小妹:古有劉備三顧草廬,今有女子三次試探銀行職員,精誠所至,而職員不為所動,堅守客戶隱私,其操守值得嘉許也!掌聲鼓勵鼓勵👏🏻👏🏻👏🏻
花生指數(FSI):🥜🥜🥜🥜
(如果留言夠50粒🥜,就會送本《銀行小妹甩轆日記》俾投稿者,小妹話嘅!)
**轉載自[貼地銀行妹 (只因被人鬧到貼地!)]分享,小妹編輯**
第一日🌞
一個貌似連26個英文字母都未識晒嘅女子,用唔純正嘅廣東話問:「我個親戚開咗戶口,但唔知有無開到外幣戶口,可以尺(check)到嗎?」
我:「戶主不在,不可查詢!」
女:「我有張卡影像,你幫我尺(check)!」
我:「唔好意思!非本人不可查詢第三者戶口!」
於是,女子離開。
第二日🌝
同一女子再問:「我朋友開咗個戶口,呢張提款卡相,仲有佢個身份證相,可以入美元嗎?」
我:「唔好意思,呢張係臨時提款卡,無任何賬號顯示,須本人核證身份查詢。🤗」
女子灰溜溜離開。
第三日🌚
離遠見到人影,我已經心諗:又係你啊小姐?!你唔悶我都厭啦!
同一女子再問:「我有個客要交保費,要匯款入佢自己戶口,你同我客講!」
然後夾硬一嘢塞佢個電話俾我,要我同電話入面嗰個人對話!
我連忙甩手擰頭(普):「對不起!麻煩所有查詢請他本人直接致電本銀行客戶服務熱線。另外,本行與你這代理的保險公司沒有關聯。」
各位見唔見到條界線啊?我而家好努力劃清緊🚣🚣🚣
跟著將電話俾番呢個女子,個保險代理仍然死厚臉皮要我查:「你幫我尺(check)!幫我尺(check)!」
「尺」你條尾咩!其實三日都係查緊同一個人資料,真係想問佢個保險牌點考返嚟㗎!知唔知咩叫私隱啊?!差啲想去保監投訴!😤
--------------------
如果你都想分享在銀行的經歷,歡迎Inbox或投稿:http://bit.ly/2hoa7Ng
--------------------
【銀行小妹甩轆日記】現正發售🌟
點子出版 💡
書展攤位:1A - B16
--------------------
#書展2017 #支持本地創作 #點子出版 #銀行小妹甩轆日記
圖片來源:家有囍事
同時也有3部Youtube影片,追蹤數超過3萬的網紅MEeeep More,也在其Youtube影片中提到,呢兩日大家打開Whatsapp嘅時候,有冇發覺會有個視窗彈出嚟,要求你哋同意新嘅私隱條款先俾你哋繼續用Whatsapp?呢件事一出即刻引起好多人不滿,等我哋一齊睇下究竟係咩事? 事關Whatsapp係1月6日就宣布更改私隱條款,並係7號開始陸續向用戶發出通知,要求用戶同意Whatsapp與Face...
知唔知咩叫私隱 在 辦公室日報 Facebook 的最讚貼文
我公司個 Receptionist走咗 ~~ 我真係好想開香檳
我咁講雖然好衰, 不過睇埋你就明, 唔係個 Receptionist靚唔靚嘅問題, 而係佢真係八卦到一個點, 唔做差佬卧底浪費咗佢, 香港肯定破少幾單大案, 而且佢八埋八埋用嚟是非當人情, 用A講嘅嘢討好阿B, 用B嘅嘢巴結阿C, 如此類推不斷循環。
你可能會話, 唔同佢講嘢咪得囉!係嘅, 但我一入公司就係呢個 Receptionist, 我哋做 HR 都幾倚賴 Receptionist, 事關每日太多人上嚟見工, 佢嘅其中一個職責就係安排房間, 所以好多時要同佢交接, 而且佢表面上都好識做人, 特別係最初嗰陣, 噓寒問暖, 傾下閒計, 你出入去廁所都要經過 Reception, 好難唔講嘢。
咁點解對佢反感呢? 因為我開始發覺唔對路, 佢多咗同我講阿邊個邊個幾錢人工, 又話邊個邊個喺咩學校畢業, 仲有邊條team個阿head好衰等等, 我唔知佢係點樣同人交換訊息, 但情況就係你同corner位個同事完全唔熟, 都可以好快知道佢結婚未? 住邊? 人工幾多? 仔女幾大? 佢嗰team發生咩事? 真心講, 咁樣其實好恐怖。
當然公司亦有啲老江湖, 特登借佢把口, 將某啲訊息發散俾成層樓百幾人聽, 咁你放心, 呢位 Receptionist一定辦得到, 效率仲好高, 臨尾例牌贈你一句: 唔好話俾人知, 而實情係連茶水阿姐都知。
仲有一樣特點, 就係呢個 Receptionist只會chok人哋嘅嘢, 但從來唔講自己任何嘢, 呢啲咪乞人憎囉, 因為佢根本冇當任何人係朋友, 佢只有一個目的, 就係八盡天下事, 然後食花生, 有時就算你嗰句嘢係講笑, 但經佢演繹完再講俾其他人聽, 真係分分鐘得罪人都唔知發生咩事。
我自問都算識得大體, 但有幾次都差啲想開佢波, 因為啲求職者嚟見完工, 佢總係鍾意問人哋見咩公司? 咩position? 幾錢人工? 幾歲? 直頭係查家宅, 坦白講, 大家做呢行, 究竟你知唔知咩係私隱呀? 如果要咁樣回你一句, 咪盞大家面左左, 所以我盡量沉住氣, 通常人哋嚟見marketing, 我就話佢嚟見cs, degree holder, 就話佢係 diploma 。
有次我 department 請人, 人哋嚟見完工, 佢已經即刻chok料, 叫幾錢人工? 住邊? 有咩經驗? 讀邊間U? 我話唔記得喇, 都擺明hea佢啦, 點知條八婆收唔到料, 仲話返你轉頭, 話有冇搞錯呀, 見完都唔記得。先旨聲明, 我冇階級觀念, 我都係低下層出身, 但嗰刻真係火到想同佢講, 喂, 你咩身份呀? 我都未使同我老闆交代, 我見完個candidate要同個 Receptionist報告? 不如我直情寫份report俾你, 佢second in你入埋嚟見好唔好? 你分下庄閒啦唔該!
後尾先知道, 原來係隔離team某同事想知我哋請咗咩人, 明白晒, 原來佢有任務在身, 想喺我度索料然後又當人情用, 真係DLLM。
我冇爆佢seed, 因為我當時已經知佢辭左職, 話人工少, 多嘢做喎。是L但啦, 同就快離職嘅同事開拖, 係最唔明智, 所以我忍到最後一刻, 心中暗喜日日倒數, 同埋緊記以後同 Receptionist可以客客氣氣以禮相待, 但千祈唔好傾閒計, 熟咗就真係捉蟲。
=========================
#八婆 #八婆同事 #是非當人情 #知唔知咩叫私隱
知唔知咩叫私隱 在 企業號航行網誌 Facebook 的最佳貼文
其實依家啲候選人知唔知咩叫私隱呢?
佢地知唔知咩叫做 BCC 呢?
依家咁全部開哂全名真係多謝你喇
知唔知咩叫私隱 在 MEeeep More Youtube 的最讚貼文
呢兩日大家打開Whatsapp嘅時候,有冇發覺會有個視窗彈出嚟,要求你哋同意新嘅私隱條款先俾你哋繼續用Whatsapp?呢件事一出即刻引起好多人不滿,等我哋一齊睇下究竟係咩事?
事關Whatsapp係1月6日就宣布更改私隱條款,並係7號開始陸續向用戶發出通知,要求用戶同意Whatsapp與Facebook共享用戶資訊,等Facebook可以向用戶改善個人化廣告,以及提供Facebook產品俾Whatsapp用戶等等。仲話,如果用戶係2月8號之前仍然未同意,或拒絕條款,就會被刪除帳號,不能夠繼續使用Whatsapp。雖然大家都知道Whatsapp同Facebook係屬於同一間公司,互相分享用戶資訊都唔係咩新鮮事,但今次用戶一拒絕就會被刪除帳戶,引起好多人嘅不滿。
今次Whatsapp收集嘅用戶資訊唔少,包括電話號碼、相片、聯絡人資料,甚至IP位置、定位資訊都會被收集。不過Whatsapp自己就強調,用戶嘅訊息內容仍然有保障,發送出去嘅訊息並唔會保留係Whatsapp嘅伺服器,收集嘅個人資料只會作改善廣告嘅用途,叫大家唔使擔心。
如果你問我,Whatsapp 既然係一個一定要用嘅軟件,睇嚟我哋暫時只有一個選擇,就係同意呢個條款。
知唔知咩叫私隱 在 李根興 Edwin商舖創業及投資分享 Youtube 的最佳貼文
INSEAD 知識分享【做生意如打仗 - 尋找 Blue Ocean 的六條新路】
如果你的競爭對手比你更強,你應該如何打勝這場仗呢? 根據 Blue Ocean Strategy 藍海策略之父 W. Chan Kim,有六條路「打勝」這場仗。你應如何應用?
聯絡李根興 WhatsApp (+852) 90361143
全文內容:
做生意好似打仗咁, 如果你嘅敵人好強,你同佢正面交鋒 ,即使你贏,你都只係慘勝。 你會好傷。
你同個強過你的競爭對手鬥平 鬥靚,就等如係同佢係正面交鋒。 呢個係一個紅海, 互相廝殺,血染大海。咁點呢?
我星期六經常同唔同嘅朋友交流下做生意心得, 4位,人少少方便傾計, 如果你有興趣參加,可以whatsapp你張卡片畀我助手 Suki 5566 1335, 免費,我請食飯, 大家交個朋友。
前排就同其中一做開手袋嘅朋友Brainstorm 下佢盤生意點可以突破。 始終牽涉私隱,唔好開佢公司或人名啦。Let's call him Peter.
Peter 好成功, 紅褲仔出身,廿年前由東南亞 OEM (Original Equipment Manufacturer) 做起, 即係幫人哋嘅品牌生產手袋。 前幾年就建立埋自己嘅品牌, 有埋自己十間八間嘅專門店, 賣到全世界都有佢嘅袋。 (為保障佢私隱,上面有啲內容我修改咗些少。)
表面上好成功,但老實說,佢都話做得好辛苦, 俾大品牌挨住嚟打。肺炎疫情更加唔洗講,基本上每個月蝕住做。
我同佢講, 佢就好似正面地同強過自己嘅敵人打仗咁, 敵人就係 LV,Chanel,Gucci,Prada 等, 佢哋永遠都喺度, 鬥平或者鬥靚,即使打贏場硬仗,好大機會即使打贏,自己都只會受重傷,慘勝。
要打佢,就應該從側邊打。 攻佢一啲佢唔為意嘅地方。 吸嗰啲根本唔會幫襯佢或就嚟發想想再幫襯佢嘅客人。吸佢嘅 Non-Customers。
你諗下,如果喺街上面問一百個人, 佢哋有冇買LV/Gucci 手袋,99個都可能答你「無買」 或唔打算「再買」。 只係得一個有。 咁你同佢打就唔應該搶嗰一個客,而係應該target嗰99個 non-customers。而嗰99個non-customers 入面,只要有一個願意幫襯你,你嘅市場佔有率就係50%,有兩個幫襯你,你嘅市佔率係66%。
你係要target嗰啲「買袋 for those do not enjoy 買袋嘅客人」。
點搵? 根據Blue Ocean Strategy 藍海策略之父 W. Chan Kim 有六條路, 唔需要條條行曬,行通一條已經足夠。
(1) Across alternative industries 跨越另一選擇行業, (2) Across strategic groups 跨越策略性群組, (3) Across chain of buyers 跨越買家決策鏈, (4) Across complementary services or products 跨越協同效應服務或產品, (5) Across functional-emotional appeal 跨越功能及情感的吸引力, (6) Across time and trend 跨越時間及趨勢.
我同Peter講, 你做手袋可唔可以試下以上六條路。
(1) Across alternative industries 跨越另一選擇行業, 例如我做商舖基金,就係跨越咗兩個行業 - 商舖及基金。 啲人覺得買舖好煩嘅,就會買我嘅商舖基金。一樣係「買舖 for those do not enjoy 買舖。」
當時我哋食緊飯,我同Peter講:「咁你又可唔可以考慮將手袋 cross 另一個行業呢? 好似我哋而家食完飯,成枱都係餸,你又可唔可以推出一啲名牌專打包外賣嘅手袋賣俾餐廳? 環保啲、保溫好啲、 款式多啲,咁餐廳可以轉售畀個客人圖利, 咁就唔會直接同 LV / Gucci 競爭, 咁會唔會吸到嗰99%嘅non-customers, 用手袋 cross Catering 餐飲,又會唔會殺出條血路呢?
(2) Across strategic groups 跨越策略性群組。 一個手袋,可以買亦可以租。係兩個Strategic Groups。既然係咁,可唔可以推出一啲月租計劃, 月費500蚊,預繳每年6000蚊,就每個月無上限,只要個客寄返個袋返嚟,就換個新袋畀佢用呢? 甚至乎搵個形象顧問,幫個客度埋嗰個月嘅新形象,畀啲surprise個客。 咁嘅話,會唔會吸引咗好多老公,幫老婆買個plan送俾佢呢? 咁老公唔使煩,老婆又有surprises。 咁係唔係「買手袋 for those do not enjoy 買手袋? 」 LV / Gucci 嘅 non-customers?
(3) Across chain of buyers 跨越買家決策鏈。 買手袋,有 users 用家 (可能係個阿太),payers 俾錢嗰個 (可能係個老公),influencers 具影響力嘅人 (可能係啲KOL,佢側邊啲阿太朋友或者仔女),critics 評論者 (可能係啲雜誌/網上專家), 上面咁多人,其實每一層都可能影響咗成個買袋嘅過程。 你想賣多啲袋,rather than 好似LV/Gucci 咁狂賣廣告, 不如可唔可以洗啲錢喺唔同層次上面影響個買家呢? 例如專門 target 啲孝順仔女, 唔知你點樣設計個手袋法, 但畀啲仔女感覺到話想阿媽用了個袋後就會「健康」啲,「青春」啲? 或者專門送啲手袋畀KOL (Key Opinion Leaders),俾啲阿太見到,佢哋又跟住買呢?
(4) Across complementary services and products 跨越協同效應服務或產品, 好似外國嘅IKEA, 通常都有個 Child Care Center, 比啲阿媽免費放低個仔女幾個鐘? 入面免費有嘢食,有嘢玩。點解? 佢呢就可以有時間入去 IKEA shopping。放低十次唔買,第十一次,冇嘢做,行下行下自然會買。 買一次就能賺返曬返嚟。
我同佢講:「咁你做手袋專門店, 又可唔可以試下提供一啲免費嘅協同效應服務,例如, 修甲、吹頭、 即場享用嘅修身飲品,whatever, 總之就吸咗個客入嚟舖頭先,十次唔幫襯,第十一次自然會買個袋。 有冇留意到坊間有好多品牌其實都已經做緊同樣嘅嘢,皇后大道中嘅 Mercedes 餐廳,銅鑼灣嘅Leica Cafe 等。
我自己日日拍片畀你免費睇,其實都係行緊呢條 Complementary 路,你睇下睇下, 睇咗100條,1000條,遲早有一日你會買返間舖。 到時第一個搵邊個? 你都可能會考慮下我。
(5) Across functional-emotional appeal 跨越功能及情感的吸引力。 要贏人,就唔好淨係鬥價或者質量。 等如買部手機咁, 唔係function勁就贏曬。 蘋果手機好多嘢都過人,但硬係有好多蘋果迷, 情感上就係要買蘋果。 佢哋多啲錢,都要願意買啲渣啲嘅產品。 呢個就係 Emotion 大過 Function.
包括我在內,點解人地幫我買舖? 可能睇咗我300條片之後,覺得呢條粉腸李根興,日睇舖晚睇舖, 講埋啲乜鬼個人道理/故事,放埋佢老婆仔女上網,感覺呃人都呃極有個譜 , 唔介意畀啲錢佢賺下。
我同Peter 講,你背後又有咩故事同人分享呢? 你盤生意呢?人哋feel唔feel到你呢? 你有乜嘢去 drive emotion 呢?
(6) Across time and trend 跨越時間及趨勢. 隨著時間同埋趨勢/科技嘅改變, 今時今日先有機會有 Deliveroo / Food Panda 等叫外賣應用程式, 網絡速度快才能做到。 以前網絡好慢嘅時候,根本做唔到。我同Peter 講,手袋一樣,有無可能推出一啲袋, 每日可以 track 住佢去邊度,提出消費建議。又或者佢唔使拎銀包出嚟就方便畀到/收到錢呢? Whatever ...
目的就係吸引嗰班 LV/Gucci 嘅 Non-Customers。 只要你吸到1%,你就有50% market share. 唔需要六條路行曬,行通一條已經可以不得了。
我同Peter佢講,there is nothing wrong with what you are doimg now. 正面交鋒,鬥平鬥靚, 養活咗99%中小企。 不過佢哋大部分都只係繼續浮浮沉沉, 要突破嘅話,就係要搵到你嘅藍海。
藍海唔係喺Customers 道搵,而係喺 Non-Customers 道搵。 唔係要去爭,而係要做大個餅。Not Compete, but to Create.
如果我買賣舖,下下都要鬥平 鬥靚,根本無錢賺。 論身家,大把舖王多我幾百倍。但點解過幾年, 係市場嚟買賣賺錢嘅街舖 ,按宗數我哋能夠佔超過五成嘅市佔率? 就係因為我哋吸咗嗰1%嘅 non-customers。
「買舖 for those do not enjoy 買舖。」 我哋搵到我哋嘅藍海。
你呢? 你有無更強嘅競爭對手? 你又係咪同人鬥平鬥靚緊? 係咪正面交鋒到好攰呢? 試下用上面六種嘅方法, 從你嘅敵人側邊打佢, 唔需要條條行得通,只要行啱一條, 希望你盤生意之後長遠亦有所突破。
「做生意如打仗。遇上更強的敵人,要避免正面交鋒。 應從側面六條路,打他們唔為意的地方。」李根興
。。。。。。。。。
星期六我經常會搞下 Brainstorning-for-4 早餐/午餐會,大家交個朋友???? 互相俾下意見睇下盤生意有乜可以做好啲。
地點是中環。約3小時。
對象: 管理層/生意經營者/創業者
有興趣參加的話,請 whatsapp 你的名片給 Suki (我助手) 5566 1335。她會再聯絡你。
免費 (我不是靠這行搵食?)。我請食飯 ? Be friends ..... 多謝! 李根興 Edwin
www.edwinlee.com.hk
知唔知咩叫私隱 在 memehongkong Youtube 的最讚貼文
又有著數嘢益大家啦!食個韓燒,仲要唔限消費金額,就有機會贏韓國雙人來回機票、迪士尼門票等等,總共有14個得獎名額啊!
頭獎 韓國雙人來回機票2張【名額1個】
二獎 木槿花韓牛專門店禮券$3000【名額1個】
三獎 迪士尼門票2張 價值$1238【名額1個】
特別獎 興中會2位任飲紅白酒、生啤【名額1個】
安慰獎 10份百佳禮券$200【名額10個】
【遊戲題目】
1. 木槿花喺韓國又叫咩花?
2. 呢個遊戲邊份獎品最吸引你?點解呢?
截止日期:31/5/2019
參加方法:
Step 1: Like及Follow #木槿花韓牛專門店Facebook專頁(請cap圖)
Step 2: 按入呢條link:https://bit.ly/2GuzXO1,like & Share呢條link個post,記得設定為公開(請cap圖)
Step 3: 在該post留言tag 3位朋友,並回答以上兩條問題
Step 4: 影低你即日起計喺木槿花韓牛專門店嘅消費收據1張(金額不限),並comment展示
*溫馨小提示:以上嘅steps都要喺@木槿花韓牛專門店Facebook專頁進行啊~之後木槿花韓牛專門店會揀答得最好嘅14位參加者為得獎者,快啲去參加啦!
活動條款及細則:
1. 截止日期為2019年5月31日(星期五)23:59
2. 得獎公佈安排:得獎名單將於2019年6月6日(星期四)公佈,得獎者須於6月14日(星期五)或之前將個人資料(身分證號碼頭4位數字、中英文全名、電話號碼、電郵地址)inbox到木槿花韓牛專門店 Facebook。得獎者將有專人通知領獎詳情
3. 獎品不可兌換現金及/或作任何替換
4. 每位Facebook用戶只可參加一次,並不接受經編輯過之答案
5. 元卓集團或旗下公司員工及家屬不得參與
6. 徵集之個人資料,會遵守香港法例第486章《個人資料(私隱)條例》的要求作維護及使用。
7. 頭獎所送雙人來回機票為經濟客位,有效日期為2019年6月15日 - 2020年6月14日
8. 如有任何爭議,木槿花韓牛專門店保留最終決定權
謎米新聞:news.memehk.com
謎米香港: www.memehk.com
Facebook:www.facebook.com/memehkdotcom
知唔知咩叫私隱 在 防止Facebook偷聽!教你關閉站外動態功能+拒絕特製廣告 的推薦與評價
什麼叫Facebook偷聽? 相信大家都有相同的經歷,曾與朋友討論或是曾上網搜尋某件事情或是產品,之後就會於Facebook出現該物品的廣告! 唔想再被Facebook偷聽按此...... 如何關閉Facebook偷聽? 「Facebook站外動態」能監視你的上網活動,只要所使用的應用程式或是瀏灠的網站,有以Facebook用戶登入或曾連接於Facebook帳戶,即同意及授權該網站或應用程式使用你的個人資訊, 關閉功能按此...... ... <看更多>