唔知哪來嘅勇氣，我哋前幾日幫朋友做咗一日保母。
我哋兩個人完全無湊仔經驗，
連抱BB 都唔熟手。
我嘅策略係氹BB大覺瞓，
咁我就可以甩身做自己嘢😂
但係我真係太睇小BB呢種生物。
11點，BB嚟到。
餵食用咗一個鐘，
但係佢只係食咗二十分之一個餐包仔，
同埋十粒八粒星星餅。
1點，BB平時嘅瞓晏覺時間，
🙎🏻♂️抱住BB氹佢瞓，
搞咗個幾鐘，最後BB瞓得廿分鐘，醒咗😂
瞓唔著就唯有餵BB食吓奶玩一陣，
差唔多4點鐘，我再挑戰氹BB瞓覺。
佢好扭抱，要抱住先瞓得著，
我唔知自己氹咗幾耐佢先瞓得著，
但係見到佢瞓著嗰刻我覺得自己得到咗全世界，
因為BB瞓覺嘅樣真係好好J😂
但係問題又嚟喇，
我張床無欄，萬一佢瞓瞓吓碌落床就仆街喇。
我只係可以坐喺佢隔離㩒電話，隔幾秒就要望吓佢驚佢起身就擒床。
瞓咗一粒鐘，收到BB老母指令唔可以俾佢瞓太耐，唔係夜晚瞓唔到就仆街喇。
於是又拿拿臨叫醒佢，
繼續抱吓玩吓食吓星星餅。
下晝六點半，BB老豆終於嚟接返BB。
嗰日抱住BB都唔覺手軟，但係到第二日我對手攰到拎支水都覺得好重🙄 肌肉又酸又痛。
真心BB雖然難搞，但係呢種生物真係世界上最甜蜜嘅負擔，幾重都好，佢需要你你就唔會捨得放低。
Salute to all 老母，又要生又要養又要教，仲要係一世。
瞓晏覺時間 在 #瞓晏覺 - Explore | Facebook 的推薦與評價
瞓晏覺 唔只會令身體健康D，同時仲會令人頭腦精靈D！仲有瞓晏覺唔駛好長時間，. 從幾秒到半個鐘，諗緊點樣令員工效率提高的 ... ... <看更多>