[股市經濟101]點解股市脫離「實體經濟」? — What if 你個 「實體經濟」係錯呢?
1. 信我,呢篇係文自慢(?),埃汾相當滿意嘅文。你有幾可見我咁講?你想了解個世界點運作嘅,睇呢篇就夠,睇少啲垃圾文。
2. 根本,個市場(唔係我)早就預期到,你班友啲預期,係錯晒,係預期地遠勝預期的。
3. TLDR:道指升一千點,5月美國就業數據靚到不得了,經濟師估錯晒。之前個市係咁升,N咁多人 (特別係冇買嘅)話升勢脫離現實 — 而冇諗過,你個「現實」根本就係錯嘅。市場好偶然會死錯人,但一般都準過啲學者分析員,更加準過你啲大學都未畢業嘅網友。
4. 記住,We question conventional wisdom(*)。埃汾好似自命contrarian,有讀者咁講,01嘅讀者同編輯都咁講,甚至早幾年我嘅中學老師都咁講。但係咪真係?可能只係寫文係。一個讀官校嘅公開試學霸,教完書打金融工碌到而家,唔富有又唔窮(中產嘛),34歲結婚,35歲買樓,放假去下日本韓國台灣。可以有幾contrarian呢又?
5. 無論如何,寫文方面,我的確相信我係幾contrarian—又或者,01年代(非金融文)嘅文,可能我會寫啲唔少人心中都諗,但唔敢講出嚟嘅嘢。所以在Belief上唔係contrarian(好多人咁諗),但在你睇到嘅意見上係(冇乜人敢講)。
6. 哲學嘢寫完。好簡單,哈哈哈,道指升成千點!哈哈哈。我好記得3月尾我老母點畀人問侯。嘩死緊人喎好大鑊(係好大鑊的)。嘩經濟停頓喎好大鑊(係好大鑊的)。嘩未有疫苗好大鑊(係好大鑊的)。
7. 唔止一次寫過,有關「股市脫離實體經濟」呢句嘢。多數係被人用嚟質疑升市(偶然亦都會質疑跌市)。例句:「美國失業率會升到好高,但股票照升,都痴線,同實體經濟脫節」。
8. 但除咗我都解過好多次嘅,「資產格價睇將來睇預期」,同埋「問題係現價反映咗幾多」外。今次我仲想畀兩個新角度:
9. 第一角度就係,你有冇諗過,根本「股市脫離實體經濟」呢句嘢。係好含混呢?你點去驗證?邊度嘅股市?邊度嘅經濟?OK,美股對美國經濟(但,美股好多賺全世界錢)。咁用邊日至邊日嘅升幅?美國經濟,用邊季嘅GDP?
10. 同埋,點先叫脫離?GDP升1% 股市升10%,係咪叫脫離?好似唔係,你話合理。咁當咩金融海嘯,香港經濟收縮10%(是但,其實好似冇),但恒指跌三份二,咁又係咪脫離?點解經濟差股市升你話脫離唔合理,咁經濟擴張但股市跌(無數例子,例如2018)又話離脫唔合理?如果GDP升1% 股市升10%都合理,咁點解GDP跌1%股市升5%又唔合理?如果股市係反映實體經濟,咁點會無啦啦國安法一日跌6%,然後下星期又升6%?即係出國安法嗰日原來人人覺得經濟會收縮6%(呢部份我可以接受),但幾日後又發現唔係?(**)
11. 第二角度就係,就當,股市應該反映「實體經濟」。但What the fuck is 實體經濟?你問一千個人,我估都冇一個真係知道啲乜乜GDP即係乜(包括我)。既然多數人都唔知,咁其實大家可能係睇切身啲嘅嘢。你問樓下賣菜嘅,賣LV嘅,賣身嘅,就知。有冇工開啦,啲客講唔講價啦,畀唔貼士啦,行家減唔減價啦,呢啲會唔會更加係「實體經濟」?
12. 講咗咁耐,戲肉。美股升1000點嘛。本身唔特別,之前都升架啦,之前咪話「股市脫離實體經濟」。潛台詞即係,實體經濟好差,你股市都係咁升喎,傻的嗎?
13. 但,What if 你啲咩「實體經濟好差」,根本係錯架呢?只係班蛋頭學者投行經濟師涼冷氣鳩up出嚟架呢(我都做過類似工作)
14. 今日(星期五晚)道指升1000點,就有得解釋啦,因為實體經濟根本唔差!係你班蛋散(包括我)一路以為好差之嘛。講真,點解你覺得差?你咪又係睇文(可能我啲文)。但啲文嘅作者,點知下個月GDP市場睇幾多,下個月失業率市場估幾多?佢地咪又係抄投行報告,或者睇Bloomberg 睇Reuters – 咁呢啲 poll又點嚟?成日都乜柒「市場預期騰訊賺1000億」,個「預期」點嚟?個「市場」又點識「預期」?咪又係幾丁(頂多四五十丁)分析員估出嚟!就係咁化學!因為我曾經有份參與其中,所以俾斯麥話齋,整香腸嘅好難尊重香腸!(***)(****)
15. 好啦,市場預期,估美國5月,流失職位750萬個嘛。結果呢?係新增咗250萬過!爭好遠呀大佬,係李嘉欣同李嘉欣嘅分別!周迅同他信嘅分別!同樣地,經濟師預期,失業率升到19-25%—結果?係跌到13.3%(*****)
16. 抽水前,記住,班華爾街經濟師,一定叻過你同我(唔使拗),人工高過你同我,亦勤力過你同我,好可能接觸到嘅資料多過你同我。甚至乎佢地可以搵助手(而家可能搵無人機)去數下麥當勞有幾多人,排隊拎救濟有幾多人都仲得。但一樣錯到七彩。因為預測呢件事本來就好難,但人人都上癮,包括我
17. 最可愛係乜?最可愛係,個「市場」,先唔撚理你啲經濟師。一早照升無誤,真金白銀落注嘅,早就知你班人戇居。之前咁升法,你質疑,明明經濟師話失業率狂升,做乜個市係咁升?結果咪話你知,根本啲經濟師就估錯。根本經濟就唔係咁差,至少已經回復好多
18. 當然,如果更加過癮嘅,如果今日道指唔係升1000,係跌1000,就更加好玩。更加示範咩係Buy on rumor sell on fact(******).更加示範點脫節
19. 呢篇文收視,我預期(又預期!)會好,但未必會極好。我早排狂鬧迪士尼,實多人睇的,viral添。但在思想水平嚟講,呢篇文係我極滿意嘅一篇。我建議你收起佢,當然更好係share
——————————————————————————
(*)有機會解下呢句
(**)人越老越嚟越相信,投資又好,做人又好,多睇其他書。非金融嘅書,例如哲學書。以上呢堆自問自答,係學……顧西蒙。
(***)其實俾斯麥係講法律,但的確係以腸為喻
(****)呢段畀你見到,真係凡事質疑。問下,嗰樣嘢點嚟。乜乜日報話市場預期,咁乜乜日報點會知個市場預期乜,就當個市場識報夢,市場自己點解識預期嘢。原來係人。咁係乜人?一路諗落去,你就知晒成件事,係俾斯麥的香腸。
(*****)你睇咗我咁耐文,都仲打算講「13.3%都仲係好高!」嘅,我建議你都係唔好投資,畀晒啲錢我幫你。或者平少少,訂我收費專欄,睇到你唔再講呢句嘢為止。有用的!真係有用!有病人(!)可作證。
(******)補多句,你見一般呢,公司業績好過預期,股價咪升,反之咪跌。當然有例外,但大約有個咁規律。不過,好得意地,經濟數據好多時唔係咁的。原因?唔知,但應該好大程度因為,股市係脫離實體經濟嘛。
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
真 係 架 點 解 既 你 好 叻 呀 gif 在 君子馬蘭頭 - Ivan Li 李聲揚 Facebook 的最佳解答
[Because you’re worth it!] 歐萊雅亞洲銷售首次超越歐洲,股價創新高。說好的杯葛呢?
(https://bloom.bg/2Gs74BU L'Oreal's Asian Sales Overtake Europe for First Time)
Quite simply,就係標題講嘅嘢,冇乜補充。L’Oreal歐萊雅(台灣好似叫萊雅?)(香港?香港冇人講中文咁cheap的,雖則其實都唔識讀法文)股價創新高。如果你睇返股價圖,真係靚到不得了。三十度/四十五度角咁上去(視乎你用普通圖定log scale,唔明咩係log scale嘅睇 那些年啦,唔明都生活得好好嘅)。咁當然係當你睇最長期,睇短期另一回事。但今年股價都升咗兩成幾,而家係法蘭西第二大公司。第一應該係LVMH,大陸again。If you think you can beat 大陸撚, think again
當然事後個個都識講,必需品嘛,女為悅己者容嘛,品牌嘛(Johnson & Johnson呢?Kraft Heinz呢?),唇膏效應嘛,衰退都要化妝嘛(事實係因為經濟差時男人都要出火,但經濟好時講女性自主機會成本低啲)。但你睇返九十年代中至二千年代中,股價其實都係原地踏步。金融海嘯高位都差不多跌一半,絶世買入良機 — 事後睇返。當然當時首先別人恐懼時你冇錢,二來要做牙醫嘅總可以覺得世界爆煲聽日資本主義就崩潰冚球鏟返去原始人時代仲化乜妝睇啱邊條女一棍扑低佢拖入山洞算啦(但我幾乎肯定始人年代都有類似化妝的東西)
後來股價點起飛?當然係因為,亞太區啦。亦即係,中國啦,心知肚明。十年之前,亞太區銷售甚至唔及歐洲三份一,歐萊雅嘅亞太戰略極之成功。隨住歐洲經濟繼續低迷,中國只會越嚟越重要(而你啲網友日日覺得支爆人地冇錢買嘢,我肯定歐萊雅盤數係假的,快啲去報警)
剛剛呢季,銷售固然創新高。重點係個增長動力,嚟自亞太區。史上首次,亞太區收入高過西歐(更加唔好講美國,或者東歐非洲南美之類)。嚟自邊?你估下?
亞太區嘅收入,由2016年第二季開始,差不多係一個開,好誇張下。
點解揀2016年第二季講?唔係default的,而係,你懂的,所撚謂「公關災難」嘛(啲公關最鍾意乜柒都講呢句,正如藥廠要整病毒出嚟),Lancôme何韻詩嘛,一大班專家出嚟乜乜柒柒話形象大打擊嘛,港台網友杯葛嘛。係喎,Lancôme係L’Oreal的,唔知嘅就努力啲唔好成日睇許志安啦
我真係明喎,搵食嘛,要寫文的。咁梗係寫佢仆街啦,唔通贊成咩。梗係寫對形象唔好啦,學埃汾咁寫WFC嘅報紙唔登網友鬧架嘛。但講現實,根本就成班都中二病刷存在感,自high完就當真理。Truth?You Can’t Handle the Truth
事實係,你啲杯葛乜鬼,人地真係WFC。對股價對銷售嘅影響,根本係零,甚至負數(唔排除有大陸妹敵人反對嘅我支持,你越杯葛我越買,吹咩,十幾億人,真係一人一支洗甲水都浸死你)。我難撚為當時啲網友呀媒體呀仲要打晒飛機講人地市值蒸發幾多。真係不要把自己放得這麼重啦,好嗎?(http://bit.ly/2GsNo11 Lancôme屈從中共 全球抵制 一周市值蒸發230億)
(我其實冇訂大紀元,特登搵呢段以存厚道,因為當年有啲寫嘅記者或KOL都係我朋友,搵食啫,我明,我都係。但你真心相信的話就太膠了)
點解你啲杯葛最後WFC而股價銷售都係咁新高?其實一早講過,都係嗰幾個原因,根本就係常識過常識,絶對唔係我有咩咁叻係先知,只係個個精神勃起冇晒理智咁解
首先,人地多品牌。Lancôme只係佔L’Oreal一個好細嘅部份,人地N咁多個品牌。當然有啲好心網友幫你搵埋,但你有心杯葛都好,隔一重就隔一重,同系姐妹多數係免疫。
第二,你邊位?常識都講知,你唔接受都好,香港唔係一個好細嘅市場(都七八百萬人),加埋台灣都唔細。但,同大陸比,仲係爭太遠太遠。仲未計可能有啲大陸憤妹你香港越杯葛佢越買,齊齊撐華為咁(而反正平時都用開L’Oreal,肯定易過燒咗部iPhone撐華為)。況且,大陸人就夠齊心,唔使高壓。你香港台灣真正杯葛嘅有幾多人?民聯建單議席都選到啦。我屌,台灣大把人投韓國瑜添,但你當然當呢啲友係隱型的,你自己最高貴嘛,嗰啲唔撚係人嚟的,係五毛嚟的,唔係自己比錢買嘅,假嘅。
第三,三分鐘列度。(利物浦名宿列度嚟咗香港喎)你啲感覺良好網友,講真,又杯葛得幾耐?你咪即管嚟回我你真係2016年後都冇用過一次L’Oreal產品咯。但,你邊位?你貢獻幾多銷售?而講真,你話杯葛唔到地產霸權杯葛唔到美心,我都明。唔好做塔利班,我當你打份寫字樓工,唔去商場唔幫襯大集團,真係相當難度—段估點都難過杯葛L’Oreal產品。咁既然你連L’Oreal都杯葛唔到,就真係以後咪再講呢啲嘢,笑撚死人咩。
其實好簡單,呢個係資本主義世代。資本主義之所以大鑊(冇打錯)全勝,唔係因為共濟會乜乜(get a life la),而係因為佢比較貼近人性本質。你唔鍾意嘅,真係可以去北韓委內瑞拉古巴的,聽講幾開心—不過人地都係向緊資本主義嗰邊擺。
都係嗰句,唔順嘅嚟挑我機。最好問侯我老母,因為由嗰刻開始就知道你完全冇道理可言。
真 係 架 點 解 既 你 好 叻 呀 gif 在 姐死姐還在 Facebook 的最讚貼文
《you are average of 5 people you spend the most time with》
我諗好多人都聽過呢個theory…
一個人通常有4個最多接觸嘅朋友,而你會係呢4個朋友當中嘅平均數,意思係你會有兩個朋友比你叻,比你有錢,比你人面廣,比你家底好,比你人工高;同時你亦有兩個朋友,咩都比你差啲。
即係咁.....
人生勝利組朋友A → 叻你少少朋友B → 你 → 衰你少少朋友C → 衰你多多朋友D
然後有D 人問,點解會有呢個假定呢?
其實我覺得好易理解,朋友A 同B,你可以喺佢身上take advantages,佢地可能係你嘅role model,亦係你努力做人嘅motivation。
另一邊廂,朋友C 同D 嘅出現,就係令你對自己有返D 自信心,令你自我感覺良好,「原來有人仲衰過我喎」,咁諗你會開心返D,覺得人生冇咁刻苦。
咁有人會問,可能有人唔係average,而係bottom喎...
「我所有朋友都比我好架喎,全部都發大達事業有成」,如果係咁,我諗你人生幾冇癮,如果你所有嘅朋友都比你好,咁我諗你長期都會覺得好灰。因為一個人長期好唔幸福,望住其他朋友全部都好幸福,你係好難好真心祝福好幸福嘅人,總係會有D 妒忌心。所以如果你諗唔到你身邊有朋友C 同D,都真係幾sad 架。
咁有冇人覺得自己無論喺任何一個朋友group都係A 呢?
應該有,除非冇。如果有,呢條友應該好蝕,因為if you are the best in the group, you are in the wrong group。如果有一個人,任何場合佢都係A,佢就唔可以喺任何朋友身上take advantage。
而我覺得,大部份覺得自己係A嘅人,其實most of the time,都自視過高.....
有好多人,覺得自己係長期A,覺得人人都係廢架,自己最叻最好。好多做慣上司嘅人,就成日覺得自己長期A,一言堂,永遠否定其他人。我諗你地都有遇過有D 朋友,無論你講咩,佢都反駁你,講「唔係呀...」。
通常遇到呢D 朋友,我都會由佢講,「繼續吹啦即管」,呢D 長期A 嘅人,係冇咩自知之明,永遠都自我感覺良好,唔知道做average 嘅好處。
做average 嘅好處係咩?
如果你係average,其實你係拎緊LCM,最大嘅好處,你既受A, B 影響,得到motivation 做得更好,又會成為C, D嘅motivation,從而得到satisfaction。
咁做左average,係唔係等於過於安逸呢?
No no no… 朋友A 同B 會進步,同樣C 同D 都會進步。而一生人之中,你應該瘋狂咁建立多D 朋友group,勁識多D 朋友A, B , C 同D。有人話,你的朋友如何,你的命運也必如何。
人,一生都會受到別人嘅影響,你身邊多肥人,你多數都肥,你身邊個個都sammi,你都會瘦D,你身邊個個都開心,你都開心D。你受人影響時,同時你亦影響緊其他人。你知道自己嘅位置,就會得到多D 人嘅歡心架啦。
#一個人真係要有自知之明
#個D長期A_收皮啦