#自製旅行感 #天水圍一日遊 #睇古積認識生態
為咗帶D新鮮感比Alfred，所以媽咪我就決定自製旅行感，嚟一個香港本地遊‼️今次我哋主要去天水圍，特製咗一個「天水圍一日遊」。睇古蹟🏯，認識生態，而且大多數嘅景點都係喺西鐵同輕鐵站附近，非常適合親子遊🥰，行程大約如下：
1️⃣ 天盛商場（食早餐）
估唔到呢度嘅天盛商場係連埋街市一齊嘅，購物食嘢都非常方便👍🏻。我哋喺商場食完早餐，就落去街市買小小水果，呢個場嘅嘢價廉物美，而且乾淨好行。最驚喜係，仲有間賣金魚嘅店舖🐠🐢，我同Alfred都睇咗好耐。
2️⃣ 屏山天水圍文化康樂大樓
啱啱同佢食飽，所以就同佢搵附近有咩地方HEA下…媽咪我慣性會同佢去圖書館📚，一嚟免費，二嚟又可以培養佢閱讀嘅習慣🤓。上網見到附近屏山天水圍文化康樂大樓有圖書館，而且一search 之下，原來呢個屏山天水圍文化康樂大樓係香港建築師學會頒授2011年年度全年境內建築大獎，更獲得「亞洲最具影響力設計獎2014」優秀設計獎呀🏆！唔怪得佢嘅外觀同其他康樂大樓咁與別不同啦，原來大有來頭🤩！！
3️⃣ 聚星樓
喺屏山天水圍文化康樂大樓大約5分鐘嘅路程，有個超過六百年歷史同 #香港現存唯一嘅古塔，名叫「聚星樓」，而且更被列為香港法定古蹟添👍🏻！（最近好鍾意同Alfred搵下啲古蹟）。一場嚟到，當然要影相打卡啦📸！
4️⃣ 天水圍公園
快閃影完相同打完卡，我地就去咗天水圍公園！呢度有好多唔同設施，包括大型人工湖、噴泉廣場⛲️、仲有條雕塑廊可以欣賞唔同嘅雕🗿像。咁大個公園，小朋友可以盡情放電⚡️！
由 #即日至12月20日 期間嚟天水圍仲可以去領展五大天水圍商場影相打卡添! T Town、天澤商場、天耀廣場、天盛商場、天瑞商場，以「愛在天水圍」為主題，設計十三個眼袋女孩場景打卡位，將藝術融入社區，打卡之餘記得去商場服務台拎返本「#探索尋寶圖」呀！而我哋就咁樣就自製咗一日《天水圍港人假日休閒玩樂好去處》啦🥰！
最後，溫馨提示：
🙏🏻請記得勤手洗/搓手，勿摸眼、口、鼻。
#愛在天水圍 #天盛商場 #天水圍一日遊 #天水圍好去處 #聚星樓 #屏山天水圍文化康樂大樓 #boxingpromotionshk
睇古積認識生態 在 虎地坳生態文化古蹟簡介(1) - YouTube 的推薦與評價
... 認識 村內不同人士，並了解村落昔日的面貌和故事， ... Doris帶你睇上水虎地坳村故事館市集+工作坊一日遊| #紀元香港 ... ... <看更多>