[誰是歐洲表現最好股市?]美股就有Nasdaq 一支獨秀,亞洲就有上證300(近期冇乜力),咁歐洲呢?
WSJ原文:Nasdaq Indexes Lead Way on Both Sides of Atlantic(https://on.wsj.com/3ftUccF),其實題目有少少提示
TLDR:內文開估。個國家你一定聽過,唔係搵啲咩安道爾之類去玩你。但都未必咁易估。就算你估到,都唔會估到點解升。
話時話,呢排記得keep 住like and share,主動入嚟睇,同埋設定做see first.真係搵食艱難。但感激大家,Keep住做,呢排啲Reach係好返好多的,但唔好鬆懈。一個都不能少呀
1. 歐洲近50個國家(睇你點定義),幾個股市,邊個表現最好?雖則唔係好偏門嘅地方,但你應該估唔到。
2. 英國?痴線啦,戀英戀到你傻左。底下FTSE100咪英國!表現極差。
3. 德國?紅色線咪德國!其實德國都唔錯,都估唔到。之前寫過德國冇Big Tech,DAX長期估值低殘(https://fbook.cc/3DO2)(https://fbook.cc/3DO3)。但今年呢?相對地唔差。唔好同Nasdaq比,但跑贏大多數歐洲股市。見唔見紅線?DAX一度收復全年失地的,有機會再寫。
4. 但德國都唔係最勁。歐洲最強股市係邊個?答案係丹麥。估唔到吧。17個歐洲主要股市,年初至今,全部要跌。丹麥?年初至今升13%,贏到開巷。
5. 小小丹麥,有乜上市公司?都唔少(香港都一大抽啦,即使你唔計大陸公司)。有啲亦係人人都識嘅。包括可能係世界上最多人講嘅嘉士伯(Carlsberg),A.P. Møller – Mærsk(馬士基),Danske Bank,以及港女至愛 Pandora,同埋之前寫過嘅 Bang & Olufsen B&O,揩卡士嘢,但仲邊有人買?
6. 呢間公司有乜特色?似乎都係多災多難(但今年有乜公司唔係?)。Danske Bank就捲入洗黑錢醜聞(其實幾間北歐銀行都係,等你以為北歐人好廉潔,正如你以為德國人唔會造假。),當然要跌。
7. 馬士基呢?估你都估到,做船務,唔死算執到(但好過做飛機)。當然又係跌
8. 嘉士伯呢?疫情飲多咗啤酒?利物浦拎英超沖喜?唔係噃,表現唔係太好,一樣都要跌。
9. 反而係你估唔到嘅港女至愛Pandora,能人所不能。年頭到而家差不多升四成!傻的嗎?冇細睇,可能冇錢洗買平啲。但,「我一早都叫LV應該買 Pandora」(https://bit.ly/3fpNm87)
10. 仲有,B&O,舊年都寫過(https://fbook.cc/3DNz),舊年丹麥股市好勁,升三成,但B&O就插七成!今年冇咁差,但已經得返十幾億市值(丹麥克郎同港紙差不多價),同阿信屋差唔多(真架!)。討論都浪費時間。事實B&O亦係呢堆公司中,唯一一間唔在指數入面,一早踢走咗。
11. 咁,升乜?答案就係,升一啲你都唔識嘅公司。可能你識,但我唔識。Novo Nordisk, Genmab,Coloplast,全部都唔識。咩公司?health-care 。 Novo Nordisk 做胰島素。Coloplast做尿袋—唔係電,真尿袋。造口護理、泌尿科及失禁護理。原來香港有寫字樓。Genmab做抗體,治癌症。以上當然係我Google 先知。你係行內人,一定知得多過我。你估我乜都識咩
12. 咁,其實好合理,你見香港啲醫藥股呀生物科技股都升到七彩的。不過就只係諗起丹麥,只係諗起嘉士伯 B&O Pandora 馬士基咯。而醫藥公司,往往係冇咁出名嘅,即使最大嘅藥廠,知度度都不及好普通嘅薯片朱古力牌子。但知名度不等於股價。
13. 另一樣嘢,Novo Nordisk, Genmab,Coloplast呢三間公司,雖則我完全唔識(喂,唔識就要認架啦),但原來好大的的。Novo Nordisk 8000億市值,Coloplast2000億,Genmab 都1500億。港紙啦。即係幾大?咁比較下,Pandora升咗咁多先800億,嘉士伯亦唔過1500億,馬士基都係咁上下。
14. 呢三間health-care公司,早早就大過晒啲舊經濟股。情況其實同Nasdaq差不多。FAAMG,因為不停升,而家佔納指40%比重—你以為好誇張?丹麥呢三寶,就佔咗個指數一半市值。
15. 教訓?冇乜。純粹就係,原來有啲公司好大,我都唔識,仲係停留在咩馬士基嘉士伯嘅年代。仲有,股市,就梗係同咩「實體經濟」冇乜關係。丹麥經濟好好咩?唔覺。但就係因為個股市有三隻health-care公司,就夠佢跑贏晒。個指數,同咩Danske Bank B&O 死唔死,實在冇乜關係。
16. 呢篇其實我好滿意,夠晒有教育意義,你應該極少會見到有第個寫。呢篇文亦係你有機會在收費專欄見到嘅嘢,之前冇訂開嘅畀你當sample,當然如果想我寫返貼市啲港股美股亦得。好簡單,收費科水嘅讀者就係顧客,是對的,我盡量滿足。免費讀者,就當然冇咁優先。
17. 當然收費專欄我唔會寫咁長。以往多數係一星期三篇,每篇千幾字—呢篇都係千幾字,但我一篇會寫幾個故事的。
18. 會開Patreon,大家就冇藉口話唔安全呀唔放心呀呢樣嗰樣了。我期望個訂閱數字冇可能少過以前架下。因為其實平咗畀你,而肯定方便咗。你會收到email,甚至在app set alert都得。
————————————————————————————————
最新收費影片:第一次推介跑贏大市,同你回顧檢討下。仲有新推介。40分鐘,都係賣返$80
簡介及以前嘅片(未睇可訂):https://bit.ly/3iYMD0F
報名嘅,課程編號CC006:https://bit.ly/3eXVX1K
報完名交咗錢,呢度log in:https://bit.ly/3gYXu9e
之後按最頂「按此觀看」就得
仲搞唔掂嘅,睇埋下面,或者搵客服,或者PM我。
-------------------------------------------------------------------------------
【最新李聲揚收費影片】題目: 回顧第一段專欄片有幾勁!今段落多幾個Number賺死你!40分鐘,都係賣返$80
影片/課程編號:CC006
播放平台:https://homebloggerhk.com/web-class-player/
付款及收看步驟:
1/點擊報名收看 [影片/課程編號:CC006]
2/利用信用卡網上付款
3/及後有登入資料可以立即收看
查詢:whatsapp 63832145
同時也有1部Youtube影片,追蹤數超過1萬的網紅Ching Lee's Art 畫畫、手繪、DIY手作、教學日常,也在其Youtube影片中提到,水彩教學・手繪水彩・小清新・花卉小卡片・手帳・裝飾【花卉 ポストカード】手帳 描いてみた { Ching Lee's Art } 水彩手繪用具 : 1) 水彩畫紙 2) 水彩筆 3) 水彩顏料 4) 水 5) 毛巾 今次同大家分享一個{水彩入門}的影片,比較易做,希望大家都試吓,可用在手帳...
「睇樓紙sample」的推薦目錄:
睇樓紙sample 在 辦公室日報 Facebook 的最佳解答
大家咁熟,唔使上文提要啦!如果冇睇《我朋友去咗佢姐夫公司做臥底》頭兩集,可以loop前少少睇返。
好喇,唔阻大家,開場!
======
見到女同事喺後樓梯喊真係好電視劇情節,但又真實咁出現喺我眼前,加上冇心理準備會有呢啲畫面,所以我當時好廢咁講咗一句:
「你冇事吖嘛!」
Candy冇直接答我,只係擰頭,然後我都唔知再講咩,想畀紙巾佢,剿下褲袋,唉~~男仔真係唔會袋紙巾,乜都唔理繼續行落樓下辦房又好無情,不過大家唔係識咗好耐,佢未必肯同我講,終於硬住頭皮再問一句:
「係咪有咩事呀?唔怕講喎,睇下有咩幫到你。」
Candy擦住眼淚講:「我冇事,唔好意思。」跟住就行返入去office。
雖然唔知咩事,但我的確對Candy心生憐憫,仲多咗留意佢,一直盤算緊係工作上嘅挫折定係同男朋友鬧交,好想知道個答案,我都分唔清係想幫姐夫查嘢定係滿足自己嘅好奇心。
其實喺呢間公司做嘢真係唔多聚財,姐夫基本上唔會同下面有咩接觸,只有幾個department head每日定時定候入房同佢報告工作,咁都好難怪嘅,姐夫一行出嚟,個個同事都會唔同晒,傾緊計會停,上網睇緊其他嘢會轉返去公司system嘅版面,仲會不其然咁坐直晒,有啲人準備去pantry斟水都扮晒嘢搵同事問呢樣問嗰樣,總之就唔想同佢哋老闆有eye contact或者埋身接觸。
仲有一個好奇怪嘅現象,嗱,工作對外時有人留難你好正常吖,始終唔同公司各為其主,但係你喺自己公司都一樣有人留難你㗎喎,同每個department交接啲嘢都唔係好順利,同事與同事之間唔係好友善,大嘢未到我去跟,冇資格評論,就講單細嘢先吖,每個星期claim車錢啫,早咗拎啲單畀Admin個八婆又話我太早,遲比又話太遲,朝早比又話忙緊,下晝比又話阻住佢收工,總之勞煩到佢做嘢就要睇佢面色,不過呢樣係你份內事,我係一定要比你㗎喎,其他部門都係一樣,總之個個唔想做,pass啲嘢過去就當你殺父仇人,喂,大家都係做嘢啫,我做contract base臥底都盡本份啦,你哋full time嚟㗎,專業啲好冇?
大家對外已經咁受氣,點解自己同事之間唔可以多啲體諒同埋寬容呢?係咪心理唔平衡?
因為對Admin條八婆已經本能性地反感,呢一日佢仲走去我隔離位寸Candy,或者以一個臥底身份嚟講,我應該忍下,可惜我勒唔住做咗炸兩。
呢日朝早11點左右,條八婆行去Candy度講咗句:「你又化妝呀!係咪未有男朋友呀?」
Candy都好愕然,唔知點比反應,我忍唔住搭嘴:「我哋做sales要出去見客㗎喎!」
Admin八婆:「係啫,你哋都唔使日日出去見客,但Candy日日化妝喎,仲唔係想搵男朋友?」
我:「咩邏輯?你夜晚有兼職㗎?你從來化妝都只係為咗比男人睇?」
成班同事望住我呆晒,包括Admin條八婆都露出不可思議嘅表情,我知我係因為身份問題先夠膽咁講,佢哋當然唔知啦!最尷尬嘅時候,竟然係肥仔風打圓場:「後生女係鍾意化妝㗎喇,我表妹中學都成日化妝,哈哈,生日禮物仲叫我買枝L'Arc-en-Ciel畀佢。」
Daniel都走埋嚟幫手解圍:「咩L'Arc-en-Ciel?Band嚟㗎喎!」
肥仔風:「咩L-O-C-C,唔知咩......」
Daniel:「L’Occitane,唔係讀L'Arc-en-Ciel呀!」
Admin條八婆喺Daniel同肥仔風一人一句嘅時候黑面走咗,然後佢兩個都分別同我講:「傻㗎你!得罪阿Win(Admin條八婆),你冇好日子過㗎!」
哈!冇好日子過?我返3個月㗎啫,有咩事你睇下姐夫炒咗個Admin定係同家姐離婚囉!
Candy私人WhatsApp我講:「唔該晒,不過下次唔好駁阿Win喇。」
唔知點解收到Candy嘅msg真係好開心,等到Daniel行開咗,我就覆返佢:「冇事,唔驚,今日下晝我要同Daniel見客,不如聽日一齊食lunch吖。」
Candy:「聽日約咗附近返工啲friend食,下星期一好唔好?」
我:「好呀,一於咁話!」希望到時可以問清楚Candy早前為咩喊啦!
Admin單嘢,Daniel雖然出手解圍,但我完全唔感激,因為呢條友真係好假,正宗雙面人,下晝我同佢出去見客,撞正「和你Lunch」,Daniel話:「幾時先捉晒呢班仆街?返工唔好搞咁多嘢啦!你睇下對面戴豬咀條友,係撚呢頭返工咩,根本就係學生,又出嚟搏亂搞事!」
同佢拗咗幾句之後,我問:「你知唔知我哋老細黃定藍?」我梗係知姐夫深黃啦,想chok下條友知唔知啫!
Daniel:「老細黃㗎!次次都罷工,我打份工有得放假唔通唔放呀?你哋咪遊行囉,我約朋友打牌話之你!」
因為個客就喺前兩條街,好快就行到,上到去先知個客未返,等咗幾分鐘先出現,個客一入房就同我哋講:「唔好意思,頭先成班同事『和你lunch』,遲咗返嚟,你哋有冇去呀?」
Daniel呢個唔要面嘅仆街竟然答:「有呀!721都唔係路,班死差佬,唔出嚟表達訴求點得呀?」
仆你個街,我真係忍唔住:「吓,你頭先唔係咁講喎!」
Daniel怒睥我仲好嚴厲咁講:「叫你拎啲sample呢?拎出嚟啦!」
個客都知我哋唔對路,但佢好識做,同我哋照傾公事,應該係怕我呢啲做細嘅二打六得罪大佬,返去會有排受(後來我都知呢個客好好人)。
總之呢一日我就一炮雙響,上晝得罪Admin條八婆阿Win,下晝輪到Daniel,開始比人玩針對,我應該要調節下心態,因為成日提住自己係臥底,老細係我姐夫,冇用到普通打工仔心態去同人相處,無奈之後再發生一件事,可能我嘅臥底身份已經揚咗......
睇樓紙sample 在 Dr 文科生 Facebook 的最佳解答
【我真係好討厭這種「一代不如一代」的思維】
首先,文科生想先同各位讀者道歉,下以內容你未必會覺得岩聽,亦同醫學完全無關。即使冒著被unlike既風險,我都要講。
我依加直接點名批評「香港眾志」透過不道德的方法去暗示00後政治冷感和對六四的無知。
————————-背景資料———————-
香港眾志最近做咗個街訪去找一些00後的學生並考他們到底認不認識照片中的角色或電影。一開始有一些龍咁威、少林足球、方力申與stephy等照片去測試00後對十幾廿年前電影的認識。結果係有d學生識, 有d唔識咁啦。
之後香港眾志個訪問員攞咗張六四坦克車的照片出來問d學生認唔認得。有d學生以為係戰爭電影、有d就完全唔識咁啦。
之後香港眾志就引申咗個結論係00後新一代都唔認識六四,之後最後有個女學生以「我覺得ok既」回答問題「你覺得咁樣既方式清場岩岩唔岩」
呢段影片引來大量網民批評班學生唔認識六四、一代不如一代、覺得好心寒、上至香港無救、下至00後淨係識食玩訓
————————————————————-
首先我想講,你香港眾志一開始叫人估電影同明星,估到咁上下無啦啦攞張坦克車相出黎,班學生緊係會覺得你仲係問緊邊套電影嫁。
喂,大佬,我試下一開始叫你估電影,跟住瘋狂比Jennifer Lawrence套red sparrow同盜墓者羅拉再加雷庭救兵既劇照你估,你估到咁上下我再攞坦克車相出來,有邊個會咁叻連到條線你原來係想講六四?
六四黎緊你想搞gimmick,想make noise唔係問題,但你咁樣做班學生一野,係咪覺得好光彩?係呀,你係draw到好多attention ,好多媒體爭相去幫你報導,幾千個like,幾千個shares。但係at the expense of呢班咁岩放學經過,無諗過會比你咁樣剪剪貼貼擺上台既學生,咁樣係唔係公道?
成條影片全部都係剪剪貼貼,無人知你當中問過咩問題,有無引導性咁去問或者令班學生咁答。今時今日要twist個impression好容易,媒體只要剪剪貼貼再攞住一兩句sound bite就可以令大眾相信一件事。
就連袁國勇教授既言論都可以比素人父母攞黎spin到抗生素唔應該食,百害而無一利既時候。要spin 影片當中班學生到底有幾難?
一段得十個學生既影片到底代表到d乜嘢,用個咁細既sample size去generalize 00後,你過唔過到個p value同confidence interval?
———————————————————
文科生同時想講,唔知點解亦唔知由幾時開始,香港人變得咁鍾意眨低新一代,60後70後覺得80後90後係廢青,淨係識得投訴買唔到樓,然後依加80後90後就鬧00後淨係識得食玩訓,唔關心個社會。
Oh please,其實問心啦,80後90後又有幾關心個社會?有幾多咪又係每年六四、七一、元旦大遊行,淨坐下,攞住支蠟燭再係Facebook,IG寫篇文打下卡就以為自己已經自動昇華咗去道德高地,entitle去批判人地。
除左呢d重要日子外,呢班道德高地既80後90後又到底做過d乜野?咪又係瘋狂mon住fanfare有咩折扣、Asia miles改制、avios飛倫敦半價、最近有咩平機票、銅鑼灣開左間韓國料理、點樣連埋公眾假期去請最多日假去旅行。
小朋友其實真係一張白紙,佢地到底會成長為一個點樣既人係我地呢班早過佢地出世既人去決定。係你地瘋狂鬧00後廢青,淨係識食玩訓之前,你有無去提供過機會比佢地了解六四呀?大家都知食加下小中學愈後愈變質,討論六四既機會愈黎愈少,咁你點樣去期望當個學生係學校無教既時候都可以好清楚咁了解呀?你不如走去批評埋文商科學生點解唔識愛因斯坦既相對論。
———————————————————
寫寫下又水蛇春,但係我真係好憤怒,我唔明白作為成人,仲要將自己昇華到道德高地既時候,點解可以如此待人嚴責己寬。我自問細個既時候都係食玩訓,有邊個細路唔係食玩訓?正當我地今日成日笑d父母瘋狂谷仔女學十八般武藝、無童年既時候,有班學生因為唔熟識六四又被人鞭屍,呢個係咪合理期望,對佢地公唔公道?
教育新一代人人都有責任,班學生仲係小朋友,你覺得佢地無知的話,你應該去教育佢地,而唔係擺上網出埋樣同佢件校服。你知唔知依加搞到件事咁大,佢返到學校會有幾大的壓力?佢地認識既人又會點樣睇佢地?對佢地心理會有咩影響?依加個個都有玩facebook,你覺得佢地會睇唔到段影片?
文科生我雖然成日鞭自然療法同順勢療法屍,但我從來都係堅持一樣野,最大既責任係散播無知或令市民無知既人。係六四既事件上,最大既責任係我地呢班知道歷史事實既人,我地要做既唔係鞭新一代屍,而係要反省我地係咪做得唔夠,點解新一代對六四的認知咁少。
我們必須時刻提點自己唔好變成在少年時期曾經好討厭的那些老海鮮。青出於藍而勝於藍,新一代無限的可能性是要靠上一代幫忙去培養,點丁力都無出過去提攜下一代的老海鮮其實憑乜嘢係到講「我地果代點點點,依加呢代卻乜乜乜」。
我再重申一次,香港眾志你地今次既做法係唔道德,將學生擺上台去make noise對學生係唔公道。shame on you
Reference
香港眾志Facebook
https://www.facebook.com/demosisto/videos/858956447646512/
另外昔日香港Facebook有一段關於六四的影片非常值得去睇。
https://www.facebook.com/620177918009590/…/2118011571559543兩
https://www.facebook.com/620177918009590/videos/2125427834151250/
————————後記—————————
豬心記者訪問左當時受訪既學生,大家可以睇睇個學生點講
https://www.facebook.com/piggyreporter/posts/975804265929352
睇樓紙sample 在 Ching Lee's Art 畫畫、手繪、DIY手作、教學日常 Youtube 的精選貼文
水彩教學・手繪水彩・小清新・花卉小卡片・手帳・裝飾【花卉 ポストカード】手帳 描いてみた { Ching Lee's Art }
水彩手繪用具 :
1) 水彩畫紙
2) 水彩筆
3) 水彩顏料
4) 水
5) 毛巾
今次同大家分享一個{水彩入門}的影片,比較易做,希望大家都試吓,可用在手帳作裝飾,又可作小卡片,希望大家喜歡。
==================================================
Ching Lee's 其他繪畫教學影片歡迎前往 :
◆水彩畫教學・小清新・手繪水彩花卉・手帳・裝飾 { Ching Lee's Art }
https://www.youtube.com/watch?v=KqoDYoMxWKw
◆手繪,日常,孕婦彩繪,Baby bump painting,可愛風,Ching Lee's Art
https://youtu.be/bnmHTQ7-Nvc
◆木顏色,畫畫教學,夢工廠最新動畫電影《魔髮精靈/Trolls》Ching Lee's Art
https://www.youtube.com/watch?v=ATYr0W65Q7Y
◆如何畫水彩畫?母親節水彩畫教學,水彩花鳥畫 How to draw flowers and bird(Watercolour) [Ching Lee's Art]
https://www.youtube.com/watch?v=tao-bz_rh9g&list=PLbwDa6EDx2iHvNuNRl45JI6YD1GeV1cGU&index=4
++++++++++++++++++++++++++++++++++++++++++++++++++++
想睇多d有關我既繪畫教學及繪畫過程分享,可以去以下地方搵倒我喇~~
我的FACEBOOK連結
http://facebook.com/ching.lees
我的Instagram 連結
https://www.instagram.com/chingnet/
我的活動連結
http://hongkongfineart.com
我的YOUTUBE 頻道
https://goo.gl/ebwuWJ
++++++++++++++++++++++++++++++++++++++++++++++++++++
I will share my art tutorial videos and all about art , If you happy to see this ,please share and subscribe,Thank you for your support . =================================================================
這是我的YouTube channel(Ching Lee's Art ), 我將分享我的藝術視頻教程和所有有關藝術的內容,如果你喜歡我的頻道,請分享和訂閱,謝謝您的支持。
影片推薦|Other Related Videos
--DIY EPOCH美味的奶油鬆餅食品樣品/ EPOCH whipple pancake food sample/EPOCHホイップるこんがりパンケーキDIYセット[NyoNyoTV 妞妞TV]
https://www.youtube.com/watch?v=N64bgQkeCQ8
-- Draw manga cover for schedule book
https://www.youtube.com/watch?v=8JXrUQTSwsg
--Sharing/GoOut 一齊行♥R•O•U あ そ び の 雜貨店♥ 日系文具店 VLOG(GOPRO HERO 5)
https://www.youtube.com/watch?v=acDL3l-8LXY
◆關鍵詞 / Keyword
水彩,手繪卡片,手帳,手帳設計,手帳聖誕,聖誕小物,手帳小物,聖誕曲奇,christmas doodle,聖誕節系列,聖誕節,how to draw ,doodle date, 水彩教學,snowman,手帳小技巧 ,小白 , 畫畫 ,塗鴉,簡筆畫 ,兒童畫, 塑膠彩,丙烯,教學,畫畫,繪畫,繪畫分享,手繪,木顏色,水筆,如何畫,色鉛筆,彩色,色彩,彩鉛教學,繪畫顏料,學生創作、繪畫課程,繪畫示範,美術,木顏色,插畫,線描,動物,繪畫教學,小孩子,油粉彩,油畫棒,畫畫教學,油畫,繪畫教程,畫花,視覺藝術,畫,繪畫過程,木顏色技巧,Acrylic Painting,how to draw,DIY
![post-title](https://i.ytimg.com/vi/jQkwQbbpbE0/hqdefault.jpg)
睇樓紙sample 在 Planto.HK - 不時聽聞有人簽「睇樓紙」後,用伴侶或家人名義 ... 的推薦與評價
不時聽聞有人簽「睇樓紙」後,用伴侶或家人名義「代買」物業,結果被地產經紀追佣金。 到底簽睇樓紙有咩要注意? ... <看更多>
睇樓紙sample 在 新手教學#樓市小白問:乜嘢係睇樓紙?睇樓簽睇樓 ... - YouTube 的推薦與評價
簽咗 睇樓紙 就要畀佣金?乜嘢情況睇樓有機會要畀佣金X2!? 簽咗 睇樓紙 ,隔成年先買同一個單位,上一間代理會唔會追返我佣㗎?! 郭SIR話你知,乜嘢都變得 ... ... <看更多>