Search
美食博覽開鑼了，身為社企大使嘅我當然要去同佢哋打打氣!
每一家社企都有自己的故事和理念，為社會上的弱勢社群盡一分力。就好似「星星堂」的創辦人阿Jo 同 Daisy，為咗讓自己嘅「星兒」同埋其他媽媽嘅「星兒」有就業和培訓機會，喺 2013年放棄自己的事業而經營社企。
「星兒」製造的手工靚麵，每一啖都感受到愛。
邀請你，喺8月16號之前黎美食博覽 (1E展館，展位編號: 1E-C02)一齊為社企加油!
#社企故事動人 #理念代代傳薪 #社企 #phillam #林奕匡 #星星堂 #自閉症 #美食博覽
面對疫情，社企同全港中小企一樣都係艱苦經營。但係我信關關難過關關過，我哋對社企嘅支持係never end~~仲記得上年拍社企宣傳片時，見到佢哋除咗十分用心營運自己嘅業務，亦好著重回饋社會，當中仲有唔少令人感動嘅故事添!
大家居家抗疫時不妨上社企宣傳個Facebook發掘更多呀: www.facebook.com/sehk.gov.hk
#社企故事動人 #理念代代傳薪 #社會企業 #社企 #socialenterprises #SE #林奕匡 #PhilLam #HereWeAre
希望大家繼續支持社企!!
#社企故事動人 #理念代代傳薪 #社會企業
這間餐廳坐落在油麻地「旺區」的唐二樓，推門走進，偌大的進餐區一片死寂，是現時疫情中飲食業的寫照，但在廚房卻是繁忙依舊，廚工們正為稍後的派飯活動做準備。
派飯在兩年多前已經開始，社企餐廳「銀杏館」行政總裁麥敏媚說，起初派飯的對象只是餐廳附近的弱勢社群，如獨居長者及露宿者等，然而近日經濟轉差，多了不少新面孔前來。「有好多隱形需要，有批朋友可能面對失業已經幾個月」，而從他們的外表中其實難以辨認，「你睇到佢哋乾淨企理，點解會揹背嚢嚟拎呢？其實個個案係我早幾日見，佢最近係露宿者嚟。」
餐廳派的飯不是一式一樣，而是每天都有肉有素，總共三款供選擇，「人有選擇都好重要」，意念的背後是尊嚴。麥姑娘又指，其實部分受助朋友可能過往都沒有拿社會津貼，而他們的需要在今天可能更大。因此，她希望來拿飯盒的朋友都是很隨意的，無損人的尊嚴。
活動中，麥姑娘碰到不少令人難忘的個案，如有位中年男人每天堅持來拿兩個飯盒，原來他與傷殘的爸爸住在一個非常破爛的地方。他從荔枝角走到佐敦，每天來回兩次，拿過午飯回家跟爸爸吃，又再出發來拿晚餐，「佢每日來回就係因為呢兩個飯盒。」
麥姑娘感嘆每人背後其實都有故事，「能夠有一日三餐嘅人，未必明白由青衣坐兩蚊車，就為咗拎一個飯盒，因為佢唔使再為點果腹擔憂。」
面對更多的需要，同時餐廳跟其他同業一樣也抵受經營壓力，麥姑娘估計生意下跌了七至八成。餐廳於二月時曾停了一星期的晚市，晚上的派發活動亦因而被叫停。豈料麥姑娘很快便收到消息說很多露宿者反映，坊間不少社福機構都因疫情而暫停服務。她才恍然大悟︰「唔派好容易，但原來個飯咁重要！」
麥姑娘隨即在疫市中恢復派飯，甚至增加飯盒的數量，現時五間分店每日共派900個飯盒，與去年下半年比較多了一倍。麥姑娘強調行動只是回應社會需要，「依家經濟最艱難嘅時候，佢要嘅係一個真心煮出嚟嘅飯，你要用心做好佢」，她又指派飯可以繼續為長者員工提供工作機會，也是十分鼓舞。
現實的帳還是要算，她不諱言派飯是依靠市民捐贈支持，「喺困難嘅時候，如果我哋見到自己有，會唔會願意付出少少畀冇嘅人呢？呢個係我哋最想用呢個飯盒表達」。她也親手收過市民捐贈，感覺愛在流轉。因此她對有心人充滿信心，也視之為鼓勵，「有人話你知呢件事係啱嘅話，即使辛苦都要做。」
活動將派出去的飯盒命名為「福飯」，「喺呢個時刻有份參與，我諗都係福氣嚟嘅」，除了希望疫情快點過，麥姑娘也盼望來拿福飯的人滿載祝福，「佢今日諗起『福飯』，他朝佢可能靠自己去祝福其他人。」
銀杏館五間分店而家每日大概派900個飯盒，有興趣將呢份溫暖延續嘅朋友，可以去佢哋網站睇吓:
www.love.org.hk
除咗可以出錢認購飯盒，都可以捐抗疫物資或者出力做義工架??????
