【性別職場】黑絲原來太性感？ 既係勞工問題，亦係性別議題
網上流傳一篇職場熱話，指公司HR電郵發出指引，禁止女同事著黑色絲襪上班，理由係「太性感」。網民反應五花八門，有指「唔著黑絲，咪著魚網絲襪」，亦有網民關注勞工法例有冇規限同事上班衣著。
首先，《僱傭條例》下，並無明文規定僱主有權限制僱員上班衣著，當然個別行業，例如﹕保安員、空中服務員等等，喺入職嗰陣已經訂明必須著制服，可對制服標準有規範。因此，如果入職嗰陣冇列明或規限僱員上班穿著要求，法例上，僱主係唔能夠對僱員上班衣著有相關限制。
另一方面，就《性別歧視條例》而言，5 , 1 (b)(i). 有指﹕
任何人對該女性施加一項要求或條件，雖然他同樣地或會對男性施加該項要求或條件，但女性能符合該項要求或條件的人數比例，遠較男性能符合該項要求或條件的人數比例為少；即屬就本條例任何條文而言是有關的情況下，歧視該女性。
退一步假設「禁黑絲令」內容無分性別，但只要施行上影響女性嘅機會多過男性，僱主就可能會觸犯《性別歧視條例》，當然最終要視乎個案調查結果，由法庭決定。
但點解黑色絲襪就會被冠上「性感」嘅想像呢？而責任點解會落咗喺僱員身上呢？如果今日可以話因為絲襪太性感而禁止，咁第時會唔會白裇衫令人感覺很性感，HR又再出指引禁止同事穿白裇衫返工呢？
---
撰文：曾晴
禁止絲襪 在 世界上最恐怖絲襪釣蝦方法!!老闆怕到紛紛禁止超誇張!! - YouTube 的推薦與評價
禁止絲襪 #20幾年的傳說#橫行釣蝦界#老闆紛紛警告訂購誘餌粉連結: ... ... <看更多>