【為母則強之正面面對】
BB有事最擔心一定係父母,但擔心其實冇用,更重要嘅係面對!我成日都講,要正面積極去尋求方法,好過苦口苦面咁逃避,連媽媽都唔堅強,BB又點會好? 好耐冇Update過林小姐 #斜頸症 進度喇,其實最近我地都遇上瓶頸,一直睇開政府醫院物理治療,進展都好好,但最近呢2個月都無明顯進步,尤其力度方面,我地苦無對策之下,朋友介紹我去 On the move 起來行走 試試一個second opinion,呢度係一個兒童發展中心,專針對早產、發展遲緩等小朋友,進行幫助兒童發展問題物理治療、職業治療同埋針灸等。林小姐進行咗幾次治療之後,的確又向前行咗一大步!我希望2歲前可以正式畢業,同治療講BYEBYE! 打氣~
【 嬰兒斜頸症】 及早發現 立即開始物理治療 https://goo.gl/mxJySU
【林太苦口婆心長氣講】
好多BB可能6個月大都未轉身,又坐唔到,或者冇意欲拎野,其實都可能係警號!返健康院姑娘可能同你講「佢未識」,但我真心想講,治療黃金時間一閃即過,無論咩情況,搵專業人士評估,無事求安心,總好過遲咗發現,到時先開始治療就需要更長時間喇~我真係好好好好慶幸自己因為餵人奶,未滿月就發現到林小姐個頭轉得唔好,避開做手術嘅風險我已經好安慰!
#自我打氣PO #其實我想取暖 #絕對非贊助 #有都唔恨要啦 #真心想提醒父母要及早睇
Search