#炫窮
今日,係我開左patreon 第十一個月,我賺左十一萬港紙!但呢個唔係重點,重點係:
我呢十一個月以黎,將我所有Patreon 收入,即係呢十一萬捐晒俾「香港自由之書」同埋「傳真社」,前者支援義士、後者尋求真相。
風吹雞蛋殼,財散人安樂,散十一萬嘅感覺,其實好爽😂😂😂
趁我今日千金散盡,我可唔可以講啲關於我自己嘅野?
好多人會講我係一個點樣點樣嘅人,讚也好彈也好,而我好榮幸咁覺得我竟然寫廢文寫到有人朝思暮想,甚至逐字逐句去研究,去想像我係一個點樣嘅人。由細到大,我以為只有紅樓夢才可以有這種魔力,想不到原來我也創造了一個小世界。
但係一個作者的生平,如果需要假手他人的話,係一種侮辱,所以我有必要寫我的自傳。
我係一個亦正亦邪的角色,正確點來說,我對別人有要求、我也對自己有要求。自己做不出的事,我不會叫人做;而我做得出的事,我會鼓勵大家去做,而我覺得這樣很合理。當然,我做得出的事,不一定是正確的事,但起碼這是我的正確、也是我堅信的正義。
我覺得幾好笑嘅係有人話我紅底、有人話我炫富、有人話我做中資銀行、有人話我係PK、有人話我賤格,有人話我係西人。
咁好啦,我最賤啦好不好。
你諗下,咁賤格嘅人,都捐十一萬出黎,各位狙擊我嘅KOL、每一個討厭我的人,你唔係唔跟呀嘛?人西都捐十一萬,你人格咁高貴,起碼要大我一倍啦下話?拿,我講真嘅,我歡迎任何人黎打我面,你擺低廿二萬入任何一個義士基金,俾張收據PM我,我幫你開個Post出黎狠狠地打我臉。從今以後我年年捐十一萬、你年年捐廿二萬打我臉,學dead body講句「摑到保皇黨口腫臉腫」,很爽是吧?你怎能衰過人西?世界上有咩野侮辱得過衰過我?(當然,我個人還是覺得自己好過龍緯汶一點的)
我就係咁賤,我就係咁無底線,我就係咁為求目的不擇手段。我不理會別人怎樣看我、怎樣說我,我有我的目標,我有我的正義,誰都擋不住我的步伐。
我賤得別樹一格、我仆出一條新街,我蕩婦我驕傲,我八婆所以我存在。
廢話少說:第一屆人妻先生打臉大賽,開始!
#說的比做的漂亮
#與其睇一個人講乜不如睇一個人做乜
#睇KOL同埋睇男人都係一樣
#怒搖知馬力
#入久見人心
#哎喲又打錯字添
#我存在的本質係一種嘲諷
#當然連自己也會嘲諷了好不好
#但講真嘅大家有餘力請繼續幫手捐助前線義工
#最後非常衷心感謝每一個課金睇我寫甜故嘅讀者大人
#你們才是真正的英雄
#我只是借花獻佛而已
呢個係我patreon,專寫甜故廢文,請大家入錢入錢入錢 (留意扣數係扣美金,經濟唔好,大家課最平嘅3美金已經好好),所有收益繼續捐給前線🙈🙈🙈:
https://www.patreon.com/mrwife
睇kol同埋睇男人都係一樣 在 Chinese_Word_Cloud/text.txt at master - GitHub 的推薦與評價
(搭訕) 點樣問某U記職員拎電話做人做到我咁好垃圾終於係街撞到ex... 男人=理性動物女人=感性動物認唔認同? 點解女仔咁鍾意公仔,仲要放到你一屋都係25歲拍長拖有 ... ... <看更多>
睇kol同埋睇男人都係一樣 在 你的KOL也必如何| 月海今周本有兩件事想寫,一是電影 ... 的推薦與評價
睇呢啲所謂KOL拍無營養嘅片,係浪費青春! 仲要俾佢賺廣告費, 賺埋賺埋... 再炫富俾你睇翻... ... <看更多>