關於 睇下邊個淆底先 ，我們在網路上蒐集到這些相關的討論、資訊與評價

【《#尚氣與十環幫傳奇》創北美勞動節假期歷史票房新高】

呢單嘢應該冇人敢講，不如等我嚟講，反正都俾人圍到我上天花板，應該又會有人話我收咗好多錢報假紀錄作假新聞。well，票房嘢每星期我都會如實報一次，唔信就算啦。

一個疫情會令到好多嘢都從此改變，傳統上北美八月尾九月頭都係淡季，好少會排新片上映，所以勞動節假期票房都反應一般，但唔知迪士尼對《尚氣與十環幫傳奇》太冇信心定還是太有信心，作為首套自家製唔串流同步、戲院限定作品，排呢個期上映，喺勞動節長假期破盡票房，四日狂收超過8,000萬，唔單止寫下疫情後首周末最高票房第二位，都破咗2007年《月光光心慌慌》成績，成為北美勞動節史上最高票房。《尚氣與十環幫傳奇》喺全球獲得一致好評（ok, 除咗香港），憑口碑帶動都令觀眾願意入戲院支持，喺各地都得到驕人成績，當中有六個國家，更創下咗疫情後首周末最高票房紀錄。

雖然呢條數對比其他疫情前Marvel電影唔算特別好，但之前一堆戲票房唔得，就會話係疫情所累，似乎嚟到話題性作品，再加上有Marvel加持，票房都一樣有好表現。到底佢會唔會好似《黑寡婦》咁有頭威冇尾陣，就要睇佢後勁，但觀乎北美下一套大片係10月嘅《007：生死有時》，相信佢都有排玩。以為一個疫情會令華納同環球殺出一條血路，似乎迪士尼點都可以谷底反彈，唔知淆疫情，臨時延期嘅幾套戲會唔會後悔？

即使套戲香港受唔少人未睇先圍插，但宣傳方向轉咗去梁朝偉度，都令票房大收，一個周末票房已破1,800萬，創下香港史上九月份開畫電影首周末最高票房。原本套戲係今年賀歲片，亦預計要打入中國市場，點知疫情延期而中國市場都仲未批得到，唔係相信條數會更勁。

當冇人睇好嘅呢套都有呢條數，《永恆族》會唔會更勁？

一年前我話《TENET天能》美國票房後勁不繼，俾人話我收咗對家錢作假票房（我到依家都唔知「對家」指邊位，明明我讚緊亦係Nolan fans，報導票房都要俾人圍），今次話呢套收得，呢筆錢應該幾和味，唔知票房有冇cover到我筆數？😂

《尚氣與十環幫傳奇》觀後感可看留言連結。

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

［試下唔好射地波，射佢上三路］咁易咩閘師傅～～～～

1. 唔係講笑，Patreon嘅每日一圖，早排真係貼過呢張（實情我早幾年都貼過一次），幾咁益智。Patreon就唔係講波嘅，但十二碼向來都係經濟L數L鍾意研究嘅課題。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

2. Quite simply，識射梗係射高波。正如意大利對西班牙時講波佬話頭，除非你講明射嗰個位，否則龍門近乎冇得救。你見射咗400幾球十二碼，得4球高波畀人救到。

3. 「會射出街嘛天才，冇撚踢過波咪撚獻世啦」。係喎，我唔知呀可。你自己慢慢數，after adjusted for 射出街，都仲係射高波嘅命中率高一截。呢個研究亦都係well known（雖然好多人睇唔起啲數據撚，但你估人地白出糧的？），應該所有球員都知。近一兩屆我見好似多咗球員射高波，但似乎仲唔係太多。

4. 你可以合理地質疑，本身夠膽射高波嗰班就係藝高人膽大，本身就係勁啲嘅球員，根本射地波都入。而本身射地波嘅就係屎波淆底，你叫佢去射高波一樣會炒飛機。你可以質疑球員能力同射邊度唔係independent 的。

5. 當然我肯定係紙上談兵，我呢啲手無叫雞之力嘅肥佬書生。「話射高就射高咩，你咁叻你去射一次丫」，但，我地討論緊全地球最優秀嘅運動員下話？要求高啲唔過份者。

6. 我懷疑都係同啲心理有關，射飛機炒上觀眾席，陰影大過畀人救到好多。前者嘅，你唔多唔少都係罪人。後者嘅，比較多人記得龍門神救。（雖然，1996年大家都係記得修夫基多，從來冇乜人話哥普基係英雄，可能係英國傳媒獨有生態。又，今屆修夫基就踢咗高普基出局了，唔知有冇傾計）

7. 亦都好多人知道，射中間命中率高，但好少球員夠膽咁做。你係派路咪大師，你係陳七咪低能仔，射中間畀龍接到，呢個球員第二日就會畀你啲網友狂鬧，「我落去踢都得」，分分鐘影響埋轉會身價。同樣地，亦都好少龍門夠膽企中間，因為企定定唔做，又係畀啲網友狂笑，「我落去守都得，放塊紙板好過」。所以守龍員係傾向do something，好合理。

8. 呢度亦有唔少人寫過，同投資類似。好多人都係有呢種do something嘅bias，升咗又覺得要take profit，跌咗又要止蝕。因為冇做任何嘢而出事，好似大鑊過有做過。但投資就肯定唔係咁，多做先多錯。以前蝕佣蝕bid ask都輸你唔少，而家佣低，反而啲人更加鍾意不停上上落落。一個好簡單嘅例子：啲人買樓可以坐得長食到十倍廿倍升浪，因為樓嘅交易費用太高，又唔方便。

9. 然後呢個劊子手同守門員嘅博奕，你又9格佢又9格（有啲model整到15格），就係典型嘅game theory了，呀西班牙佬（其實係巴斯克，Ignacio Palacios-Huerta）寫咗唔少論文，LSE喎大佬，好認真嘅學問。佢就真係十二碼研究大師，佢認第二冇人認第一。See？真係搵到你嘅niche就得。

10. 呀仲有，早幾日自己Facebook 都提過，同十三張差不多，你揀5條友射，亦都有研究過，第一同第五個壓力最大，亦最易失，所以應該放最強嘅人射第一同第五。你見對西班牙，意大利都係放盧卡迪尼第一，佐真奴第五，兩個似乎都係相當有把握嘅（雖然，盧卡迪尼都射失）。正如意大利對英格蘭都係佐真奴守尾門（雖然，係失嘅）。咁所以，有啲朋友鬧點解搵英格蘭Saka射第五，應該係合理嘅質疑。

11. 以上種種只係皮毛，射十二碼絶對有學問，不過真係同你平時踼波要求嘅係唔同嘅嘢。Economist 上期都有提到，實在係有點無聊，但個戲劇性又真係太強，所以都仲係保留。固然可以玩咩中場帶波射龍（以前MLS好似玩過），或者加時每5分鐘換走一個人（最後變成2打2甚至1打1都幾好笑）。但，似乎都係十二碼過癮。公唔公平就另一回事。

12. 歡迎批評，不過都係循例講返，LSE教授呀下，Economist嘅文。雖然，佢篇話「先射有優勢」嘅文，近期似乎畀人質疑得幾緊要。Technically 似乎因為佢好多數據都係用西班牙盃，扭曲咗。而你睇返世界盃 歐國盃，又真係先射唔見好有優勢。有機會再寫。

13. BTW，其實我係寫緊Patreon週末文的。你看見「唔使返工真好」，我看見「Patreon就係返工」。真的，我寫Patreon用嘅時間，多過我返工真係做嘢嘅時間 — 咁所以，最無敵嘅組合，梗係返工寫Patreon！有一排咪咁，可惜世間好物不堅牢，彩雲易散琉璃脆。

14. 於是我就被迫成為咗全職炒散，Accidental Content Creator（下本書就用呢個名，如果仲有下本的話）。

15. 雖然，我都係好懷念返工有人出錢畀你屙屎嘅日子，呢啲快樂真係未返過Office工唔知。應該好似Freakonomics咁，統計下啲人在公司同在屋企爆石用嘅時間爭幾遠。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

【龔成問答信箱】（Q21141-Q21160）

Q21141：

老師你好，我係你股票班舊生，正分析信義光能，以及福萊特玻璃，我了解在2020年的數據。

信義銷售及毛利都比福萊特高

但ROE信義明顯低。

這樣睇，是否代表
福萊特基本因素比信義好？

龔成老師：

首先，兩間公司都是有質素的，而你在比較時，不能只分析短期的盈利情況，要分析5年數據，並將數據意義化，你要解釋翻，點解一間公司的數據較好，而另一間較弱，是技術問題？成本？入賬問題？還是甚麼原因。

信義光能（0968）的賺錢能力，的確較強，技術與規模都較福萊特玻璃（6865）好。

信義光能的毛利率較好，而你見到股本回報率福萊特玻璃好似較好，主要有兩個原因，第一，你只睇了較短期數據，而福萊特玻璃近年盈利增長較多，因此數據較好。第二，信義光能規模較大，因此而持續得到高獲利較難，而福萊特玻璃資本相對較少，因此股本回報率的數字會較高。

你在分析數據時，記住要睇5年財務數據。

其實整體來說，仍是信義光能較高質素。

至於兩間公司股價下跌，其中一個原因是光伏玻璃價大福回落，但我地分析時，唔好比短期因素影響得太多，如果你有印象，會記得我第二堂講九巴的例子，我地不是分析油價升跌，而是了解企業的營運模式，以及那個是行業較強的企業。

同時，你要睇一些較長的因素。其實這行業長期，仍是正面，只是中短期仍會較波動。

------------------------------------------------

Q21142：

老師，3988可以入手嗎？
我想月供股票，有什麼推介

2638 及0778 值得月供嗎？

龔成老師：

中行（3988）由於內地經濟無過往年代咁強，股價無過往咁好，由中美貿易戰開始，中國的經濟動力已有所減少，加上最近的疫情，都是影響經濟的因素。不過，初步已好轉，但不是高增長型。

現價合理區中間，這股收息可以，但就唔好對股價有太大期望。

至於港燈（2638）、置富（0778）可月供，佢地是收息股，增長力不強。

至於你想月供，要睇你的年齡及投資目標，平穩：盈富（2800）。

進取：恆生科指ETF（3067）

------------------------------------------------

Q21143：

本人現57歲打算退休, 自住樓已供完. 手持現金150萬, 另強積94萬及年金约$100萬(65歲可提取)。

是否建議加按再買一層收租,
還是把現金先增值?

有興趣上堂但有沒有星期六或日上午或下午時間呢?

龔成老師：

加按原理是增加負債，雖然都可以加按後投資收息資產以提高你現金流，但風險始終會增加，對於你退休，唔太建議。

因此，會建議運用現時現金。

你可以考慮將部分現金，投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，亦可考慮將部分，投資銀行的產品，要低風險，有現金流的。

我間中都會開星期六班的，通常一年開1、2次，星期六下午時間。

下次可能在今年年尾。

你或者可以預早留位，只要whatsapp 55457212我同事，打「留位星期六班」就得。我地有具體資料就會 whatsapp。

------------------------------------------------

Q21144：

龔sir，我一直睇開你facebook和書，財務自由行、80後的百萬富翁、致富藍圖等，我想建立被動收入（用股票當資產）

我30歲有一份固定職業，工資2萬7 /月(加上兼職)，計劃下年結婚生小孩，看完你的財務自由行書中提到的5條路，只可惜我沒有資產， 沒有專長，沒有生意頭腦，更不懂做生意，建立團隊成為資產什么的太困難

沒有方向，只有一份正職，但很想創造被動收入，想走出財務”死胡同”，所以全心投放資金在股票上，期望可以通過優質股達到被動收入。

我買的股票大部份衣據龔SIR你介紹的，另外借屋企人錢一齊投資股票，因為屋企人快退休，所以將他們的錢(分開戶口)，用來買收息股(約25萬)保值，自己的錢90%用來投資潛力股(30萬)

幫屋企人買的股票：
買入價
@24.4 盈富2800 2,000股
@7.75 港燈2638 3,000
@6.76 中生物1177 3,000
@14.3 藍月亮6993 2,000
@117.5 平安好醫生1833 100
@28.26 Gx恆生高息率3110 500
@55.9 2158醫渡 200
@6.98 0778置富 3,000
@13.38 0270粵海 2,000
@250 9988阿里巴巴 100
@148 6618京東健康 100

自己的股：
@23.85 盈富 1,000股
@4.73 中信 3,000
@4.48 中銀3988 5,000
@4.9 工商1398 3,000
@22.5 小米1810 800
@14.2 藝龍0780 1,200
@33 金沙1928 800
@21.5 農夫9633 200
@25.7 比亞迪電子0285 1,000
@9 和鉑醫藥2142 2,000
@5.05 澳能1183 2,000
@60.8 領展0823 200
@115.5 中國電車2845 100

另有美股：
US raas 容聯雲
US baba 阿里巴巴

我買的股票較少和分散，原本想分散投資，想問下
1.現時自己和屋企人手持的股票佔的比例合理嗎？繼續持有？
2. 自己和屋企人手持的那些股票可以不要或增加的？
3.會結婚生小孩計劃，每月要存款多少？現時將儲蓄放晒股票上合適嗎？要重新分配還是要將錢套現買物業比較好？

唔該龔sir！！

龔成老師：

如果你沒有專長，努力打工，儲蓄，並利用投資，令財富穩步增值，這是最好的方法。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

要留意一點，家人的風險承承程度不及你，你要盡量低風險，同時留有一定的現金。

所以，新經濟股、新股，其實都唔太適合，1177、6993、1833、2158、9988、6618，都不太適合。

至於你自己，方向都可以，和鉑醫藥（2142）要注意風險，唔建議太大注。

澳能建設（1183）以過往的業務來睇，只是中等，業務發展不算強，整體不差但又未算好好。

佢最近宣布，同德國創新科技企業Ｕｂｉｔｒｉｃｉｔｙ達成戰略合作，於大灣區拓展大灣區開發、製造及分銷電動汽車充電業務。

睇翻澳能果邊，主席表示，目標係兩年內在港澳大灣區安裝500至1000個充電裝置。

企業發展力都有，但早前股價其實有點超前反映。就算近期回落，這刻投資值博率未算高，如睇好，小小注好了。

至於你會計劃生小朋友，當然要留更多的現金，你可以預計一下，每月家庭的基本開支，然後預計要6個月支出的現金，就較穩健。

------------------------------------------------

Q21145：

呀Sir，我有10萬定期，10萬港股，包括9988，242@2、285，54@2，美股2萬，有3隻都係各2手，8萬現金左右係手，我有以下問題：

25歲，想3年內買樓，呀Sir你買嘅股票入面1810、1830、1177、1448，你覺得邊隻可以比較快完成我目標

另外你覺得我要溝一手285嗎？

因為我覺得自己買入價有啲貴，定係買完呀Sir你推薦股票後留番跌市再買入其他股票或者到時溝手頭上股票
唔該呀sir

龔成老師：

中生（1177）及小米（1810）潛力度都不差，但投資往往要長期先有回報，所以3年是否有收成，未知，加上這兩股現價都唔平，要注意風險，同控制注碼。另外，過度集中都是有風險的。

至於比亞迪電子（0285）去翻$40以下可加。

我地決定加注與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

所以，你應該建立一個長遠組合的方法，然後選股及衡量平貴，建立長期組合。而你唔應該全部集中在潛力股類。

------------------------------------------------

Q21146：

老師 我又要煩你了
如果買國內樓

距離肇慶高鐵站
5-8分鐘車程 《寶能城》一個126平方米單位 105萬人民幣 （有配套辦公大樓/商圈）

但係《時代年華》距離肇慶高鐵站15-20分鐘車程 一個73平方米+一個97平方米 共2個單位 138萬（只有配套商圈）

如果買黎投資等升值 係唔係2個細單位會比1個大單位好呢？

龔成老師：

我唔太認識當區，但如果近高鐵站，我相信都有一定的價值。

其實，幾個個單位不是關鍵因素，最重要是該物業本身的質素，長遠發展力，以及租金回報率。

你要先自行預期，該物業長期的租金回報率。

如果（1）每月回報為$4000

而（2）的兩個單租金回報為$1500+$1500。

你當然要選擇（1）。

因此，你要計算租金回報率等客觀因素怎樣。

------------------------------------------------

Q21147：

龔sir, 我19年問完你意見之後，格左兩三個月後就開始左月供股票， 而家我地屋企可以月儲1萬， 有月供6千比亞迪，盈富，巴巴，各2千， 4千儲cash 。

但比亞迪最貴果時我無停供， 而家跌到咁低，好似就快拉到平均價同市場價差唔多咁， 我洗唔洗停供比亞迪？ 而巴巴我好驚佢無前景，又停唔停供好？

而3067，又唔可以月供，咁我係咪應該扣d月供股價既錢出黎，每月自己買？

另外我真心多謝你比到個希望我地，完來我地呢d 低層都有機會可以財富增值，月供真係好岩我地，我地好似命中註定銀行儲唔到錢咁，儲到小小錢，又有野要用錢

所以月供左，d錢去左第二到，令戶口低結餘，可以破解縮命！多謝你！！龔sir

龔成老師：

比亞迪（1211）你停一停先，去翻$150先開始翻月供，咁樣會較好。

原有貨，就可以長線。

至於盈富（2800）及阿里（9988）其實可以長期月供，阿里（9988）將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

又以佢的螞蟻貸款業務來講，這部分是一些網上的小型貸款業務，增長快，但監管並不如銀行般緊，因此，中央會有更多的監管針對這部分，影響了賺錢能力。

整體上，阿里，長遠仍是有發展，賺錢能力雖然有少少減，但長遠會同政府同意一些監管方法，以及找到合理的賺錢模式，你預阿里現價約在合理區中上部，這股可長線。不過，中短期會波動。

如果有貨，可持有，至於月供，只要金額不過多，無問題的。

至於3067，你只要每2個月，買入1、2手就得。原理都會類似月供的，長期進行。

你要保持長期月供上述的股，當然，都是同時留翻一定的現金，你長遠都可以累積到一定的財富，加油！

------------------------------------------------

Q21148：

你好！老師。請問2878有投資價值嗎？

另外8328，老師你點睇？

龔成老師：

晶門半導體（2878）係一間無晶圓廠半導體公司，主要從事設計、開發及銷售專有集成電路晶片產品及系統解決方案業務。

佢的產品及方案可供應用於智能手機、平板電腦、電視╱顯示器、筆記本電腦以及其他智能產品。

雖然都有一定的生意，但多年來都出現虧損，到近年才算好轉少少。

這企業質素只是一般般，唯一的賣點是現價唔貴，如果可承受風險，這類股不是不能小注，但如果是穩健型，就不應投資這股。

信義儲電（8328）由信義玻璃（0868）分拆上市，主要在香港從事汽車玻璃的銷售、安裝及維修。

佢於中國內地生產及銷售鋰電池產品、電池包、儲能系統，以及提供合約加工服務。

這企業長遠發展正面，有潛力，但要留意業務較波動，同時現價貴，如想投資，小注好了。

------------------------------------------------

Q21149：

我想問投資長期，其實用咩概念去買比較好，睇股價價定公司前景？

龔成老師：

我地買股票就是買入一間公司，所以分析點要從分析公司的角度出發。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入分析，基本上要好仔細的研究企業，要分析好多財務數據用比率，先至有較完整的答案。

我地投資時，會先考慮企業的質素，之後再考慮平貴。

------------------------------------------------

Q21150：

龔成老師，兩年前你比我的建議是好的。奈何身體有點毛病，要用錢，所以手上已經沒有了股票

也無積蓄了

份工因為疫情減人工，無了兩成，得返2萬5左右，所以已經無閒錢了

都不知點生活落去，到底好唔好加長年期去供樓？這樣可以有點資金去做返月供股價了

但現在，都接近3萬的恒指，是否都合再開始供股？

龔成老師：

如果你這情況，不過儲現金先，增加你的防守力，至於投資，暫時就唔好太急。

希望等疫情過去，經濟好轉後，你人工增加翻，可以有更多資金剩，之後先投資。所以暫時唔太建議你改變按揭部分，反而等多1、2年，再睇情況先決定。

加上現時大市又不是特別平，暫時不用行這一步。

------------------------------------------------

Q21151：

Kung sir, 想請教本人現擁有新界西某屋苑一個2房單位，早3年前買入，到現在沒有升跌。

小朋友快2歲，我和太太希望換市區樓，方便小朋友番學，但現擁有既樓按係本人太太，我做擔保，太太現在沒有工作。想請問我們是否應先成功放售現在單位後才用我名買入呢？

因為如果未賣出，我做唔到按揭，但聽聞樓市會有小陽春，如果我賣了，但又未及時買入，變相我成本會增加了，假設樓市升的話。

另外想請教king sir, 如何我想買市區2房，租比人，自己另外租一間3房，想請教kung sir 認為1000萬樓下有咩區會比較有投資價值，同時日後自己住番都係一個好選擇，

很亂，請kung sir 指教

龔成老師：

我先講香港樓市情況，中短期會有少少上落（但不會大跌），長遠會向上。

首先要睇經濟基本面，如果經濟持續地差，失業率上升，樓市終會向下，這會對樓市有中期性的影響，不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。

在長遠計，我仍相信樓市在長遠計，因供求關係，仍是向上多。因為現時香港買樓的需求仍大，而長期供應不足，加上政府往後施政只會更加困難，好多所謂的大計劃都未必能夠實行，又或最後規模細左。

另一方面，需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。

長遠計，租金及樓價會平穩，有少少向上，但不是倍升，不會好似過往般倍升，而是平穩向上。

至於你的情況，由於較難在未賣出的情況下你買到第二層樓，因此，你先賣出現時物業，是較為穩陣的做法。

只要你賣出及買入，中間的時間差不要太大，就無問題，不用太擔心，你在賣樓過程，都已經可以開始睇樓。

至於你話投資物業出租，可考處堅尼地城、大圍，都是地點不差，出租易，以及長遠正面的地區，你可以考慮，但如果你日後都有自住的可能性，都要考慮自己是否方便的因素。

------------------------------------------------

Q21152：

老師，我係投資初哥，每月大約有一萬儲蓄可以投資
最近買左老師本股票勝經睇
然後打算係恆生銀行做月供股票

$2000煤氣公司
$3000領展

請問呢個組合好嗎？

龔成老師：

要睇你的年齡及風險承受程度，上述兩股，都適合投資初階者的，你可以開始進行月供。

上述兩股都是有質素，可以長期月供的，但增長力就不算好強，整體來說，適合中年、年長的人士。

如果你較年輕，可以等你有較多財務知識後，加入一些潛力股。

------------------------------------------------

Q21153：

龔sir 你好，多謝阿sir你既《股票勝經》& 《年報勝經》，真係令我對股票賺錢有左唔同既諗法。我現時是大學Final Year 有三樣野想問阿sir：

1. 我現時有2手388，想問下好唔好放左1手388轉買1830？有1手388所係幾年前 $36X既時候買；另1手係上年 $2XX既時候買。

之前見你係網度介紹1830，所以當係功課，用《年報勝經》既方法去睇三年年報，發覺1830真係好掂，而且見佢仲打算擴大全球業務

我驚之後冇得係$4-5啲位去買番，唔想走左個機會，但依家唔夠錢，所以諗緊好唔好放左1手388換2手1830？

2. 除左生活選股法，仲有冇其他方法可以好似你搵到甘多潛力股？

3. 聽左你講月供股票，覺得你講得好有道理，但唔想比銀行賺甘多手續費，所以想問，之後出嚟做野買股票，係學番自己依幾年甘蓄夠1手甘去買，定還是都係月供股票好？

龔成老師：

1）買入價並不是分析的重點，最重要是你想設計一個怎樣的財富組合，當中要有質素，要平衡的。

港交所（0388）有質素，但如果你持有%好多，就可以考慮轉少少到必瘦站（1830），兩隻都有質素的。

不過必瘦站現價又唔平，如果你完全無貨，不如買入少少先，之後等跌先正式買入。

2）其實我股票班會教5種選股方法，生活選股法只是其中一種，另外仲有如篩選3步曲，教你由全港2000間上市公司，一步步選出一些優質股，往往是市場未發掘到的。

3）月供股票的好處，就是平均買入價，減少一次過在高位買入的風險。

但如果你本身有一定的投資知識，能把握買賣時機及企業估值，就不用進行月供。

------------------------------------------------

Q21154：

龔 sir，見近期市況不穩，我調整左投資組合，想請教一下：

現持有 9988 (1000股@$236)，728 (60000股@$2.66)，941 (1000 股@ $51)，700 (100股@ $630)，1299 (1000股@ $100)，2845 (1000股@$128)，2628 (10000股@ $17.5)

還持有現金約 200 萬，本人32歲，已婚，有 1 個小朋友，兩人月入共約 8 萬，供樓佔 2.2 萬

想打算中長線持有中移動，想問現價是否合理，還是再等股價回落 50以下?

龔成老師：

現時持有的，都是有質素的股票，基本上都有平衡配置的效果，無太大問題，不過電訊股持有的2隻，都是增長力唔算強的，算是收息股，以你的年齡32歲，可以唔需要太保守，原有貨持有就得，之後不用再加注。

中移動（0941）其實質素的，5G雖然對佢有正面影響，不過，中國政府希望相關費用不會太貴，令資訊流通更好便利，所以，對佢的賺錢能力方面，未必能帶來突破性的增長。

可視佢為收息股，增長力不算強，這股有長線投資價值。現價合理。除非去到$50甚至更低，否則，你不用加注。

反而你可考慮其他平穩增長股及潛力股。

------------------------------------------------

Q21155：

老師你好
想問下 我有幾手3690
買入價$322

現階段點睇美團？
應該再溝貨？定係做對沖？

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可太跌。

只可以話，潛力是有的，現價唔算平，之前明顯貴，之後回翻好少少，大約合理區頂至略貴，不過，一定不能大注。

你原有貨可持有，如果持貨不過多，可以等再跌多1成以上，考慮加少少。

------------------------------------------------

Q21156：

想問下，收息用，1883優質嗎
對比6823和941，邊隻好d
Thanks

龔成老師：

3隻都是不差的收息股，中信國際電訊（1883）業務穩定，整體質素算是不差，過往股價的波動亦不大。佢近年的生意都保持穩定，盈利亦是一樣，相信市場結構令佢處於一個穩定賺錢的狀態，不過，增長力就不強。

盈利就穩定並平穩增長，但始終生意無上升，點都會有扣分的地方。

相信佢能平穩發展，收息可以，但就不要對股價有太大期望。

佢股息率比另外兩隻高，不過就不建議太大注。

如果穩健度，就香港電訊（6823）較高。

------------------------------------------------

Q21157：

剛剛買了謝謝

謝謝回覆
我而家33歲
我其實想砌一個
5m 左右長倉

我有800k 煤氣 average $11.8

200k 領展 $69.7

3319 暫時得 1750股 at 33.35

最大問題係之前知識不足
做錯投資

我存有以下股票
50000股 1475 @7.4
800股9988 @260
100股700 @ 680
100 股3606 @ 53
12000股 1337 @ 2.54

以上股票我應否換馬

十分感謝你回覆

我知道自己之前將trade 同investment 混淆左

而家知自己想要咩
以我年紀
30% 保守
70% （穩健増長和潛力）

謝謝你

龔成老師：

保持閱讀，保持進步。

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

你現時33歲，財富有一定的增長力，可投資平穩增長股+潛力股。

煤氣（0003）雖然有質素，但增長力唔算好強，所以不應佔你組合比例太多。

領展（0823）這股適合你，但你都要注意，同一隻股票不應佔比太多。

至於你其他持股，都有質素的，只要控制好比例配置就無問題。其實唔需要轉，只要設計好組合比例。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

所以，你33歲，可以投資「平穩增長股」+「潛力股」作核心。

------------------------------------------------

Q21158：

龔老師，投資車位係咪睇未來既汽車既增加？

龔成老師，

這只是其中一個因素，並不是核心因素，因為車位最重要是方便，你想想，如果你是車主，如果迫車後返屋企的路要行30分鐘，不如不用車。

所以當我地分析需求時，往往會集中在當區，甚至更短距離的位置。

例如研究該屋苑的單位與車位比例，附近地區的比例，以及當區居民是否有車，收入情況等。

------------------------------------------------

Q21159：

龔sir, 想請教下而家經濟情況好壞嘅分析

而家失業率創十幾年新高，但恒指又未去到你講24000點先算平，股市內見啲人仲係等好價就想買

同第四堂文字版形容2003-2005年當時情況唔一致(當時失業率高，股市同樣成交平淡

2邊情況係一致)所以我要點諗而家究竟係經濟好定唔好呢？

龔成老師：

其實股市會行先過經濟的，所以，你唔單止用這刻的情況分析，同時要分析之後的經濟情況。

同時，每次的危機不同，我地唔能夠完全套用過去的經濟股市情況。

簡單來講，經濟會因疫苗及全球疫情受控，而慢慢好轉，即是，已經過了最差的時候，所以股市已經較難大跌，如果持貨不足，都要分注買翻D優質股在手，當然，不是大手時機。

------------------------------------------------

Q21160：

我與老婆收入約$4萬，供樓$1.4萬，加其他開支月儲約$1萬，現時持有:

823 300股@$70 = $21000
1038 500股@$45.8 = $22900
3067 1000股@18= $18000
餘下現金$7萬

請問組合可以嗎?

將來打算每月入100股3067，每兩個月入100股823，每半年入1手1038，另找機會於$37入1928，$40入66，$22入1972或$30蚊入12，選1隻每半年買入一次，務求令持股各佔20%，股票及現金比例在80:20

希望10年後股票過300萬，股息每年可收$10萬以上，不知計劃是否可行?

此外，路勁1098是否潛力股?高息率及低pe，低pe會否在日後因其轉型為地產股而大幅上升呢?

龔成老師：

你現時的組合，無問題，都是有質素的，你長線持有就得，但你只持有3股，其實會較為集中，所以，長遠最好加入其他優質股，建立一個更平衡的組合。

至於你打算買入的股票及方向，可以。但現金在現時的市況平貴，建議由2成上升至3成。

整本上，大方向正確，你可以進行，但如果要$300萬，其實宜投資翻多少少有增長力的股，1038、1972、1928增長力都只是中等，並不強，你要同時找一些較有增長力，或者提高3067的買入金額。

路勁（1098）佢的業務，包括左發展地產、收費公路、投資管理等。近年，發展地產已經成為左佢的主要業務。

佢業務不差，增長快，基本上都有質素，但負債有點多，加上規模不算大，這就會成為風險。長遠的投資價值有，但就唔建議太大注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

｜猜波｜2021-05-23 直播 英超煞科 KK食尾糊｜贏跑賽馬台｜ft. 主持：鄒凱光、KK、Brian

節目預告 : 英超煞科 要睇《猜波》
開始時間：5/23（日）晚上10:45直播
今集焦點：英超煞科日

全新節目《猜波》，有灘叔啲料一定足。猜波內戰，Pro隊先勝一仗，今集《猜波》英超煞科日要發神威，大家記住加持！加埋有專家東瀛流比心水，有咩理由錯過？我哋晚上10點45分開live，一邊傾、一邊玩、一邊講波，但求笑住贏！主持灘叔、KK、「拜燈」Brian邀請各位觀眾send段短片比我哋，比出星期日晚嘅球賽心水（特別係英超！），一齊互動估波仔！

主持：鄒凱光、KK、Brian
Youtube 頻道名稱：《贏跑賽馬台》
https://youtube.com/channel/UCSuzEzGo0zIK0wcpr8j46QQ

#鄒凱光 #灘叔 #KK #拜燈 #東瀛流
#英超 #煞科
#灘K仁vs飛康馬
#內戰推介撐阿流
#飛康馬敢唔敢接受挑戰
#睇下邊個淆底先