#飲飲食食最開心
好似話聖誕節去德國，如果唔去聖誕市集，係屬於一級反人類罪行，咁好啦，為免俾雷劈，點都要去一次嘅... 老實說，就算落大雨、就算得零度凍到癡線，都真係好值得去！！！
首先，德國的聖誕市集有氣氛就係必然的啦，一檔又一檔的烤肉、一街都係洋腸、仲有大量糖果和飾物店，超·幸·福·的！！！
唔講咁多，一黎到先食呢個碳火三文魚包！那種煙薰與木香，在口腔內久久徘徊不散，而三文魚本身卻又細膩而幼滑，加上熱呼呼的麵包，好吃得令人欲罷不能！
再來一個豬扒包！真係想講句，以前去澳門排餐死，就係為左食個豬扒包。食完德國擺地攤呢一個，我真係唔知自己以前排左啲乜！碳火現烤即叫即燒兼且厚身闊切，外層焦脆而裡面多汁而充滿油香，不需要刀叉，咬下去就溶化。成日同我講環保走塑膠，我_你，你啲嘢煮好食啲、火喉控制好、唔好用劣質食材，我咪唔駛用餐具囉，連水洗都慳返！強烈建議政府收劣食稅，並且立法禁止賣well done的牛排和有筋的豬扒。
食完咁多肉，食時候食菜保菊花，於是又去左食蘑菇。作為傳統蘑菇，唔知點解，竟然係咖哩味，唔好以為德國佬大大隻隻，其實唔多食得辣，所以呢度嘅咖哩香而不辣，估唔到配蘑菇可以咁夾，點一點旁邊的香草醬，更是令人回味無窮。
如果你今個聖誕無人無物、覺得空虛寂莫凍、甚至諗住自殺... 喂，停一停，聽我講，反正都係死，買張機票黎玩完個德國聖誕節你先好死，你未去過德國的聖誕節，就唔好同我講你生無可戀。我真心相信，你玩完一次，就唔會捨得死架啦，呢個世界太多美好的事情，正在等你體驗呢～
我愛死德國了！❤️❤️❤️
#留意返
#聽日我會去納粹博物館前抗議
#仲會燒希特拉的道具神主牌
#好期待俾德國警察拉
#萬一佢地學香港某公安咁在警署內XX我點算
#真係唔知到時邊個蝕底啲
#啊嘶～～～
#我會努力為港爭光
#港隊
#我返到屋企飲多杯無酒精啤酒
#恃醉行兇
#搞我老公
#上面堆tag咩事啊
#食唔起米芝連餐廳
#搞到要落雨掃街
#炫窮界KOL
