美好回憶，於是帶小寶貝剪返個靚髮型，靚靚仔仔去畢業。
我地去左銅鑼灣皇室堡嘅 Magic Mirror Kids' Hair Salon 一入去呢度已經好似去左夢幻樂園咁，有5隻高度不同嘅動物椅，俾小朋友選擇及坐上去剪頭髮。
等緊髮型師時，寶貝甜心係度玩煮飯仔，仲有車仔同其他玩具。
好快髮型師就梨到，帶小寶貝揀動物坐椅，寶貝仔揀左Panda，坐好之後，姐姐仲俾佢揀卡通片睇，真係好高享受喎！
而等待哥哥嘅小甜心唔止唔悶，仲好忙玩玩具添！😂
以往其實我都好少岀去剪，因為試過剪頭髮跌落眼仔而令寶貝大喊，有啲仲試過唔小心剪傷寶貝頸仔😤但呢度嘅髮型師好熟手，話咁快就剪好，而且全程冇令小朋友唔舒服。剪完兩個仲唔捨得走😅😅
店內仲有售兒童專用嘅護髮產品。除左玩具、卡通片，仲有糖糖🍬，真係好多法寶氹小朋友，今次剪髮經驗真係好滿意，相信各位家長梨呢度都唔洗擔心小朋友驚或者唔肯剪頭髮，擔心小朋友唔捨得走就真。
.
.
.
.
.
#chocophee #lovehk #hongkongmom #hkmom #ilovehongkong #momlife #孩子是無辜的 #童年是應該幸福的 #愛護孩子 #香港加油 #kidsdeservebetter #kids #haircut #kidssalon #hairsalon
