#盤點澳門賽車16宗死亡事件 #片中所示為2017年意外
尋日嘅澳門格蘭披治大賽車三級方程式賽事發生嚴重意外，當時年僅17歲嘅女車手Sophia Florsch駕駛賽車喺葡京彎前直路失控，成架車如炮彈直飛傳媒看台，幸好Sophia Florsch冇生命危險，今朝會做脊椎手術。
事發時嘅片段喺網上被瘋傳，事實上，東望洋賽道係以危險著名，葡京
彎係最易出事嘅彎位之一。
格蘭披治賽車50年來，一共有16人死亡，其中香港車手竟佔一半！
1967年（第14屆）：兩屆格蘭披治大賽冠軍菲律賓籍著名車手Arsenio Laurel喺東方彎失控撞欄，全車即時著火，Arsenio Laurel被困活活燒死。
1971年（第18屆）：香港華裔車手馬家駒練習時，喺葡京彎收油不及撞燈柱喪生。
1972年（第19屆）：香港車手陳瑞發喺游魂彎車速過快，失事身亡。
1973年（第20屆）：香港車手曾社倫喺水塘彎失事撞向堤邊，送院後不治。
1974年（第21屆）：德國車手格廉沙駕駛福特雅士房車喺遊艇彎近失控打圈，撞入觀眾群，造成1死6傷慘劇，死者係只有9歲嘅小觀眾。
1977年（第24屆）：21歲香港車手林世坤本身參加電單車比賽，但駕車經過新口岸去驗車時失事撞石柱慘死。
1979年（第26屆）：香港車手鍾仁邦駕駛嘅43號車，喺遊艇彎同童振輝所駕嘅61號車相撞，兩車起火焚燒，童振輝當場喪生，鍾仁邦則受重傷。
1983年（第30屆）：喺電單車新手賽中，香港車手陳偉超嘅車失事打筋斗，送院後死亡。
1993年（第40屆）：澳門葡籍車手羅沙遼喺電單車新手賽時，喺松山失事撞欄，送院救治無效死亡。同日另一場電單車新手賽，香港車手董世榮駕駛41號車失事倒地，被尾隨另一香港車手梁偉雄嘅車輾過，送院後不治。
1994年（第41屆）：電單車賽中，日本車手鳥取克裕喺水塘直路失控撞向圍牆，車手飛墮石灘喪生。
1998年（第45屆）：超級跑車挑戰盃賽事進行至第4圈，車手夏文駛過賽車中心時，車輛機件故障漏油，車底高溫著火，佢將車停埋一邊，自己迅速離車，賽道工作人員立即趕上去滅火，點知當時香港車手曾偉知駕駛嘅車高速駛過，疑因路面有油，戰車失控甩尾，高速滑向已著火嘅車，正滅火嘅工作人員被撞，其中25歲消防員李志堅因頭部重創盤骨爆裂而死。
2000年（第47屆）：荷蘭籍車手華舒亞駕駛嘅戰車喺葡京彎發生意外道，先撞倒防撞車胎同竹棚，再飛出跑道，撞倒一對中國大陸遊客夫婦，男遊客死亡。
2005年（第52屆）：45歲法國籍車手邦浩爾駕駛戰車喺東方彎失控撞向防撞欄，邦浩爾當場重傷昏迷，送院後不治。
2012年（第59屆）：35歲葡萄牙籍車手卡尼拉喺漁翁灣失控撞欄被拋出電單車外，送院後不治。31號香港車手丘永材喺澳門電訊盃排位賽失控撞欄不治。
2017年（第64屆）：英國車手赫加迪喺漁翁彎失控撞欄，頭盔爆裂，送院後不治。
__________________________________
想睇精彩短片，即去：http://bit.ly/2IRwZ8a
盤點澳門賽車16宗死亡事件 在 澳門賽車身亡，大家都在找解答 旅遊日本住宿評價 的相關結果
今天意外頻傳的第64屆澳門格蘭披治大賽車（Macau Grand Prix）於電單車（摩托車）競賽傳出一起令人遺憾的消息， ... 盤點澳門賽車16宗死亡事件| 澳門賽車身亡. ... <看更多>