【屍人屋苑】病毒變種、喪屍橫行，一個怒人找回自己的故事…（下）
「阿林，你係驚就趁而家驚埋佢。」
我永遠唔會忘記……幾廿年前第一次入火場嘅時候，當時嘅阿頭咁樣同我講：
「入到去你就冇得再驚，只可以正面面對恐懼……做唔到嘅話，呢場仗你就注定輸硬。」
佢嘅呢段話我一直記喺心裡面，每次行動前都總會提醒自己一次……就算多年後跌跛咗被迫退休，我都依然未敢忘記。大概係潛言默化，慢慢我好似真係忘記咗恐懼係咩一回事……
一直到今日……呢一晚，我終於回想起呢種感覺。
下層嘅男喪屍注意到我之後，緩緩拔腿踩上一級，佢嘅動作同普通人相差無幾，同我平時喺窗邊望落樓下見到嘅喪屍明顯唔一樣……
我手下意識咁放到腰間，赫然發現短刀居然唔喺身上。莫非係頭先喺屋企俾阿霞踢低嘅時候跌咗唔記得執返？至於把消防斧，就仲插咗喺輪椅度……我越諗就越覺得自己好失敗，居然會俾一個女人搞到如斯田地。
我抬頭望返上去，只見阿霞一臉期待……完全唔知一層之下等緊佢嘅係咩乜嘢。
「係唔係阿鋒？」佢問。
我想提醒佢離開，但又醒起阿鋒提過喪屍對聲音相當敏感。兩難間我見到隻男喪屍已經行咗差唔多大半層樓梯，仲要有同伴跟喺後面……分別係一隻眼鏡男喪屍同短褲女喪屍。
雙腳郁唔到，又冇武器喺身，我咁嘅狀態有冇可能打得贏佢哋？內心嘅疑問喺短短幾秒間轉化成真實嘅絕望感，令我僅餘嘅上半秒都變得僵硬起嚟……
原來，佢哋就係阿鋒之前一直要面對嘅嘢？
腐爛嚇人嘅面容喺月光下變得越嚟越清晰，低沉嘅嚎叫聲亦足以令人刺骨寒心……終於，佢企到上嚟我面前，即使我勉強舉高雙手擺出防禦手勢，但都好似阻擋唔到死亡嘅命運降臨。
「嗚……」
男喪屍企咗喺原地，高大嘅身軀營造出巨大嘅壓迫感，灰白而深邃嘅雙眼曾經有一秒落到我身上。短短一瞬間令我產生一種感覺，彷彿好似喺邊度見過佢，但就係醒唔起……
但就喺下一刻，佢居然慢慢轉身，毫不在乎咁從我身邊走過……
🔽全文連結（需訂閱），入去前用幾秒俾 like 同分享下呀：
https://www.patreon.com/posts/56544728
🔽系列連結：
https://bit.ly/38ViBax
＝＝＝＝＝＝＝＝＝＝＝＝＝＝＝＝＝＝＝
有追開嘅朋友或者已經注意到，《屍人》入面各人嘅故事其實係環環相扣。每個角色嘅選擇，其實某程度上都改變緊另一個（甚至好幾個）角色嘅命運……下一章，屍苑外嘅故事──「歸途」。
【更多故事】
▶️《無異之局》（公開）（連載中）
https://bit.ly/3lZqT8V
▶️《扮工鬥室》（上半部）（已完成）
https://bit.ly/3y7CC7R
▶️《迷離短篇》（足本版）（連載中）
https://bit.ly/3B3zT1a
眼鏡男 在 【眼鏡穿搭術】只看臉型還不夠！超實用技巧分享✨ 3個步驟 ... 的推薦與評價
超實用技巧分享✨ 3個步驟找到完美眼鏡｜男生穿搭. 23K views · 9 months ago #日系穿搭 #秋冬穿搭 #男生穿搭 ...more. 質男日著WearLife. 59.2K. ... <看更多>