【 #那些年的港式情侶 - （急）20點！！大家有無玩過Yahoo知識？】
記得仲讀緊小學嗰陣，個個同學返屋企除咗趕住睇卡通片同玩跑online，仲有一個重要任務，就係去Yahoo知識+度答人地啲問題儲exp升lv...... 當年好辛苦先升到中學級，有時啲問題唔識答，就老作個答案搏樓主揀我，真係無所不用其極！
.
不過香港人近日又少咁個童年回憶啦，因為Yahoo奇摩知識+即將關閉服務，4月20日起將相關資料改成唯讀模式，6月30日打後更會delete晒所有記錄，所有問題都無得留低，真係好令人唏噓。
.
想當年真係咩都走上去問，傾訴感情煩惱、問數學功課、乞跑online波鞋AC（係，無錯，波鞋都乞）...... 更有網民表示：「80%性知識都係喺Yahoo知識學返嚟」，小編隨手一search，都可以搵到唔少青春期少年關注JJ之長短標準，仲有人留言希望「Exchange JJ Pic」對比一番，擺低晒自己msn、e-mail咁，認真癲！
.
雖然Yahoo知識+啲問題好多都以派膠為主，例如「畢打自己人點解會係家長指引？係咪因為欣宜有份做？」、「唐太宗發明活絡油對後世有咩影響？」、「風流帳應該計入credit定debit？」，然後啲答案通常都是九唔搭八。不過嗰個年代勝在夠熱心，問咩都有人答，你打啦啦啦～啦啦～，想搵返隻歌都一堆人嘗試幫你，見你細個問咸嘢，又會叫你努力讀書先。
.
其實Yahoo知識+，除咗係集體回憶，仲有份人情味！最後一齊回顧下啲膠問，再見啦咁多位「知友」（嗚）～
.
#真點交換J圖 #行房四寶包括了甚麼 #不是文房四寶 #問完仲好有禮貌咁加咗個thx #情侶 #愛 #愛情 #語錄 #拍拖 #香港 #回憶 #yahoo知識 #集體回憶 #香港人 #90後
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
真點交換j圖 在 #真點交換j圖 – Felfedezés 的推薦與評價
explore #真點交換j圖at Facebook. ... <看更多>