［RIP 雪茄伏，RIP高增長高回報高息高通脹］同雪茄伏一齊死嘅，就係高息年代
1. 一見到迫京撩時係雪茄伏伏爾克，我就知佢死了。九十歲人，入院都唔會係新聞，更加唔會係出嚟出任咩職位，亦唔會係指點江山。就只有死，先會見報。
2. 前聯儲局主席雪茄伏呢啲，講出嚟真係出賣年紀。事實雪茄伏都唔係我年代嘅嘢，只係從前輩口中聽到。
3. 請循其本，我78年出世，雪茄伏擔任聯儲局主席，直到87 年，我9歲。9歲應該識美國總統，但唔會識聯儲局主席了。
4. 事實我同我嘅朋友，絶大多數都係「格林斯潘年代」。無他，格林斯潘一做就廿年，六任總統，史上最長。由我小學去到我出嚟做嘢，我啲同學樓都買埋仔都生埋。打後直升機賓，Master Mind老嘢伯南克，都不過係八年，不過有份金融海嘯救火。之後邵音音耶倫，四年貨仔。（對，張圖未最update，但靚）
5. 難講話做得好唔好，但呢幾任聯儲局主席，同所有名人一樣，後日總會拎一兩個點去評價佢地。邵音音耶倫，當然就係同侵侵不和，短命種。直升機賓伯南克，當然係金融海嘯量化寬鬆印銀紙（點解你買唔到樓？問佢啦），古語有云：伯南克放水淹七軍 周小川抬櫬決死戰．格林斯潘？當然係講晚節不保，一度被譽為史上最佳，但最後被人覺得佢加息太慢，種下金融海嘯嘅禍根畀伯南克執手尾。
6. 雪茄伏呢？唔使睇新聞稿都知，當然係佢高人一等。六尺七嘅巨人（留意之後都冇一個過六尺，聯儲局主席係矮仔多，多計啲？）。當然仲有，有名你叫，食雪茄。嗰個年代仲可以咁，正如當年德甲球會史浩克零四嘅阿蘇拿，場場都煲雪茄（結果年頭死埋）。
7. 但雪茄伏最令人記得嘅，唔係雪茄，唔只係身高。而係「伏」。佢就係降伏咗通脹巨獸（所以你睇中文花名譯得幾好）。
8. 睇圖都睇到，雪茄伏年代，聯邦基金利率遠高於而家。所以就有話利率同主席身高有關係。
9. 圖冇話你知嘅，就係當年聯邦基金利率有幾高。答案係：22.4厘
10. 你冇睇錯，唔係2.24厘，係22.4厘。你可以想像下嗰個係一個咩年代。所以而家嗰啲咩加一兩厘息話要斷供嘅，四厘息都供唔起樓嘅，當初根本就唔應該買樓。
11. 因乜當年利率咁高？經濟101（未必準，但當住準先）教你，一係經濟好勁，一係通脹好強。當年比較係後者。石油危機，美國嘅通脹去到接近15%（而家好難想像）。雪茄伏果斷加息，加到你驚，成功降伏呢隻巨獸（其實未必完全關事，畢竟石油價格受其他嘢影響多啲），之後通脹去返兩三厘，然後埋下美好嘅高增長低通脹全民就業年代畀格林斯潘。功德無量。
12. 想講嘅係，雪茄伏一死，亦同時代表嗰個年代一去不返。嗰個高增長高息高通脹嘅年代。而家就係低增長低息同埋好似低通脹嘅年代—但資產價格係咁升，我懷疑官方嘅通脹數據搵你笨。
13. 點解低增長，不難解。人口老化，中國又冇晒人口紅利，收入又開始高，冇咗早幾十年果種源源不絶嘅勞動力。
14. 有趣（？）嘅係，高息嘅年代，股票不見得特別差，高增長嘛。而家低息年代呢，股票可能冇咁好，但考慮到機會成本低咁多，其實表現仲勁（雪茄伏年代講緊買美債係16厘息，但而家買債係1.6厘息，死未）
15. 即係話，經濟又好，股市又好，高息有高息玩，低息有低息玩。咁咩人係大輸家？你話呢？
16. 真係信2%通脹？祝你好運
17. 望股災望金融危機再洗牌？08年仲唔股災？結果點？畀人呃足十一年仲唔夠？使唔使貼多次「QE如碟仙 易請難送」？
石油危機美國 在 石油危機全球去美元化！｜中國促和中東局勢破解陰謀，美軍 ... 的推薦與評價
美元石油被人民幣瓦解，拜登警告中東盟友遠離中國！｜ 美國 製造戰爭控制油價， 石油危機 全球去美元化！｜中國促和中東局勢破解陰謀，美軍士兵為何要泄密 ... ... <看更多>