BE專訪・193 x JNY ——《老少咸宜的chok情歌》
身為一個人老公嘅JNY同埋千千萬萬人老公嘅193，打破一般流行情歌嘅框框，合作推出一首chok到飛起嘅型格情歌——《你是我的Bae》。��旋律抓耳歌詞亦都好洗腦，大約聽3次，全日腦海裡面就已經「You are my bae, you are my bae…」loop個不停，三爺話當初收到呢首歌嘅時候已經覺得好好聽，出街後甚至連舊朋友都忍唔住whatsapp佢盛讚，仲表示好聽過三爺首《睡到三點》。（笑）
《你是我的Bae》其實係製作人JNY solo project裡面嘅頭炮，而今次呢個solo project嘅合作單位眾多，除咗三爺，可公開嘅情報裡面仲有林家謙、TomFatKi、石山街、蛋撻頭等等，另外仲有兩個三爺口中「估唔到佢哋會合作」嘅隱藏人物留待大家拆禮物～JNY更表示每一個合作都有唔同嘅曲風同感覺，希望俾大家見到廣東歌嘅無限可能性，而三爺嘅呢一站，就係負責chok住唱型格情歌喇。
講到MV裡面兩個捏車爭女仔，JNY同三爺都不約而同話現實中唔鍾意爭，而已婚嘅JNY就隨即醒目補充「如果對象係老婆就梗係要爭」。雖然自言係被動派，但三爺表示如果真係好鍾意嘅話都會主動去追，因為唔主動對方可能隨時被人追走，「想要咪去咯，最多𤓓咗啫，咁咪𤓓咯，咪樣衰咯⋯⋯不過so far都冇乜試過嘅（笑）。」
談及歌曲target嘅觀眾，三爺曾經喺訪問中揚言呢首係俾「老MK妹」聽嘅歌，但深思後又笑說其實應該target最後生嘅MK妹，因為佢哋10年後仲可以課金支持咁話～不過認真mode嚟講，佢哋話其實《你是我的Bae》係適合所有年齡層嘅歌，因為無論邊個年紀都需要情歌，小至十零歲學生妹，大至七老八十嘅銀髮「老MK」都一樣能夠談情。
畢竟情歌那麼多，有型hiphop廣東話情歌真係唔係下下有貨，所以無論係追人定被人追緊嗰個，都可以chill住聽下呢首chok情歌，幻想下如果你係MV女主角，你會揀怕醜內斂嘅JNY，定係活潑進取嘅193？
JNYBeatz 郭嘉駿 Denis Kwok 193
#你是我的Bae #JNYBeatz #郭嘉駿193
睡到三點女主角 在 193自肥MV孖人氣YouTuber同牀共枕自家製睡衣粉絲搶住要 的推薦與評價
193的自肥企畫包括推出個人單曲、穿自己設計的服裝拍MV，並邀請KOL做女主角. 昨晚一集終於播出193的處男Solo歌《睡到三點》的MV，歌曲由Madboii負責 ... ... <看更多>